影片
開飯介紹
味千拉麵店始創於1968年，發源地日本九州的熊本。
繼續閱讀
附加資料
收費以四捨五入計算
營業時間
星期一至日
24小時營業
以上資料只供參考, 請與餐廳確認詳情
招牌菜
今日終於到最想去嘅旅行終於來啦，因為班機比較夜，所以最後就決定咗去機場吃晚餐。去到選擇感覺上唔算好多選擇，最後見到味千拉麵，就去咗試吓。見到佢有機場限定豬軟骨配魷魚圈再加個汽水，大約120多元，價錢喺機場來講還可接受，由排隊至食物大約等左10分鐘嘢，食就嚟到。豬軟骨味道普通，湯底的辣到反而有驚喜唔錯。面質就淋身，份量吾太多。之後就食小食魷魚圈，絕對失望，個脆皮好淋又連魷魚口感都冇。而泡菜好乾身，而且都是冇乜味。最後就係汽水汽水可能係百事關係？所以感覺上係十分之甜，整體來講感覺上係始終市區好食過機場。
繼續閱讀
自從上水的味千拉麵變成另一間連鎖店後，基本上再沒光顧過了。今天沒胃口，打算食碗麵就算，誰知就出事，仲要係一單接一單。職員餐只提供一款，就是豚肉拉麵，另配上一杯汽水，都要$48，還可以接受。當時一檯四位客人，各自點了不同款式的拉麵，但都有一個共通點，就是食到一半已經投降。起初不以為然，但一夾起豚肉已知出事，薄切到有如see thought，肉質鬆散，毫無肉味，失敗。湯底早知是調教出來，已不存幻想。麵條完全無彈性，死氣沉沉的，真的提不起興趣，雖然好肚餓，但竟然只食到一半就放棄。然而……想不到之後溝貨的一餐，又再中伏。
繼續閱讀
好多人都話味千拉麵好多味精，講真宜家邊度煮野冇味精先？上飛機之前通常都好多時間唔知做咩好，不如食下野消磨下啦。今次男朋友仔話想食拉麵woo…飛機場啲野食一定貴架啦，閒閒地貴過市面幾十蚊。冇計啦，賺遊客錢嗎。我以為100蚊碗麵一定走唔甩，點知100蚊有找仲係一個set有主食有小食，都算係咁架啦。我叫左碗叉燒拉麵配一個春卷小食，我男朋友叫左一碗豬軟骨拉麵同薯餅小食。我碗都湯底算係香濃，成奶白色，溫度剛剛好。都有3-4塊大、大大完完整整的日式叉燒。好慶幸仍地係卷得靚靚、唔會散開曬不成圓形。肉質唔會over-cook，都有夾雜住恰到份量的肥膏。麵中有好多木耳絲，可以提昇口感。木耳入味，冇菇類的腥味。另外都有半隻流心蛋，雖然唔係好流心，但「流流地」已經算好好。呀侍應俾錯小食我男朋友，唔係薯餅都係俾左春卷佢。春卷個米紙卷都脆既熱既，但感覺總唔夠新鮮，好似翻炸咁。入面啲餡冇驚喜，都係果啲，過得去。希望下次可以試試個薯餅，我費事行返過去換。
繼續閱讀
最近每日都要嚟機場上堂，咁上堂前就嚟依度食碗拉面做早餐叫左個面豉湯拉面加杯熱咖啡，碗拉面一到就飲啖湯先，一試就感覺得好似飲緊熱水咁，一啲味都無。至於拉面上既叉燒過瘦，食落太勒太鞋，面既份量又少，真係唔會再嚟食呀。
繼續閱讀
在出發到墾丁迎接春浪之前,還是要吃一點東西才上飛機,皆因飛機餐有幾好吃?大家心中有數.禁區內的食店,還是大家樂的一邊最多人光顧,今次便光顧超過十二,三年,沒吃過的"味千拉麵".曾幾何時,覺得上味千拉麵,會惹來識食之仕取笑的.因為市面吃拉麵的選擇多的是,為何還要折服於質素差一截,價錢又差不多的連鎖店?元祖叉燒拉麵賣$68一客,還包一客網絲春卷,這個配搭有點九唔搭八,如果轉為煎餃子才是正路.客人流量大,拉麵也上得快,此元祖拉麵,真的找不出任何優點出來,叉燒很硬,豬骨湯底徒具顏色,味道淡而無味,煮蛋是全熟,當然與溏心蛋不能比較,唯一最安全的,是麵條沒有出事.網絲春卷感覺比拉麵更好,酥化又可口.為何用來配日式拉麵,而不是一碗Pho?正所謂一分錢一分貨,以此價錢吃著這般味道,絕對物非所值.未出發之前,先中"地雷",幸好其後的沙灘派對,春浪音樂會也極之精采,顯得這碗味千拉麵,只是旅途中的一小小插曲而已.
繼續閱讀