6月17日專誠到呢間，被揾食肥華譽為鳳凰村，車仔麵最強食店，食番碗啱晒肥華口味嘅正宗車仔麵，因恐防日後肥華因打抗疫針問題，而不能再到此店堂食，故今朝呢碗車仔麵加料點餸，共點咗豬皮，豬紅，豬腸，尤魚，蘿蔔，九菜，合共六種餸料，再加一個粗麵餅及一杯凍奶茶，合失收費$66元，咁呢碗六餸麵，肥華就叫做一個係六六無窮車仔麵早餐，此車仔麵店除咗主角車仔麵味道出色外，而其他配角即調味配料也相當齊全，尤其是個支辣椒醬更非常好味但係市面難揾，連此店市頭婆都唔肯話俾肥華知，呢支正嘢；係邊度買到🤨🤨🤨

小弟難得到鳳凰村返工，食足3餐 最後一餐就係呢碗車仔麵 無特別原因，只係因為呢間舖開足24小時 小弟凌晨1點去到，叫左個3餸車仔麵 牛腩 蘿蔔 豆卜 3餸 蕃茄湯底 加 幼麵，總數34蚊 但拎到返公司約1分鐘路程，打開後發現比左好多菜...小弟本身唔多鍾意食菜， 菜本身又少少硬，又冇乜湯既情況下食得好辛苦！ 食完所有菜之後，先食豆卜 豆卜質感好硬，又索唔到湯 應該係本身煮好左d豆卜然後擺埋一邊！ 即叫先即加落個麵度，敗筆之作！ 其次就係蘿蔔，冇渣唔甜，大約7舊左右！ 牛腩 我諗係成碗最好食既，牛腩煲到好淋好入味 但係就比左好多碎濕濕既牛腩我 幼麵就普通貨仔，不值一題！ 成碗最慘就係個湯底，店舖堅稱係自己煲出黎， 我就好奇怪呢個蕃茄湯底係死甜，完全冇酸味! 其次就係蕃茄肉 居然會自成一角 煲好左既蕃茄湯底，湯入面應該有好多湯渣， 類似薯仔蓉，蕃茄片或核，等等.... 點解個湯可以清如水，又做到死甜呢？ 大家應該估到原因 同埋個湯底出奇地小...基本上食到底先見到有少少湯 不過咁都岩都唔會有人飲 試一次便足夠，下次小弟去隔離7仔買杯麵算

今日去完鳳凰村果頭辦事，正苦惱食乜好嘅時候，見到間天藍色裝修有隻好cute嘅怪獸仔熱狗店，天氣開始熱冇乜胃口食野，食熱狗輕便快捷係個好選擇，入去睇左陣款式唔算多就7款熱狗加其他小食同台式飲品，因為買返屋企做晚餐所以小食薯條，炸物都唔買得，屋企冇得翻炸，所以只買2個熱狗 鐵板燒熱狗：最傳統嘅熱狗，有塊生菜墊底，再配芥末醬同茄汁嘅個組合係最夾架，個包返去叮返熱都好鬆軟，生菜都冇變淋仲好爽口 熱溶芝士熱狗：睇落去好多芝士以為好油好膩，但加左千島醬酸酸甜甜咁好夾，不過粟米粒就太少食唔出味，叮完芝士都仲可以拉到絲，呢個熱狗多人叫果然好味呀 以為好細個但其實都夠飽呀，下次有機會再試下其他款先

睇見有新鋪開嚟試下呢間上海野 鳳凰村附近上海野真係都幾多 平嘅、老字號都有 無添加、唔重油同味精嘅上海野真係市面上比較少 要做到冇味精，出品都係以家常菜為主 試左個蒸餃同酸辣米線，飲品就叫左豆漿 食慣重口味嘅我就覺得味道中規中矩 價錢相宜，環境整潔，喺呢區嚟講絕對係可以成為平民飯堂嘅地方👏🏻

曾經在食評講過現今去上海菜館食客飯，往往衹得一碗白飯及用一杯荳䊢來取代個碗例湯，上述情況都發生在，土瓜灣上海美食之家，深水埗醉上海飯店，及鳳凰村老牌上海菜館美味齋，前兩間除咗衹得一碗飯外，個湯亦由荳䊢做咗代替品，而鳳凰村美味齋更連這杯代替品都無，衹提供一碟餸一碗白飯就是一個上海客飯，4月13日在觀塘廣場嘅一品香，呢間老牌上海菜館终於遇到食上海客飯的感覺，因此店按照上海菜館傳統提供一餸兩飯一碗湯的客飯套餐，令我揾食肥華重拾食上海客飯樂趣，雖然此店個回鍋肉味道不及上述三間食店，但肯保持傳統，亦值得一讚

做嘢做到好Blue🌨，難得出去食lunch都要帶杯珍奶返屋企，諗起鳳凰村呢間手搖飲品店，有嘢飲有小食🍢，選擇都幾多。返到屋企見到杯身嗰句「做人最緊要識嘆」，忍唔住會心微笑。即使世界愈來愈反常🌒，香港人真係要冷靜啲，諗真啲可能有出路⋯ ———————————————— 👅炭焙烏龍珍珠奶茶（$25+$3加大） 👉🏻大頭蝦唔記得叫微糖少冰，見店員加啲冰入壺shark完，隔冰倒入杯都差唔多滿🧊，再加少少冰，都幾均秤喎！呢款奶茶偏奶精味，飲純牛奶就記得揀貴啲嗰款🧋，不過都飲到烏龍炭燒香氣，珍珠本身唔甜但都好彈牙 ———————————————— 🚩總結：必須支持良心小店 ———————————————— 🌟注意：加$3加大，圖中size係加大咗 ———————————————— 📍 嘆杯茶 地址：黃大仙蒲崗村道59號地下F2舖 . 🗺地區：#bem黃大仙 📥分類：#bem飲品 #bem黃店日常 💰人均消費：#bem_50蚊或以下

12月21日冬至，難得细仔仔得閒，可以陪肥爸，和靚媽食餐冬至團圓飯，為免到酒楼等位，所以選擇咗呢間，在鳳凰村開業多年，而做燒臘口碑，都幾好嘅，英都茶餐廳食晚飯，當日點了，小炒，炸物，和燒臘合共，五，六，樣食品，再加壹枝淡啤酒，諗住好好品嚐，而每樣餸菜嘅賣相都算0K，又夠熱度，理應味道吾差，但當日，我揾食肥華個胃，吾知係吾係，冬至日子要休息一天，呢餐飯我每樣菜夾咗少少食之後，個胃就頂住，頂住再食吾落野，所以今餐我揾食肥華，未敢對此食店出品，妄下評語，但從靚媽，及細仔仔進食情况推斷，此店應該吾會太差

小小一個鳳凰村，就已經超過10間賣粉麵嘅店舖，所以新粉麵店若要在此地立足，必須要有其刹着，才能加入戰團，此新開麵店就以$30下午茶粉麵餐，加冷熱飲品同價作為賣店，終於吸引到我和靚媽及細仔仔，一試新嘢，我首先點了一個魚旦粉加凍奶茶，下午茶餐，杯茶係正正常常個隻，碗魚旦粉外觀及份量亦相當對辦，魚旦，魚片，及河粉味道以咁嘅價錢都可以接受，但個湯底就出事了，飲落個魚旦粉湯底，竟然係用雲吞麵個種湯底，呢次又攪到我，味覺失調吾知係食梗雲吞麵定食梗魚旦粉，其後我再叫多碗水餃麵來配合返個湯底，先調正返個味覺思維，當日靚媽和仔仔都點咗各自食品，佢哋都話0K，尤其係個炸魚皮，真係堅好食，加上擺到成枱食物，飲品埋單結賬承惠$202元，又點可以吾收貨。

鳳凰村附近有好多野食，但見到呢間舖唔算太多人，唔洗等，外面睇落又幾日本風，見人少少就入去食，入到去店內裝修都好有日本風，日式佈置，但坐位就唔算太多，不過勝在坐得舒服唔迫。 一入到去店員招呼好好，好熱情，環境舒適唔侷促。 主要食串燒，食物種類都算多，野食都好快上菜，燒得好香，熱辣辣，味道幾好。 京蔥博多豬腩，好食，豬腩有少少入口即溶feel，夾埋京葱食，好正。 其他串燒都燒得唔錯，雞心，牛舌。池魚仔又整得好食。 另外三文魚鮨都炸得好脆卜卜，骨都食埋

吾知係吾係，人怕出名，豬怕肥，曾經為咗一碗牛腩粉，不惜嘥時間，浪費車錢，專誠到中環個間乜記，或大埔個間物記，食佢哋譽滿全港食評嘅牛腩粉，結果乜記，物記都係食到一肚氣，價錢貴，要排隊，食物似預期美味之外，更可以用差來形容，總知你睇過D食評，會覺得吾食過呢兩間店嘅牛腩粉，就會一生後悔，但食過之後你就會後悔一生，為碗咁嘅嘢而浪費時間金錢，反之在我住所附近，開業已有多年嘅，明記粉麵店一直以來，都走平實路綫，此店出品吾會令作有特別驚喜，但亦吾會令人失望，保持一貫街坊食店作風，同時在名氣店食一碗粉價錢，在明記可以食到兩碗粉麵加一杯凍飲，所以呢間食店能在鳳凰村趷立多年，係有理由嘅

本來有個構思，做一個鳳凰村食店，遂間評嘅系例，點知一開波就落筆打三更，入咗呢間伏店，當晚我和靚媽，仔仔合共柯打了兩個牛扒餐，及一客海南無骨鷄飯，先講個鷄飯，鷄肉碎濕濕無一件完整似手撕鷄多D，但同個飯一樣係淡茂茂嘅，反而跟餐個中湯D味精就爆燈，飲一啖就覺得口渴，要即時飲水溝淡，留在口内嘅味精味，好嘞跟住經典囉，海南鷄飯咁差，個兩個扒餐都預咗吾慌好食，跟餐個西湯希如水，加$3嘅凍檸蜜似水，兩牛扒無肉味，同侍應攞茄汁，喼汁調味，講咗兩次竟然俾一碟茄汁，一碟辣椒醬給我，再問多兩次侍應攞喼汁，就話冇喼汁結果俾咗碟鎮江醋我用，食咗幾拾年扒，都未曾試過用辣椒醬及鎮江醋來調味呢次真係要向呢間食店，寫個服字

串燒真係成日食 以前去開慈雲山，鳳凰村，牛池灣食 今次去左新蒲崗食！好有驚喜 冇預約Walk in入去餐廳普普通通尚算企理衛生 一睇餐牌驚喜就嚟啦！！ 竟然串燒有燒田雞食😍係我至愛😜 係咪我孤陋寡聞？ 但我平時真係成日食串燒都未有見過😅 唔使諗即刻落單！ 抱着希望越大失望越大嘅原理 隻田雞我唔敢期望太高！ 點知～係咪無令我呢個田雞怪失望嘅🤟🏻🤩🤩 好好食呀 第二驚喜-椒鹽燒賣 皮薄兼鬆脆勁香口 入面QQ彈彈😂有少少韓國年糕口感 食完即刻encore😜 仲有椒鹽粟米都值得一試👍🏻 基本上全部食物都好食 唔會有一般串燒舖頭嘅陋習 『燒到乾晒燶晒脆晒苦晒』 串燒舖嚟講算係做得好好！ 不過始終我食開嘅串燒舖唔算夠 都係圍繞着黃大仙區附近！ 所以唔敢講嘅係最好食嘅一間！ 但暫時食過黃大仙區來講算係最高分數⭐️

今日諗住去行山，之前梗係要食少少野，經過鳳凰村見到呢間 好食店 ， 個名改得咁特別，係咪真係好好食即刻入去試吓。餐牌選擇都好多，花多眼亂，真係樣樣都想試吓，今日就叫咗個海南雞湯米線，羔蟹肉餅蒸飯，凍奶茶，凍檸水。嘩真係好有驚喜，過海南雞飯啲雞肉超滑，好有雞味，個海南雞汁亦都非常非常出色，我隔離嗰個話我食唔停口，成隻海南雞髀俾我一個人食晒米線再加埋蒜蓉辣椒醬，超級好味，問一問老闆娘原來個辣椒醬係自家調製，非常好味。跟住試吓個高蟹肉餅蒸飯，更加不得了，呢味餸出面唔係度度有，個肉餅好有蟹味，兩樣加埋好配合真係唔識點形容，總之好味。仲要送碟生菜，生菜就正常油菜。個凍奶茶好滑好有茶味。行山前都比我搵到隱世食店，大滿足

若論能夠成為香港本土傳統食物，車仔麵一定榜上有始，由孩童時在佐敦谷徙置區木棚賣一毫子碗豬皮麵，到年少輕狂在廟街食一蚊一碗大什會(即一個麵有六，七樣餸)到早兩年在觀塘一街市内賣$38一麵十二餸嘅車仔麵，我都食過，而我居處附近的鳳凰新村，更可說是車仔麵武林勝地，全盛時有超過十間車仔麵舖在該區營業，經過一番汰弱留強，現在仍有七八間車仔麵舖在該區打拼，每一間都有佢嘅捧場客，而我就特別鍾情位於銀鳳街巳有多年歷史嘅金寶美食車仔麵舖，喜愛此店的原因是他没有嘩象取寵的配料或湯底，而能做到一碗近乎六，七十年代風味的車仔麵給食客，而不可不提此店所選用調味辣椒醬其係一絕，比起坊間名牌x珍，x益，x記，好味数倍，總之食過鳳凰村咁多間車仔麵店，還是覺得金寶最好。

星期一晚上，我乘搭小巴來到「采頤花園」之後，然後來到「新蒲崗」「萬迪廣場」食完「牛腩飯」，作為晚餐裡面屬於「牛腩」部分的食品之後，開始需要為晚餐裡面的「雞肉」食品而操心。 但是「萬迪廣場」附近的大部分「新蒲崗」、「鳳凰村」跟「鑽石山」裡面，有售賣「雞肉」食品的食店，我自問都曾經光顧和試食過，所以需要到其他地方尋找享用「雞肉」部分晚餐食品的食肆。 結果我今次選擇了，走上「彩虹道」的行人天橋，橫跨跨越行車不少的「彩虹道」，來到曾經來過「黃大仙」跟「睦鄰街」。過了「睦鄰街」，我邁開步伐前往最近曾經去過的「黃大仙中心」商場去。 上次我光顧的「黃大仙中心」商場食店，是位於「黃大仙中心」商場的「北館」裡面，至於我今次光顧的「黃大仙中心」商場食肆，是位於「南館」裡面，食肆的名稱叫做「和氣食堂」。 由於我之前在「新蒲崗」享用「牛腩飯」食品完畢的時間，已經超過了晚上七點，我曾經擔心光顧「和氣食堂」「雞肉」食品的時候，距離法法定堂食時間完結，可能只剩下不多的時間。 所以我一來到「和氣食堂」，取得檯櫈和登記個人資料之後，就儘快觀看「和氣食堂」裡面的餐牌，儘快選擇好我在「和氣食堂」「宵夜」食品裡面，有關「雞肉」食品跟其他甜品。 結果我意外發現原來「和氣食堂」餐牌裡面有關「雞扒飯」的食品，還分開了「咖喱雞扒飯」跟「雞扒鐵板飯」兩款不同食法，供食客自由選擇。「雞扒鐵板飯」有「咖喱汁」跟「燒汁」兩款醬汁可供選擇。 但是當時的我，忽然對甜味日式「咖喱」汁有了興趣，加上「咖喱雞扒飯」的價錢相對比「雞扒鐵板飯」便宜得多，符合當時我的經濟預算，所以我最後選擇了享用「咖喱雞扒飯」作為宵夜部分食品。 由於當時的我剩下的經濟預算，隨著我在「新蒲崗」享用「牛腩飯」晚餐，跟在「和氣食堂」享用「咖喱雞扒飯」食品宵夜之後，已經所餘無幾。 加上我光顧「和氣食堂」的時候，已經是宵夜時間，所以當時的我已經不是太敢再喝含「咖啡因」，或者「紅茶」成分在內的飲品，最後我看完餐牌之後，發現餐牌飲大多是港式茶餐廳飲品。 我最後就決定了，放棄享用一般的「咖啡」或者「奶茶」飲品，改為享用冰凍的「柚子蜜」飲品，就已經足夠了。「和氣食堂」製造的冰凍「柚子蜜」飲品，飲品的實際體積其實頗大。 再加上我之前在「新蒲崗」享用「牛腩飯」晚餐的時候，已經享用過罐裝汽水飲品，所以我覺得我最後在「和氣食堂」放棄享用罐裝汽水飲品，是正確的決定。 事實上，「和氣食堂」製造的冰凍「柚子蜜」飲品，使用的餐杯體積頗為巨大，所以餐杯盛載到的甜味「柚子蜜」飲品實際份量亦比我原本預期增加不少。 至於「柚子蜜」飲品裡面的「柚子」實際氣味也都十分之香，加上「柚子蜜」飲品裡面，有來自類似「蜜糖」的甜味，所以令「柚子蜜」實際製成品甜味，變得十分充足和容易入口。 最重要的是「柚子蜜」飲品裡面，完全沒有含任何「咖啡因」提神成分，而且「柚子蜜」飲品的實際甜味，沒有「咖啡因」才是我選擇享用「柚子蜜」飲品的真正原因。 至於我在「和氣食堂」宵夜裡面享用的「咖喱雞扒飯」食品，緊隨冰凍「柚子蜜」飲品之後被侍應送到上檯，「咖喱雞扒飯」餐碟十分大，「咖喱雞扒飯」實際份量也被餐碟所放大了。 「咖喱雞扒飯」裡面的「咖喱」汁由於屬於日式醬汁的關係，所以「咖喱」汁的實際味道一點也不辣，再加上有甜味加酸味的「酸薑」作為配菜，所以「和氣食堂」「咖喱雞扒飯」實際變得非常容易入口。 而且「酸薑」實際上，有着讓人有開胃，食完還想再食下去的感覺，所以「酸薑」暫時令剛剛食完「牛腩飯」的我，還有足夠食慾繼續享用「和氣食堂」廚房製作的「咖喱雞扒飯」食品。 另一方面，傳統的日式「咖喱雞扒飯」「咖喱」汁裡面，廚房在製作時在所難免地，會加入不少「牛肉」肉碎跟「豬肉」肉碎進入「咖喱」汁裡面調味。 所以即使我食「牛腩飯」晚餐之後，才選擇在宵夜時間期間，堂食時間完結之前光顧「和氣食堂」，而且享用有豬肉肉碎材料在裡面的日式咖喱汁，對我來說問題還未至於變得非常嚴重。 除了「牛肉」肉碎和「豬肉」肉碎之外，「和氣食堂」廚房原來還在「咖喱」汁裡面，加入不少已經預先切碎，才放進裡面調味的「紅蘿蔔」調味。 所以「和氣食堂」「咖喱雞扒飯」醬汁實際的味道，沒有我平日食的「咖喱飯」和「咖喱汁」那麼辣，取而代之的「咖喱汁」味道，是來自「豬肉」、「牛肉」和「紅蘿蔔」的鮮甜味道。 至於「咖喱雞扒飯」裡面的「雞扒」，「雞扒」實際製成品體積不算十分之大，而且被「和氣食堂」廚房裡面的師傅切成一條條的狀態。「雞扒」看似被廚房油煎和炸過。 所以，即使「雞扒」的實際製成品體積不算十分之大，但是勝在「雞扒」外層口感炸得頗為香脆，內裡面的「雞肉」口感尚算是很軟嫩，而且隱約還食到雞肉裡面還有肉汁，所以「咖喱雞扒飯」整體性價比尚算不錯。 至於甜品方面，我本來想選擇享用「抹茶」雪糕，但是我回家之後，現在還未到正式洗澡和睡覺的時間，所以最後沒有選擇享用「抹茶」雪糕，改為享用「白玉牛奶雪糕」。 「白玉牛奶雪糕」裡面的「牛奶」口味軟雪糕牛奶味道很甜，「白玉」丸子數目雖然不多，但是「白玉」丸子勝在口感十分煙韌有彈性，而且隱約吸收「牛奶雪糕」裡面的「牛奶」甜味。 除了白色「白玉」丸子之後，原來還有綠色的「抹茶」丸子，幸好「抹茶」丸子裡面的「抹茶」茶味不算是最濃厚，所以對我晚上的睡眠質素實際影響不大。 至於價錢方面，「咖喱雞扒飯」跟「白玉牛奶雪糕」甜品的實際價錢相對比較昂貴，就連套餐裡面的「柚子蜜」飲品也偏向比較昂貴，需要港幣十八元一杯。 所以即使「和氣食堂」食品飲品的整體很甜很濃厚，可惜價錢不算十分便宜，日本餐廳裡面又沒有「牛腩飯」食品，跟我平日用餐習慣有所違背。 所以我覺得「和氣食堂」整體偏濃，但是沒有「牛腩」食品，價錢性價比只算是中算微微偏上程度，偶然光顧一次都算是可以接受，但是不會當作長期幫襯的食店。