18
11
2
電話號碼
2573 2668
營業時間
星期一至日
11:30 - 23:00
以上資料只供參考, 請與餐廳確認詳情
招牌菜
難得朋友黎灣仔接放工，梗係順道食好野喇👯♀朋友推介名門私房菜撐枱腳，貪佢用料靚同埋服務一流，所以已預先安排好菜單，揀晒舖頭啲招牌菜😋天氣咁凍，一坐低梗係飲返碗名門靚湯先！1）杏汁燉白肺湯盅湯呈奶白色，熱騰騰蒸氣夾雜南北杏既香味，再撈一撈個底見到好大舊豬肺同埋白果，豬肺仲要洗得乾淨，未飲已經覺得落足料👍🏻平時好少飲杏汁豬肺湯，因為洗豬肺功夫多屋企好少整，一見到私房菜有得揀梗係一試，係冬天飲夠晒滋潤。2）蜜餞藕盞煎金蠔手掌咁大既蠔！隻蠔煎得金黃，外邊有少少焦香。亮點係要連埋蠔下面塊脆藕餅，再點少少蜜糖一齊食😋雖然可能較為甜膩，但隻蠔咁肥美，啖啖肉冇停口。3）荔芋乳鴿蘇 自家製XO醬(辣）強烈推介⭐經理話食呢道菜最好點埋名門自家製XO醬，先會更加惹味。個XO醬唔太辣，配埋香脆既芋頭蘇一流👍🏻好足料，食到呢味菜已經半飽，戰鬥力好低haha4)蝦子柚皮又一道係屋企好少食既餸！傳統中菜館先有既蝦子柚皮，朋友話難得有梗係嗌。柚皮食落一啲都唔苦，睇得岀廚房用左好多心機僻走柚皮既苦澀，配埋濃既醬汁燜得好軟身易入口👍🏻5)粥水白果浸菜心食左咁多濃味野，要食返啲菜消消滯。上碟見到份量好多，配埋粥水白果煮好清淡即刻balance返。6)臘味滑雞煲仔飯冬天咁凍，嗌左個臘味飯暖胃。一開蓋簡直嘩一聲，勁大兜煲仔飯😆經理好識做咁拎開啲臘味同雞先淋甜鼓油撈飯，免得啲餸太咸。每人成大舊飯焦落肚，加埋唔太肥膩既臘味，食到好滿足！7）蛋白杏仁茶 黎得名門一定要食埋招牌蛋白杏仁茶，力推中意杏汁/杏仁露既fans必試⭐同平時糖水舖食開既係兩個層次，呢碗杏仁茶奶味較重，食落多一層奶香味而且唔杰身，為成餐飯作個完美總結🤤值得一提，經理侍應服務一流，會不時換水又貼心問我地食物岩唔岩胃口。遲下再係灣仔覓食實會encore！
繼續閱讀
私房菜這三個字, 總令人對它有好奇心, 亦有多少期待, 和一般連鎖集團有別, 會比較用心製作, 較細膩, 由對煮食有研究有要求的人監督製作食物, 比酒樓為人工流水作業的打工仔製作, 更添一份信心。 名門私房菜地點就腳, 距離港鐵站及巴士站數分鐘路程, 上到來見地方不算大, 像酒樓的陳設裝修, 行穩陣的中菜格局路線, 客路多是大夥兒。 冰鎮鮑魚配燒汁芥辣醬 $78/隻 新鮮的鮑魚該如何烹調? 以冰填的食法, 就最能食到原本的鮮味了! 只需輕輕將鮑魚拖熟, 保留其滑嫩質感, 口感爽實, 鮮味程度可與刺身相比, 確是一流! 芥末燒汁醬沒有搶去其鮮味, 反而令層次更豐富。 梨香哈蜜百花釀帶子 $168/隻 私房菜果然沒有令我失望, 這個菜式我從來沒吃過, 該是餐廳原創的吧! 炸成一個球形, 表面平平無奇, 切開卻大有驚喜, 最頂是一顆帶子, 然後梨子片、蝦膠、哈密瓜、蝦膠, 帶子鮮甜, 梨已煮成軟蓉, 充滿甜香, 蝦膠打得彈牙爽口, 很有鮮蝦香味, 哈密瓜片略爽, 最後以蝦膠作結, 碟上深紅色的是有點果香的砵酒醬汁, 甜香誘人, 這菜式有多重享受, 是心機手工作品! 古法瓦罉豉油雞 $248/半隻 豉油雞是以浸煮做法, 花上半小時以上浸熟, 一定不會煮得過火, 肉質特別嫩滑, 而且夠入味, 醬汁夠濃香, 味道咸鮮可口, 帶有冰糖的甜味, 非常的滋味, 尤其雞腿部分更為搶手, 真想配一碗白飯, 但因為keep fit的原因我晚上不太吃飯, 平常跟朋友飯聚, 也要經常抽時間運動, 才能取得平衡。 生磨蛋白杏仁茶 $48/位 杏仁茶質感濃稠, 以新鮮的杏仁現磨製作, 杏仁味香氣迫人又天然, 杏仁含有維生素E等抗氧化物質, 能有抗衰老的作用, 蛋白煮得幼滑, 份量好多, 豐富的蛋白質可修補損壞的細胞, 這甜品是女士們的好朋友, 而且它少甜, 更是健康之選! 吃完甜品, 感到特別滿足, 很完滿! 師傅的巧手和功手夫, 令人留下深刻印象, 當中每一道菜都是精選, 以獨家調味配合食材的鮮味, 發揮到極緻。人大了, 越來越欣賞中式私房菜, 而名門私房菜有傳統家常菜式, 亦都有創新的製作給人驚喜, 一次過滿足兩個願望!
繼續閱讀
食友在此樓上私房菜館搞了個飯局吃焗魚腸和盆菜。地方不算難找, 就在灣仔道口近電車路那邊, 位處的大廈樓下有個醒目水牌。行上 2 樓 (一樓是網吧), 千來二千呎的地方, 咱們 5 圍人馬已包了場。裝修並不富麗堂皇, 不過也掛了些書畫。跟食友們寒暄一番之際, 有勞搞手此時又忙著張羅菜色了...鮮角螺燉湯湯色清澈, 雞和螺的鮮香濃郁, 老火之作令身旁食友連連讚好。事前大家在議論家鄉釀豆角究竟是怎麼個樣子, 上桌後恍然大悟, 像一餅餅蚊香的賣相有點似曾相識, 原來去年在此 (http://www.openrice.com/restaurant/commentdetail.htm?commentid=2005463) 吃過了。這裡的是乾身的版本, 上面的肉餅特別香, 原來下了鹹魚在裡頭, 加辣椒油吃更佳。豆角青綠爽脆, 是一味精緻的傳統食制。羅定豆豉雞很家常菜的感覺, 鑊氣十足。來自南洋的食友見到「有汁撈飯」的菜色雙眼發光, 「畢」個不停; 豆豉已弄得細碎混於醬汁中, 惹味卻不會死鹹, 雞件和三色椒都成了配角啦 。薑汁炒蘭度作為間場的青菜算稱職, 甜得來沒有筋, 也見到一粒粒的薑米, 但那個粉芡就是黏了一點點。釀鯪魚盆菜是這晚其中一個主角, 雖然現在天氣稍為回暖, 但盆菜出場時眾人仍是嘩聲四起的。盆菜的基本配料如雞、蝦、鴨掌、腩仔、枝竹、蓮藕、各式蔬菜等等都齊備, 這些我對之印象一般, 反而上頭那尾軟嫩香滑兼無骨的煎釀鯪魚就很好吃! 後來再另碟上了一尾, 又成了我頻頻下箸的目標。鳳凰焗魚腸才是今晚領銜主演的, 陸陸續續竟然來了 3 大砵! 初時大家興致勃勃地拍照 (無奈我的相機不聽話, 又手震, 拍了很久搞到魚腸砵都縮水了大家才有得吃, 真的不好意思!), 剖開後就見魚腸層層疊疊在內, 但蛋的成份更高 (公子說一砵用上了 4 隻蛋!), 於是我竟以為吃西式蛋批 quiche 呢! 魚腸看得出是清理得幾乾淨的, 但吃第一砵的時候咬到一兩口有少少苦味; 到第二砵開始有進步, 不過蛋的部份仍是乾和老了一些, 最後那砵 (就是照片中那砵) 就好多了, 表面焗得金黃而火候今次也恰好, 只是大家連盡兩砵之後都得小休一下, 但之後還是都給全掃清!上湯浸時菜看來是莧菜 (不知有沒有認錯), 纖維豐富, 食味清淡。名門炒飯是用鮑汁炒的, 香氣撲鼻, 飯身乾爽, 只是已近全飽, 未能力戰全碗了。甜品是桂花糕, 小件精裝, 清涼甜美, 加了杞子更有益。是不錯的一頓, 不過只吃魚腸也飽到撐呢!
繼續閱讀
三月中旬說是盆菜宴，但更值得期待的，個人覺得是花功夫串弄的順德煎釀豆角，六十一件豆角，單是將長條豆角卷成餅，就算是老師傅，亦要件件花上五分鐘以上才處理得好，六十多件成品所耗的時間可想而知。本地除鄉土風情的「牙籤」版外，數正宗的就只有名門，豆角爽口，而餡餅下了鹹魚，有肉香又不單調，多多功夫，就是替家人做的家常味道，吃得很滿意。而主角盆菜、焗魚腸也是水準之作，$200／位吃到多道傳統菜的盛宴分享，將於網誌 http://foodxfile.blogspot.com 推出。
繼續閱讀
mar 22, 10,共61人嚟大局食dinner,食咗 : 1) 鮮角螺燉湯-每碗都有好多料,雞肉嫩滑-也很鮮甜 2) 家鄉釀豆角-第2次食呢種釀豆角,底部捲埋好似蛇餅咁,好得意-亦見到煎得好靚,不過油多咗少少-肉亦juicy,調味恰當 3) 羅定豆豉雞-好惹味,豆豉味濃,亦有鹹鮮-好味 4) 釀鯪魚盆菜-昨晚先食過盆菜,估不到今晚竟然有微型盆菜-除咗面頭嘅釀鯪魚外,款式都幾多,有蝦,掌,油雞,5花腩,西蘭花,蘿蔔,蓮藕,枝竹.........-因為人多,size不算大,所以調味亦適宜夠味d 5) 薑汁炒蘭度-蘭度腍身咗少少,唔脆口 6) 鳳凰焗魚腸 x 3-估唔到前前後後上咗3砵焗魚腸..........越做越出色,最後嗰砵最好,面頭個油炸鬼段都脆埋,香氣最濃-裡面都乾身,不過個人口味喜歡少濕潤-魚腸份量都ok,都唔腥,不過間唔中都食到有少苦味-食友話唔多覺有陳皮味 7) 豉汁釀鯪魚-另外再上多1條釀鯪魚,盆菜上得1條確實不夠分-佢嘅鯪魚肉結實,中間混有好少見嘅材料 - 臘腸粒-所以變得惹味好多 8) 上湯浸時菜-d菜老咗少少,所以比較挺身 9) 名門炒飯-炒得不錯,夠色又夠味,粒粒分明-放下了不少叉燒粒,不過少了份優質炒飯應有嘅香氣 10) 桂花糕-ok* 好彩個肚皮去到開飯時已無事了............不過嗰晚我都唔敢去得太盡 * 聽到坐我身旁食友工作上遇到1個幾難頂嘅老細.........真寄予10000分同情~~~~
繼續閱讀