小小的甜品店 播著輕鬆的音樂

最欣賞老闆的細心 每一次上火焰雪山的時候 店員都總會關燈 拉布簾

士多啤梨酸酸甜甜 一口微溫的蛋白加上底部的雪糕 令我對火焰雪山留下好印象
如果在蛋白和雪糕之間有一層蛋糕 相信整體會更好

(只可惜不是朱古力雪糕的版本 於其他食評得知 朱古力雪糕有oreo餅碎 這看似更吸引 )

久仰大名前來一試
原來店裡要每人點一樣，即不能二人share一個甜點
先點了一個心太軟，因為想知道別人的火焰雪山是什麼樣子，我們就說晚一點才再點第二個甜點，但侍應就立刻說最好點第二個，可能是怕我們坐太久？但我們還是說想遲一點才點
過了一會，心太軟都未serve到同一個侍應就再催我們，又…店外沒有人在等位，真的那麼怕我們只點一個甜點？其實規定每人坏至少點一個已經令人有點不爽
過了一會心太軟送上，配阿波羅雪糕，心太軟未到就爆了，味道不錯，但可能近年心太軟甜品開始在香港流行普及起來，很多餐廳都能吃到，平到貴都有，可能是這樣，所以味道又沒有傳說中那麼的驚為天人
心太軟送上時我們決定要點火焰雪山
過了一會火焰雪山送到，店家會拉簾然後令雪山著火
size比想像中細很多，雪山底下的是雪糕和蛋糕，個人感覺蛋糕太硬太「鞋」，如果能少一點或改就好
結論，有時名氣太人期望也會大了一點，但其實又不是真的那麼的誇張的，去長洲如果沒有吃飽可以考慮來試一下的。。。

假日到長洲逛, 想起 師妹甜品openrice 好評, 於是試了兩個甜品

心太軟+雪糕
火焰雪山

兩個都好得

心太軟流心, 朱古力香滑, 味道唔係太甜, 加埋雪糕伴吃, 一冷一熱, 好感動.

而火焰雪山 好得意, 值得一試

試左兩個甜品
一個係芒果千層蛋糕
一個係火焰雪山
兩個都好掂
芒果千層蛋糕唔係太甜...岩岩好
而且好香芒果味

可惜既係冇位...我地要出面
搞到個雪山D火比D風係咁吹
KEEP左兩秒就熄左
不過又真係幾好味
如果加埋D海綿蛋糕O係底就PERFECT

去完間難食既菜館食海鮮之後, 租番間房擺低D行李, 一身都"鬆哂"
見有MOOD就去拜訪下師妹啦。

我同妹妹捧住個肚真係食唔落咁多野, 又食唔落火焰雪山
所以叫左個apple crumble同blueberry cheesecake試下

Blueberry Cheesecake - 真係一般貨色, 藍莓味唔太重, 蛋糕口感一般

Apple Crumble - 即叫即整, 個味道唔差既, 不過唔係妹妹同我既喜好! 佢果球
椰子味雪糕真係好難食, 好似有陣人地嘔完既味咁, 真係頂唔順, 佢仲話要伴埋個apple crumble黎食, 更加難食!!

有機會既話先試佢個火焰雪山啦, 希望唔會係失望之作啦!

老公生日入長洲行吓，行完山就去師妹甜品坐低飲杯嘢食件餅。
差點找不到食店的入口，因為太過不起眼了。店內沒有客人，我們坐吓才有一對外籍人士入來。可能是平日的關係吧！環境一般，地方有點細。
本來想試心太軟，但是因為老公午餐吃得太飽，只有我一個人吃。
見Tiramisu賣相不俗就點了一件。酒味頗重，「芝」味不足，味道還可以啦！
老公點了冰Latte，好大杯，我試了一口也覺得不錯。行完山喝冰飲料真是一流！
我那杯檸檬綠茶也很好味，淡淡的茱莉味很芳香。最好的是可以自己加糖水，真是細心。
如果Tiramisu可以大件啲就更好。

火焰雪山

難得入長洲，當然要食師妹啦！
問問今日 special , 係 “芒果千層 pancake”，超正！

五個人，當然要叫個大 “火焰雪山” 啦！今次就用朱古力味雪糕 & 海棉蛋糕配答，裡面又有 脆脆 o既 Oreo、有咬口 o既 棉花糖，加埋進食 o既 時間：火一熄，就要分 o黎 食，咁先食到外熱內凍 o既口感。 我喜歡朱古力，所以比較喜歡這個；但朋友卻喜歡上次一個：雜果 + 清海綿蛋糕 + 雲尼拿雪糕 o個 個。

今日一行四人到長洲，因看了openrice對這間"師妹甜品"的評價不錯，
便專誠來一試，我們點了熱紅豆沙、心太軟和火焰雪山。
先來了一 碗"起泡"的紅豆沙，賣相有點驚嚇，不知是否應該本月halloween
主題再來的是火焰雪山，這個甜品稍為有少少驚喜，因我們是坐在舖外，
之後一位侍應請我們入內觀賞火焰雪山"點火儀式"，並且把舖內的燈關掉，
感覺"駛唔駛咁誇"呀？唯一的解釋是"細心"吧﹗
最後來了"反轉心太軟"，正常心太軟的朱古力醬是在中間，但這個心太軟
的朱古力醬在表面，實在摸不著頭腦，是否剛才熄了燈的關係，廚師在混亂
中弄錯了呢？﹗

本來唔抱太大期望, 反而非常驚喜!!!

平日夜晚唔多人, 得我地一檯同另一檯人
一坐低望下個餐牌, 原來都好多甜品款, 雪櫃仲有好多款cake
食完唔飽既海鮮, 諗住食d甜品補數啦...最後一叫就叫左4個!

心太軟真係太好味, 食完要再叫!
新鮮焗製, 朱古力蛋糕軟得剛好, 第一個既朱古力醬少d, 第二個多d, 流晒出黎, 甜味適中, 連埋個蛋糕一齊食無咁漏, 再加一個雪糕伴碟, 中和番d甜味更好!

焦糖布甸都一樣好好味!
新鮮整係唔同d, 布甸焗得好香, 唯一美中不足係上面個層焦糖唔夠厚, 不過整體上唔錯!

相比起梳呼里就有少少淡喇...
雖然我都係第一次食咁大個, 覺得蛋白打起黎焗, 講真, 味道的確唔太夠甜, 淡淡地, 不過賣相的確好ok~

見到火焰雪山, 一問之下, 竟然係$100/4人份量!!!
本來打算放棄, 但心郁郁又想試下, 最後就點左個細size既
等左一陣, 見佢突然全店熄燈, 原來佢準備點火喇~~~
仲以為點火係個雪山上面, 點知係用大匙裝住drum酒, 點火係d rum酒度!!!
d火係藍色架~超靚! 再將rum+火倒係雪山上面!!!
都係第一次睇!!!!!!
見住d火熄, 再望下佢, 上面d忌廉有d燒左既黑黑灰灰, 真係勁似雪山喎!!!
有幾粒士多啤梨, 有少少酸酸甜甜, 唔錯!
下面就係一大杯雪糕, 我「筆」番d rum酒上黎配雪糕, 哈哈~非常好味!!!

臨走前, 問佢拎張卡片時, 佢仲好好心咁提我地幾點有船走!
下次一定要再黎食!!!

放假入左長洲hea，天氣熱，周圍行下都已經成個人濕哂……

之前入過幾次都唔知係邊，間野個大名都叫聽過下，於是今次就一於決心拜訪下。叫左最出名既火焰正山加杯酸May May柑桔特飲，野飲就好快到，個雪山都搞左有10mins先有得食，上台前位姐姐就拉哂窗簾，搞到個場黑monk monk，然後就著住火咁拎過黎，呢下幾過癮。

好啦，唔講廢話。首先，雪山杯野真係無咩特別，玩火個下我仲覺得求其左，火好快就熄，杯入面既雪糕叫做好野，好野唔係指味道，而係我唔能分出佢係自家製雪糕定買番黎既食材，不過講到尾係無特別。

杯特飲就出色，重點係我地以為佢係一杯好酸既柑桔梳打水，但佢只係有少少酸姐，arm arm 好，又酸神，飲得過。

如果論甜品，作為招牌菜，我覺得係失望左。同埋，我覺得幾貴，杯野飲合理，雪山唔合理，希望係因為咁arm 失手。

27號去到長洲就馬上訂蛋糕, 太多選擇最後揀左藍莓芝士, 百四蚊一磅都唔係貴, 而且仲包埋寫字仔, 但店員話寫中文會唔好睇, 結果被迫揀左英文. 不過俾晒錢後冇單據真係幾嚇人, 店員話第二天拿蛋糕時話訂左就得...乜店員會認我我咩???
第二日去拿蛋糕, 真係講訂左就俾我, 店員就好nice咁應我要求俾左六支蠟燭我. 之後為細佬仔生日送上驚喜. 蠟燭唔易吹熄真好玩, 而蛋糕亦非常好味...好耐冇食過咁正既芝士蛋糕, 而且價錢仲咁抵...
唯一缺點是店鋪離渡假屋太遠, 一般遊客都住東灣果邊...行到辛水辛汗又唔可以俾壽星仔發現, 難度幾高!

一早就預訂了cake比壽星妹, 雖然唔係正日,但係都叫做有早無遲呀嗎, heehee
打了電話去訂, 原來店主真係3點先開電話, 之前12點打去問, 點知真係無人聽
店主叫我send個生日牌上的字比佢, 同埋去之前15分鐘話比佢知, ok, no problem!

一齊準備就緒, 咁我地一行三個人, 就先去食d野打定肚,
再同壽星妹講, 天氣太熱, 我地不如去食ice cream啦~ yeah!!!
咁我就靜雞雞打電話去同店主講, 我地十五分鐘後到啦~
因為上次黎過, 所以記得點行, 無行錯路姐~
好細心地預留左一張table比我地3個人, 雖然真係迫左d, 不過好彩有冷氣係頭頂,
我們坐了十分鐘左右, 我就走左出去問店主攪掂未, 咦, 乜依家先寫牌既?
可能人客多, 所以唔夠時間整掛~唔緊要啦~我地嘆下冷氣先啦~

嘩, 有閃閃火花candles既火焰雪山呀!!!
壽星妹當然好surprise, 無想過, 我地只係話去食ice cream,點知整左個cake出黎
哈哈哈~我地影左一輪相之後, 就吹candles, 點知吹左好多好多次都未熄喎~

當我地想切之際, 唔知道原來大既火焰雪山都要燒咖喎, 以為佢地一早就燒左添~
今次無拉閘喇, 係拉布幕, 黑黑地, 我地黎唔切拍video, 只係影左一張相咋, 唔緊要啦~

好大陣rum酒味, 有d似vodka喎, 但下得重手左d姐~
不過好多雪糕呀, 份量對我地3個人黎講, 真係岩岩好喇~
雪糕未溶得晒, 解暑最好呢~

期待o左好耐好耐...
終於黎到試試......
唔使睇..都已經諗定食咩...就係----火焰雪山......
等待期間....突然熄曬燈.....仲以為有得食tim
再等多一陣....又突然熄曬燈.....
woo...終於到我lu......
著火既一刻好震撼rrrr...
第一啖食到好濃酒味..配上如綿花般的燒蛋白....讚!!!
暖暖的蛋白再配上冰凍的香濃朱古力雪糕....超讚!!!

一杯小小的火焰雪山....竟能有如此多的層次....:實在太美妙

見openrice有咁多個笑,加上朋友的推介去長洲等佢開門~~~
開頭都坐爆人!!!~~
由於佢話每人最少惠顧一樣野,so我們3個人咪叫3樣野lo
叫左火焰雪山,心太軟&薑汁疏乎厘
火焰雪山----->好正...因為我鍾意佢上面整得岩岩好,而下面的朱古力雪糕夠濃而不甜!!!
心太軟------>一般...因為個心唔夠熱,而且d朱古力漿唔夠濃lo,市區會好食好多!!!
薑汁疏乎厘----->還好...因為佢個味同我係酒店食都差不多!!!薑汁個味唔係太重,我唔太喜歡薑都食哂!!!