进店的时候已经7点半，被告知已经没有蛋挞和菠萝包了...
只好试试同样有名的猪扒包。分甜咸两种口味，本人愚钝，的确没有分清哪款是甜，哪款是咸。店家特意在面包长相上下功夫，一种撒芝麻，一种没芝麻，但我还是没太区分出来，觉得两种都不错，呵呵。
下次一定要早点去，我最爱蛋挞了！！！

每次經過都聞到菠蘿香,趁今日個肚仲有吉位,撞正有面包新鮮出爐,一定要試!

人係多,不過為左每人分到一兩個包,都好守秩序.阿叔要一個菠蘿包兩個菠蘿油,阿嬸又話要兩個菠蘿包一個菠蘿油,攪到d阿姐要大叫記住d油同包既數量.

是日下午茶餐:-
菠蘿油>> 終於都分到我手,成個包表面脆脆,入面好軟熟.拎起手牛油都仲未溶.不過咬左兩啖,牛油已經滲晒起個包入面喇!我未食過一個菠蘿包咁脆架,好飽都要再咬多佢幾啖呀!!!

小小的茶餐廳，多多的食客們。或許此店的菠蘿包太出名吧。毫無疑問，此店的菠蘿包確是做得出色。因流量快的緣固，出品保証新鮮熱辣，外層香脆撲鼻，內層鬆軟可口。除菠蘿包外，酥皮蛋撻亦做得不錯，蛋味尤是香濃。相較之下，五香雞翼味道無乜特別，午餐叉燒餐肉蛋飯亦很普通。

[8/11/2009; Sun]

做完野番公司之前，一定要買野醫醫肚。
都唔知買乜食好，見到金華門外好多人，於是又埋去買番個菠蘿包。
之前都食過，覺得唔係話特別好食，可能上次唔係新鮮出爐。
今次即買即食，好食好多！
麵包都幾軟熟，唔會實得得，最正係個菠蘿皮!!!
有番咁上下厚度，仲好脆添，咬落脆口，但又唔會掉到全身都係。
真係好好食，又平又飽肚！

弼街金華，最出名菠蘿包，一定要試！

上星期日再會金華，一心都只係想食菠蘿包，但係超超超超超多人，所以唯有等。
好好彩，等左大約十分鐘，就有得食。真係好大個呀，$4一個，一場黎到，當然起個孖，就買左2個。

一食落去，的確是熱烘烘，皮面脆卜卜，加上新鮮焗起，美味度 +50%!!!!!
以$4來講，無得輸!

本來今日陪朋友一齊去金華食個TEA, 但最後到7點幾先到

其實, 間茶餐廳都幾方便喎; 因為係正花園街之間既路; 行一陣街就可以入黎休息一下, 都不知幾正囉

一坐低, 第一時間當然就叫菠蘿油加奶茶啦; 再來就係, 旦撻同西多士

好快D野食就上枱:

菠蘿油
真係好好食; D皮好脆, 加埋塊凍牛油, 哇, 好正呀!!!

奶茶
一D都唔澀; 好濃奶香味, GOOD!!!

旦撻
新鮮熱辣, 皮脆旦嫩, 咪就係用黎形容佢囉

西多士
似乎失色左好多; 普普通通啦

另帶一提, D到既侍應同老世都好NICE呀

半年前，朋友知道我最愛食包，特別介紹我去弼街金華，佢話個度最出名菠蘿包，一於去左試。

一去到，真係好多人排隊，堂食就反而有位。不過，我一心都只係想食菠蘿包，所以唯有等。
好好彩，等左大約十分鐘，就有得食。真係好大個呀，冇記錯好似係$4一個，見等左甘耐，就買左2個。

一食落去，的確是熱烘烘，但一d都唔好食，因為食落去一d 都唔鬆軟，個包好實，出面好多麵包店都好過呢間，因為唔想浪費食物，所以一併食晒2個。

最後，其實以$4來講，應該可以再做好d。

今天和媽媽來到這裡吃午餐，也有一段頗長的時間沒來了，想了很久，雖然我的咳嗽久久未能痊癒，但還是要吃個菠蘿油! 來到這裡沒得吃菠蘿油實在太沒意思了吧，所以也顧不得這麼多呢!

一進到去那位哥哥即刻安排到位置給我們坐，真是太好了，今天實在多人得很緊要，遲十分鐘進來也沒有位置坐呢! 很多四，五人的顧客寧願分開坐也要吃個菠蘿油叫杯熱奶茶呢，可見它真的不是浪得虛名的!

我們兩個人一人叫了一個菠蘿油，另外再叫了一個煎鹹魚肉餅飯兩份吃。菠蘿油最先來到，今天這個最好，一拿上手差點要放下，超級熱辣辣，證明是剛剛新鮮出爐的，打開包的內裡，看得見那些牛油正在溶化中呢! 菠蘿包皮很脆，但不會散到周圍都係，非常香口，麵包也很鬆軟，每口也吃到牛油的香味，真的太美味啦!

飯餐有個例湯跟，那個例湯也很不錯呢，是蓮藕煲綠豆，非常清甜，絕對不是味精湯啦! 再說回肉餅飯，雖然飯的份量不算多，但它那塊鹹魚肉餅是很好吃的，有點彈牙的感覺，不會鹹得過火，要來送飯剛剛好，大家下次可以嘗試一下，它其他食物也很不錯的。咖啡是香滑的，只是酸了一點點，但也算是一杯不錯的咖啡。

那位服務哥哥真的很好笑，很多顧客也被他的說話逗得笑個不停呢! 來得這裡不要對服務有要求，只要快! 吃完拿拿聲走，就是來這裡應有的態度了。 =)

我一直都麻麻地菠蘿油,不過見到咁多人話呢度得,都攪到有d心郁郁, 一直都想試吓，行開過黎, 就得起心肝試試佢,蛋撻既味道就一般,可能唔係新鮮出爐, 唔係熱食就差d,之後就試主角-------菠蘿油，牛油無比想像中咁冰凍，而且唔係厚,唔會成日油咁 不過包仍係熱辣辣，而且好鬆軟,個“菠蘿皮”非常脆, 外脆內軟,滲有牛油香, 比起一般茶記真係高一班!!

一直都好想試吃菠蘿油,但因為看到那厚厚的牛油一直都很怕
最近看到好友寫的食評就激起了我那團火,今天行經旺角一於去試試
去到門口已經爆滿了,幸好我們兩人比較容易有位
一坐低已經有超過三個呀姐問我們要吃什麼,
雖然我已經決定了,但友人還未決定好,真是怕了她們的速度呢!
最終還是要分開下單才能解決這些快速的呀姐
還未吃午餐的我要了個雞翼餐加菠蘿油
雞翼餐有一個酥皮蛋撻兩隻雞全翼,

先說雞翼,因為是早已做好放在保溫櫃,所以不熱之餘肉很硬
除了是大大隻之外都找不到什麼優點

再來酥皮蛋撻也是不熱的,雖然蛋是流心的,不過不討我心
酥皮不錯很鬆化,可惜還是不夠熱累事

菠蘿油
上桌熱辣辣,可惜我忙著分我的雞翼沒有即時食,到了食的時候牛油已全溶了
雖然牛油已溶了,但包還是熱脆的,光是這樣都夠了
包應該下了不少發粉,吃得到很鬆很軟
吃下去的時候感覺上有點檸檬味,應該是牛油的關係吧?
很特別很美味呢!

凍咖啡 很意外! 想不到會這麼好喝
咖啡很香很滑,有奶香也夠冰凍,正!
感覺比ucc的更好喝,但我不太懂形容就是了
給朋友試的時候她還嘩了一聲呢!
而她的凍奶茶也很不錯,非常滑而且茶味奶味又各樣參半,也是不能錯過的呢!

印象中這是我吃過最好的一家茶餐廳
下次出旺角一定會再來試其他東西的!

其實都食過幾次呢度既波羅包同埋墨西哥包...
初初食佢係因為名氣, 最近食佢既原因係因為要快速醫肚....
但每次食都係失望....


真係唔覺得係好食...
以一個 "麵包"黎講, 佢既面粉發得唔好
個包咬第一啖已經覺得糊口, 有d "濕", 唔鬆軟....
咁既質素, 賣成$4一個, 我就覺得唔係好值....

唯一ok 既係個d 包一定係熱既~~

上一次只吃了一個菠蘿包，今次要入去裡面吃好彩不用等太久~就有位了!
自己點了一個餐(二隻雞翼加酥皮蛋橽配熱奶茶)再加一個菠蘿油大家不要說我大食

雞翼好大隻，酥皮蛋橽是我一直都想吃的~果然真的做得不錯~酥皮很香很脆~蛋味濃香!
菠蘿油真的是這裡的頭炮，超好吃~包不竟是新鮮出爐，而且連包都是很脆，酥皮又不太甜，加上了牛油就剛剛好 奶茶也做得很滑~

簡簡單單的下午茶也非常滿足。

雞批 + 凍奶茶

雞批有水準, 好香酥味,雞肉真材實料..
只係好似7蚊就食飽, 加杯凍奶茶 奶同茶味各半...真係透心涼

環境雖迫,但係好似大家都開開心心
好多人都係叫一個下午茶餐, 一齊影下相

其實 雞批 真係都okay, 唔想try heavy既波羅油,try this la

上星期誤打誤撞之下終於試到呢間嘢食lunch,
其實好多閎經過開呢度都見到d人排晒長龍買包食, 於是我除左叫左個常餐 (雪菜肉絲米+凍檸茶), 仲叫多左個菠蘿包.

本來滿心歡喜諗住d嘢一定勁好食, 點知食完真係好失望

碗雪菜肉絲米一lai到已經覺得好細碗, 又無出面其他茶餐廳咁跟個火腿奄列wor, 份量真係好少....

味道亦覺得非常普通, 個湯底一食就知無料到, only得個咸字...
只有菠蘿包上面層脆表皮的確香脆.

但overall lai講, 所有食物真係未見突出, 但價錢卻比起其他茶餐廳稍貴

食完呢餐真係好失望...唔明點解呢間嘢係openrice評價咁高

不過想讚下d service都幾好, 收$個老闆娘very nice!

個日行行下街,,又唔想食花園街 D 野,,,忽然間諗起金華,,,
叫左個大家都強烈推介既波羅油...等左一陣,,好多就有,,
食前我仲諗,,不如了起一半牛油,,甘就冇甘肥,,
不過當我咬左一啖,,就忍唔住繼續食,,,,

走既時候,,仲外賣左2個返屋企,,,
終於明白點解甘多人願意係甘熱,,又大雨既情況下等,,