93
21
17
港鐵尖沙咀/尖東站 E/ L3 出口
繼續閱讀
電話號碼
26966715
開飯介紹
為了確保客人能夠享受最佳的餐飲體驗，今佐日本料理將於2024年4月8至10日暫時關閉以進行優化工程。 在關閉期間，您可以到飯店內的其他餐廳用餐。 感謝您的支持與光顧。
繼續閱讀
附加資料
"著裝要求：優雅休閒。敬請避免穿著運動服（包括背心及運動褲）和沙灘服飾(包括人字拖、涼鞋及塑膠鞋)進入餐廳用餐。晚上6：00後男士須穿著長褲。
營業時間
今日營業
12:00 - 14:30
18:00 - 22:00
星期一至日
12:00 - 14:30
18:00 - 22:00
以上資料只供參考, 請與餐廳確認詳情
食評 (163)
印象中小時候，屋企人帶我嚟呢度係buffet style，今日再嚟已經係另一番體驗了☺️今次食嘅係懐石冬令盛筵🥢🔸 鮟鯠魚肝、磯煮鮑魚、松葉蟹水雲海藻醋、唐揚車海老🍱前菜精緻嘅擺盤為呢頓晚餐掀起了美麗嘅序幕☺️ 由淡至濃味🐾日本對蝦肉質緊緻彈牙🍤🐾磯煮鮑魚煙靭濃郁🐾水雲海藻醋爽口開胃好有驚喜😚🐾鮟鯠魚肝口感軟滑鮟鯠魚肝上嘅啫喱醋同蘿蔔蓉，味道好夾。今次淺嚐柚子酒 First Kiss 😚朋友生日，餐廳好有心思❤️🔸日式土瓶蒸 伊勢龍蝦舞茸湯🦞別致嘅伊勢龍蝦舞茸湯盡在呢個茶壺入面🫖，能夠保持溫度、鮮味同香氣😋湯入面有鮮味濃郁嘅伊勢龍蝦、元貝、舞茸等等，呢個湯非常非常鮮甜美味😊 試完原味嘅鮮甜，可加少少青檸汁別有一番風味。🔸刺身盛 大間拖羅 牡丹蝦 針魚 北海道帆立貝 平政 蜜柑鯛松皮造刺身新鮮不在話下，拖羅入口即溶，針魚切成細條好爽口。🔸毛蟹肉配海膽 黑松露海膽茶碗蒸纖細柔軟嘅毛蟹肉配鮮甜嘅海膽，簡單直接地帶出兩者嘅鮮味。😋黑松露海膽茶碗蒸每一口都好滑溜，海膽同黑松露嘅香氣徘徊響口腔，食完刺身食呢個好暖胃。🔸牡蠣天婦羅 南瓜天婦羅 栗子天婦羅 香菇天婦羅咁多款天婦羅當中，甜甜嘅栗子和南瓜有驚喜。其餘係可想像嘅味道。重點反而係後面嘅綠茶鹽，估唔到點少少，令成個天婦羅嘅味道提升咗好多😋🔸飛驊牛紙火鍋🔸飛驊牛紙火鍋嫩滑嘅飛驊牛肉質粉嫩，入口肉味香濃，鍋入面仲有蔬菜吸滿咗湯汁嘅香甜味。🔸 叉燒豚骨拉麵最後嘅主食係一碗超濃郁嘅叉燒湯拉麵，食到呢度其實已經好飽，幸好呢碗拉麵係兩三啖嘅份量，可淺嚐一下🤭最後以紅豆沙、鮮果為豐富嘅晚餐劃上句號☺️除咗懐石冬令盛筵外，都有其他set都非常吸引😋好喜歡日式料理主要以保持鮮味為主，簡單嘅烹調方式帶出食物原始嘅味道。餐廳環境闊落舒適，每枱有充足嘅空間感，朋友聚會、家庭飯局、二人世界都好適合。😊
繼續閱讀
近年去親半島都係lobby lounge為主，已經有一段時間無去幫襯酒店幾間名餐廳食飯，今次適逢有聖誕亮燈party，當然要搵間食吓。又因為有party, 幾間餐廳都被包場了，剩番嘉麟樓和Imasa有位，結果揀了日本餐。話晒都係香港頂級酒店，其日本餐廳食一個普通set $1,200 (還是$1,280我唔記得)我唔會話貴，最緊要係好唔好食、滿唔滿足。我嘅答案係：好開心、勁滿足！開心係因為餐廳服務真係好，非常殷勤。唔好話「酒店喎，服務好就梗架啦!」大家喺香港蒲咗咁耐，大有4、5星級酒店服務差到你唔信都唔係新鮮事。Imasa服務好之餘，給我感覺係佢哋真心、用心，唔單係為服務而服務，真係好好！至於滿足程度高，並非因為食物有幾突出，而係成個set嘅舖排簡單直接，周邊伴碟擺盤細致但不花巧。近年不停食了好多omakase或者一啲為特別而特別嘅新派日本餐，食番一餐傳統樣樣齊嘅日本餐set，好滿足！
繼續閱讀
記得對上一次去半島酒店係朋友飲宴，相隔都有好幾年，今次來食日本懷石料理，真係好精緻！前菜上枱時好驚喜，真的懷石料理果然有派頭，一定要相機食先。前菜係開胃小菜，蟹仔好脆口，之後的海鮮湯亦鮮甜，飲到幾碗！刺身船有好新鮮既季節性池魚，拖羅，伊左木，深海池魚🐟 職員好細心會逐樣介紹給我們。整體用餐好舒服，每道菜都會因應進食快慢上碟，返工咁攰真係要好好享受下🫶🏻其實見餐廳都有好多一家人來食，不過weekend 去都未算多人，可能不太多人知原來半島都有日本料理食🙃📍今佐日本料理 (尖沙咀)尖沙咀梳士巴利道22號香港半島酒店1樓$3030 二人餐，另加一
繼續閱讀
－入門口外型感覺簡潔優雅，侍應援穿着和服，帶着微笑溫柔地帶位入座，餐廳內座位寬敞，佈置簡約舒適，有進入日本嘅餐廳嘅感覺，餐牌上多種選擇套餐及散叫，亦有兩款素餐供應。可謂有心照顧食素嘅人士。食物質素非常好，擺設嘅食物像置身日本食店一樣·工作人員服務非常之優質·所以佢九成食客都係熟客．今時今日咁嘅服務態度一定會再去．食物令你會記掛住佢·一星期已經去咗兩次。會繼續幫襯，亦都值得介紹下佢。係比滿分大家可以去試吓應該都會有同感．
繼續閱讀
4個人分別叫咗4個唔同嘅set🔹️刺身方面 因為有朋友唔食魚類 我亦唔食貝殼類 餐廳好好 可以幫我哋轉做其他野食得到嘅新鮮🔹️茶碗蒸都會自動幫我哋轉埋配料👍👍🔹️天婦羅，壽司盛合，冷稻庭烏冬🍜🔹️伊勢海老🦞天婦羅飛驒牛鍋🔹️鮑魚和牛鐵板燒🔹️油金魚🐠和牛卷薄燒✅️和牛重🐮味 唔會太肥 油脂啱啱好✅️魚要趁熱食 魚皮脆卜卜 肉質滑✅️天婦羅好脆 薄皮🔹️甜品有牛奶🍼或者綠茶🍵味雪糕🍦唔好以為咁精緻唔夠飽 食到捧住個肚走呀😆🔝🔝🔝最後要激讚🤵♀️🤵♂️service 試過你就知🔝🔝🔝
繼續閱讀