影片
招牌菜
食評 (140)
兩年前食過一餐之後都好似冇黎食過因為食品的確麻麻早前路經見燒青魚午巿套餐只要四十五蚊沙田區黎講算好抵食而且座位舒適決定搵日黎試試結果係失望而回青魚其實係唔錯的 唔算細條但其他的都係平均線以下日式蒸水蛋唔滑 甚至有少少鞋 螺肉正常味道但好多汁令賣相唔好飯好細碗 而且有少少少乾水麵士湯真係最差有咸味冇麵士味海帶又唔淋又大塊連加一五十蚊唔算貴但食品質素唔值依個價
繼續閱讀
踩完單車，需要補充能量﹗雖然回程最方便是到沙田市廣場，不過又好怕來這廣場，因為這裡每一天每小時的人流都是多到爆炸，想要搵食更是非常艱難。以為連城廣場會少人一些，點知都是好多人(天呀~)，我真是好耐無上來了，原來除了商場格局及商店全部改頭換面外，連食肆層的餐廳都換轉哂了。但不想再上上落落，便求其找一間食飯。問過幾間餐廳，我估是周末關係吧，下午茶都要兩點半﹑三點鐘。還未夠時間，可是我又餓又累，還是主攻午餐好了﹗看來看去，只有DOMON無人等位(所謂中伏先兆﹖)，而且午餐也幾經濟，不想再行便立即入去坐坐好了。店員見到我們便立即招呼我們入座，隨即奉上熱麥茶。仔細閱過餐牌後，原來午市套餐都有好多種類，不過我還是選擇可以拉麵配小食的拉麵午餐$62，感覺上抵食些。我勁愛吃蔥，所以選香蔥拉麵，而小食選了日式餃子。香蔥拉麵真是夠多蔥，另外配料有紫菜﹑粟米及荀條。豬骨湯看似很濃郁，實在是那豬骨味又不太突出，反而是有點辣；湯質帶少許傑身，飲後都感到咀巴有些微黏住，當中油膩度都不低，所以喝了半碗已經好濟，並未能'乾碗'。我沒有經常食日本拉麵，不過上次9月在一風堂飲到那個豬骨湯至今仍未忘記，因為那個真是好飲呀。麵條彎彎彎曲的，質感帶軟，掛不到湯汁，唯有用匙羹盛起麵及湯一齊進食。叉燒得薄薄的一大片，連帶少少肥膏，入口又幾鬆化，不過無什麼肉味。煎餃子有三隻，皮脆而肉餡多汁，味道不錯的。不過三隻黏在一起，一夾開就穿皮了。友人吃的吉列豬扒定食$58是非常大堆頭，配套有麵豉湯﹑沙律和蒸蛋，以及主角吉豬和一碗白飯。沙律是和日式無關係的辣味大豆芽，不過幾好食架﹗炸豬扒相當大塊，炸物最緊要夠熱，便好難不好吃了，而且肉層不會太薄，附有少少椰菜絲，不過是'無添加'。套餐可以加$6有汽水，見到是整罐上，抵~~加上有零系可樂便要一罐。和友人SHARE飲，便問店員拿多隻水杯，店員以為我要多杯茶﹖便解釋話用黎分可樂飲，她聽到都沒有黑臉還快快手拿隻杯給我們。不過可能我們坐埋一角，他們並沒主動前來加茶，不過一唔該就會即時前來加。從玻璃窗往外看，對面幾間餐廳不斷有好多人穿插，反而這裡就非常清靜，好適合坐下傾下計。最後埋單有幾張優惠劵收，也有一句"多謝哂"附送。
繼續閱讀
同好朋友一聚,因為太肚餓,見到門面ok就衝左入去喇...咖哩豬扒定食..咖哩味道不錯,可惜豬扒炸得太乾,只係食左一半就放棄辣湯煮東風螺,真係好辣,我食左三隻就投降,因為太辣就真係食唔到有海鮮既鮮味燒牛舌..好味,唔太有騷味,燒得岩岩好,唔會太難咬,但雞翼就不太入味,只是表皮有味,有點兒失望白魚刺身沙律...好好食,配以麻醬,不錯的選擇三文魚+甜蝦刺身...夠鮮味,驚喜之作整體來說,比我地想像中都可以接受,價錢都尚算公道,服務都幾好,有禮貌
繼續閱讀
講真 , 80蚊碗拉麵話平唔平話貴又唔算好貴 , 不過都唔係咁呀 ?!坐底叫左個牛油拉麵 , 我女友就叫左吉列豬扒定食 !落單後唔洗一分鐘 , 我碗牛油拉麵就已經到左啦 !快 , 真係好快 , 夾一夾舊牛油 , 完全溶唔到 , 我就夾一"註"麵啦 , 我頂 ...... 凍嘅 , 唔怪得舊牛油唔識溶啦 !! (好明顯之前煮多左放左好耐)同佢個部長講 , 佢就叫個經理黎 ! 態度衰到好似我問題咁 , 我就問佢 : 乜呢個係凍食黎架咩 ?佢就話 : 先生 , 麵煮好左就緊係凍架啦 !嘩 , 好野 ! 呢D態度真係 GOOD 到冇朋友 !而且佢仲要係經理黎架啦 ! 我呢D咪叫有怨無路訴囉 !咁我就話咁你換唔換呀 ?!佢就冇出聲 , 收左碗野行左去 !到之後黎嘅一碗就正常啦 , 熱到出哂煙 , 牛油一路都溶緊 !真心話 , 如果唔講佢服務質素 , 只講個拉麵 , 我覺得80蚊係OK可接受嘅 !叉燒唔痴牙 , 淋得黎有咬口 , 麵又彈牙 ! GOOD !不過個吉列豬扒定食就真係唔洗食都得啦 !塊肉溥過紙 , 其他都係炸粉同肥膏 ! 除非你鐘意食炸肥膏啦 , 如果唔係就可以唔食架啦 !就算我食 , 我都唔會再食呢一間分店 , 服務態度真係太差啦 !
繼續閱讀
朋友話想出來打下牙骹仔…閒日又未夠7點…人流未係最旺…左行行右行行都拿吾定主意….見Domon就想起蔡瀾先生提過數次話佢地拉麵好正宗…大家都未試過…咪二話不說走入去試下啦…居然俾下午餐牌我地喎…六點前仲有交易…套餐只係$33一款拉麵加餐飲…價錢都算好公道…!!牆上果然見到蔡生張大照片…推介係牛油拉麵…四人一人一碗不作他選…想起都叫笨!!...點解吾點其他口味交換試試呢?!...或者自己未必最愛牛油哩款呢係咪!!...anyway…自己對日本拉麵就一定吾夠蔡生經驗足…係咪正宗就分吾清…對我黎講起碼係要覺得好味道…味噌濃湯底加埋溶化左o既牛油帶起稠稠o既質感…麵質屬柔韌,而配搭材料有清甜粟米, 筍子, 紫菜, 蔥花同爽口芽菜…醬油叉燒一大片, 不過稍嫌吾夠肥美肉嫰…整體感覺平實ok…餐茶杯奶茶…茶苦澀, 要叫加奶…!!埋單後再八八…晚餐牌同樣一碗麵變為八十多元??!...坦白講, 三十多元就吾計較咁多, 如果哩餐我俾八九十蚊…一定會有D憤憤不平架!!
繼續閱讀