四人GATHERING，原本訂了枱，因為遲到了一點，便要等枱。不過都只是等了十五分鐘。
之後點了一個四人餐，大概有翅，有咕嚕肉，菜(甚麼菜苗？)，炸雞(鹽穌雞？)、炒紅米飯和糖水。
感覺太咸，太油膩。素食怎會這麼味道濃烈的，不太喜歡。不過大概看不見這間素食有宗教景，似是一間現代素食店，佈置暗暗的似有情調。門口有些八卦週刊也想不到在素食店會出現的 所以這只是一間食店而已。
最後糖水竟然是凍的薏米腐竹... 十分划算，也不喜歡凍食。
茗茶是麥茶，還可以的，不過要付茶錢。

四人餐：~$268
茶茗：~$6
加一服務費

每人口80，很貴，不太值，一個餐太多炸物，太濃味，太咸

前一天晚上吃的晚飯實在太豐富了，想轉轉口味食齋，想到這間新派素食店都有一段時間不曾來過，就來吃頓素菜清清腸胃吧！

這間店子的裝修頗為簡單，鮮豔的橙紅色燈飾主調襯以黑色的桌椅，對比強烈，不過坐落都算舒服。

因為這天不是初一、十五的齋期，所以店內人客不多，坐下之後，侍應隨即奉上「炒米青茶」一，茶味清淡得來蠻特別呢！

這頓午飯沒叫太多菜式，只是叫了一款麵食「招牌上素炒麵」和兩款小吃「懷舊齋鹵味」和「西檸鴨」而已。

「招牌上素炒麵」這炒麵的材料豐富，各種各樣的素菜滿滿地舖在麵條上，味道不錯，不過獻汁過多，使麵條變得太濕太軟。

「懷舊齋鹵味」：這款齋舖必備的零食幾乎是每次吃齋必叫的食物，這裡的齋鹵味包括酸齋、齋叉燒和另一款不知是什麼的齋，不過卻沒有咖喱齋。整體的水平不錯。

「西檸鴨」：質感和口感尚佳，但西檸汁下得不夠。

總的來說，這次試的素菜只算是做得不過不失，不過這裡其實有的是不少融合其他國家地區菜餚特色加以變化做成的新派素菜菜式，是這裡的主打，所以要是下次到來的話，不妨試試其他的特別一些的齋菜，才可試到它的真章吧！

喜歡素食的我常約朋友或家人食素,就是未試過洗衣街這間"素食一家"

今天剛好要去旺角買東西,便提議試這間素食店,我們見這個$98套餐都幾多嘢食,所以叫了

意式南瓜海皇翅湯,南瓜湯好香濃味道唔錯,煙鴨胸肉(冷盤)口感同食味都ok

臺式醬滷肉時菜,滷肉勁甜下次一定唔食呢個,三杯干煸魚鬆四季豆,味道唔特出麻麻哋!!!而且d餸唔夠熱,給我的感覺似街邊2餸飯咁,唔似即叫即炒

菜莆薑蓉鮮菌飯,好香薑味唔油膩



我想去這間店食飯要散叫,這樣不論湯或餸應該會熱一點吧

很久前曾光顧過「素食一家」幾次，印象一般，因覺油膩且味濃，之後就完全沒光顧過。

事隔兩年，朋友建議到旺角「素食一家」吃晚餐。

這夜的菜式，給我很大的驚喜，( 是換了主廚！？) ，水準蠻高，而且餐廳食品種類增多了，每個菜式都列出照片，方便客人挑選。

他們賣的是新派 fusion 素食，中式、西式、泰式、日式都包羅，提供不少含素肉的菜式，但因食品種類多，所以要避過素肉可選擇純蔬菜的也還不少。今次覺得他們的素菜，無論創意、用料、烹調技術、色香味配搭....都能看到他們的用心跟誠意。

招呼殷勤，地方整潔，而那壺提供的清茶也棒極了！

「少油少鹽走味精」七個字是我每次在任何食肆點菜時必定的「特別要求」。這頓真的不錯，如果將來在九龍區吃飯，我都會再選這家。


以下這頓飯點了七個菜，合共 350 元。

太極鴛鴦炒飯 - 好好味,同普通的鴛鴦炒飯一樣,一D都唔似齋
栗子褒- 栗子炆得超好味,我同朋友成褒食晒
上素羅漢齋 - 呢個味道很普通
腰果露 -口感極好,不會太甜

不過環境比較逼

之前見好多人排隊,出面D Poster又影得好靚,好似好好味咁,
結果琴日同男朋友第一次去食....叫左個冬蔭公湯同太極焗飯

冬蔭公湯~
個湯其實都飲得落口,但係佢加左d蕃茄落去,唔辣但好甜,除左d蝦轉左做素蝦之外,其實應該同平時d冬蔭公差唔多,但結果爭好遠.......感覺似飲羅送湯..not good

太極焗飯~
呢個真係唔掂...d飯唔熱又冇味...d白汁同茄汁又好槳,真係槳得好過份,好似d溶左ge芝士慢慢凍返果種質地....d素蝦又係怪,有d"行行"地麵粉味(之前0係沙田食過間齋鋪d素蝦好正!)...
加埋d汁,飯同蝦,真係食食下想嘔.......

本來之前諗住叫埋小食....結果個飯都未食晒就走~~~

真係期望愈大失望愈大

星期六去完屠房做野..聽到d動物聲好慘，對住d肉即時無胃口既我即刻同男朋友去食素
本來想去大自然既，但係太多人等喇，我又好餓，行過見到呢間就標左入去食..

叫左個羊肉捲同炒年糕，羊肉個樣好肉火腿！成件事好有"金菇牛肉卷"既味道，而且個汁有少少酸，又有西蘭花放底，好味！

個炒年糕用鐵板上，個款幾ok，不過d年糕嫌唔夠"林"...

值得一提係茶錢$7位, 隻茶好飲不過真係唔值咁貴，加埋一，兩個人飲茶都飲左$16...

今晚去食98元套餐, 二個菜,一個羹,一個炒飯,果個羹甜到好似糖水個菜D肉又係甜到死!睇睇我地旁邊果台D菜食左!剩留死碟肉在碟裡面!我都知我地食平嘢都無可能要要求咁多!而口味亦好主觀!但最後同個老細講講D菜味道好甜!佢竟然同我講"其他人覺得好好食!你吳鍾意下次吳好來食!D態度差成咁我都吳知同佢講!自己吳會再去食的了

　　外母生日，去食齋。揀呢間嘅原因係每次行過都見到好多人等位，所以搵機會試一下。

　　試完之後，非常失望。就我哋一家人而言，師父都好重手，重手唔係指個份量，而係每個餸都偏咸。

　　賣相都唔係十分吸引，普普通通咁，而碟菜心就老咗啲，幾乎咬唔開，自己食咗一條已經無再食喇。

　　唯獨最後出場嘅壽桃係最好食。好食嘅原因，好大程度係因為：(1) 包好難整得唔好食；(2) 喺唔飽肚嘅情況之下，同之前幾個餸比較，壽桃就即刻變咗係美食；(3) 我自己確實係鍾意食麵包，未食已經加咗主觀嘅分數。

　　總括嚟講，我哋一家人唔會再試。

16/12/2009 晴天

今天又到初一的素食日, 今天放day off同了嘉豪去了旺角食晚飯, 本來想去位於太子的"大自然素食"可是等位的人實在太多了,之後才去了旺角, 他也是好開心地陪我食素, 也讓我拿注意去那裡食飯, 當我邊行邊想的時候, 突然想起洗衣街附近好像有間齋店, 於是我四處找尋, 最後都找到, 又於今天是初一, 所以我們都等了一陣才有座位, 都算好彩了

一入到去坐下來, 侍應已經奉上一壺茶給我們, 飲下來都好清新, 有點炒米味的感覺, 之後問了這裡的職員, 他們告訴我們原來是有綠茶炒米茶, 都幾好飲了,茶具都好別緻, 地方的裝修都好新穎, 好光猛的燈火, 中式的傢俱再帶點西式的環境真是同傳統的齋店有點與眾不同的感覺!

打開了個好colorful 的menu, 每款食物都有相片可以參考一下, 食物的種類繁多, 湯類方面有粟米粥,蟹肉翅&冬蔭功, 也有西式的例如有南瓜魚翅湯&菠菜濃湯等......又有素食的"日本魚生"&"日式的秋葵鮑片拉麵, 又有西式焗飯,印度的咖哩肉丸,台式的三杯豆豉雞煲&中式的煲仔菜等..., 不少的中菜看來都帶有名堂, 看來都可以出廳堂見人, 例如有裙翅鮑片扣海參, 芙蓉蛋白蟹翅.....原來素食都可以做出多國家特色的小菜, 真是不可不佩服了

我們就不算太肚餓, 都只是叫了幾款素食, 叫了酥皮忌廉龍蝦湯,拿破崙芝士卷& 太極高人鴛鴦飯一起分享, 個湯的"素肉"粒的味好像我們平時食的午餐肉的味道, 都好creamy, 個酥皮就帶有好香的牛油味, 不知道是否用植物牛油呢?

而個拿破崙芝士卷外面是用了炸麵包絲, 食落都好脆口, 食落啖啖creamy, 再點些蛋黃汁, 食了兩件都好足夠了, 最後等了一陣個太極高人鴛鴦飯都送過來了, 蝦的仿造非常真實, 顏色燦爛, 多數都食了啖啖白汁的一面先, 之後再食紅汁那面的飯,個飯都炒得不錯,茄汁調味不會太酸, 一條條的素肉絲都幾分似雞絲, 酸酸甜甜食落都好開胃, 白汁方面不會打個芡汁太厚身, 蝦的味道食落好像食蟹柳般, 都幾好食

服務方面都好周到, 見我們壺茶飲晒都馬上帶壺新的另一壺茶給我們, 他們工作都好認真也爽快,也注重客人的需求, 食物方面都帶有新意, 款式又多元化, 新一派的素食店令人有一份創新的感覺, 素食已經不是再平淡了, 如果行街時不知道食什麼, 可以試食一下多種類國藉的素菜, 雖然仿真度未必達到100%真實, 但素食可以為環保出一分力, 也令自己的身體也帶來健康

約了幾位素食朋友, 傾傾事, 在旺角小聚, 找一餐便飯. 我基於在試食的一前題下, 就約了在素食一家.

地點係洗衣街, 不是特登去搵, 行旺角, 就算係新世紀行落黎, 都甚少行入果頭. 留意下, 洗衣街都有不少食肆.

人齊, 我就決定讓茹素的朋友發版. 而且出菜好有次序, 落完 Order不久, 即來他們點的一個魚翅羹. 羹有香口的南瓜味. 再素翅夠爽, 甜甜地, 開開胃, 倒是一個不錯的選擇.

之後是小吃春卷, 炸得香脆. 裡面不只是普通的芽菜同椰菜, 咬落是帶有素肉的. 自己本人不是食全素的, 有點像葷的口感, 始終覺得比較好. 再來一個炸點, 是素海鮮卷芝心, 說過, 素食食物, 形似已經不是什麼好功夫, 味似既是最考功夫, 不過, 現在大多用上味精之類....要什麼味, 較出來就好. 此小點是芝士, 素食朋友能食蛋奶者, 芝士, 雞蛋, 牛奶, 是他們的營養必需, 亦能夠容易配搭出香口的食物.

之後兩個菜, 都是重芝士類, 由於是別人為我叫, 一砵充滿芝士的物體, 內有素蝦, 在底還有一層粉皮. 芝士弄出來的食物, 除非芝士本身質素差, 好難會做得很難食.

最後是鴛鴦炒飯, 又是芝士, 相信我人生食咁多餐晚飯, 食得最多芝士既, 都係今次. 人又飽了, 而且亦掛住齋妹(佢去旅行10天), 心中只有準時到機場送機呢個心理. 所以一碗飯, 兩口吃掉. 食落, 覺得紅色那邊. 蕃茄味仿佛不夠. 但炒飯, 粒粒分明, 炒得勁香. 那當場, 有雞蛋在內吶喊助陣, 當然確不同啦.

最後, 我要匆匆的走, 因為不想遲到啊.....

今日男朋友話D野食好似真O既肉咁,所以迷入去試下LOR!!
個環境都幾好o既,都好靜,好o岩人一邊食一邊傾計!!!
咁我o地就叫o左個二人套餐,再加多個魚生!!!
D野食o黎到就真係都幾似o既,
但D味道我就覺得麻麻地la~~~
服務：其實都ＯＫ既，但佢收o野收得太快lor......
我o地都未食完佢o地就會行埋o黎想收o野!!
見你得番D菜同瓜就問你仲要唔要!!!
咁o個度食素ga ma......咁全部都係瓜瓜菜菜ga la~~

二人套餐包括：

煙鴨胸肉 - 一般
意式南瓜海皇翅 - 一般
蠔皇鮑片 - 啲鮑片出奇地爽口，邊有鮑片會爽口架，素鮑魚都唔會咁啦
咕嚕雞球 - 啲雞球好肉魚蛋一樣味道，唔似雞
台式鮮菌炒菜飯 - 啲飯太硬啦，好似落唔夠水去煮飯咁，整個炒飯冇咩味

另外叫鰻魚鐵板同埋魚生刺生：

鰻魚鐵板 - 真係甜到膩，食兩三件已經膩到唔想食，仲即刻喉嚨唔舒服
魚生刺生 - 一食入口，啲所謂刺生同食一片擦膠冇咩分別，真係好難食

食後感：雖然話係素菜，宜家有好多模仿食物既素菜，不論外觀或味道都超過85%相似，呢啲可稱為 A 貨，但呢間素舖啲食物真係完全唔得，求其搵啲擦膠嚟扮刺生，仲要開喺旺角區，而且要收加一同 $8.0 一位茶錢，完全唔值，試過一次絕不番單。

已經很久沒有吃過素菜了, 今天和老公經過素食一家, 見到門口的二人套餐推介, 加上不用等位, 毫不考慮便入內一試。看過餐牌後, 還是決定叫二人套餐, 餸菜很快便送上。

煙鴨胸肉及鮑片就像一般扮"肉食"的食物一樣, 沒有特別。
意式南瓜海皇翅上菜時湯很熱, 味道不錯, 南瓜味得濃, 就像西湯一樣, 不過我覺得不加素翅會更好。
咕嚕雞球酸酸甜甜很開胃, 可是加入青瓜同炒味道不太夾, 有點奇怪。
台式鮮菌炒菜飯是整個套餐最美味的, 飯炒得很乾身不油膩, 整個飯絕不單調, 下次來一定會再encore!

整體還算ok, 對不常吃素的人來說偶然一次亦算頗有新鮮感, 不過始終有點齋口不齋心的感覺, 還是齋菜比較對胃口!

琴日同牙媽去食飯 , 行黎行去都唔知食咩好
點知牙媽講想食齋 , 所以入咗去!!
入面氣氛好好 , 環境不俗
菜牌內有不同國家的菜式 , 多元化 , 十分適合心大心細既你

2個人本來想叫3個叫餸,点知個waiter叫我地食住先!

点知真係食唔晒,好采有個waiter ( 個到既麵同飯都好大碟 , 係二人份
)

牙媽叫咗雞脾菇豆腐扒津白 , 我叫咗泰式冬陰公海鮮拉麵 ^^

泰式冬陰公海鮮拉麵 ( 辣 )$36 :幾好味咖 , 裏面有素蝦同魚蛋 , 入口ok彈牙 ,
但素蝦就唔太真口感與魚蛋一樣。
同碗內重有番茄 , 秋茄 , 茄子 , 小棠菜。各蔬菜味道口感還能保留 ,
可惜愛辣的我食唔出有辣味

雞脾菇豆腐扒津白 $46 :上菜的時候十分期代 , 食既時候同出面的差不多 , 但係個菇略為硬 , 除此之外都ok。

***特別好既我覺得係拉麵和杯茶

埋單$113 , 其實有d貴同埋味道較濃 , 可以一試。