影片
港鐵尖沙咀/尖東站 P3 出口, 步行約4分鐘
繼續閱讀
電話號碼
34269960
開飯介紹
每天從日本空運新鮮海魚，以精美刺身、壽司及和食著稱的居酒屋「八海山」，除了食物講求品質外，亦因為店內環境以家庭料理店的佈局令人感覺十分親切和舒適，有如置身在自己家中一樣，所以此餐廳為日本人最喜愛的食府之一，8成以上更是日本客。
繼續閱讀
特色
適合大夥人
飲o野傾計
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
有關獎賞計劃
今晚嚟到開業23年嘅老字號居酒屋「八海山」，聽朋友講佢10零歲嘅時候已經營運緊，菜式傳統好味，價錢親民，性價比高，等我今晚嚟感受一下日本料理嘅傳統味道。呢度有非常抵嘅Set啱哂中意飲酒嘅人⭐️日本北海道札晃生啤酒$100 3小時任飲⭐️Sake 日本清酒放題$188 3小時任飲呢個價錢真係超級抵！（20種以上種類）其中有多種知名度高嘅清酒可選擇，例如有獺祭、伯樂星、久保田、八海山、出羽櫻等等，出面零售價都唔低！🍶 出羽櫻純米大吟釀 出羽櫻純米大吟釀係山形縣超高人氣清酒，主打果香清甜、花香怡人，酒體柔滑，餘韻悠長。配搭點咗嘅食物完全無違和感，因為出羽櫻嘅果香同清新口感可以中和海鮮嘅鮮味，又唔會搶味，反而令炸物同燒物更突出。🦑 螢光魷魚前菜 外表晶瑩剔透，細細隻但入口超鮮甜，質感爽脆彈牙。咬落去會有啲似爆珠咁，啖啖鮮味，仲帶少少酒香，佐酒一流。🍣 刺身拼盤（吞拿魚赤身、特上海膽、帆立貝、三文魚腩、甜蝦、八爪魚、油甘魚） 呢個刺身拼盤真係超級豪華！吞拿魚赤身鮮味十足，油脂分佈靚，入口即溶；特上海膽超creamy，鮮甜得嚟又冇腥味；帆立貝大粒又爽口，啖啖鮮甜；三文魚腩油香滿溢，肥美嫩滑；甜蝦爽甜彈牙，啖啖鮮味；八爪魚煙韌唔韌口，咬落去有層次感；油甘魚肉質細滑，魚味濃郁，全部都新鮮到不得了，啱晒海鮮控！🐟 炸吉列池魚 外層炸得金黃香脆，魚肉嫩滑唔乾身，一啖咬落去即刻感受到魚香同埋吉列粉嘅鬆脆感，配埋少少檸檬汁更加開胃，食完都唔覺膩。🍗 鹽燒雞翼 雞翼燒到皮脆肉嫩，鹽味恰到好處，唔會搶咗雞肉本身嘅鮮味，啖啖肉汁，香口到停唔到口，絕對係送酒一流之選。🍡 梅子大葉免治雞肉棒 雞肉棒混咗梅子同大葉，酸酸甜甜又有香草味，肉質彈牙又多汁，食落去有驚喜，唔係普通雞肉棒咁單調，幾有層次。🍚 明太子露荀炒飯 炒飯粒粒分明，明太子鹹香帶少少辣，配埋爽口嘅露荀，食落去好有日本風味，唔會太油膩，做埋最後收尾一流。今餐真係超級豐富，無論你係海鮮控定炸物迷都會滿足晒！最後重點想大讚呢度嘅店員，全部都非常好客有禮，而且會關心客人食得滿唔滿意，睇得出佢哋十分敬業，喺香港搵到一間服務質素咁高嘅餐廳已經好難得！
繼續閱讀
咁多年經過都無試過, 見到佢話慶祝開業23年, 仲要3小時酒水任飲, 所以就決定同朋友試試佢去到見到有$188 有20幾款種類既日本清酒同$100日本北海道札晃生啤酒最後我地就選左飲清酒, 款式真係好多, 一次過試晒佢!眼見都好多日本人去食, 可能係因為佢食物都比較統地道既日本家庭菜前菜 - 帶子裙邊酒醃螢光魷魚咸咸地送酒一流刺身沙律超大碗, 仲要好多刺身, 味道好開胃燒青椒仔我本身就麻麻地, 點知食落又OK碳燒豬腩肉基本野都唔錯炸物(蝦仔)叫左好多送酒菜, 呢個係其中一款, 大碟到好似食極都仲有明太子蛋卷蛋卷出來熱騰騰, 配住明太子超夾呀雪糕(芝麻, 香芋)好驚喜竟然有芝麻口味選擇, 係我既最愛呀又飲清酒又食咁多野都係每人$380, 又可以慢慢坐傾下計咁, 真係好抵, 性價比高
繼續閱讀
知道呢度有酒水有3小時任飲，日本清酒3小時任飲（20種以上種類)都只係$188，札晃生啤酒3小時任飲都係$100。所今晚約咗朋友收工黎呢間日本餐廳想飲下酒chill 下。睇Menu都有好多唔同選擇，佢價錢親民又唔貴。坐低無耐職員就先送上前菜，味付帶子裙邊，入口咸咸香香，好開胃。然後就叫左清酒同朋友chill住飲傾下計。職員介紹我哋飲呢一隻黑牛，好易入口同好順滑，米味又唔會話太濃，女仔飲幾適合。酒醃螢光魷魚呢個魷魚又係咸咸地，配合唔會太濃的清酒去食，又幾夾wo。刺身沙律呢排天氣真係太熱，所以要叫返啲清新沙律去中和下。個沙律入面有三文魚粒，八爪魚粒，吞拿魚粒，仲有車厘茄，青瓜片同沙律菜，加埋個酸甜嘅醬汁黎食，真係幾refresh。燒青椒仔一啲都唔辣，仲帶點苦得黎好回甘的味道。碳燒豬腩肉燒到表面有點焦脆，但入面好多肉汁，一層肥一層瘦，因為燒得好香，入口一啲邪害感都冇。炸蝦仔真係一個好好送酒的小食，脆到蝦殼都可以食埋。明太子蛋卷咸香而帶少少辣的明太子好夾淡淡蛋香味的蛋卷，個蛋卷處理得剛剛好，好軟嫩。職員好好，送埋雪糕係我哋食，作為呢一餐完美的總結。性價比都幾高，特別係任飲呢樣，中意飲酒的朋友真係唔好錯過，難怪見到日本人都黎幫襯，真係有”日本人飯堂”之稱，真係好有傳統地道的日本家庭菜式。
繼續閱讀
八海山開業多年，食物出品水準穩定，服務殷勤，想去居酒屋總會諗起呢度Sake做緊$188任飲，呢個價錢的確好抵兩款前菜都好食，係個人好鍾意嘅芥末墨魚同帶子裙邊，調味夠晒濃，佐酒一流，蟹子沙律食落好清新同好清涼，夏天食就啱晒呢度嘅牛肉薯餅口感好綿密，外皮脆卜卜厚薄適中，點沙律醬食好夾牛油帶子燒，牛油味好香，帶子剛剛熟透，口感一絲絲，加少少檸檬汁吊味解一解膩好清新串燒亦係心機之作，個人特別鍾意免治雞肉，加咗紫蘇葉同梅子醬，口感同味道都好豐富牛肉湯烏冬亦做得唔錯，湯底甜甜地，牛肉香濃，加埋大量香蔥同昆布好夾最後以雪糕作結，好滿足八海山環境俾人一種置身日本嘅感覺，放工嚟食飯真係幾享受
繼續閱讀
日式居酒屋一向係晚飯嘅首選，今晚嚟到八海山串燒調味唔錯，免治雞肉配紫蘇蘇同梅子醬食落幾有層次，雞軟骨好有咬口，牛舌肉質軟腍牛肉薯餅味道幾特別，甜甜地幾好味大大粒牛油帶子好香口，黑椒冬菇好惹味牛肉烏冬爽口彈牙，湯底消甜蟹子沙律好清新，有青瓜、沙律菜、蟹子、同蟹柳，感覺好健康前菜芥辣墨魚同帶子裙邊又爽口又好味香芋味雪糕香濃順滑八海山俾人感覺幾溫馨，家庭式居酒居嘅感覺，亦有日本feel，餐牌嘅款式同選擇唔少，晚飯嚟係個唔錯嘅選擇
繼續閱讀