影片
開飯介紹
主打上海菜的中菜館，推介嫩雞煨麵、糖醋排骨及雞絲粉皮。
繼續閱讀
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
以上資料只供參考, 請與餐廳確認詳情
相關文章
每次去滄浪亭基本上都係坐滿晒，同要排隊，但佢性價比高，絕對值得排隊入去食😍 價錢親民，食物質素好，見到好多光顧既都係熟客，老闆同佢地都有傾下偈 嫩雞煨麵係我每次必點,白雞湯有濃濃既牛乳味, 白菜同麵份量足, 雞肉份量多夠嫩滑 另外仲有叫大排麵, 豬排炸得鬆軟, 外脆內軟, 麵份量足, 湯底香口
繼續閱讀
今日去開紅磡，揀咗呢間小店食，先講吓環境，佢嘅舖頭比較細，得5張枱，比較逼夾，仲要同人搭枱食。而且喺呢個咁熱嘅天氣，我哋食到成身汗，雖然佢有冷氣同埋風扇，但係都係太熱，尤其是食湯麵嘅時候冷氣真係唔少得。食物方面，我哋一行三個人，叫咗一碗熏魚麵，菜肉雲吞麵同埋糖醋排骨麵。三碗麵嘅湯底都係清湯底，不過好清好有味，都幾好飲，麵同餸嘅份量都夠多，熏魚有三舊大大件嘅，菜肉雲吞有四粒，排骨就有差唔多10粒，每個都大嚿。食完之後都好飽足。最欣賞嘅係佢嘅糖醋排骨，呢個係必食嘅，佢係新鮮炸出嚟，熱辣辣，佢嘅糖醋汁一流，酸酸甜甜，同出邊嘅糖醋排骨味道有啲唔一樣，非常推薦。最後想講嘅係，呢間餐廳雖然細，但係服務態度超好，有個男侍應(可能係老闆）由入座到落單，佢嘅態度都好親切，亦都會推薦有乜嘢好食，令人感受到小店嘅溫暖。
繼續閱讀
紅磡呢間滄浪亭一直都好受歡迎，今次臨閂門去都仲係坐滿晒，開咗咁耐，價錢仲係好親民又唔hea貨，如果住九龍真係成日都會想去食！—— 嫩雞煨麵 $60 必試招牌！乳白雞湯香一入口就飲到好濃～嫩雞夠滑唔乾柴，幼麵條掛汁，私心好鍾意放咗好多菜！—— 雞絲粉皮 $40 呢個真係驚喜咗我😍😍😍 唔知係咪因為臨收舖，粉皮即製超級無敵咁爽彈！！！真係食過嘅最好食！雞絲份量足，就咁加麻醬已經超級好食！食完一碟仲想Encore🥹—— 糖醋排骨 $54 呢款差唔多每枱必叫！即炸排骨外層香脆，一咬脆卜卜好辣口，炸完入面都唔鞋。糖醋醬夠酸，開胃又惹味，就咁食定配湯麵都正！🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️ 📍 滄浪亭 (紅磡)紅磡蕪湖街111號蕪湖居地下C1號舖
繼續閱讀
黎到紅磡呢邊食飯，就揀左呢間小店食，位置比較小，店面比較細會坐得迫不過係乾淨既。點食物方面，點左嫩雞煨麵，大排，雞絲粉皮。嫩雞煨麵，份量都算多同埋都多料既，雞既口感都算林同多，麵就入口唔會太林既感覺，湯算濃，整體黎講係唔錯，同出邊食開既普遍質素黎講算係比較好既。雞絲粉皮，正常既味道都有份量，不過啲醬撈埋一齊食之後有可能比較溜啲啲。大排，正常味道，不過不失啦，係夠熱既。。。。總結。。。一間唔錯既小店，嫩雞煨麵對比出邊食係算比較好。
繼續閱讀
我係平日挨晚比較早(大概晚上六點)去食，就唔需要等位，不過當時舖頭已經接近坐滿。一入門口即刻感受到唔少其他食評所講嘅服務水平：店員冷酷地同我講叫我傾喺嗰條好窄嘅通道一邊等執枱，之後後面有其他食客入嚟，店員見到亦無招待。到我入座後我想叫菜亦要耐心等候，唔可以叫佢哋嚟。店員上茶同食物都的確比較粗魯，食完後亦趕快執走啲嘢令我有少少壓迫感好似要快啲走咁，但我只係坐低咗唔夠30分鐘。不過公道講，碗上海麵真係好好食，剛剛上到嚟嘅時候麵質煙煙韌韌，煮得啱啱好，感覺係有汆水淥麵。湯都好鹹淡適中，剛剛好襯托到上海麵嘅麵香。分開上嘅香酥雞份量唔少，炸皮幾薄而且好脆；雞件相當厚身，以致炸好後啲肉仍然好juicy，非常好餸麵。香酥雞麵 ($60) ★★★★★整體嚟講，我食呢碗香酥雞麵味道一流，價錢都相當抵；美中不足係服務的確有待改善。
繼續閱讀