星期日我哋去新依館睇Live More Music Concert, 當然睇睇附近有咩吃.....
見到這雞店都不錯...入去試試....見Open的食評話最好味的幾味，當然試試先．．．
1. 半隻雞．．．ok 滑，雞皮好香 (不過勝利小廚好味啲)
2. 馬拉盞炒通菜......之前其他食評話佢好SALTY, 可能改善咗, 好味有鑊氣.
3. 肉碎生菜包......肉碎夠乾身, 夠香口, 夠辣.
4. 兩個湯粉......淡少少，無味

不過總括來講都不錯．．．晚上去好能少人啲．．．唔算迫．

响上環食晏都唔係太多選擇, 一想食海南雞飯就一定嚟呢間

枱枱清一色都叫海南雞飯, 因為實在好味, 啲雞又滑, 飯又香, 同埋夠分量, 男同事都話夠飽

唯一要彈的就係啲位超迫, 不過放飯時間周圍都係咁, 算啦~

尋日朋友介紹我去食海南雞飯. 我都好耐冇食過啦, 一於試下佢有咩咁好食.
鋪頭細細, 大約20-30個位左右. 地方都算乾淨, d 椅似sofa 椅咁, 但就好迫

一坐低就寫兩個海南雞飯午餐. 凍飲唔駛加錢
叫左凍奶茶. 略甜左d, d 冰融左都仲係咁甜... 茶味亦都冇乜

海南雞飯黎到, 賣相唔差, 睇落都算大碟既碟頭飯黎. 但當然冇分開上o個款咁美觀
雞都滿滿排o係d 飯上面

先試下d 飯, d 飯係螢光黃色, 唔似平時食開d 啡啡地色既油飯.
好乾身有d 煙韌既口感, 而且仲有油香噗鼻, 的確唔錯
但d 雞就麻麻. d 雞係室溫, 完全食唔出"海南"o個種清澈既味道. 唔夠涼
雞皮雖滑, 但太厚.
雞肉除左雞翼外都係去左骨, 雞肉砌得大大件完全唔吝嗇
但大件還大件, d 雞出面滑, 但咬開好鞋, 直頭係啜住條脷咁鞋. 好似食緊街市d 雞柳咁
而且雞既味道偏鹹, 可能因為咁所以冇左一種清新既味道. 冇雞味只食到鹹味, 疑似冰鮮雞
酸汁調得唔錯, 但配雞就麻麻地. 海南雞飯都係配返黑油好食d!

每次來到泰妃雞, 必定會叫海南雞飯, 論價錢及質數, 在香港應該數一數二, 但近排吃得太多海南雞了, 今天倒想試試其他...
見很多開飯食家都有讚泰式豬脾飯, 就叫咗嚟試吓, 飯一到, 第一個感覺就係好肥膩, 豬脾肉好腍, 入味. 但醬汁因撈了白飯, 覺得淡了些, 唔夠甜. 食完成碟飯覺有點漏.
下次都係叫番雞好d!

泰妃雞是其中一間次次想寫又遲遲未寫的店子，因為吃午飯和晚飯也好吃，今次首先介紹一個近期跌價下午茶餐。茶餐本來要二十元，最近不知是不是多了對手，竟降價到十三元。

在特價泰式湯河中點了雞絲金邊粉，是即叫即做，還細心把湯和金邊粉分開放，免得浸淋。湯味道濃和鹹，萬萬不能把它當清湯飲，一定是連著粉吃，加了少量配菜和雞絲，雞絲不韌也，整體來說不過不失。

份量不是很大，下午茶來說是一個平價的選擇，要讚的是它的午飯和晚飯。

平時見到咁多人已經想試下, 都要排隊, 不過好快就有位.. 3 個人叫左2 客海南雞飯, 1 客泰式炒米粉.

海南雞飯 --- d 雞係幾滑, 不過真係無雞味, 幾乎要靠d 汁先有味
泰式炒米粉 --- d 味幾好, 不過略嫌濕左d
餐飲加5蚊要左涼粉冰, 涼粉冰勁少涼粉, 又細粒, 要整走d 冰先"筆"到, 仲要係無味, 食咁多粒都無味, 只係食到1粒有苦味

服務 --- 不大好, 四人枱食到好污衊時無端端叫我地坐入d, 因為要坐多一個人埋黎, 其實我唔係介意佢整多個人埋黎, 不過係咪應該一早叫我地坐入d, 唔係食到成張枱都係野時先叫呢?
o個個坐埋黎o既男人都坐到周身唔舒服..
另外食到尾時其實仲有d 雞未食, 有個待應無端端走埋黎執野, 問都無問就執走我同朋友對筷子, 我話我未食完喎, 佢先係兩對筷子度求其攞返對擺o係我前面話"嗱, 呢對係你架" 我覺得有d 核突囉! 你同我朋友o個對都整埋一齊, 你點知呢對我係呢? 好唔衛生呀

埋單每人$47, 都幾貴, $47 o係銅鑼灣可以舒舒服服食到d 日本定食, 所以應該唔會再去喇!

我好鍾意食雞, 見咁多好評, 即管一試. 比我想像中差 d.

海南雞: 雞係滑, 不過無乜雞味, 冰鮮雞係咁上下, 我仲以為搵到好野
馬拉盞炒芥蘭, 樣 ok, 但咸左 d,
燒豬頸肉, 呢個就好味喇, 我仲叫多個白飯食 tim

店舖較細, 幾迫, 要速食. 食 lunch 會感覺好 d, 通常晚餐都想食舒適 d 嘛

店舖位於活道,集成的對面,
巴士也常常經過,所以不難找~
地方不大,不知甚麼原故,
沒有特別佈置的它,覺得它有一份舒服的感覺,
不像一般大茶餐廳~

想也不想叫了一個泰妃海南雞飯(附隨送飲品一杯)~
我的位置是望著那位泰藉(應該是)女廚師,
望著望著,只見她有一碟油飯,再放上她們一早預備的雞,
排好了,,,,,,,,,,原來是我的飯~

<泰妃海南雞飯>
油飯不太油,而且還偏乾,亦有小小硬~
大概應該是我很喜歡吃熱的東西,
我覺得飯比較涼,整碟飯,只有中間的地方有微暖的感覺~
海南雞真的很滑很滑,最開心的是整碟雞也沒有骨!!!
而且有雞味,不像其他普通的餐廳為了多一樣菜式而草草了事~
它的汁也很好,少少酸,亦少少辣~

雞真的很好,但是它的飯還需有待改善~~~

海南雞好好味~~~
我地三人去到,一坐低遁點了<< 泰妃海南雞飯 x 2, 泰式豬脾飯 x 1, 蒜蓉炒椰菜 x 1,
椰汁紅豆冰 & 椰汁涼粉冰 x 1 ,仲有個味精例湯>>

<1> 泰妃海南雞飯($40) : D 雞真係超滑, 油飯一般同埋d飯唔熱,只係微暖

<2> 泰式豬脾飯($40) : 豬脾好淋,好似煲湯肉錦, 飯夠熱仲有d滷水汁,好味, 有d酸 菜伴碟,唔錯~~

<3> 蒜蓉炒椰菜($32) : 好好,唔油....

<4> 椰汁紅豆冰 & 椰汁涼粉冰 ( 跟餐特飲加$5): 超好飲,一定要飲,

<5> 例湯($0) : 唔好, too bad~~

好耐無來灣仔﹐是次經過都引唔住再來吃呢度的雞。

依然點的是﹐海南雞飯﹐配椰青
呢個佩答幾乎沒有變過。

海南雞沒有骨﹐肉好滑﹐好香雞香味﹐係需要用沒有雪過的雞才做到的原始香味﹐不過無理由甘大成本啊。
不過都唔理啦﹐因為真係好好吃啊。

椰青依然係22文﹐一般的價格﹐不過我和小白都覺得好值得﹐因為味道贏左。

早2日原本去飲茶, 點知朋友推介呢間野試下海南雞.
於是又試下啦.
叫左半隻雞同一油飯一白飯.
奶茶同埋青檸SODA...
雞, 唔錯幾好味香同埋好滑
不過D油飯唔係好香, 朋友既白飯唔洗試, 望到都知硬.
杯奶茶有D怪.
地方細左D坐得唔係咁舒服囉
都OK既~

正宗的海南雞飯一試令人回味, 但跟惡劣的服務態度仍有一段距離,,,,,,

久候半小時,我仨被安排入坐到貼牆的二人小餐枱, 強加小圓櫈於通道上以供三人使用,,,,
要求更換有三個"正常"位", 郤換來令人氣結的對待,,,,,不要的話要等下一張, 當安排妥另一批人安坐原先給我們的 "枱" 後郤跟我們說 - "下一張枱的安排也是一樣的, 都是在通道上加位的,,,,要嗎,,,,,一個令人目定口呆的答案; 被反問為什麼不早說, 要讓人家白等時, 得到的答案是 "繁忙時間都是這樣的", 瞬間手上的餐牌已被搶回, 正式向餐廳投訴時竟沒人理會, 一副滿不在乎的樣子, (反正都會滿坐的), 沒想到香港還會有這種有恃無恐的服務態度, 簡直是令人費解, 亦留下了深深的壞印象

經常到這間泰國餐廳食野，因為佢的確可以俾到D幾唔錯的野食，例如海南雞就做得好好，好滑，每次我地都係叫半隻，價錢係比一般貴D(好似$80半隻)，但真係幾好味，夠鮮、夠嫩、夠滑。上次ORDER咗一個咖哩豬扒，都幾好食，D豬扒好嫩，完全冇鞋既覺感，剛好，D咖哩又香又唔會太辣，夠過癮！兩個人每次消費都係150~180左右，平就唔算平，但D野食就真係唔錯！不訪一試！

食物水準：
主菜海南雞飯—雞肉一般，飯尚可稍多油
地方太擁擠，出品慢。可能人手問題，招呼九流。兩人去要你坐細檯單邊，對住兩個陌生人，四眼相對無言！
張檯細到放四碟飯已無位放其他菜，只好以最快速度解決埋單。
老板的咀臉跟所有生意好的小餐廳一樣：快d過主，出面大把人等緊位！
見你食完已大叫兩位呢邊，等你連咀都唔抹就閃。

海南雞癮起，立即捉靚女一齊去找海南雞飯吃。灣仔附近有兩間泰字輩的專門店(泰紀雞和泰國人)，我們選了前者。

我餐牌都不用睇，想也不用想就叫一個海南雞飯套餐，而靚女就揀左泰式豬脾飯餐，大家share食。

海南雞是一貫的嫩滑，又有雞味，雞皮更加正，回味無窮，靚女也對這雞讚不絕口。油飯是偏向乾身，如可多油一點，會更對我口胃。至於豬脾飯，相信炆既時間好夠，瘦肉也夠淋，肥肉豬皮更加起膠似的，口感一流。

飲品是最差的一環，凍檸茶無厘茶味，又唔甜，水準之差令我想起在英國讀書時那中餐館的凍檸茶。

$42有好味的雞飯食又有野飲，滿足了！