TVB介紹過&睇到D料幾多 好似好好食咁 就試下啦
於是買左個武大郎食 個包好熱 好辣手
咬落去 確實好多肉係入面
肉好淋 好多肉汁爆出黎
個皮硬身得黎有D脆既感覺
個包都幾大個 可惜係D肉有好多味精 太濃味 愈食愈鹹

今日經過燒餅皇見到有人排隊,有人買左好多

我見武大郎好似0岩0岩出左爐,就心郁郁想買件來試下係唔係咁好味先

揸上手熱辣辣聞落去好香!餅皮有小小紅色,一咬落去覺得有好大陣孜然香料味

裡面包左唔少蔥但一D蔥味都食唔出,因香料味已經將所有蔥味同鮮肉味掩蓋晒

跟住越食越鹹覺得好似食緊孜然蒸肉餅(但係完全冇肉味個隻)

真係鹹到我直情想0益碗飯來送

食到一半已經唔想食,但又唔想咁浪費,卒之勉強吞左落肚!

咁樣的武大郎見一次就夠!下次唔想再見!

2/OCT
妹子買完飲品後，就要去買我的正餐了~其實都不知吃甚麼好？買串燒~小吃~麵線定甚麼好呢？途經萬家燒餅，見到新鮮出爐武大郎喎~買個食剛剛好~但聽聞燒餅皇都好好食啵~選擇恐懼症的我就問問負責人邊個好食點？後悔了…她當然會說2個都好食喇！

喜料旁邊的阿姐說試下武大郎喇~有汁好食點！見她一次過買了6~7個就知道了…呀呀~~剛剛出爐的武大郎好像給她全包了~即時叫負責人要了個出鮮出爐武大郎試試…燒餅皇？妹子下次來才試吧！

好在在阿姐瘋狂買完後，熱盤上還剩2個~麻煩可否切開2邊？負責人即刻說：切左會漏汁架喎！係喎~妹子竟說了無聊問題！哈哈…

Wowowo….小心燙親咀仔呀，之前第一次食是這裡的龍鬚餅，材料豐富，細細個食一個都好滿足…何況這個武大郎呢？嘩~內涵多到爆炸~有豬肉~菜圃~蔥粒~香料等等…外皮脆脆地，底下有點像吃麵包的感覺。開始的時候妹子非常的小心亦亦…因為驚滴汁！但原來妹子吃到最後才漏到滿咀的是…哎呀~傻傻的妹子忘記了拿著吃的時候會因應重量關係，汁會向下…temple呀唔該~

this is a small shop for selling takeaway foods .

without any outstanding appearance & small in size ,

you would easily miss it when you come across the street

just as I missed the shop a few times when I walked along the street

If I didn't learn of this shop from openrice , I would just miss the chance

of tasting a delicious chinese style bun .


武大郎

it looked as if it was just taken out from the oven

the bun was hot & fresh , the texture was soft

the meat inside was large & thick ,

it was juicy enough , spicy but won't be unbearable for most ppl

believe me or not , for the price of only $10 ,

you can hardly buy a burger which is as good as this bun

25/7/2009 (星期六)
今日收工後要去旺角睇展覽，由於趕時間，所以决定買件武大郎食當一餐。

武大郎： 咬落口感覺到肉汁流出來，好香又好好食，好大個又好多料，而且仲熱辣辣，絕對新鮮制作，食完非常飽，十元一個非常抵食。

店內仲有其他好多款式的餅，燒餅皇、燒米餅都幾多人買，下次再去試下第二款。

叫左個胡椒餅...好熱.成個鍾仲好熱
後來...食個時...個皮薄料的肉都好食
又香
但胡椒味又無...只係辣..扣左的分
服務麻麻地.個店員好串

很少行登打士街,個日行過見到此間小店圍滿人,好奇一看...香港都有胡椒餅?不是台灣專利出名小吃來的嗎?於是等左成五分鐘,為吃一次香港新鮮出爐胡椒餅.

焗法:
台灣是有一個專用鐵爐,餅餅黏在鐵爐內壁上焗熟; 而香港是用普通焗爐, 台灣型的

外皮:
台灣是硬脆,有芝麻放面,所以很香; 而香港有點酥皮feel, 但一點不油,師傅個皮做得好, 各有各好

餡子:
其實台灣胡椒餅不太辣,勝在肉靚同香, 咬時肉汁有爆漿+'陸'親咀危險,但又忍唔住會在很熱時咬下去,有點'明知山有虎,偏向虎山行'的感覺

香港的是名副其實胡椒餅, 肉同菜比例差不多一比一, 吃時雖沒有爆漿危險, 但內有大量胡椒, 辣得來很痛快, 同埋多菜,很適合我此等減肥人士吃,犯罪感冇咁重

個人感想: 如果可以將台灣個皮包香港個餡就好 ......

佢好似有很多不同燒餅, 下次一定要試!!

其實出開旺角 見肚餓 都會黎呢度買燒餅食
因為10蚊1個 大大個 又飽肚又好味
今日1次過買晒3款佢地既招牌餅黎食
1次滿足晒3個願望

武大郎 入面d肉有菜圃 辣辣地 好惹味
而且個餅唔乾 一啖咬落去 簡直係享受

燒餅王 感覺上係細舊版既武大郎
味道冇武大郎咁辣 加左d蔥係面 幾香口
如果撞正新鮮出爐 塊餅真係卜卜脆
小弟今日有幸試到新鮮既燒餅王 不枉此行!

三串金蓮 只係類似沙翁上面加d沙律醬 非常一般

總括黎講 如果好彩撞正新鮮出爐既話 就買燒餅王啦
否則就買武大郎啦 兩個都係咁好味!

萬家燒餅皇---武大郎(菜脯豬肉餡餅)+牙擦酥(紅豆沙酥餅)

日期：2009-10-13

在"萬家燒餅皇"(旺角)買了"武大郎(菜脯豬肉餡餅)"($10)和"牙擦酥(紅豆沙酥餅)"($5)。[前者用平底鍋翻熱數分鐘，後者用焗爐以200C翻熱3分鐘]

"萬家燒餅皇"是本地一間中式餅點小吃專門店，始於2006年。


1.武大郎(菜脯豬肉餡餅)---餡料是豬肉、菜脯(蘿蔔乾)和蔥粒。餅皮纖薄，口感微脆。餡料份量十足，豬肉肉質鬆軟，菜脯富嚼頭。豬肉用了小茴香、十三香、辣椒粉和孜然粉等十多種香料調味，香辣惹味。


2.牙擦酥(紅豆沙酥餅)---牙齒造型的酥餅表面沾上白砂糖，餡料是紅豆沙。酥餅十分鬆脆，豆沙餡份量足夠，紅豆味濃郁，甜味適中。

回家前想食少少野. 才發現自己冇禁錢. 櫃員機的隊排到水蛇咁長
左摷右摷被我發現身上還有13大元. 不能到添好運試個叉燒包. 就只好到萬家一嚐武大郎
一向本人去親萬家都係買米餅. 去過3,4次都未買過一件武大郎. 鬼咩, 自己一個食點食... 咁大件
武大郎厚度的確驚人, 眼望落去約左1吋半厚了. 聞落去已經好香

首次嚐武大郎.
一切開, 咸的確非常多, 皮薄.
肉頗為結實. 幾多汁, 入面有d 韭菜, 蔥既味. 另外仲有點胡椒, 食落個口有點熱熱地. 食唔到既人可能會覺得辣
個皮索晒d 肉汁, 林晒. 就好似浸過水的包咁. 認真麻麻, 如果換轉係燒米餅, 索過汁都依然煙韌, 就不大問題了.

試過這個後, 個人喜好還是喜歡米餅. 但未試過武大郎, 又點叫嚐過萬家呢.

其實一直好想試~ 不過似似都唔記得左~
有日行街見到~ 就醒起好想試好耐~
就買左個武太朗黎試啦~ 見到大大個又新鮮~
拎上手仲好熱~ 老闆好好人問~
洗唔洗一分為二阿?感覺好親切~
好啦~ 買左更係食啦~ 咬落去好多肉汁~
D肉好有肉味~ 唔似用過梳打粉整過~
而且大件夾抵食~ 一個人食好飽肚~
下次路過會試埋其他~

果日同個fd去買野食
原本諗住去M記，但系成日食
決定搵d新野
諗到食燒餅皇，我記得間野岩岩開果時都去過
不過系好耐之前噶事
再次食翻，真系唔錯
塊餅脆脆地，不過好似d肉就少過以前
不過還系值得去食噶，因為食左一塊就已經飽曬啦

同蝦子餅失落於油麻地某一粥店，唯有再戰旺角
先幫趁肥X小吃，再看見萬家燒餅皇的燒餅真係好吸引，終於唔放過佢
試左蘿白絲燒餅 ~ 外皮軟綿綿，好香蘿白味同埋有D肉碎，味道啱啱好。正
另外係胡椒餅 ~ 好香既胡椒味，辣辣地同好juicy。正正正
一定會再幫趁

上年返學, 幾乎日日食飯都會經過這兒, 偏偏試盡附近的小食店還未試過這裏...
這天因為大家的好評, 終於的起心肝去試......

我是一個很怕肉的人, 當然要有人跟我share才會去試這個"肉餅"...
但很難得...... 我居然吃完一啖又一啖...
事關中間的肉不乾也不膩, 絕對沒有滿口肥豬肉的感覺~
而且這種味道很特別, 很香~ (可能是因為我未去過台灣吃吧~)
$10 真是超值喔~~

最愛... 還是武大郎那個有點肉汁香的包面 XD"

我叫左個武大郎~
咬了一啖後...覺得好鍾意食肉的人先可以攪掂佢~
因為個肉實在太驚人了~
我好勉強先食得晒~ 食完好飽~ｈａｈａ～
但總括黎講都係好味的~ and 都好抵~
我欣賞佢個餅～　個餅好香～
個肉唔係熟肉~ 入面都有好多配料~ 有d 爽爽地~
但辣辣地幾惹味～下次叫下其他先～