影片
更多
2014-10-21
10513 瀏覽
我同意前面的標題 "唔Q明呢間野有咩好" 那作者所講的大部份內容。但這作者亦有部份東西說錯，所以我想中立地評論返。我是2014年10月2日，國慶假期去。我特登唔佔領中環，跟朋友去大埔龍尾村的巴希雅海灣重慶燒烤，結果令人失望，而且有點令人生氣。今天已經是10月5日，但想返起仍然覺得有點嬲，和不值。我對這間野，有彈多於讚，亦真的唔明點解仲有咁多人去。(1)先講食物食物尚可，食物種類都肯定超過10種，沒有題標"唔Q明呢間野有咩好" 那作者所說咁少既。我記得有菜心，但BBQ燒有菜心，其實我唔太明。我好少燒烤的，恕我唔明點燒?! 我無燒菜心，我亦唔知新鮮否.....另有韭菜(粵語音:九菜) <----我打這篇文章，先知正確中文是韭菜。其實我都唔明韭菜點燒，燒左一束，我吃起來，乾爭爭，感覺自己像隻牛在吃草 =.="。還有些正常D的食物，冬菇串，雞塊，鮮魚肉塊，豬排，牛塊。牛塊燒了兩塊，超堅韌，唔好食，一塊勉強食啦，另一塊真的咬不到，掉垃圾桶了。=.="還 有雞串，牛肉串，脆皮腸，廚師腸，牛丸，大虾，雞翼，墨魚丸，多春魚，菠蘿，肥牛包蕃茄仔串(半小時才出一盤，會極速被人拿晒，想食要企在度等佢
我是2014年10月2日，國慶假期去。我特登唔佔領中環，跟朋友去大埔龍尾村的巴希雅海灣重慶燒烤，結果令人失望，而且有點令人生氣。今天已經是10月5日，但想返起仍然覺得有點嬲，和不值。
我對這間野，有彈多於讚，亦真的唔明點解仲有咁多人去。
(1)先講食物
食物尚可，食物種類都肯定超過10種，沒有題標"唔Q明呢間野有咩好" 那作者所說咁少既。
我記得有菜心，但BBQ燒有菜心，其實我唔太明。我好少燒烤的，恕我唔明點燒?! 我無燒菜心，我亦唔知新鮮否.....
另有韭菜(粵語音:九菜) <----我打這篇文章，先知正確中文是韭菜。其實我都唔明韭菜點燒，燒左一束，我吃起來，乾爭爭，感覺自己像隻牛在吃草 =.="。
還有些正常D的食物，冬菇串，雞塊，鮮魚肉塊，豬排，牛塊。牛塊燒了兩塊，超堅韌，唔好食，一塊勉強食啦，另一塊真的咬不到，掉垃圾桶了。=.="
還 有雞串，牛肉串，脆皮腸，廚師腸，牛丸，大虾，雞翼，墨魚丸，多春魚，菠蘿，肥牛包蕃茄仔串(半小時才出一盤，會極速被人拿晒，想食要企在度等佢出)。每 個爐各送1個小煲的蜆仔煲，和一小包金菇錫紙包。我中立D講，以上這些食物都OK既，不算什麼好食，但亦不算差，我對食物的評分是 "尚可"囉，其實真的無咩特別。
有蜆仔煲和肥牛包蕃茄仔串，以這些BBQ場來說，又比較少見，算特別啦。但蜆仔煲只得1煲，不能再加。除非你再比錢開多個爐。=.="
但我燒燒下先發現，原來係沒有魚蛋燒 =.="，這是BBQ必定會燒的東西，沒就沒啦，反正燒其他也可。
值得一提的提，蜜糖不是免費供應，須另外加錢買的，真懂做生意 =.="
(2) 飲品
要注意的是，飲品每人限定 "只得2罐"。口渴想再飲? 請另外再比錢，多謝惠顧。
(3) 場地
環境還算可以，有些地方露天，有些地方有帳篷，能擋到些太陽。環境乾淨就不能說，你也不能預期BBQ得的地方會很乾淨吧?! 只能說 "尚算" 企理囉。
(4) 服務態度 (超差) <-------這是激起我打這篇食評的原因，我好少打食評的，現在想返起都還有點嬲。
第一，我是顧客，我來給錢的，但怎麼搞到好似我欠佢錢咁，態度很差.....講講我的經歷:
有個頭髮比較長和消瘦的中年男人，我估是老闆吧，但態度像黑社會。
跟住去開爐燒啦，去到一個有帳篷的地方。但而家是10月，雖然是秋天，但溫度都仲30度，加上前面是火爐，超熱，我們一行6個人，老闆安排了 "一把" 風扇給我們，事實上，是算係是好過無既，其他場都好少有風扇提供。
不過我見每枱都最少有2至3把風扇，怎麼我們得1把風扇。30度呀，真的好熱，我們有4個女孩子和一個2歲小孩，我唔想熱親佢地。
我就去問第一個伙記，伙記走過來說，其他後面的風扇，其所插的拖板的無電，開不動。我其實就唔信囉，我覺得佢只係唔想煩和搞。我繼續追問，這裡有很多長的拖格，我叫他找個長拖板來，接個有電的來這裡就可開多部風扇.....
他完全無理我，當聽唔到，轉身就走，完全當我的說話是死的。我當然無跟他吵架，他走就走，我問第二個伙記。
第 二個伙記是正在拿著好重的火爐過來，我又跟他說，好熱，這裡有小孩又女孩子多，請問可否幫忙拉個長拖板來接電插風扇? 他簡而精地回答，我只負責開爐，不搞風扇的，幫不了你，然後轉身就走。<<===我4個女孩子的朋友都真的O晒咀。我真的覺得這工作態度很 差，你無時無刻開爐嗎? 拉個拖板很浪費時間嗎? 你就算真的忙著開爐，幫不了我，你能幫忙找其他伙記幫我嗎? 完全當我們死架囉。
我忍無可忍，我禮貌地出去，直接找老闆，請佢過來看看，能否做點什麼.....我提議，請佢真的拉多個拖板來接電，開多個風扇。老闆說，無電呀，唔拉拖板架啦，係得一把風扇你用。然後老闆就回去.......=.="
我算啦，鬥不過他們，我們都給了錢，只好繼續燒。我們女孩子多，這裡又像黑社會咁，費事嘈啦。
每枱有約3小時的時間BBQ，到差不多時間，老闆就幾惡走過來問你們是否要加錢再燒，已經夠鐘。
我簡單D講，就係用很惡的態度和語氣 "質問" 你，你無聽錯，係質問的語氣，質問你，趕人走。
在外面其他餐廳食飯時，好多時候都有時間限制，這個明白的，但人家唔會咁惡趕人走，也用。(OK，Fine，我假日黎係享受，雖然我給錢不是什麼大不了的事，但我需要這樣受氣嗎?? )
我們最不滿意那頭髮比較長和消瘦的中年男人(估計老闆)的態度，不止我一個覺得差，4個女孩子都覺得佢態度好差，好似我們客人欠他錢咁。
我又中立D講，有些伙記的態度是很好的。櫃台賣雪糕，飲品 和 尤其是廚房搞食物出來的幾個阿姐，就有好禮貌。
尤其是冷凍房門外的阿姐，我問她什麼時候會再有肥牛串出? 她很禮貌說，要半個鐘出一次架，她又熱心地走入廚房，幫我問問下次還有10分鐘就再出來，叫我稍後再來，她們服務態度就很好，這幾位女士就值得讚許，不像老闆和頭兩個伙記。
花了成個鐘打這篇文章，你就可想而知我有幾不滿這間野的老闆和部份伙記。
但這裡open rice打手真多，怎麼好，那麼好咁，真的太假啦。我真的唔覺得這間野有值得我再去的地方，今次係我第一次去，亦係最後一次，我唔會再去，亦唔會介紹人來。
對 今次BBQ的總結，評價是: 食物正常，唔算很好食囉。環境尚可，但某些位置欠佳，夏天欠風扇帳篷(無得你揀，亦無人理你，話之你死)。老闆和部份伙記態度極差，唔好指意他們會協助你 任何野 ...NO WAY，仲好似欠他們錢般的態度對你。但有部份伙記態度好的，我也嘉許他們部份伙記阿姐。完...........
張貼