瑞士餐廳

營業中

休息中

好耐以前黎過一次，好飽好滿足咁走。搵返D相出黎分享下。烘瑞士芝士配新薯, 酸洋蔥及酸青瓜： 香濃芝士味，加埋配菜酸酸地好fresh，好好食。寬條麵冇乜特別，只係上面白色既芝士好好食。炸豬扒釀芝士，一切開D芝士流哂出黎。豬扒中間夾左塊火腿，賣相同流心都出色，但味道只屬一般。反而由一條條薯仔整成既薯餅，好好食！甜品還可以啦。今次再戰swiss chalet，推門而入，懷舊歐式裝修映入眼簾，感覺去左19世紀農村，好有風味。由於唔太肚餓，淨係叫左沙律同芝士火鍋。侍應拎住個麵包籃，每款都比左一塊我，唔錯，皮硬硬地，中間好軟熟，加上牛油好香。沙律賣相普通，似普通cheese＆ham，但芝士味道濃，口質較實，重有配酸瓜沙律菜同新薯，唔錯。傳統芝士火鍋配雞肉：芝士火鍋唔錯，而且有少少酒，味道更香濃。雞肉煎得好香，唔點芝士已經好好食。麵包粒麻麻地，有D似平時放耐左既麵包，稔左同變韌咁。今次再黎，食物都算唔錯，水準仍然keep到，但好似冇左第一次食既新鮮感。可能第一次印象深刻，令到今次期望太高。