144
37
18
港鐵尖沙咀站 P3 出口, 步行約2分鐘
電話號碼
2191 9197
開飯介紹
位於赫德道的瑞士餐廳正提倡著地道的瑞士飲食文化,從裝修佈置到菜式,均處處洋溢瑞士風情。餐廳沒有特別偏向提供具法國或意大利特色的菜式,反而兩者兼備,更有彈性,亦讓客人有不同選擇。至於最傳統地道的瑞士菜,首選芝士火鍋,芝士分別有Gruyee、Emmetaler、Lamdenberger及Vacherin四種。 繼續閱讀
特色
慶祝紀念日
營業時間
星期一至六: 11:00-22:45
付款方式
Visa Master 現金 銀聯
座位數目
55
其他資料
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
加一服務費
一人一鍋
招牌菜
芝士火鍋 凱撒沙拉 黑米拼鵝肝 瑞士炒牛仔肉
食評 (208)
芝士餐 焦點食評
新晉食家 2016-06-30
2438 瀏覽
呢一次嘅女生聚會揀咗未試過嘅正宗瑞士菜。印象中嘅瑞士菜只係得芝士火鍋,嚟到呢間瑞士餐廳睇吓menu,原來都幾多嘢食!呢一日我哋五個女仔,叫咗兩個頭盤、三個主菜,已經好夠,好彩冇一人叫一個主菜咋,真係會食唔哂!點完菜後,侍應為我哋送上麵包,佢個牛油印咗花紋好可愛[烘瑞士辣力芝士配新薯,酸洋蔥仔及酸青瓜仔,$115]對於瑞士菜,除左芝士火鍋外真係完全冇概念,所以只能靠睇餐牌嘅文字嚟做決定。由於係零概念,呢個烘芝士嚟到嘅時候我呆咗一下因為佢只係一層薄薄嘅芝士…不過食落芝士味都幾濃,同酸洋蔥、酸青瓜一齊食又幾夾喎。但耿記,一定要趁熱食,如果唔係佢變硬咗就拉唔到絲,會完全變咗另一樣嘢[白酒香草忌廉汁青口,$173]青口唔大隻,不過份量幾多,而且算新鮮,唯一決點係有少少沙…個汁調味得好好,我哋用嚟點麵包食[傳統瑞士芝士火鍋配櫻桃酒跟法包,$260]由於我哋幾個都唔知揀邊個好,咁見呢個鍋寫住「傳統」,咁就叫佢啦,實冇死。呢個鍋嚟到,果然芝士好濃呀,都幾香酒味!一個芝士火鍋跟兩碗麵包粒,食完唔夠佢都可以幫你refill。不過最衰我哋唔識叫,早知叫佢介紹啦,因為淨係得麵包好齋… [燴牛仔膝跟雜菌意大利飯,$265]呢個主菜可以揀跟雜菌意大利飯或者幼麵條,當我哋唔知揀邊樣嘅時候,侍應叔叔就話跟意大利飯好啲,果然冇介紹錯。意大利飯燉得軟硬適中,又唔會太重菇味,而牛仔膝都好腍好入味。[炸豬肉釀芝士及幼麵條,火腿跟瑞士薯餅,$185]呢個稍為有少少驚喜,因為切開佢之後啲芝士係爆出嚟,個薯餅亦唔係好似麥記嗰啲咁,而係一塊用薯仔絲組成嘅扁身薯餅呢度嘅食物係唔差,不過價錢係貴咗少少…;服務亦唔好,外籍侍應唔肯幫我哋落單,要我哋等個香港叔叔,但個香港叔叔又鬼咁忙,所以我地都等咗一陣先落到單;另一個缺點係佢成間餐廳都充斥住濃濃嘅芝士味,所以食完餐飯個身會有陣味。 繼續閱讀
(以上食評乃用戶個人意見 , 並不代表OpenRice之觀點。)
卓越食家 2016-08-31
464 瀏覽
江妮姐帶小弟出城見識見識,第一次品嚐瑞士菜啊,感激萬分。七點我兩已坐定定等開飯,時間尚早彷如包場一樣,一個客都未有呢。全場外藉職員,貌似菲律賓及印度,全程要講英文呢。order 完就靜靜地等開飯。好別緻又古式古鄉既布枱墊,而且內籠裝潢以木材為主,非常瑞士小鎮風呢,感覺舒服溫暖。Apple cinder,來佬貨喎當然要試試,甜甜地幾好飲,可選擇有酒精或無酒精兩款。我飲有酒精成份既,甜味多過酒味,當汽水飲,都幾好。果糖?堅甜喎。butter with trade mark,印有商標既牛油,幾得意。不過好似份量太多,兩個人用本五份一已足夠。剩餘既會唔會返用呢?掉左又好浪費喎。幼滑到不得了,比一般牛油淡,不過好香,早知大大劈隊落舊麵包度啦!龍蝦仔忌廉薯仔湯,味道一般,質感太厚,鞋鞋地,可能薯蓉關係,又可能落多了麵粉,幼滑欠奉。特別就幾特別,都係傳統龍蝦湯較為好飲。生黃猄肉配芝士蒺藜油及酸磨菇,非常瑞士農家菜 feel,如果每樣食材單獨食既味道單調又古怪,但捲埋一齊食就完全唔同晒!配搭特別,薄切黃猄肉刺生本身沒什麼味道,夾上淡味硬芝士,淋上帶甘苦辛味香草油,帶出清新肉香肉甜,好神奇。層次質感複雜多變,好好既一道前菜,醒神好開胃。瑞士白汁牛仔肉配薯餅,又一道非常熟悉、非常傳統既牛仔肉菜色。牛仔肉鮮嫰滑滑,不乏肉汁夠濕潤,牛味突出濃濃。薯餅香脆,外層金黃鬆化,裡面薯絲半脆半粉好過癮,薯仔味鮮甜香醇。正宗煎薯餅,唔係麥當勞硬實死實快餐炸薯餅。鬆脆外層索一索忌廉牛肉汁再夾著牛仔肉同吃,別具特色,更加美味!伴碟蔬菜七彩繽紛,種類繁多,新鮮爽嫩,味道可口又多汁,滿意。 繼續閱讀
(以上食評乃用戶個人意見 , 並不代表OpenRice之觀點。)
入門食家 2016-08-22
413 瀏覽
瑞士餐廳,第一次幫襯要數返8-9 年前... 當時係我同babe 唔記得幾多週年去食,自此之後,基本上每隔3-4個月我地都會返黎幫襯那麼多年來,本身我無寫食評既習慣;但時間越耐,感覺打手多了很多。我希望能盡一點棉力,寫一些真實食客的感覺,等大家可以知道一間餐廳真實既"食力", 而唔係睇完幾廿篇之後原來成堆都係打手 🤔瑞士餐廳,第一次幫襯時有嗌芝士火煱。但食過一次之後,就覺得無乜特別。芝士是很香,食落也很美味,但配料就有啲失色 - 碟蔬菜配芝士火煱有點怪;法包又唔係好好食... Anyway, 其實我地最欣賞,就係佢地既牛仔肉配薯餅同埋香蕉船!先講牛仔肉配薯餅,牛仔肉有咬口、菇菇好香,脆脆地既薯餅配埋個汁,好食到停唔到手 👍🏻香蕉船既杏仁片加花生粒,再配雪糕同cream, 啖啖都好豐富再者,佢地既烘芝士、ham platter、牛仔腸薯餅同chocolate fondue 都係好出色。建議可以一班人去,可以試多啲款式。同埋因為個度啲位都比較近,私私細語係有啲難度 繼續閱讀
(以上食評乃用戶個人意見 , 並不代表OpenRice之觀點。)