Hungry Monster (富祐大廈) (已結業)

今日去完鳳凰村果頭辦事，正苦惱食乜好嘅時候，見到間天藍色裝修有隻好cute嘅怪獸仔熱狗店，天氣開始熱冇乜胃口食野，食熱狗輕便快捷係個好選擇，入去睇左陣款式唔算多就7款熱狗加其他小食同台式飲品，因為買返屋企做晚餐所以小食薯條，炸物都唔買得，屋企冇得翻炸，所以只買2個熱狗鐵板燒熱狗：最傳統嘅熱狗，有塊生菜墊底，再配芥末醬同茄汁嘅個組合係最夾架，個包返去叮返熱都好鬆軟，生菜都冇變淋仲好爽口熱溶芝士熱狗：睇落去好多芝士以為好油好膩，但加左千島醬酸酸甜甜咁好夾，不過粟米粒就太少食唔出味，叮完芝士都仲可以拉到絲，呢個熱狗多人叫果然好味呀以為好細個但其實都夠飽呀，下次有機會再試下其他款先