悅華軒 (已結業)

不知是否近日食得糭多，一整天均覺得胃口不佳。晚上，在悅華軒用餐時，不假思索就點了小菜西檸煎軟雞$50，配明火例湯和白飯，另加$5要凍檸茶。普通茶記晚市小菜套餐連飲品索價竟要$55，物價高昂，真叫小妹吃了一驚﹗白飯一大碗滿滿的，對細食小妹而言，確實過多了。茶記做街坊生意，蠻有人情味，若一碗白飯不夠吃，可叫阿叔阿姐添飯，頗有家的味道。是日例湯是豬骨蓮藕湯，搯起湯渣一看，有一塊蓮藕，以及碎碎的豬骨和肉絲。搯了一口湯淺嚐，清清的，帶豬骨和蓮藕味兒。挾起塊蓮藕，鮮爽甘甜具咬口。西檸煎軟雞甫上枱，即飄來一陣陣酸酸甜甜又醒神開胃的味兒，教人口水直流，沉睡中的味蕾也被喚醒了過來。先嚐一口西檸汁，嘩，汁夠熱辣，帶鮮檸的清新味道，酸中帶甜，味道一流也。再挾炸雞一試，則略有所失了。沾上薄粉的炸雞塊明顯是預先炸好的，入口未夠香酥脆熱辣，反而有點乾硬之感。 

金日路經,所以就試下tea time我叫左個炸菜肉絲米粉配火腿奄列 推介程度❤❤❤❤❤(真系好食同抵!!呢個餐只系$27,個炸菜肉絲米粉好入味,又夠多,d米粉又爽,火腿奄列又吾會過熟,入面仲系半熟蛋,好滑,又正,值得一試!!)回頭指數❤❤❤❤❤❤❤❤❤ 9分 (10分滿)外表♛♛♛♛♛味道♛♛♛♛♛環境♛♛♛♛♛服務太態♛♛♛♛♛氣氛♛♛♛♛♛上菜速度♛♛♛♛♛衛生♛♛♛♛♛情侶必到處✓✓✓✓✓

三點經過，見到好多人幫襯。聽細佬講呢度的炸雞脾沙律超好食，一直想試，就行左入去，點知賣晒，只好轉食雞翼沙律。雞翼醃得夠入味，外脆肉嫩，唔錯﹗沙律屬一般貨色，有薯仔、紅蘿蔔、粟米及罐頭雜果，味道較淡。仲有一隻蛋，係原隻上碟的。心諗，究竟係廚師懶，定係創意之作呢？茶餐包一杯飲品，凍飲加$2。

呢間既野食縮左水、食物質素下降、見過蟑螂出沒，都唔詳細講，最討厭既係服務態度！常餐塊包要加$2先可以轉多士 ，每次落order時都有講清楚要燶啲，但幾乎10次有9次都係整到無烘過咁，離曬譜，一係就咪提供轉多士個服務啦！今次叫左兩個餐外賣，等左勁耐，送到黎，仲要漏左個湯，打去問，老闆居然答:「多客遲都無辦法架啦！」「下，漏左個湯牙？無辦法架喎，而家人多呀」漏野可以唔送返，歉意、道歉都無，咁既服務態度！如果唔係因為男友住附近、佢比較中意食茶記，我先唔會幫襯呢間，今次之後，我以後都唔會再食呢間既野！@¥#%-

今日星期日行開筲箕灣，記得在筲箕灣天悅廣場的一間好多人幫襯既食店，於是走去望下，發現星期日依然好多人，點了特價午餐，「班腩抄河」，大大碟好抵食，班腩幾多下大大件，味道不錯值得推介。而凍檸茶也不錯，很有茶味。$34有份午餐加凍飲有冷氣算吾錯。

咁好生意, 但竟然無人為佢寫過食評... 奇怪...最愛其燒味, 特別推介豬頸肉 (呢間鋪係將佢歸類為燒味的), 肥瘦適中, 醃得入味!另外燻蹄&叉燒都唔錯. 飯底份量多,有次改叫河粉, 有驚喜, 好重米味, 須知道依家好多地方的河粉其實都係無味的.連熱飲或例湯, 單拼$32, 雙拼$34. 價錢合理!有時晚上9點幾10點去, 仲會畀多D餸添 (但有時又有好多餸已賣哂)