服務態度差，唔休做咁款...
見係老字號，諗住食品就有保證，點知..................................

蛋散: 一D 都唔好食... 又賣得貴..好細包... 唔夠鬆化....花園街個間D蛋散好食好多!

星期日around六點，收舖中，幸好趕得切

朋友係熟客，佢介紹食『蝦子扎蹄』($13)，第一次食，好食呀！好似ｄ齋咁，入面有蝦子，好好咬！不過原來好飽肚。好surprised呢間野有『熱食』既食物供應

另外買左『野生柑桔』俾另一位朋友，幾得意咁，口感幾好，唔會太細粒，起碼有ｄ野咬下丫。少少甜啦，希望真係對把聲有幫助啦

今日冇所事事..行下中環..行行下比我見到陳意齋之前上網睇過d人話好好食..
入去行下啦..
買左4樣野..食落好一般..冇咩等別囉..

託朋友買的幾款食物終於到手,當然要馬上試食啦

蝦子扎蹄:$13,用上腐皮包著蝦子,腐皮外面較實,中間開始較為較熟,很有層次感.蝦籽份量唔算多,卻充滿鹹香味道.用來做餸或作小吃皆宜

魚皮花生:外面炸得唔夠脆,花生也唔夠香,也唔多夠鹹味,如果魚花生做唔到脆的話,和普通花生又有何分別呢

齋燒鵝:燒鵝脆卜卜好惹味,也沒有起渣,又夠味道,最重要唔會太鹹,食多多也唔怕呢

甘草欖:欖肉軟軟,只是沒有甘草味.如果多些甘草味道便好了.

本身思想同行為上吾算得上係傳統…但對於食物, 反而有時會執意於傳統…香港時興將傳統加入新原素o既所謂”創新”...好多時只令我覺得冇晒”個性”啊!!

…對於一些老字號以不變應萬變, 屹立多年總固有原因吧! 除左係信心o既標誌外, 最重要係為佢投上感情一票!!

以今時今日咁多人追求生活質素講究身體健康…什麼什麼o既研究報告…哩類傳統小食早被貶為吾荒有益o既”垃圾食物”…但如果平時嚴守紀律日日清, 一年365日只有幾日吾聽話, 囤積左小小”垃圾”…亦未至於造成”污染”對吧?

(1) 南乳蛋散…脆卜卜吾油膩, 加上淡淡南乳味…唔! 如果吾係怕熱氣呀, 真係停吾倒口!!!
(2) 菓汁牛肉球…哈! 粒粒四四方的, 吾明點解叫”球”?!...味濃! 始終係肉類關係, 部位會影嚮到素質, 一包裏面有D較軟身, 有D都硬…要用D牙力o架!!!
(3) 齋燒鵝…同樣都係兒時喜愛o既零食之一…好好味哇!!...每每o趙到咯咯響o既時候, 我都以為自己磞牙o架, 哈!!!

其他喜愛的仲有雞蛋餅、原粒杏仁餅…

怕冇益??...我就計過, 不如趁仲年青力壯有牙時食多兩包好過!!! 嘻嘻~~~

不過講番…近年【陳意齋】亦要趕潮流…搬舖位後重新設計同改良包裝, 又打入G.O.D…今次得知原來門市進駐九龍觀塘apm, 勢打入年青人市場!...其實我更愛佢原本在後面舊址o既老舖模樣同舊包裝的!!...

p.s. 近日聽報導話嚮上海老舖【陸金記】瓜子大王關門大吉?!...在荃灣長大o既我, 幾乎感慨得想掉下眼淚呢!!...好在戲劇化地數日後重開, 多好!!...雖然吾係經常幫襯, 但就係想佢地大門日日為我開, 隨時歡迎我嘛…踏入舖有種”回家”o既親切感覺多温暖啊!!...

經過陳意齋 ....見到有鳳皇卷同蛋卷買~於是就買黎試下啦~

蛋卷($25)........一盒有6包,每包有3條~係獨立包裝架~很好,味道就一般啦~我覺得甜左d,而且口感不夠厚~一咬就碎晒....

鳳皇卷($25)......2塊一包獨立包裝!幾好食~因為入面d椰絲好食~

燕窩糕$45
扎蹄$13

入去陳意齌，梗係買出名嘅燕窩糕同扎蹄嚟試吓
燕窩糕入口淡唔甜，糕粉味重，食落煙韌，有似曾相識嘅感覺，好似以前細個阿婆阿嫲買嗰啲嘢食嘅味，有啲似光酥餅味
扎蹄夠扎實，調味夠，鹵得入味，腐皮有豆味，全條都濕潤，唔會有部份乾咗

跟著boyfriend去陳意齋買嘢，買了一堆好「新奇」的中式小食，店員大力推介$45盒的燕巢糕…

看陳意齋的外賣訂貨單才知作家張小嫻曾說：「陳意齋的燕窩糕用來哄女朋友最好，接她下班時帶一盒，她一定愛死你。沒男朋友，就自己買來哄自己吧！」

hmmm…味道ok啦……不過有人買嚟哄自己，點都變成好好味 hehe

最初我認為毫不起眼的牛油雞蛋餅竟然係超好味，蛋味濃郁，外硬內軟！

另外齋燒鵝、蝦子扎蹄都一流！

自從六月頭病了一場，導致太公氣管敏感翻發，咳嗽就樣冤鬼一樣纏著太公不放。

碰巧某天補假，路經中環，想起陳意齋 的杏仁露有潤肺之效，也就繞一繞路，去買返支。

回家後按指示以一比十的份量沖水喝；雖沒甚麼藥效，但喝下去的確喉嚨頓感順暢，舒服多了，這幾天一直就是靠這欂杏仁露紓緩喉部不適 - 你要知道，我也是要試過好了才能介紹給大家的啊！ (動L~)

而且，這杏仁露杏仁味芳香撲鼻兼味道甜美，就算沒病沒痛，這也不失為一杯美味飲品。 一大支才$32, 喝了兩星期才消耗了一半，實在抵飲。

來得陳意齋，當然也要買一些小食孝敬娘親；她最喜歡的是陳意齋杏仁餅，夠香甜酥化，甜度較低，杏香沒給甜味和焦香味搶掉風頭，比澳門的要出色多了。太公比較喜歡非原粒的，杏仁碎混進餅中，豐富口感也使杏仁香味更為豐厚。

雞蛋餅則是隨手見其可愛抓起的 - 雖然蛋香非常的濃烈，可惜質感實在太乾，整體效果實在一般。

付賬時，督見那蝦子紮蹄，忍不住要了一條，後來在電影院外幹掉了。腐皮較硬實，不過蝦籽比以往多了，在外圍部份夾了滿滿的一層蝦籽，是以，味也較以前濃；蝦籽咸香與豆腐香配合得宜，效果甚佳，令人吃得非常滿足。

誰說 - 杏仁餅一定要幫襯馬交的？咱們香港，明明也有杏仁好貨啊！

名就聽得多，去就未去過，今日難得落中環，一定要買些手信回家品嘗，
燕窩糕…味道淡，咬落煙un，燕窩係邊度，只有整個位師傅先和。
意米餅…甜甜地，特別的地方係有幾個大字。
雞仔餅…薄薄地，無咁厚，咬落都有些黏牙。
買了100元，員工服務良好，買燕窩糕時，解釋詳盡。

走過公司附近的這間陳意齋
和媽媽看看有什麼好買的，不過在蓮香樓買了不少吃的
還是有節制的買以免浪費

想了想還是選擇人氣的扎蹄~要了蝦籽素食各一用來晚餐加餸，$13元一小條真不便宜~而店員細心提醒媽媽吃時要小心因為內有牙籤

回家翻熱吃的時候發現牙籤是內藏於扎蹄的，但只有蝦籽的才有~試了試味道，是淡淡的腐皮香，因為不是炸的所以感覺都比較健康~

蝦籽的味道其實不夠香，反而素食的淡淡的更討好~這個價錢，這個份量，不會是常常吃的了

題目沒有什麼貶意, 只是陳意齋的貨品換了較好看的包裝而已。

近月試了些新東西, 又寫下:

鬆化杏仁餅 (小罐) ($25/ 15 個) - 比起澳門的出品少了一股焦香味, 初時咬下有點硬實, 咬多兩下也不見鬆化; 偏甜, 杏仁碎也比較少。 一口一個, 容易食。

無糖杏仁霜 ($30) - 杏仁味也香, 比較難溶於水。

全蛋蝦子麵 ($32) - 一盒只有 6 個 (好鬼貴), 好像有些師傅味啊 ~~ 麵質也是麻麻地, 送禮好看自用就唔抵了。

試左3樣野, 評價如下:

蝦子扎蹄 : 同意網友所言, 蝦子超少,腐皮超實, 仲要凍冰冰. 賣成13蚊一條真係太貴
杏仁餅 : 唔夠鬆化, 杏仁味淡, 唯一好處係比市面0既相對無咁甜
薏米餅 : 我食果盒完全唔甜, 所以淨係食倒一口粉, 薏米味係最後果刻feel倒0的

本來想買杏仁粉沖0黎飲, 見倒有奶粉成份, 我唔知係唔係必需要加.
不過我對奶類有敏感, 所以最後無買.

2009-01-23

分o左幾次o黎買，因為有o的item 要遲一陣先有。過年前咩時間o黎都要排隊，真係幾誇

$1x 蛋散 (給了女友) - 不知如何
$70 茶泡 (給了女友) - 一o的什項o既豆呀脆片咁。佢話好好食，一開成家就清o左半包。鹹鹹o地但食唔出酒味
$45 x 2 燕窩糕，一人一盒 - 只可放三日，亦唔可以雪藏，一盒六條。食落真係無乜味，有o的韌性，似似o地雲片糕。當然無可能食得出燕窩
$1x 花生糖 - 麻麻地，得八塊。花生味有亦唔益，但亦無乜甜味，"殘念"
$15 牛耳 - 同細個食o既味好唔同，佢好像只得粉味，但回憶中係應該有o的o的鹹，同埋好香
$85 芋蝦 - 用o的芋絲弄成一個繡球形狀。唔抵食，係好香口，但油益味多了一點，亦非常唔健康

下年會再諗o的新意思買。唔知遠o的o既上環海味舖會唔會有同類但平o的

一向喜歡陳意齋的話梅及陳皮。 我敢說, 陳意齋的話梅比么鳳的飛碟話梅更好吃! 當然, 喜好這回事, 很個人。

一句戲言, 竟換來一大包陳意齋! 這驚喜, 是很感動呢!

燕窩糕是貪得意才指名的。 味道如香蕉糕 -- 太難吃了! 搞到我孝敬家母之餘仲要受責!

話梅是其得意之作。 是換手袋時比銀包更重要之物。 沒有糖精的假甜, 乾身, 是陳意齋的must buy!

最surprising的是花生脆糖, 是我吃過最好吃的。 size一口一顆, 滿口芝麻香, 不過甜, 花生口感也夠, 在正上難免一口駁一口的吃下去。 很奇怪, 此品是邊吃邊感充實, 不單是心情, 還有肚皮也是邊吃邊漲啊!

周不時可以收到陳意齋作禮物, 比起收到任何東東都開心。

感激感激~