我和男友也是喜歡吃喜歡HEA的人，所以我們十分喜歡這兒！
趁著男友放假，我們又來這兒，三個月沒有來，質素和上次一樣好 更多了些我喜歡的甜品！
這兒由一點吃到六點，可以慢慢嘆先來一碟三文魚，馬背刺身，味道鮮甜。鰻魚卷也不錯。
但這兒的煙三文魚幾次來也覺得太鹹，不太合口味
SHRIMP AND MANGO SALAD很好吃，蝦彈牙鮮甜。
我和男友很喜歡這兒的蕃茄軟包，蕃茄味香濃，很鬆軟，夾著BRIE/ EMMENTAL CHEESE加上SUNDRIED TOMATOES實在太美味，美味到相片也沒拍

甜品選擇很多，有大概十款，只拍了我最喜歡的APPLE CRUMBLE TART
TART皮十分鬆脆，牛油味濃，蘋果餡甜度適中，加上CRUMBLE的CINNAMON令我吃下五件之多 很喜歡這兒的茶有多種選擇，而且清晰列明各種功效！

自製蕃茄軟包加BRIE/ EMMENTAL CHEESE很好吃!

經常聽人講JW buffet 有幾好食，次次都聽到流哂口水。但因為價錢及book 位問題遲遲都唔去。今次終於都的起心肝，早2星期book 枱，品嚐下這個久仰大名左好耐嘅自助餐。

到達酒店大堂，已經俾佢嘅氣派吸引住。6星級酒店果然係6星級酒店

冷盤有3文魚刺身，煙3文魚，手掌咁大嘅龍蝦，藍青口，長腳蟹，麵包蟹。。。龍蝦有成隻手掌咁大呀，仲手金黃色嘅蝦糕，好鮮甜，又爽口脆皮。有龍蝦坐鎮，我平時最愛嘅3文魚都行埋一邊之後到第2必食item, 鵝肝。這間酒店的鵝肝不是即煎的，而是煎好了，再放係熱射燈下保持温度，難怪店內唔會被油煙味重重包圍啦。唔知係唔係一早煮好嘅關係，所以入口唔會油膩，唔會有飽滯嘅感覺，食多幾件都無問題呀

炆鮑魚，鮑魚切成薄片，易消化，而且又唔韌，好好味呀。

蠔油蚊花膠，女士對花膠一定愛不釋手。細細隻嘅花膠仔，炆得林，又入味甜品區，tiramisu 真係好好味呀，我食左4杯都仲想食呀，味道唔太甜，又有淡淡芝士味加酒香味，而且相當之滑。另外仲有chocolate.cake , macaroons ,ha gendz 雪糕。
cake好好味，酒店嘅甜品通常都係有水準嘅， 不過macaroons & icecream 就有啲失望， macaroons只有2種味，icecream 只有3種味，太少選擇了。

今日有D外國朋友番黎香港工幹兼探下我，咁我個朋友就話去下萬豪食下佢地Ｄ甜品，因為以前有個朋友極力推介佢地D cake但因為以前一直就唔到時間結果無去到，今次機會黎啦，咁就訂星期日一齊ＨＡＰＰＹ下，ＹＥＡＨ　ＹＥＡＨ　ＹＥＡＨ！！！

由於多人，所以酒店專登安排左圓枱比我地，方便大班人傾計，貼心服務good good!

現場等我去八下有乜野食先

老老實實呀，真係有Ｄ失望刺身冷櫃入面個Ｄ魚生種類選擇一Ｄ都唔多，基本都係得三文魚、八爪魚較為廉價的款色，個Ｄ螺居然可以硬到死死下，更有趣係，甜蝦出左一次就消失左，無再出現過

但要提一提原來係無生蠔，自己掛住Ｄ甜品所以無留意，但青口居然出左一陣都無埋＞＜而最值得讚賞嘅係蟹，鮮甜肉質靚。講下其他凍肉，質素ＯＫ　ＬＡ，其他得飯、意粉之類，熱食有焗蠔，花膠等，總括黎講比想像中差有點失落！！

食到７７８８啦，咁緊係去食中點甜品啦 Cake選擇多仲有馬卡龍餅同haagen dazs等，勁多選擇！鐘意食甜品的朋友一定要去，芝士蛋糕好正我同朋友樣樣分Ｄ，但都最少食左四件！！馬卡龍餅同haagen dazs每樣食左一件就算!!

總括黎講都係食甜品滿足，其他就有點失望

太座生日飯宴的下半場，來到JW Marriott的Lobby Lounge吃下午茶buffet....

這兒的自助餐一向有口皆碑，在所有有關自助餐的比拼排名中一直都屬前列份子。自己一向不是buffet粉絲的我也略聞其大名，記得在好多年前曾試過lunch buffet，留下的印象是頗不俗的....

抵達時小友仍在車上睡午覺，兩口子在安頓後便馬上趁機飛奔出去拿東西....

習慣上先取些沙律類來開開味蕾。意粉沙律味道普普通通，但可取的是切條紅與綠甜椒真的夠爽又夠甜；薯仔沙律內的薯仔不夠粉淰，是咬至嗦嗦有聲的；凱撒沙律是預先用了極多的奇妙醬去撈，完全不是那種的風味；蝦咯嗲反而甚不俗，醬汁帶微酸甚是濃厚惹味，蝦是比想像中的鮮爽....燒帆立貝是極度搶手的項目，一看到便馬上要即拿。帆立貝本身是頗鮮嫩厚肉的，可惜的是那個嗒落有點千島醬的醬汁的味道是太搶了....搶得主角的鮮甜味盡失，可謂大煞風景....兩款salami水準算是不過不失，入口尚夠油潤而鹹香亦足；日式冷麵則吃來志在清一清味蕾，沒有甚麼特別....在蒸籠內找到的中式點心算是有水平而且款式轉換頻率也夠高的。論最對版的當要數干蒸燒賣以及蝦餃 --- 前者內藏兩大只鮮蝦以及鮮豬肉作餡，味鮮甜而肉香濃；後者澄皮帶煙韌夠薄但不易破且黏性足。內裡的蝦肉及菜蔬是夠爽甜的，十分美味...另外香茅醃三文魚算是油量足夠滑溜不腥 (儘管香茅味道是不太明顯的)；相反那片燒牛肉卻是韌得可憐，差不多便要吐出來，太差勁...碗仔翅顏色呈跡近深褐，獻是推得厚如漿糊的，而且味是調得太鹹了，故儘管料頭是充足的但也無福消受了....吃至此時，小友睜開雙眼睡醒了，身為好爸爸的我自然要為他服務啦....結果就是拿了一大堆東西回來。义燒包內的醬汁是十分濃鹹，裡頭的义燒粒亦是瘦得有些嚡，也難怪他食了兩口後便將之放低了；英式鬆餅雖總共有三款選擇但自己只對有香橙味的有興趣。咬落缺點是質地太硬實不夠鬆軟的，甜度卻倒是適中。塗多一點果醬及clotted cream去吃還是可以的；三文治內的燒牛肉是冷冰冰之餘又乾爭爭，小友一咬後馬上吐出來....至於龍脷柳則沒試，不過看看小友吃後的反應，應似是ok的....即炒的茄汁鮮蝦意粉勝在新鮮熱辣，不過意粉實在是處理得太淰欠了咬口，茄醬本身已屬太酸；對一眾中式點心類懷有信心，再添食要了一隻雞扎，看上去細細件的的骰骰，肉餡內欠了平常見開的粗火腿條總覺好像少了甚麼似的，不過吃落沒有餿味而雞件亦見新鮮嫩滑的....見到有師傅堂弄生滾粥，粥迷如我當然要埋去湊吓熱鬧。貪心一點的甚麼配料也下了進去 --- 雞肉、魚片、皮蛋、肉片等共冶一爐，自然是食得滿口鮮甜。件頭夠大之餘粥底亦極綿沒甚妖邪味。下了大量葱花及菜甫進去同嚐，感覺極良好...食完粥，當成清理腸胃，之後又可開動引擎繼續吃了金菇肥牛卷極具份量，外層的和風燒汁甚惹甜很讓小友歡迎；很令人失望的，茄汁青口大部份竟是未開口的，叫人怎吃 ?；同是點心類的蒸潮州粉果賣相有點甩漏已扣了不少分數，再食將下去花生及菜甫粒也欠奉，食到的只是一團肥豬肉餡而已....最後的甜食環節同是未能令人滿意 ---- 款式沒預想中的豐富而味道也很soso，最突出的就只有那最普通的忌廉蛋糕，入皿是鬆軟而綿滑之外甜度亦調得剛剛好的；另外試了些許brownie，可可的濃度是太小兒科了，硬度反而卻不是如掟死狗一般的是得回少許credit；lemon meringue的外層忌亷尚算細滑，批底也不過硬，不過檸檬的清香是稍嫌未能彰顯....埋尾要了一杯淡到不能再淡，口感清新的花茶，同樣起了少許清腸胃的作用....與太太不約而同認為水準是比從前退步了許多的，是有點帶着"盛興而來，敗興而回"的強烈感覺....

與好久不見的老朋友見面, 找了個好點的地方聊天. 決定試試JW MARRIOTT的宵夜BUFFET.
大堂環境寬敞, 樓底特高, 是舒適的. 宵夜BUFFET有燒羊架, 牛柳, SALAD BAR, 魚生檔, 片皮鴨, 蒸點心, 粥粉麵檔, 熱菜類, 麻蓉湯丸,甜品站, 雪糕等等, 而今晚的主題是CHEESE, 還有CHEESE FOUNDUE供應, 選了配料以後, 拿了號碼牌, 侍應就會送上CHEESE火鍋, 不用你自己拿著, 非常貼心. 得知好友將快結婚, 實在是凳他高興, 而難得是他說想找我做[兄弟]. 哇, 真係莫大榮幸, 甘大個女都係第一次被邀請做[兄弟], 想到都覺得10分好玩.

而講到食物, 如果大家有吃過這裡的星期日BRUNCH BUFFET就會知道食材是何等鼎盛, 而相比起宵夜當然就無甘豐富, 而價錢也都差一半, 宵夜食物品種雖然不能稱上琳瑯滿目, 但質素都保證到. 個人最欣賞麵檔同點心, 蝦餃, 燒賣都好新鮮, 可惜的是因為蒸得過久, 蝦餃的皮都變得軟軟的, 有些黏著一齊的蝦餃一夾起來皮就裂開了. 皮裂開了不要緊, 最緊要餡好吃, 蝦仁爽滑, 配上肥豬肉, 香鮮融為一體, 不知不覺ENCORE了8粒.

另外值得讚的還有麵檔, 湯很香蝦味, 而無論菜心, 芥蘭都是嫩嫩的, 加上高湯後再配上自己最喜歡的蝦子, 美味不言而喻. 而且這個最好的是蝦子自己喜歡加多少就加多少. 而燒肉銀車上, 我去了粉嫩的羊架, 嫩嫩的, 非常軟, 沒有太大的羊羶味. 而中式熱葷試了鮑魚仔, 軟滑入味, 不過吃太多占太多空間, 而供應量是源源不絕的送上, 吃到你撐破肚皮位置, 期後還有餐茶, 我要了蘋果茶, 真的再也吃不下了.
當日$380+10%一位, 我是MEMBER, 有買一送一優惠, 兩人一共$456, 每人$228. 以環境, 食物品質和時間長短來說是值得一試的.

宵夜BUFFET是晚上8:00PM開始, 到晚上11:00PM, 不太喜歡早吃得, 的確可以去試試.

由於男友今天有私事要辦請了假
我也一於放自己半天假跟他一起偷偷閒
於下午偷閒的最佳節目一定是品嚐下午茶
千挑萬選下終於選了這間一直想要試的The Lounge!幸好這天是週五 即使只在兩天前訂位仍能留坐
早了少許到達 侍者都沒有待慢
先讓我們就坐休息 一到三點半 便通知我們可以開餐了魚生: 款式不多 只有三文魚和馬刀背 不過味道都算新鮮 馬刀貝超爽口
卷物: 這裡沒有壽司 取而代之的是幾款卷物 要數最特別的是裡頭包了芝士的一款 吃起來味道很濃 配搭新鮮 值得一試啊
沙律: 有幾款不同的沙律菜 樣子都很新鮮 而且有很多配料 如麵包粒 煙肉碎 粟米等 Dressing有常見的沙律醬外 還有意大利黑醋 任君選擇 不想自行調配的食客也可選已混好的沙律 如薯仔沙律 長通粉沙律等
前菜: 除了煙三文魚外 還有一些醃瓜和茄子 瓜類口感如翠肉瓜 經黑椒等配料醃製後 讓人非常醒胃
三文治: 有雞肉沙律 青瓜沙律 和煙三文魚三款 我沒有試青瓜沙律 但另外兩款的口感都很清新 有點可惜的是煙三文魚有點韌 比較難咬開
鬆餅: 鬆餅有三種不同的款式 可惜沒有名牌說明三種鬆餅的分別 不過鬆餅非常鬆化 帶牛油香 而且可配不同的果醬和忌廉吃 這裡的忌廉用冰震著 吃的時侯 冰冰的帶很香的奶味 讓人很著迷啊
中式點心: 有燒賣 珍珠雞 叉燒飽和金錢肚 我只試了燒賣和叉燒包 燒賣很大顆 而且豬肉很陣牙 比酒樓的還要好吃 而且這裡提供喼汁配上燒賣 這個組合真的很匹配! 至於叉燒包方面 包的那層造得很薄 裡面包著很多叉燒 絕對不只得叉燒醬 也讓人很驚喜
椰汁花膠燉雞湯: 名字大概是這樣 這個湯幾乎每位食客都有拿過 湯底很清 但又有濃濃的雞味 夾著清香的椰子味 還有一大片花膠 真的很補身 如果肚子能有多一點空間 我一定連喝兩碗啊
熱食: 這裡還提供一些熱食如雞翼 芝士龍蝦鉗 和炒面 雞翼的味道還好 香噴噴的雞翼加上丁點"懷"鹽 簡單卻又非常惹味 美中不足的是雞翼略嫌有點不夠熟透 骨頭位置仍帶點粉紅 而芝士龍蝦鉗是必吃推介 龍蝦鉗已拆殼 吃起上來非常方便 芝士醬汁包著大大隻 充滿肉的龍蝦鉗 不難成為我這次來的飛佛啊!
即煮熱食: 這裡有不同的生滾粥供客人點選 煮好以後會有侍者送到桌上 男友點了個皮蛋雞粥 粥底又綿又甜 很考功力 皮蛋都很香 雖然很飽肚 但就是讓人忍不住要吃
甜點: 甜點方面大約有十款左右 要推介的有朱古力布朗尼 這裡的布朗尼完全符合我的要求 外表鬆脆 內層卻煙煙韌韌 充滿濃香朱古力味 還有一款雲尼拿蛋糕 雖然外表普通 但帶有很香的雲尼拿和奶香 又是我的另一至愛
雪糕是有名品牌Haagen Dazs 有朱古力 雲尼拿 咖啡 和士多啤梨 好可惜戰鬥到此時 我的肚皮的快要爆開了 不然我一定會逐一挑戰這四款口味
餐茶: 餐牌的選擇非常多 我為了消消滯 選了普通的English Breakfast Tea 味道都算濃郁 而且餐具看起來簡潔大方 很討人喜歡放棄了The Lounge的Sunday Brunch 來個下午茶
也是一個不錯的味覺享受啊
而且這裡的環境很有空間感 氣氛優雅
除了味覺 連心靈都得以放鬆
食物款式雖不至於花多眼亂 但款款都是高質素的食品
著實令人期待下一次跟她的重逢啊

出席function獲盛宴款待，得借機謝謝主人家Baby leaves Fig salad with Smoked Ham
鮮甜無花果，配偏鹹煙火腿，味道一流，但菜葉有淡淡的苦澀味，不是太喜歡Chicken drumstick with vegetable
雞脾肉挺軟柔，味道尚可Strawberry cake
本人極為重視the third course---甜品，蛋糕口感鬆軟，有moisture，不太甜挺好吃，份量大一點更佳!

星期六先同花老嘢食完Kaika,星期日又食brunch,想唔肥都幾難。一個月前book定枱，request要window side，當時rsvn staff話俾人book晒，安排唔到。原本struggle緊食intercon好定Marriott好，最後都決定唻呢到。。。唔通就係咁，所以Marriott俾個surprise我？佢哋竟然俾咗張窗邊sofa seat我哋，呵呵呵。
個Brunch有2個價錢，一個包champagne，一個唔包，我哋當然要champagne喇。雖然只係Moët，但都ok呀，大路牌子得唻又飲得下。我因為要扮pretty woman中嘅識貨人，加咗粒strawberry入champagne入面之後同老嘢講。。。加咗先好飲，你唔識嘢，哈哈哈，但俾老嘢話我扮晒嘢。
食物選擇唔算多，不過有lobster，凍蝦，魚生，鵝肝，魚子醬呢d回本嘢，仲有即煮risotto。咁大個女第一次食魚子醬，因為怕腥。Marriott有3款魚子醬供應，橙色果款偏咸，但3款都ok，唔腥。食到12點已經開始飽，但我都堅持食個scone，因為我覺得Marriott嘅scone好好味，每次都唻食buffet都要食返一兩個先走。個brunch由11點食到2：30pm，係不停食嘢嘅情況底下我飲咗4杯champagne，老嘢唔使講梗係仲多喇，哈哈哈。兩個人分分鐘隊咗成枝champagne，哈哈哈。最後杯餐茶都唔放過，要gingerbread latte同gingerbread almond。老嘢話太甜佢唔like，但我like呀，成杯飲晒。
點解我話係回本brunch呢？除咗因為食咗同飲咗好多回本嘢外，最重要係我哋星期日早餐同dinner都唔使食，一個brunch攪掂晒3餐，咁仲唔回本！？哈哈哈

婦女兵團敍會，每年總有三數次，雖然每次都選吃自助餐，的確有欠新意，但能和一衆好姊妹相聚，悠閒地度過一個愉快的下午，已是一件美事，更何況這次選的萬豪酒店 The Lounge， 以前亦曾來過，水準相當不俗，所以對這次敍會，亦熱切期待。由於幾位好姊妹都公私兩忙，不像我這個閒人可隨意發春秋大夢，為了讓衆人先辦妥私務，大家都決定來吃下午茶自助餐。有去過 JW 萬豪酒店「酒廊」吃 buffet 的，都一定會喜歡那裡的全落地玻璃設計，可讓食客一邊用餐，一邊遠眺維港景色，加上餐廳環境優雅恬靜，讓人倍感舒適寫意。姊妹們安頓好後，已率先往自助餐區取食物，不過筆者向來愛留前鬥後，還是先巡視一吓沙律、熱吃、小食等各區，當然作為愛甜一族，又怎會不向甜品區搜羅一番呢？還是循序漸進，先由沙律吧開始，原來下午茶的沙律款式也非常豐富，除了蔬菜可自由配搭外，已調配好的沙律就包括有雞肉提子沙律、蝦肉鮮果沙律、水牛芝士球蕃茄沙律、木瓜沙律、蘋果沙律、意粉沙律、雜菜沙律等，當中又以蝦肉鮮果沙律最叫人驚喜，皆因用料新鮮，吃起來口感清爽，倍覺開胃。 至於自選蔬菜方面，有兩款頗特別醬料值得推介，分別為雞心豆醬及中東茄子醬，前者質地像混入了果仁碎的慕絲，味帶鹹香；而後者味道較清新，入口柔滑濃香，也頗不錯。

吃過一輪沙律，就來試試幾款冷盤，帕爾瑪火腿，入口鹹香惹味，而伴吃的蜜瓜亦香甜多汁，當然不容錯過；不過其實旁邊的沙樂美腸、日式冷麵等質素亦相當不俗，而筆者就特別喜愛另一款色澤較淺、味道偏甜的意大利風乾火腿，皆因其肉質較軟，肉汁豐盈，教人回味。如果想飽肚一點的話，其實場內有多款麵包可供選擇，本來筆者自覺食力有限，想騰出胃壁多放甜品，不過見幾款果醬：黃莓、藍莓、草莓、香橙等，色彩繽粉，也拿了一個麵包塗上各款果醬品嚐，發覺藍莓醬，味道酸甜清香；而香橙醬入口充滿醉人的橙香，也值得一試。回座後發現好姊妹已為各人拿了不少英式烘鬆餅、酥皮餅、朱古力鬆餅等回來，為免浪費姊妹一番美意，是以亦各試了一點。其實吃下午茶 high tea 又怎能沒鬆餅呢？ 至於這裡的鬆餅，入口雖沒濃濃的牛油香氣，而且鬆軟度亦只屬一般，不過配上 clotted cream 及果醬後，吃來鹹甜交錯，味道也不俗。本來想火速轉戰甜品，不過見壽司櫃有多款卷物供應，又見獵心喜，立即點來了鰻魚卷、辣吞拿魚卷、辣青口卷及三文魚刺身一試。至於味道方面，鰻魚質感軟腍，不失魚味；吞拿魚尚算新鮮肥美，而且加上辣汁後，以紫菜提香，食味不俗；反而辣青口體形過於細小，有欠口感；猶幸三文魚刺身，新鮮嫩滑、肉質鮮甜，吃完叫人相當滿足。也品嚐了一口食友的腐皮壽司及馬都貝刺身，前者味道甜甜的，很是開胃；而後者爽口鮮甜，口感也不俗。熱吃方面，其實已無心戀戰，只胡亂地挾了些中式炒麵、炭燒豬頸肉、鹵水雞翼、焗青口等上碟。講真，幾款熱盆，全屬小吃，所費功夫不多，整體味道亦不過不失。不過其實場內還有多款中式點心如蝦腸粉、金錢肚、鮮蝦韮菜餃、素包、生滾粥、中東彼德包等供應，若自忖食量驚人，不妨續一試勻。終於來到甜食環節，先以至愛的朱古力打頭陣，試了以士多啤梨及藍莓作點綴的特濃朱古力蛋糕，入口可可味濃而不膩，加上分成慕絲及蛋糕上下兩層，帶來雙重口感，很是好吃。至於朱古力布朗尼，入口不太甜，而內裡的薄殼胡桃，口感鬆化；朱古力 blondies，入口滿是可可香氣，加上外層咬落脆脆地，內裡質感帶點濕潤，味道不俗。在場內再巡一圈，原來長餐桌上還有多款以朱古力做主題的甜食，莫非這天是來吃朱古力甜品自助餐？ 一於再下一城，試埋黑森林凍杯及朱古力慕絲，前者入口冰冰涼涼，惜巧克力味有欠香濃；反而後者質感柔軟滑溜，乳酪味甜而不腻，加上用透明杯子盛載，再以蜜桃作裝飾，賣相小巧可愛，相當誘人。另亦試了幾款值得一提的甜品，當中包括忌廉意式飯，在 risotto 上鋪上 mango cream 及紅桑子，創意十足，口感特別；焗香草蘋果撻，入口甜中帶酸，質感輕盈；而朱古力芝士餅、一入口便傳來朱古力和芝士香味，加上以美式雲石芝士蛋糕做餅底，吃來滑口香軟。也試了一款樣子黑漆漆的 Chocolate Gugelhupf，據悉這是德國南部特產的甜食，特點在於其用上一種中空螺旋紋形模具來製作出皇冠形狀蛋糕，外形非常特別，不過試吃過這款以特濃朱古力及牛油造成的蛋糕後，發覺朱古力味雖然超級濃郁，但就稍嫌過於甜膩。 不過原來當天還有另一款重點推介的蛋糕，就是 Thomas Trillion 的出品 Savina。原來此蛋糕外層除了用朱古力製作外，還蓋上一層辣味巧克力慕絲，而內裡則以朱古力乳霜作分層，還是首次品嚐甜辣兼備的蛋糕，入口朱古力味道濃郁之餘還帶一點點辣味，幸而吃來辣而不嗆，味道非常特別。其實場內還有多款甜品亦值得一試，如脆米球、果仁朱古力、芝士蛋糕、朱古力蛋糕等，而筆者就特別喜愛口感像家樂氏可可米的朱古力脆米球，咬落又脆又香濃，肯定大人細路都鍾意食。 至於任吃的 Haagen-Dazs 雪糕，其實只得三款選擇，包括朱古力、咖啡和雲尼拿，反而飲品就由中式花茶，以至西式果茶都可以揀選，點了杯菠蘿青檸果茶，原來是以清新的青檸作主打，再搭配杯底的鮮菠蘿粒，菠蘿咬落酸甜可口，而果茶亦清香甘潤，味道不俗。 期待很快又可和一班好姊妹相敍。

滙豐白金咭有八五折

朋友食過話這裡的魚湯好好味, 所以明知要百幾蚊一碗粉都黎試一次, 為左迎合所有人既口味, The Lounge 既 Lunch buffet 係分為 3款, a) 咖哩 b) 湯河 c) 沙律, 由於而家係英倫奧運的時間, 所以餐廳將平日既咖哩改成 英國菜 加價至 $190 + 10%, 睇過食物, 都係不外乎煎魚餅 , 局薯仔, roast beef 雞排, 實在唔太吸引。所以最終我跟左朋友一齊食湯河類, 每位 $165 + 10% 。

餐廳中間有好多不同類型既生食物, 如菜, mushroom, fishball, 片頭, 墨魚丸, 青口, 三文魚, 雞肉, 豬肉丸, 牛丸等.. , 湯就有 北京奶油湯底, 蕃茄魚湯底, 同喇沙。 noodle 都有好多, 有最普通既米粉, 米線, 河粉, 油面, 特別d 既有波菜面, 蘿蔔面。 配菜都有大量任你選擇, 好似 炸魚皮, 紫菜, 花生, 芝麻, 木魚, 蛋....etc 不得不讚既就係炸魚皮, 非常之脆同入味 好好味

其實都算好多野簡, 不過始終覺得 165蚊食湯河, 真係唔抵。

我都試左兩款湯底, 由於任你夾食物所以我幾乎都係全部食餸, 蕃茄底好味不過唔夠酸, 有魚味, good, 喇沙底都好味~ 所以好喜歡食湯河既朋友, 不防一試~ 唔會失望~

由於有hsbc 信用卡所以有discount!