Came here a few months ago to try their famous 粿's. A Chiu Chow style Sticky Rice Dumpling, at this shop its slightly grilled until it forms a browned crusty surface! Ordered 2 Savouries and 1 Sweet. 1 was a 椰菜祼 and the other I can't remember anymore lol! I just remember they weren't my 1st choice as by that time of the day, they had sold out for the Chives version. The dessert one was the 甜綠豆蓉裸, which is one of my favourite fillings. All of them were pretty good, especially the external sticky shell!

Only complaint is the oil they use has a funny unpleasant taste just like many street stalls, they could use better quality (or tasteless oils). 2ndly the ingredients inside the dumplings are a bit boring rather than top end fillings!

Wanted to order 潮式炒粿條 but already felt full by then. Next time!

星期日晚, 媽咪話煲左粥做晚餐, 不過無炒麵. 叫我地去買潮州巷嘅沙爹牛河. 點知我地上到街市先發現潮州巷內部裝潢, 簡直係晴天霹靂. 我地特登由中環行去上環, 行到身水身汗, 你居然無開門. 正準備離開之際, 阿妹八八卦卦咁週圍行, 見到以潮州粿品出名嘅曾記好多人, 情景有d似無線套家好月圓咁, 一家大細一齊整月餅, 我地都係第一次見到咁多潮州月餅, 所以即刻買番個做手信. 估唔到有單個買, 老闆娘仲好好咁介紹有兩款口味(豆蓉同芋蓉). 話芋蓉多人買d, 所以我地都買左個芋蓉月.仲提醒我地個餅仲熱, 未食住要打開個盒.
番屋企食完飯, 我地急不及待切個芋蓉月試吓, 切落去聽見"咭刷"咁嘅聲. 嘩! d酥皮好脆唔油, d芋蓉好香, 不過都好勁豬油味. 我個人唔多受得, 不過媽咪話係咁至正宗. Overall, 芋蓉月都好好食, 仲好有人情味.

今天國慶 , 早上看了電視閱兵後,
就出到上環找食,因為老公是潮州人,
之前我介紹這間給他時 , 他知道有地方賣粿 ,
他很開心 , 今天我們就是想食粿

落車後由於不是太識上環,
起初去錯了地方 , 去了上環市政大廈 ,
其實應該再行遠少少 , 去到皇后街,
上到去...見到鋪見到人但什麼粿都沒有 ,
那裡的人說 :做節呀 , 要到12才有其他野賣 , 現在只賣月餅
當我帶點失望的時候 , 可能老公想念潮州家鄉食品 , 他就點了一份月餅食 ,
很好味 , 未食過潮州月餅的我 , 覺得不錯 !不錯!
可惜沒有粿 , 老公不太想離開這裡似的 , 好像總想找點野來食
但眼見都沒有其他野食賣la . 就只好帶著這個大男孩離開 ,

希望下次再黎的時候可以食粿la~

這裡是從前的同事口中得知這一帶是有很多潮洲食肆,從而再在OR上找資料,

這天上了皇后街熟食中心,比起現在新的街市樓上熟食中心,這個属於小規模的了,每個檔口能占用的空間也比較小,因為當天去到已經是下午茶時間,潮州行已經在準備晚飯的東西,我們見曾記攤開那些一盤盤的茶粿很整齊,於是便埋位試叫一個,但阿姐話”隻鑊好大架,煎一隻粿好浪費油,要兩個好唔好?”所以要了兩隻蘿蔔粿雖然是煎的但油不多,幾好味有咬口,跟住問她們還有什麼,她們說水瓜烙啦,好,我們就試”水瓜烙”,這裡可能因為沒有大碟,所以用小碟裝,上面放了四片手掌大小的水瓜烙,這個煎得好香外皮脆中有軟糯口感不過油就比較多,食完之後好似有少少唔夠喉,再問有無其他撚手嘢呀,”潮州炒麵線囉” 好,又來一個,原來都幾豐富下架,有蝦啦,芽菜,九黃之類的雜菜,炒得好味但也是多油,所以臨尾老闆見我兩食咁多油膩嘢於是給了壺茶我們,多體貼啊,我們食嘢期間都見有好多後生的來買這些茶粿,通常是半打,一打那樣買,

喺open rice見到超多人激讚，真係好想試吓，就係咁開展咗我既尋找"曾記粿品"的故事~~~
唔知點解，上網係搵唔到皇后街一號架，行到身水身汗，終於喺個角落度見到熟食中心個入口啦，心諗:"如果唔好食就真係搵笨啦~~~"
上到去見到好多人買梗外賣，應該唔會令我失望卦...
炒糕棵 ------ 好香，食落好似係冇蘿蔔既蘿蔔糕，甜甜地，都OK既~~~
韮菜棵 ------ 煎到外脆內軟，煙煙韌韌咁，D韮菜又香又多，真係停唔到口呀~~~
芋泥棵 ------ 我既最愛，甜甜既芋蓉配上煙韌既外皮，唔駛煎都好好食，又唔會油淋淋，精彩
我一定會再嚟架，等我呀~~~~~~

星期日下午去到曾記, 為的就係多位食家大讚的潮州粿品

不過上到去, 唔係好多人, 全場只得五枱客, 曾記就有三枱, 見到兩個女仔食緊一碟好似炒蘿蔔糕的, 就叫了一碟, 叫炒糕粿, 另外仲買兩隻椰菜粿食

炒糕粿味道就唔錯, 用甜豉油炒, 加埋雞蛋入去炒, 都炒得幾香, 不過無肉, 而且有點甜, 味道唔係太啱我, 椰菜粿都係普通, 味道比較淡, 粿皮唔係好薄, 同預期的有出入

味道唔算好好, 可能要食韮菜先好味啦

香港依家真係好難搵正宗潮州粿品，所以每次一去上環，一定去lee間曾記，買我至愛的綠豆粿品。
可以即食，又可以返家煎香食，怕熱氣的話，蒸都得!!
超正!!!

堂食清心丸綠豆爽，坊間糖水舖很少有得供應，不仿試一試。

過年過節，沒有粿品賣，會專做時令食品，請留意，免白行一趟。

~同朋友行書展~由12點行到成5點幾~
~行到肚都餓埋~

難得我地呢d九龍人去到港島~一定要食番d地道~
經過我努力鑽研~終於決定搭叮叮去吃呢一間曾記粿品~(難得我識落車 ^^)

因為去到都成六點鍾~得番好少選擇~所以就~
吃左三件煎糕粿(糯米,花生,九菜)+一碟抄糕粿~

好快糕粿就煎好lo~
糯米糕粿~淡淡的~沒有什麼味道~得個皮好吃~好脆~
花生糕粿~都係淡~而且我倆對花生不太感興趣~
九菜糕粿~最好味係呢一個~九菜好香~又夠味~加上外皮~好似別緊煎餃咁~

吃左一陣~
抄糕粿就到啦~~~~~
個賣相非常吸引~以為佢會好咸~點知原來係甜甜的~
~熱熱的~非常好吃~有d似油淋d ge上海年糕
朋友覺得熱的甜食唔好味~~我差唔多吃曬全碟~但係~~~~~正!!!!!!!d抄蛋先係全碟的精華!!!!

而且價錢平~又吃到好飽~

而環境方面~熟食中心都唔會有太大的expectation~
但都好在有冷氣~

最近上榜的新面孔見有曾記這個名字, 滿懷希望的去食好野

可幸的, 係今次的希望得到了引證, 買回來的韮菜粿百折不扣係一樣美食, 在網上已經看了食友之形容, 其實都略略知道係咩, 不過估唔到原來平時無咩點食的韮菜可以做出如斯好味的小品, 有點始料未及呢!

粿品咸的有六至七款, 我只係試韮菜同芋頭, 兩者之中韮菜比較優勝, 可能芋頭本身的質地問題, 有少少乾啃的感覺, 但味道都係好! 韮菜入面比較濕, 易入口!

食完仲買一打返去自己煎嚟食!

尋晚因為相公接了一份小外快, 要到上環影相, 去前要食少少野先, 出去前緊係要做定功課啦...

我地尋晚去到曾記都6點了, 佢地唔係得返好多款既裸, 我地2個要了:

韮菜裸 x 1 - 很香, 很多韮菜~

椰菜祼 x 1 - 很多椰菜, 但味道較淡

花生裸 x 1 - 只係有幾粒花生...都可以...

甜綠豆蓉裸 x 1 - 很香綠豆味, 唔太甜, 我鐘意啊~

有時令既裸, 如荀裸 & 甜紅豆裸, 可惜我地去到已賣晒....無緣試... 希望下次可以試到啦~

這間叫曾記的還是第一次去, 很少到上環一帶覓食, 自己主要在銅鑼灣食野, 如果唔係openrice的話, 根本不會認識此店

很多人讚好的潮州粿點, 究竟係咩味道, 我都好想知, 於是買了半打九菜粿跟半打筍粿食! 三個人一人食四隻, 因為其實佢size 唔係好大, 直徑三吋倒, 煎香左先食, 味道真的不差, 九菜粿比筍粿更好味, 因為筍粿d皮厚得多, 就算煎左, 都唔夠脆, 無咁好食!

果然無介紹錯, 一隻3.5元, 可以話又平又正!

今日到了新上榜的曾記食, 試試大家讚好的潮州小吃

"三件九菜果吖唔該", "煎埋" 買完便找位坐, 只係曾記得兩張專用枱, 用其他舖的枱都要俾人趕, 可惡, 呢個美食中心的管理真係好差

雖然俾隔離舖激親, 但好彩個九菜果真係好好味, 食家們無介紹錯! `不過.. 原來三隻係唔夠食架, 所以要去隔離買餃子食lu, 因為唔想食同樣的食物太多呢

想起上環的潮州食檔, 老遠又去食一次

款式有咸有甜, 咸的除筍之外一律三個半, 甜的就四蚊個, 唔知點解, 咸, 甜, 一樣咁大個, 但係會貴五毫, 不過點都好, 都係平

吃了兩個椰菜跟兩個蘿白, 這個小糕點最引人之處, 係煎的時候用上豬油, 不信可以試試買個回家但用花生, 粟米, 又或者芥花子油煎, 一定無現場咁好食, 蔡瀾講得啱, 豬油的確有佢可愛的地方, 這又是一例證!

老友愛吃韮菜, 但這個不是我杯茶, 味道有點似草, 還是吃蘿白好

or的榜上, 發現這間冒起得很快, 於是就去試食

去到熟食廣場上面, 有點混亂, 因為原來唔係張張枱都可以坐的, 每張枱都有"專人"打理, 連聲sorry 之下, 坐番去曾記張枱, 就叫了韮菜粿, 芋頭粿同蘿白粿每款兩件食, 因為見其他人講一個人可以食三隻以上, 所以兩個人食六隻就剛好啦

不過原來size都幾大隻, 味道十分之好, 韮菜係最好食的一種, 煎到脆卜卜, 有豬油的香味, 芋頭就無咁好食, 入面的芋頭切成一粒粒, 如果再細粒少少就perfect! 蘿白係白蘿白, 切成絲來包粿, 味道都唔錯

價錢都好平, 三個幾至六蚊一件, 經濟又美味, 值得大家嚟試食

之前睇食評,見太多人讚喇,所以忍唔住好遠都要去買黎試下,(我住大埔架,返工就喺旺角)
我乜都要左啲..咸o既有:韮菜,蘿蔔,糯米,芋頭!甜o既就要左:紅豆,黑桃,緣豆蓉,芋泥!另外重有炒糕粿!(我屋企人多,買埋佢地果份)
我就食左韮菜:幾好味丫,外脆內軟,同埋裡面有好多汁,唔會乾淨淨!
芋頭:咸咸地,有啲花生喺裡面,我就鍾意食!(不過我覺得唔係人人都鍾意)
蘿蔔:唔錯,幾香!!
甜: 紅豆:好味呀,有好多紅豆,軟錦錦!
緣豆蓉:都幾甜,幾溜,好香口!(鍾意甜食o既朋友會鍾意)
黑桃:都好好味!
至於糯米我見我叔叔食左三份二就唔要,唔知係咪太滯呢?
芋泥就我阿姨食,應該都唔差,我見佢食得幾滋味!
反而令我有啲失望係個榚粿,我真係抱住個期望去試,點知真係覺得好普通,而且無咩味道,淡得滯!我媽咪都話麻麻地!
佢俾o既辣椒醬都係一般o既豆瓣醬,普普通通!!