天文台預告今晚會轉冷, 少爺帶妹妹去吃煲仔飯湊熱鬧~ 因為天氣1凍, 人們的dining top 3 -- 打b爐 / 羊腩煲 / 煲仔飯, 都是很冷很冷時的指定開飯動作~ 7時左右去到廟街, 為怕待會就多人, 就先入去其中1間興記的舖位坐下, 地方淺窄在所難免, 我們很快決定要個梅菜肉餅煲仔飯($25)、細蠔餅($20)、蒜蓉炒白菜仔($20)。

炒野通常比較快上桌, 於是邊吃菜邊等, 菜炒得很濕, 芡打得太濃了, 基本上沒甚麼特別, 只為妹妹要吃菜就點。 再等1會, 侍者捧著滿滿放著數碟蠔餅的銀盤進來, 不消1分鐘就將幾碟的蠔餅分發都各食桌, 就是細的其實都有2大塊厚厚的蠔餅, 大概因為時間倉促, 蠔餅煎得不夠乾身不夠香口, 蠔也沒吃到有特出的鮮味=[

再等等等... 記得在《麥兜 菠蘿油王子》裡的校長教過: 「煲仔飯呀 耐少少…」, 加上是夜的確非常旺場, 生意做唔切, 爐子不夠用都情有可原, 就耐心的繼續等。 眼見久不久有幾個煲仔捧進來, 又送到某客人的桌上...終於等到了~! 先揭開蓋子偷看1下, 肉餅故然細塊, 看起來很削, 絕對無可能遮得住飯, 少爺馬上把蓋子蓋上, 聽說等等的話才有飯焦 o.o 然後才稍稍的等, 還是忍不住就開動 @w@ 加點煲仔飯豉油, 就由少爺將肉餅和飯拌勻, 絕對相信是因為想盡快上桌, 飯根本煲得未夠火喉, 飯還是濕的, 都不夠乾身, 等1輩子都別妄想有飯焦 =^= 煲不夠熱, 天氣又冷, 飯就更快放涼..... 至於煲仔飯的味道...梅菜蠻香, 不是死鹹的那種; 肉餅的絞肉機的產物, 就是1餅軟扒扒的豬肉 / ~ \

人會因1朝得志就語無倫次; 食店就會因打亮招牌後本著唔休做的心態就安心敷衍慕名而至的客人, 唉=[ 店子生意好, 要食客等不是問題, 若果質素保持水準, 食客花時間等也是值得的; 但這樣求其的應付客人, 是所謂馳名食店的例行做法嗎?

放學,和友人在油麻地會合後,就一起到廟街去。
四季仍然大排長龍,於是改去了旁邊未到過的興記。
叫了臘腸排骨飯,排骨好吃,飯也很香,但友說臘腸很難吃。
期待已久的窩蛋牛肉飯上桌,打開跟平常的很不一樣,
而且牛肉有點太老了,很硬身,讓人很失望!
油菜咸得讓人哭,蠔餅份量大,雖然有點小油,但很好吃,
而炒蜆份量很少...不過夠辣呢,也可以。

50元內就吃得飽飽,大概也別要太多要求吧。

一班朋友行過搵野食~黎到廟街凍凍地一定係煲仔飯。

一行4人有男有女,就埋左去食啦,坐低都唔洗睇牌......都係果幾味......
大豪餅,立味煲仔飯,閏腸排骨煲仔飯,同埋有2個唔記得左......因為......無記性......對不起我的朋友。

個餅其實唔係出色......無豪味不凸止仲有濃味,但點解要叫...因為真係凸式,同埋叫黎係為左係等d煲仔飯既時間中充實一下......但d獨家汁料我都幾欣賞...因為夠咸d朋友又係唔妥d汁...反而欣賞個餅。

飯黎啦,個立味煲仔飯其實幾香,但一食就知咩事......個立肉...其實係立糕,無肉........透明到,仲以為食東坡肉,我怕肥最後都放低左佢,d閏腸立腸ok呀,加埋飯一齊食真係香到企唔隱......。
係呀..係香囉...好食又未到既......係差咁d飯同立味入唔入到味囉,香佢係夠,但味就唔太入到,可能太多人叫,無時間去慢火焗多陣。

最後其實算係咁啦,18蚊一個。我真係因為凍同......特色。


p.s.仲有電話又壞過......又係無相。

現在的冬天一再推遲，到了十一月中，感覺一絲寒意，就只有三數天。就在這短暫的寒冷，吃一餐煲仔飯，親親冬天，感覺不錯。

八時多來到廟街，場面已經座無虛席，有數家分店的興記，已經在大街上滿佈抬椅，還是滿足不到來吃的人潮，所以我們也得等上好陣子。廟街最好吃的煲仔飯是哪一家，至今我還未有定論，但以十八元一客煲仔飯做招徠，興記算是最平吧，所以才人頭湧湧吧。

今次不太餓，明顯地比昔日點少了一道菜。來了一客窩蛋牛，一客臘腸滑雞，還有一客細蠔餅，少少的三樣也飽了。

窩蛋牛煲仔飯很好吃。雞蛋是另上，一來到快速地用雞蛋把牛肉和飯結合，造成滑溜溜的質感，也令這牛肉飯味道生息不少。飯不算乾身，加上不會太鹹的煲仔飯豉油和滑蛋，吃到最後，不多飯焦，不過還是香噴噴的。

另外一客很明顯地煮得太久，有一陣膿味在飯中，就算是加了豉油也蓋不了它的味，吃到最後的飯焦是不能吃，因為已經黑渿渿。滑雞算是不錯，最起碼做到滑，雞味?不要太要求了。

到廟街不吃蠔餅感覺總是若有所失，今次點了一碟細的，煎得香口，又不會油淋淋，蠔仔用料新鮮肥美，數量不少，滿意了。另點了兩支汽水，一支八元。

是有一客煲仔飯失手，但念在興記曾經給我美好的回憶，價格又非常相宜，其他的食物也有水準，味道三分，笑臉還是送給你。

因為某d原因~~~要令我下班去一趟油麻地

老公仔原本是不太願意的

但我用誠意邀請他和我一起吃煲仔飯~~~

我想應該會幾吸引~~~hehe

我們回到未結婚時的感覺呢~~~

一樣的環境
一樣的服務(d 阿姐仍是服務態度好差)

大家去過的朋友都知道~~~

興記不只一間而是好多間

我們去了近士多個2間的是但一間

去到已經是坐滿人~~~

有張長枱只有路口位對家 or 最入樓梯底對家

我們當然是選擇最方便出入的 路口位對家

點知個阿姐用命令式口吻叫我們坐入去~~~

佢都傻聽佢點都有病

於是我們走了

去另一家興記

這次仍是找了路口位對家

個心是有點不舒暢~~~

但辛苦了一天都是想和最愛的人吃餐好~~

於是剛才的不快好快忘記了~~~

老公仔點了: 臘腸排骨煲仔飯

小兔貓點了: 北菇滑雞煲仔飯

說真的談不上好好吃~~~~

只是有份拍拖時的感情片段

偶然回憶下都幾好~~~

不過夏天吃真的又是另一番滋味在心頭

上次有朋友帶我去到廟街, 食左興記旁個間~~
今次要試試興記lor~~
叫左
1. 北菇滑雞飯
當然煲仔飯係最好食的啦~~重點一定要多加醬油啊~~

2. 蠔仔餅
一如以往, 覺得都係好大份的, 而且有幾多蠔, 下次試下蝦餅果d先~~

3. 蒜蓉菜心
嘩, 油浸菜呀, 都知道街外食野是多油, 不過真係好似用油浸咁, 也吃不到蒜味呢

4. 哈爾濱啤酒
我每次去大排檔都必叫啤酒的, 因為食個d 野好似又油又熱氣, 飲少少啤酒最好~~

今次是晚上7點半去, 剛剛好入面還有兩個位, 炎炎夏日, 出面都冇咩人坐~~
阿姐唔記得我地支啤酒, 等左好耐問佢先有拎黎.....

响北段既廟街....興記個勢霸哂架喇...其他店根本投哂降....

黃膳白膳煲仔飯$40:...
今晚食黃膳白膳飯...膳肉彈牙好新鮮...成煲飯充滿膳油甘香,(食煲仔飯要揀 d 自己會出油出味既餸,煲飯至會香,例如臘鴨臘腸)....無飯焦,成煲飯食哂...豉油好 mile...落多 d,濕 d 都唔太咸...

蝦醬牛肉炒通菜$35:...
坊間好多蝦醬炒乜乜物物...蝦醬味都若有還無,今晚特登叫佢"多蝦醬"...阿姐仲話"好咸架喎"...我好認真咁答"唔怕"..................................
上枱一刻聞倒少少蝦醬味....that's all....無喇,之後完全無喇...食到最後一啖都無...牛肉係新鮮貨,就算有"乸"過都好輕手....但太多油喇....雖然炒通菜,豆苗等等一定要多油,但太多就水皮喇

都係只食煲仔飯算喇...

前排食完四季，覺得有點失望。今天再到廟街，再去興記度試試。

臘腸滑雞煲仔飯: 黎果時聞到有點燶味，都預計到今次有飯焦了。飯底唔錯，而臘腸和滑雞水準都 OK，但今次就過左少少火，有 D 飯焦太燶了。

白鱔煲仔飯: 鱔片是尾巴部分，自然會多骨少少。鱔片彈牙，新鮮，值得一讚。而好彩既係，呢煲 D 飯焦冇燶。

蠔餅: 比四季既少油，蠔仔都 OK 多，同埋都幾香口。不過就覺得佢稍為多蔥左少少。今年食過三間蠔餅，如果要 RANK 的話，最好既係食為鮮，其次係興記，最後係四季。

今次水準大致中上，可以比個笑面。下次有機會再食埋另一間，再比較一下。

1. 臘腸滑雞煲仔飯 - 不算太熱，雞都算滑，一般
2. 煎蠔餅 - 好大塊，不過都好油，普通
3. 炒蜆 - 完全唔係熱，食落去無大排檔個種炒的風味...差
4. 涼瓜炒牛肉 - 都係唔係熱...味其實都算可以，但唔熱就一定會覺得唔夠好食

另外叫了一支啤酒

昨天，不知吃什麼好，男友提議到廟街去，也好，未試過。

我們兩個人，叫了三樣：

蠔餅(小)：這是三樣中最好味的，香，邊剪得好味，有不少蠔仔，good！
排骨煲仔飯：夠熱，味道普通，不過真係好抵！
滑雞煲仔粥：雞不夠滑，粥普通好味，不過都係熱熱的，好！

由於天氣熱，所以我地選擇坐入面，有冷氣！

不過，都幾開心，試過ma!!!

五月三日(星期日)

同老公由旺角散步到尖沙咀,本身我們都計劃好了到大盛吃壽司的!不過沿途太多誘惑呢!我們忍不住見到廟街有很多食肆,為食的我們就plan好了下星期一到廟街吃個飽吧!可是,擇日不如撞日就今晚吧!見到了興記,老公說是最出名的!就一試吧!上次和屋企人經過見到有外國人吃!吃得多滋味,身為本地人又豈能不試呢!見到有人在門外招呼食客!有多間興記,見到比較多人的一間,走到了店子吃!有冷氣

見到有十八元的煲仔飯,相當抵食呢!出面都要最少三十多元吧!我們選擇了一人一個,老公要了臘腸滑雞飯,我就要了喜歡吃的滑蛋牛肉(免治的),原來18元的是幾款,如牛肉等,一味!再加了蠔餅和炸大腸(這是後加的)

滑蛋牛肉(免治的),牛肉餅比較少,所以攪碎了連牛肉碎都不見了,溶了飯中!興記的鼓油美味!是咸的,有豆香!加上用了幼身的絲苗米,很香!我喜歡吃煲仔飯的飯焦,不令我失望呢
臘腸滑雞飯,老公說雞很滑,很有雞味!!臘腸也高水準,一流呀!
蠔餅,$20小$40大的,小有兩塊,已經夠我們吃了!炸得不太油!不錯,蠔仔多!新鮮
炸大腸,炸得香,不過份量比較小呢!!$40比較貴了些

美味又抵食的煲仔飯,我們會再來吃呢!不過夏天就一定要坐在冷氣室呢!

因為唸唔到食乜,所以帶朋友黎廟街食風味.記住只係食 - 風味.
細蝦餅($20) - 份量幾大,但係冇乜蝦肉多蔥.而且依然係超油兼食炸粉.
辣酒煮東風螺($60) - hmm...d螺好mini,而且一d都唔夠味.唔辣唔酒.
黃鱔白鱔煲仔飯($40) - 熱辣辣煲仔飯.好多黃鱔白鱔.幾厚肉.可惜marinated太多.有d nasty.煲仔飯加上甜豉油,算幾香,而且有食得既飯焦. Okay.
嗯...話說早幾年前興記水準唔錯.不論煲仔飯或海鮮.都好fair.但近年真係一次比一次差.而家黎興記除左食風味之外,都唔會有expectation lur....

尋晚一行4人大約七點去食晚飯
叫左:
田雞煲仔飯
鳳瓜排骨煲仔飯
豉汁炒蜆
辣酒炒青口
青蒸東風螺
蝦醬通菜炒鮮魷
豆腐魚腩煲
汽水

全部都係細細碟..but幾好味..最好味係魚腩煲..
煲仔飯都幾抵, 十幾至六十蚊..
但環境一般..好似好污槽咁

是日同個朋友去廟街附近揾食， 一去興記門口就有好多人去食煲仔飯，心想都唔會差得去邊，一座低就叫了一個蠔餅、雞軟骨同腊味煲仔飯，個蠔餅就好快到，而個煲仔飯就要等成半個鐘先至有，仲要啲單亂七八糟，又要催埋單，仲要啲單亂咗就係啲客面前嘈，仲要離譜到，有台客催單時，還說：「無咁快，唔好再催!」，係香港都還有啲咁既服務態度。唉....

1. 炸蠔餅 - 蠔仔少，蒽多，同埋有勁多的油。
2. 雞軟骨同腊味煲仔飯 - 材料少，飯都是剛剛熟，又唔係飯焦，有失煲仔飯的風味。

總之不會有下次。

星期六晚接老婆收工後，我地一齊去咗廟街行街同睇相。

我地由佐敦出發一路行到去油麻地，沿途有好多特式嘅攤擋同懷舊嘅茶餐廳。個 feel 好正，係真正嘅 Hong Kong Style！

我地啲香港人放工放假只識得去 cwb 、 tst 同 mk，好多人都遺忘了這些香港地道的老地方.......唉，我覺得有啲可惜。

行到去油麻地已經好肚餓了，所以就順道嚟咗興記食飯。

對於愛乾淨嘅人，佢地多數唔會鍾意嚟呢啲地方食嘢；但係鍾意食地道風味，對環境裝潢不大有要求的人，就一定會俾呢度嘅 Feel 吸引。

我地揀咗坐出面，好熱鬧，成條街都擺滿枱，坐滿人。

我地叫咗呢度出面嘅炸蠔餅、腊腸滑雞煲仔飯，豉汁炒蟶子同豉汁炒蜆。

先嚟豉汁炒蟶子：細細碟，蟶子肉同殼已經完全分開晒.......好似兩樣嘢分開煮，跟住再放翻一齊....
蟶子肉本身亦唔夠入味，似白灼多啲.....令外上碟時亦只是微暖......有啲失望。

跟住到炸蠔餅：呢個就唔錯啦，熱辣辣，啲蠔都算大隻同唔 "聲"。餅本身唔太粉，食落香口鬆脆。唔錯！但嫌油略多。

再嚟豉汁炒蜆：又係細細碟，但份量較蟶子多，不過上碟時都係微暖........味道普普通通，唔叫得好入味亦唔叫得唔好食。

最後，真係最後，因為等咗約半個鐘，個煲仔飯終於到了：好在嚟到係熱辣辣，不過啲料略少，幸好飯乾身有味，配備煲仔飯醬油，唔錯。

食咁多嘢埋單只係百七蚊，都算好抵食。

但下次再嚟廟街我會試下其他嘅餐廳。