事前友人話此店員工態度劣評如嘲。乍聽已非常抗拒，但對此店的白滑腸粉又好奇非常。
大約只等了20分鐘便獲安排入座，迅速點了數款腸粉，當中以燒鴨腸及鮮蝦腸評分最高。

整個過程中都有特別留意員工的態度，取籌號時負責的亞姐態度的確冷淡(其實派籌又可以有多親切呢?)，傳菜落單的亞姐招呼亦普通，但在我們吃完打算結帳離開時，落單亞姐竟然"溫馨提示"我們可以再點一輪，只需再等十多分鐘，見亞姐如此推介，我們便再下一城多點兩盤(先前已幹掉三盤)，再細聲請亞姐快手一點。亞姐又好像很樂意似的。

到真正結帳離開時，負責結帳的亞姐更眼明手快，只看我們一眼便能說出應付金額。忍不住讚亞姐一句"咁勁嘅你?!冇單都知幾錢??"...佢仲笑笑口話唔知就抵打喇。

本篇只想為該店亞姐小小平反一下。沒有想像中的差。

其實幫襯咗呢間粥品舖已一段時間, 近日睇蘇good, 發現亞so 推介的係佢的魚片腸粉. 有冇搞錯呀?! 佢至正的燒鴨腸粉, 竟然提都冇提???

是日又特意到呢頭食腸粉. 人多過平時好多, 又係亞so 害的啦!!! 咁好奇之下, 我都要咗個燒鴨腸粉, 咁燒鴨腸當然也少不得啦!

魚片腸粉先到, 腸粉對辦, 跟之前食的也同樣剔透, 冇因為人多而馬虎了. 一吃之下, 完全明白亞so 做咪推介呢個, 冇諗過魚片腸粉係咁好食架... 平日食魚片粥之類, 通常較厚身, 草泥味也重. 但呢度的, 片得好薄, 加入了酒和其他醃料, 冇草腥味. 仲好香, 好滑,... 完全係冇諗過的味道, 真係值得推介!

另一愛將, 燒鴨腸粉, 仍味係用上等的燒鴨切絲, 鴨香肉嫩, 正正正! 繼續推介

呢一間，係我o係香港食惠顧咁多間大中小食店，態度最惡劣o既一間，所以我都忍唔住要打篇食評話俾大

家知。

無可否認，腸粉係幾好食，皮薄，餡料都好吸引，燒鴨腸粉好味。

但服務、環境都九流，大家有心理準備先好去。

我地兩個人約12:15am去食腸粉。好多人排隊，但照排啦，我地應該排第3張檯。

1) 排到第二時，有人見檯就坐打尖，但職員係冇理會。

2) 等左20分鐘先有位，坐低無人理，叫左個阿姐職員一共5次，佢都係回應「等等啦」。

3) 叫極都冇人應，隔離檯睇唔過眼，同我地講話「佢唔會理你架，你去檯面拎牌仔自己填啦」。

4) 我地填左個菜乾豬骨粥，一個豬潤腸粉、一個燒鴨腸粉以及一個填完後俾返個阿姐職員，等左10分鐘。

阿姐職員行過o黎態度勁惡劣話：「無豬潤。」咁我地話改豬潤腸粉，佢答都唔答就行開，我地又等左5分

鐘，阿姐職員又行過o黎，用好似我地填錯左既態度同我地講：「無蝦！」，我地已經有少少嬲，但都禮

貌回答：「咁唔緊要，我地淨係要燒鴨腸粉同菜乾豬骨粥。」，阿姐好惡咁行開左。

5) 等左30分鐘，我地d野都未到，我地催阿姐，阿姐都係頭都不回咁答我地：「等等啦！」我明白腸粉得

一個爐我可以體諒，但碗粥，係「畢」出黎架咋喎，點解要等30分鐘？

6) 等左40分鐘，終於o黎左我地D食物。粥係多料，但好稀。燒鴨腸粉好食，但因為心情已經好差，所以

一路食一路覺得好委屈。

食緊期間有4名客人各自直罵阿姐，內容夾雜粗口，顧客都好嬲，怨聲四起：
客人A：「點解無外賣呀？我等左半個鐘你先同我講無外賣？」
客人B：「又冇？！你冇得賣o既o野你一次過講丫！分開4,5次15分鐘講，你玩o野呀？」
客人C：「咁熱等咁耐，坐低你又唔理我落單，粥都等幾個字，你估真係得你呢度有得食呀？！」
客人D：「無咪無囉，唔係咁寸呀！問你野o者！你做生意咁無禮貌！」


o係咁熱、咁受氣o既環境，真係食龍肉都唔開心，真係無下次。

今晚同女友特登係佐敦道行過去諗住試佢個腸粉。六點幾起行都預左去到要等...OK! 去到搵左一輪先搵到，見到門口有人等...Ok，有人叫佢開枱佢話十點後先開得，咁我地就索性叫外賣上女友屋企食啦。同亞姐講我叫外賣，佢十問九唔應，塊面黑過鑊撈咁，唔知以為佢係睇場。亞姐好似好忙咁行黎行去，同佢講多次我叫外賣，佢一句話等下啦。等...等條毛呀，你都未幫我落柯打我等咩呀，等你得閒先落柯打定係等第日無咁多人先再叫過呀！真係火都黎埋，擰轉面同女友講我地去食第二間，佢都傻傻地！

其他網友話到佢咁出名，又話要預左要等.....咁我只係想落柯打叫外賣姐，得到既只係一肚氣，你就算有幾好食都係假，我明白去得大排檔唔好預期有咩服務，但我只係想叫野都無人理，咁算點。你咁唔至在不如唔好做啦！接左佢早d返去退休吧啦！做乜要咁樣苦待客人呢，大佬我都要俾錢買你d野架！

我話過我以後都唔會再去果間野，無論有幾好食都係咁話！永不錄用呀！

曾幾何時﹐老細仲係推梗車仔賣腸粉既時候﹐真係好好食﹐同都覺得幾抵食﹐每日都好勤力咁開檔﹐我就每晚等佢開檔食佢既豬潤腸﹐味道真係一絕﹐宜家都仲好難忘﹐不過宜家已經風景不再﹐面目更全非﹐由推車仔到上鋪﹐應該係一件為老細開心既一件事﹐但係點解又係犯左一D因為好生意就變得水準下跌﹐服務態度變差既錯呢。

第一﹐ 我睇諒你因為一個人煮腸粉﹐同得一個爐﹐需要時間去整﹐人多可能應接不暇﹐但係我地坐左係到﹐點解要等咁耐先有人同我地落單﹐仲要叫左好多次﹐都要我地等下﹐不過你地落單既阿姐又唔係少喎﹐不過大部份既淨係企係你前面等你整完D腸粉羅比人。 揮極手都唔應人﹐點解呢? 好多人客食完又唔見佢地執檯﹐又係點解呢﹖

第二﹐點解落單既阿姐要同我地講﹐食腸粉要等45分鐘﹐要快就要叫麻粥﹐好啦﹐我地叫麻粥﹐但係又唔見得會快左。

其實食物無以前咁好﹐都可以接受﹐但係態度差左就真係接受唔到﹐都係果句啦﹐D野食唔係真係好食到可以去容忍呢D咁既態度。

早前因為不知道堂記只做晚市，所以昨天才特意晚上才去，怎知道被誤導還是她們改變了營業時間，本來以為是7：30PM才開門，原來現在時7：00PM便做生意，而且最厲害是星期三和星期日休息，現在經濟環境下還可以那樣有性格很少吧。

一早就有心理預備要等，只不過沒有預備要等那樣久。當您到達時找那老闆拿號碼紙仔等位，但是要留意經常搞錯，所以爲了自己能夠早些可以有位的話，要留心聽她叫號碼，而且您不要期望她們會很有禮貌地對待您，名人一樣要等，一排的膠凳預備您坐半小時甚至以上。

即使到您填好下單也好，也是要等，因為主角是腸粉，聽說她們堅持要即叫即蒸拉腸粉，所以起碼要等15分鐘才可以。在您吃腸粉之同時，其實是十對八對眼睛正在觀察您進食，一來他們是想您快些結帳等他們有位。

說回那碟遠近馳名之腸粉，我們要了雙拼腸粉，分別是燒鴨拼叉燒和魚片拼牛肉（燒鴨和魚片是膽，其他牛肉，臘腸，叉燒是腳---套用賭馬的術語）。其實等了那樣久，又肚餓的環境下什麽東西也會好味道。老實說，的確剛拉出來的新鮮腸粉很好味，而燒鴨也不是很多地方用來做“涵”。魚片也很新鮮，所以不消三分鐘就吃清光了。

聽到老闆說她們根本沒時間做凈拉腸粉，所以其實她們供應之腸粉選擇不多，但是有名就已經足夠了。此外記得不要把去吃腸粉作為晚餐，反而應該當去吃宵夜會好些。

黎堂記一向係食燒鴨腸
因為佢燒鴨係皮比肉多
而且佢既皮係有d厚同有油香又唔燶
念念不忘既食物之中佢係其中一份子

今次食既鴨又乾又燶仲有雪味....
希望佢地會改返以前咁, 否則唔會返黎幫襯

查實呢間舖, 三刀係最近至知叫『堂記』！
點解，因為次次邀約朋友家訪，問及食什麼時，必備答案一定有人提及： 哎，想試吓妳屋企樓下間腸粉檔，好出名果間呢！

所以，寫食評，是逃不掉的。亦是因為這家，改變了三刀食腸粉之要求。除了齊腸外，已經沒有其它可以引起我趣的腸粉舖矣。

雖然已發展完善可以打電話落Booking，始終喜歡半夜睡至醒鬆時，撻著拖鞋等它半個鐘 ，熱騰騰的一條接一條滑入肚內。

感覺完美，無懈可擊！

朋友帶左我去街的堂記食腸粉, 話蔡瀾都介紹過, 要試吓喎
間舖其實好細間, 坐位狹窄, 我地坐在入面的長枱其中兩個位, 朋友食燒鵝腸同菜干粥, 我則獨沽一味, 食炸兩, 因為唔係好肚餓, 有點陪跑性質!
炸兩長長的, 切開成十六七件, 腸粉係即做的, 粉皮不算很薄, 但都幾好食的, 油炸鬼比較硬, 如果淋身會比較好味
朋友大讚菜干粥, 係唔係真係咁好, 我就不知道了, 因為無食, 不過眼見粥煲到稀爛, 最低限度都係易消化吧
我自己覺得腸粉的味道唔差, 都可以一試的

食完重慶燒, 留肚行過對面街, 試出名嘅腸粉。
八點幾已坐滿人, 只有一兩個人等位, 睇吓邊張枱等得快d, 不是太忙碌, 可能佢地分工好仔細, 傳菜, 執枱, 帶位各自為政, 所以d伙計好似睇你唔到, 企咗一陣才有帶位來招呼你, 店舖實在太細, 幾張細枱仔, 要搭枱坐, 無空調, 食d咁新鮮熱辣辣嘅嘢, 都幾辛苦, 好在當晚三號風球, 所以食得舒服d。

豬肝鴨肉腸粉 + 牛肉魚片腸粉 (好好味, 好多料, 皮好薄)
炸兩 (油炸鬼好鬼脆)
菜乾豬骨粥 + 皮蛋瘦肉粥 (好味, 但皮蛋瘦肉粥點解會落麻油, 所以扣咗少少分)

食物要等好耐才上枱, 可能即叫即整嘅關係, 不用叫齋腸粉食, 因為話要等一粒鐘 (誇張), 可能佢亦唔想你叫, 整體食物質素好好, 蓋過決點。

聽聞有間腸粉專門店, 當然要去見識一下, 第一次去, 唔係好肚餓, 所以只係想食碟腸粉, 店員話如果只買腸粉, 要等差不多45分鐘左右, 但如果連粥一起買, 就15-30分鐘就有! 我跟朋友心想: 有冇攪錯! 咁大排?!

最後我地係冇等, 因為等45分鐘只係食碟腸粉, 係浪費時間之舉! 但心想佢咁大排, 腸粉應該有一定水準, 所以打定下次一定會再來試下.

過了不久, 本人跟朋友再到這間所謂腸粉專門店, 今次決定連粥一起叫, 店員說應該要15-30分鐘吧, 最後卻要差不多45分鐘才上桌(說一說當日情況, 全店滿坐+有4位仁兄等位), 好了, 再來說說食物質素, 我地叫左碗"魚片粥"及"皮蛋瘦肉粥", 粥品本身加了大量胡椒粉, 對本人而言味道過濃, 蓋過食物本身的味道 (一個字: 咸!) , 跟部份open rice 朋友所言一樣, 粥品唔掂!

再來說說鎮店之寶: 腸粉. 我們叫了一碟"鮮蝦臘腸腸"以及"牛肉腸", 首先粉皮厚又唔夠滑, 仲好容易夾碎! 所謂既"鮮蝦"又細又乾, 毫無鮮味可言, 再配臘腸, 口感完全九唔搭八; 牛肉腸還可以, 但粉皮同樣有以上缺點, 跟某open rice 朋友所言一樣, 最好味是豉油!!!

食物質素跟價錢完全不成正比, 14元一碟的, 我可以在酒樓吃到更高質素的腸粉啊!

另一方面, 不得不提員工的服務質素, 話說某男員工拿錯腸粉給坐在我們對面的人, 那人當然滿臉疑問, 經解釋後終於攪清楚那碟腸粉是我們的, 本人問了一句那碟是甚麼腸粉, 以確定真的是我們時, 那男員工的態度相當地差劣, 話: 乜你叫左d 乜都唔知咩? 之後就走左...

對呢間所謂"腸粉專門店", 自以為有少少名氣, 就態度囂張, 食物質素跟名氣成反比, 價錢甚至是等待時間亦不合理, 你叫我點忍?!

所以, 我可以跟大家說一篇, 呢間店, 我是永遠唔會再去的了!

今日一收工, 就走黎試食出名的腸粉,
可能岩岩開檔, 唔使等就開飯了
叫左個燒鴨腸 & 叉腸 & 皮旦瘦肉粥

腸份夠薄夠滑, 淡滑的腸粉, 濃香的燒鴨, 絶配,
叉腸就一般
皮旦粥料就夠, 但粥唔綿, 變到好似粥還粥, 料還料,
粥又冇粥味, 粥面又落左好多糊椒粉, 唔好食呢...

可能坐街邊, 仲聞到週圍有電油火水味, 感覺上有點過譽了, 應該冇下次

食左咁多年腸粉, 其實間間都差唔多。

唔明點解呢間鋪頭貼滿曬雜誌訪問, 仲為左2碟仔既腸粉, 等左成半個鐘都有!
真係有d唔耐煩。

點知, 試過先知, 嘩!個腸粉滑得很, 我真係第一次食到咁滑而且有米香既腸粉。
好與別不同!

正就真係好正, 但你願意等嘛?

好定唔好只係一線之差, 唔介意等既時間長, 一定要去試試!

塵埃食野不喜歡等位,
在大部分情況下, 要等的話, 寧願即閃 ~
這裡, 塵埃認為值得一等 ~

是晚, 塵埃與eatmate來吃"文x樓孖寶"之一的堂記腸粉,
等位、等腸粉, 已是預料中事 ~
出品出色, 自然食客眾多; 食客眾多, 自然要等位 ~
腸粉即拉, 自然要花時間; 要花時間, 自然要等腸粉 ~

對塵埃來說, 是否即拉, 並不是最重要;
最重要的, 是腸粉水準一流,
腸粉皮既薄且滑, 絕對是高水準之作!

二月初四‧陰陰涼

可以這樣說，近幾年來這裡，也是帶朋友來吃的。應該了與朋友來，說了年多也沒有行動，終於是日就與她來吃一吃。不要看這裡七時開門，就大安旨意七時來，因為就這裡近年的受歡迎度，分分鐘等半粒鐘未有得吃。是日我們六時半到來，坐到店前四正的「二號檯」，落定柯打，乖乖等吃。

在柴魚花生粥及菜乾豬骨粥中選了後者，這裡的菜乾粥呈綠色，味道有菜乾的清甜，也有陳皮香。豬骨亦有肉好吃~~是的，早來的豬肉是有肉一點的，夜半來到，多吃水尾。菜乾粥不綿，已是常識，不再多解釋。反而粥不夠熱度，我總是喜歡吃熱辣辣的粥，似乎是翻熱之作；

腸粉要了兩款，分別是燒鴨腸及鮮蝦臘腸腸。燒鴨腸的味道不用多介紹，是香口帶鴨油羶香，好吃又特別。但比較起來說，其實鮮蝦臘腸腸更美味，致勝的非得個爽字的玻璃蝦，而是帶甜又冶味的切片臘腸。不過無論用什麼料子，這裡做得出色的，仍然是那即拉的腸粉，薄身爽口，軟滑亦帶點韌糯，是做得不錯的。所以計我話，其實吃齋腸也很不錯的。

千軍萬馬，未吃腸粉已經有一堆人在後面站著等，吃完當然最好快快埋單，讓座於人。

埋單45蚊，仍然出色。

過隔離吃鹵水排骨。