It's a birthday celebration!

Food was great! The only (negative) comment was that it's too squash and little privacy. Service was good - waiter constantly fill our tea cup.

We order a set for 2 ($588/each) and also scallop and abalone. I love the lobster and foie gras very much!

Highly recommended!

Happy birthday to u, Happy birthday to u, Happy birthday to me ,Happy birthday to u!

祝自已生日快樂，開開心心，幸福美滿，雖然，已經過左我既生曰，(到依家先寫生日日記，真係過份=P)

同大家分享一下我生日既DINNER，呢一餐真係好貴，雖然有人請但都好肉痛下，

首先，第一樣頭盤有: 由左至右甘睇，

1. 田園沙津，清清地幾好呀。

2. 魚子醬蒸蛋，好滑，魚子味好重，好新鮮既感覺。

3. 伊勢龍蝦， 煎蝦身，留蝦頭煲湯，清甜。

4. 鮑魚，有小小靭。

5. 香煎鵝肝，好大塊呀，配烘包，好正呀，十個推呀!

6. 澳州牛扒，一般牛扒，早知食薄牛肉加勁多蔥啦，睇落好食好多甘。

7. 炒翠玉瓜，瓜甜清爽。

8. 表演用飯砌成公仔圖案，我指定了鬆弛熊。(~ P~)

9. 炒飯，比較乾身，仲有的喬頭呀，魚仔送飯。

10. 呢個時候就係飲番碗湯啦。好味。

11. 甜品時間到， 銅鑼燒，熱呼呼架，配埋雪糕好正呀。

12. 最後，估唔到有生日蛋糕仔送。好窩心呀。.好多謝MR B為我精心安排了呢餐飯，真係好SWEET呀。 >3< >3<>3<

今次係慶祝男朋友生日 環境不錯坐得舒服 待應們都好醒目
兩人set有三個 我地叫左包魚個個set 因為男朋友唔食魚
咪睇好似少少嘢咁 食到炒飯個度已經好飽 龍蝦肉爽口 包魚夠彈牙 鵝肝多士男友大讚 唯獨所選的日本和牛有啲韌
總之整体黎講味道都有90分 師傅可能有啲怕醜初初無咩講嘢 但後尾熟洛左就非常健談 食得好開心 咪睇師傅好似年紀輕輕但技巧一流 整個公仔炒飯亦十分神似
叫左杯飲品埋單total $1950
之後一定會再黎食！

之前想試下鐵板燒好耐，咁啱係朋友Facebook見到啲相，所以約埋我好朋友去試試，順便慶祝生日！

去相又香又滑，下面重有鵝肝添係個鐵板度都重郁緊，有啲於心不忍，但最後我既食慾都蓋過左我既良心！
耀師父重用啲膏加牛油整汁，味道一流！呢個係今晚為我地煮野食既耀師父，年紀輕輕，煮得一手好菜，令我地品嚐到食物真正味道！耀師父特別地將多士壓扁，大家都都好好奇，但食落至知壓扁左，感覺冇咁油之餘重非常脆，同鵝肝既口感非常之夾，多謝你既堅持，令我地食到咁好味既鵝肝和牛好食，連唔食蔥既我都要讚不絶口。
耀師父一開始炒左既蒜片亦功不可沒，非常鬆脆，我地重叫佢留啲比我地送飯好得意丫加左美味既蒜片，一流〜〜

多謝風趣幽默又細心既耀師父帶比我地開心既一晚
下次再見~

每每踏入人生的另一個十年，應該都有不同的感覺。小妹記得自己踏入十歲那年，覺得自己大個女，很威；二十歲呢，有點興奮，畢竟開始亭亭玉立；三十則未到，暫時未能想像。至於我家MP，就是個大細路，一直不肯面對自己已開展另一個十年，但不認不認還需認，就讓我們吃一頓豐富的來kick start他未來的豐盛人生吧！

想到來吃鐵板燒，是因為我們平時比較少吃，所以來搞搞新意思；也是因為知道鐵板燒師傅都可以來個玩味炒飯，很適合慶祝特別節日，尤其可以讓像MP這種小孩心態的人興奮一輪。我們有個小習慣，就是帶對方吃生日飯的道路總要于迴曲折，讓對方邊行邊心思思。像MP這種很會看地圖的人，是要刻意帶我走多餘路，而小妹，則無須額外花心思，因為本身都不會走最快的路徑！這次我也是第一次到訪，差點連門口都找不到呢，最後要MP問：我們是不是去秋田，方才發現已近在咫呎！一個鐵板燒師傅大約serve四至六位客人，是晚雖是星期一，也都九成滿座，因部分人都有不同事情要慶祝，或是生日，或是週年紀念，做鐵板燒師傅每天都與不同的客人渡過他們的重要時刻，地位真崇高！話說回頭，晚餐套餐有三款，而有鵝肝的佔兩款，分別在於一款吃鮑魚，另一款則吃鱈魚，MP選了後者。當我們order後鐵板師傅就開始為我們及鄰座兩個客人預備晚餐。

餐前小吃有沙律和黑蟹籽蒸蛋。蒸蛋原來內有乾坤，有一塊比例上頗大的鵝肝在內，算是為這餐晚餐揭開序幕！

燒鱈魚由雪白的冰鱈魚慢慢地開始燒煮，最後加上牛油蒜蓉汁，點綴了魚的鮮味。小妹要求濃味些，所以相對較鹹，其實原味應該都夠調味了，反而吃食材的鮮會更好。鱈魚一直都是我的至愛，至今沒有改變。

活伊勢龍蝦要強調龍蝦是活的，在它被放上鐵板前仍會動，這樣看著它被活活燒死，有點殘忍，所以更要認真嘴饞其味！ 龍蝦分成兩份後份量仍不少，也是下了些蝦膏、蒜蓉牛油、酒、黑椒做成醬汁，其鮮味就更突出，而且蝦肉彈牙，力讚！酒燒後的龍蝦頭用作熬湯，在吃炒飯之前喝。湯的龍蝦味就欠奉，當作一個gimmick及表演還不錯的。

吃鐵板燒最期待的是鵝肝多士。多士牛油味非常濃，吃得人很高興。小妹的鵝肝有點筋，不過油份都算充足，幸好是晚主角MP的那塊就似乎沒有筋，好讓主角吃得滿足。

把餐內的和牛薄燒升級到A5厚燒。一塊牛肉去了一條肥膏，切粒及切塊給二人享用。炸蒜墊底，牛肉要求medium的生熟程度又真是做得到，肉雖呈粉紅但嫩滑得來有牛肉味又不會過生，師傅手勢不錯。這一塊厚切也頗划算，吃得MP這個牛王看似很滋味。然後也有客翠玉瓜，令吃鐵板燒這回事頓時變得健康了。

吃罷和牛翠玉瓜就到是晚的表演環節，公仔炒飯。向師傅要求畫麥兜，最後畫了隻麥嘜（即少了那滴汗），也好。事前已告知店員要寫生日字，給他一個小驚喜，因為MP原來真的不知道鐵板燒有雞蛋寫字和公仔炒飯這回事！　全店的炒飯差不多在同一時間進行，大家一輪拍照比較圖畫後，師傅就可以炒個真正的飯。這客櫻花蝦煙肉炒飯其實頗得小妹心，因為我喜歡乾身的炒飯，不過胃納有限，未能完成。

除了雪糕，也有豆沙燒餅。豆沙不太甜，而且餡料也不夠多，適合作為飯後甜品，不會吃濟客人。剛燒好吃應該更好！原來客人生日更有一件蛋糕送，是店方師傅自製的！雖然已沒有胃納把整件蛋糕吃完，但這份心思是很warm的。

是晚的安排就是這麼簡單，希望MP喜歡，長大一年應該要更成熟穩重，而且恩典滿滿啊！

正當我煩惱同女友去邊度慶祝生日之際，友人推介我去呢間食鐵板燒，話好食又好玩喎。咁我就試下啦！
餐廳有代客泊車，一落車行兩步就到，好方便！

我地叫左兩個餐，都係有龍蝦既，不過就冇叫鮑魚，因為我地兩個好唔認為鮑魚會好食。點完菜後，大概等左15分鐘到就有野食喇，唔算等得耐啦。
因為我地璩個都唔食牛肉既，所以都轉了羊扒。如果仲係我食牛果陣，一定會食晒所以和牛！

龍蝦好大隻，就算未食得住，只係睇住佢燒已經有一份滿足既感覺！因為期待永遠是最好的！

當然唔少得最邪惡既鵝肝多士啦，好大件，食完有一份好重既罪惡感。全晚最好玩既當然係公仔飯時間，師傅問我地鐘意咩公仔，我地毫不猶豫話鬆弛熊，師傅就話有難道，不過會盡人事喎！

當天一班姊妹慶祝Mag 之last single b-d@y，夜晚7:30 就到，間餐廳好寧靜，我地被安排到一張五位的鐵板枱，可以霸晒成張枱，好free 耶！
翻開個menu，起初諗住叫一個set，然後散叫，最經濟莫過於此，横掂五個小妮子食量不大，點知有min charge, $58x/head，重新整理策略，點了兩個二人set，另加一客sushi，唔記得set order name (印象中有熊本)，cover-dishes如下︰首先來一個蒸蛋，內有魚子醬，一人有一個，睇下d 魚子醬一d 都唔吝嗇，蛋夠滑。其次上了兩個大龍蝦，食到忙了是什麼品種，蝦沾了蒜頭，新鮮彈牙，之後師傅表演火燒龍蝦頭作為miso soup 備用。再來四個鮑魚 (又忙了何品種)，雖然不夠淋，有點un，但幾百蚊有龍蝦、魚子醬、鮑魚，夫復何求？依客三文魚壽司係當晚最讚之作，三文魚好肥，一咬即溶，真係好美味！反之個人認為鵝干就真的遜色，一咬滿口油，可能係師傳太重手，其本身口感都偏“鞋”，麻麻desu。個miso soup ready la，好香濃，應該是龍蝦頭的作用吧，但計落頂多煲了45mins，無諗過一碗湯都勝過鵝干。後來師傳嘗試表演拋雞蛋分割，但經過五六隻空中拋蛋都未能成功一分為二，見佢咁努力，都不禁安慰幾句，始終食物素質才是最重要，表演次之。
師傅施展佢最拿手既”鬆池熊”，仲俾我地係鐵板煮食地方拍照，好體貼呢！言歸正傳，個飯炒得唔錯，粒粒乾爽，仲食到乾蝦，瑤柱，足料，又一讚之作！另外仲有和牛蒜頭卷，和牛燒得剛剛好，香口仲free 左個紅豆燒餅呀，賣相討好，惜略縑甜些少，每人仲有一小球雪糕，我的綠茶味不夠濃，友人的芝麻味較好。
當我地以為去到尾聲時，師傳捧來一個蛋糕，十分驚喜耶，雖然味道欠奉，但真是要對他們以客為尊的服務精神豎起拇指，今時今日甚少見到這樣的服務了！當晚真的食到超飽，其實跟本就食唔晒，礙於min charge 關係才被逼多點order，希望秋田可以降低min charge 門檻，其餘服服、環境都很好。

之前試秋田係灣仔QRE既lunch, 其實以百多元既價錢黎講, 有鵝肝同虎虾算係過得去~只係環境較為迫夾, 坐得冇咁舒服~ 今晚係老公既神秘安排下, 重臨秋田, 地點轉左去天文台道既總店, 由於當晚一樓已經包左場, 我地被安排三樓一間VIP房坐, 𡙁呀!

當晚既大廚叫Yiu Kong, 佢又後生又靚仔, 其實有幾分似袁偉豪, 不過唔好睇佢咁後生, 佢既廚藝一D都唔簡單, 令我同老公都覺得好有驚喜! 三大驚喜包括龍虾, 鮑魚同埋鵝肝多士~ 龍虾彈牙連埋蝦膏汁, 一流! 我係蝦痴, 食虾資歷豐富, 真不枉我加了$80加大左隻龍蝦! 第二道菜係鮑魚, 煮得一D都唔韌, 好juicy, 仲有龍蝦既味道, 呢種烹調方法我從來都冇試過呀! 鵝肝多士既製法更令我驚喜, 師傅將塊多士壓扁, 初時唔明點解佢要咁整, 佢係咁叫我地試左佢先講原因, 食落個多士好香脆, 又不失鵝肝既甘香, 入口即溶, 配上壓扁後既多士, 真係wonderful, 好suprise!

牛肉薄燒亦係誠意之作, 師傅好有誠意, 一開始用左好耐時間去將D生蒜片炒成乾蒜片, 牛肉片好嫩, 唔食沖既我, 都因為師傅既堅持, 破例食左沖呢~去到全晚最有玩味的一環, 就係公仔炒飯喇~ 仲可以用旦汁係燒板上寫字, 如果係一D重要日子, 真係冧死呀~

不得不提, Yiu Kong師傅真係好細心, 佢怕我地漏, 建議將豆沙餅饀改為雪糕, 一冷一熱, 好得意呀! 今晚老公比左個好大既suprise我, 亦多得Yiu Kong師傅既廚藝同埋健談, 令我地兩公婆有一個wonderful night!

食物新鮮, 環境以及服務也不錯。地點稍微隔涉。鐵板燒最重要有得食，有得睇，廚師搞下氣氛。今次來Akita, 嗰廚yk值得一讚，年紀輕輕，對煮野食也有一手，並不會隨波逐流，對一啲細節也很講究，假以時日必成大氣。特別一提是他煮的鵝肝，時間掌握得剛好，不怕太油膩，墊底的麵包壓扁咗結實一啲，一軟一硬，口感非常豐富

Third time to this resturant! Came with friends in previous two times found the food really good, therefore brought my parents, who are both meticulous over food quality, to have a try , and late celebration for father"s day

Tonight we got a young handsome chef to serve us ! Make my mum really happy !
Most importantly, he looks much professional then his age !
We can taste his secinerity from the food! Really excellent for foie gras and the wagyu!
Since mum and I really can't tolerate the beef being too raw, we ordered medium well ~~
While he could make it perfectly cooked to the degree comparable to my experience in Kobe beef ! Really juicy ~ even win the praise from my dad !!
The seafood still remain good quality ;)
Would go back again and ask the same chef !
Thank for giving us a wonderful dinner !