影片
以上資料只供參考, 請與餐廳確認詳情
7點15分入座, 我地9個人, 第一round order左大概40串, 未夠7點半已經入單, d 野唻得好慢好慢, 差不多5mins 先唻一串, 食左兩個鐘先唻得一半, 跟住我地見旁邊比我地遲入座果d人都開始埋單, 終於忍唔住叫侍應追追d串燒, 進入第三個鐘, 眼見我地7:30分order 果條烏頭0係10:30分降落左只係到場30mins既一枱食客桌上, 我終於忍唔住大叫"我條烏頭呀! 我地等左3個鐘架啦." 點知個90後侍應堅持繼續擺低, 跟住走開, 忍無可忍, 唯有同另一個侍應投訴. 食左3個鐘仲係第一張單既一半, 完全冇野落肚既感覺, 跟住同佢傾掂數, 因為d客走得7788, 如果我地而家加單, 15mins 幫我地做好, 點知加單之後又話好多野都賣晒, 結果9個人用左4個鐘頭食左$1100, 唔係食飽, 而係等到飽, 唉, 冇下次.講返食物, 價錢貴因為份量太少, 味道一般, 搵唔到再去食既理由, 總之冇下次.
繼續閱讀
喜歡吃辣的人一定會鍾意呢個醬, 好惹味燒茄子，想不到咁好食羊架我沒有試，不過同行朋友都讚不絕口呢個好好食,好香好過引既燒飯團，店長推介，真的不錯, 我平時喜歡吃飯焦，好正好新鮮，彈牙，必試之前BBQ都燒過菠蘿，呢串係人地燒好﹗好甜，多汁，正正
繼續閱讀
放工後的即興 Dinner，去朋友介紹的土瓜灣串串地，聽聞很熱鬧有排等，好彩好朋友一早去左搵位，一到即刻有得食! 一入門口已經很舒服，因為地方算寬敞衛生，沒有 "油立立" 的感覺，而且通風效果不錯，不會很重油煙味! 近門口有幾張 bar 檯位，有點日式居酒居的 Feel，同 Friends 食飯啱晒!4 個女仔，我地有人鍾意食海鮮，有人鍾意食 Dry，有人鍾意食肉 (Miss F 當然係鍾意食牛啦~)。首先食左鹽燒厚切牛舌，真的很厚切很 Juicy，而且醃味適中，不會太咸或太乾，難得! 驚喜繼續有黎: 翡翠螺、燒煙肉車厘茄、燒墨魚丸、燒菠蘿...... 材料很新鮮，食物的水份充足，所以不會太熱氣，另外冷凍夠大，大熱天時都唔會流晒汗!讚! 讚! 讚!
繼續閱讀
我未試過寫食評~其實對食根本沒有太大挑剔!但今次真的忍不住!突然想食串燒..所以我們(兩人)就第一次去這間食肆~招呼其實不錯~坐了幾分鐘..店員要求我們調位..以方便另一台客人~我們都好合作!!一調位..發現坐正冷氣風口位..吹到頭到痛!算數~ 但樓底好矮..鄰桌說話好大聲..我們根本談不到天!更頭痛~都算數~等了大半小時..未上一碟食物~催單..才上了幾串~叫墨魚丸..原來是片裝墨魚丸..即是一粒墨魚丸切開兩至三片..成串夾埋不夠兩粒!!雞軟骨雞腎又細又小..雞中翼更恐怖..我想兩隻尾指夾埋都大隻d!簡單來說..比食日本放題的更細更小...但記得這間是逐碟計錢的!!我知沒圖沒真相..但當初因為賣相太差太細..所以沒有意慾影相!真後悔!但大家想尋找真相..可以親身去體驗下!再坐多半小時..仍未齊單~吹風+嘈吵+細碟+遲來...雖然店員態度其實不差..但終於忍不住..第一次決定cut 單離場!因為只吃了幾碟..埋單每人70元不夠~但好飽..因為吃了一肚子氣!!!
繼續閱讀
近來轉了返夜更之後, 就多了食宵夜的機會, 今次又再去新的地方, 轉了去<申申地>食BBQ,搭車時都經過此店, 而且裡面裝修都好企理, 門口更是貼上價錢及食物的項目, 看來價錢都不是好貴, 所以我和嘉豪來到入去坐下歇腳, 食下燒烤座上的客人都已經有幾枱, 客人都不少, 難道真是好食嗎?坐下來之後,枱上都有個彩色的menu , 而且有盡相片參考, 更是一目了然, 店員會給我們一張order紙去點自己心儀的食物燒煙肉廣島蠔卷$23--廣島蠔都算肥美, 卷上煙肉更是帶點鹹香的味道上隻是特大花竹蝦$29, 下隻是花竹蝦$16,隻蝦夠大夠爽口, 蝦肉彈牙都算鮮甜燒泡菜釀雞翼(2隻)$19---雞翼燒到皮薄脆肉嫩,釀了泡菜在雞翼裡, 真是好特別的食法, 泡菜不是太辣, 又不會好酸,而且散發著泡菜的辣味 汁燒帆立貝$23---燒帆立貝以日本燒汁調味,故帶有甜甜地味道, 帶子都好大粒蒜香牛油焗雜菇$26---可是沒有金菇,但份量十足, 菇味香濃, 蒜香味濃, 有雞脾菇, 冬菇,磨菇.....可是沒有金菇因為是我最愛燒雞腎串$12--烤得好惹味, 味道鹹鹹地, 都爽口而且脆口又夠味燒龍蝦丸$12-- 一共五粒真是好抵食, 燒得好夠燶又香口彈牙燒芝士丸$16----要好像小籠包般開小小窿, 否則會燙口, 芝士更是流心漿爆, 充滿啖啖芝士香, 爽口彈牙燒餃子釀雞翼(2隻)$19--釀了餃子的饀料有豬肉在內, 燒得保持肉汁鎖緊在內, 更是juicy 燒多春魚(6條)$23份---多春魚的魚籽咬落"拍拍"聲, 好香口又脆, 好夠份量一共六條, 而且魚春又多整體上食物都燒得唔錯, 而且不會燒得好燶,食材方面都好新鮮又多元化, 可是沒有清水供應, 可以order 磺泉水, 汽水或者樽裝飲品,價錢方面價廉物美,平均消費可以由幾十元至百元, 放工之後來食下宵夜更是吹水聚腳好地方,地方好舒適更是燈火光猛, 更有高木枱橩及矮身的木枱櫈, 而且又有電視看, last order 是一時, 大約兩時就打烊, 服務都可以接受, 效率都好迅速, 又會巡視枱面的情況收下碟, 不錯的宵夜地方,每條串燒味道都真是不錯, 值得一試, 難怪每晚不少捧場客
繼續閱讀