倚窗閣

營業中

休息中

／我望住呢杯凍檸茶真係O晒嘴！個位侍應一擺上檯就已經係咁啦！我想問下應該係點樣飲呢？究竟點樣篤啲檸檬呢？定係要等中間d冰溶晒先可以飲？今次來呢度係因為媽咪有一張買一送一嘅優惠券，只是for食自助晚餐！今日我有得閒咁咪去食囉！之前只係試過九龍酒店倚窗閣嘅自助午餐，我就覺得麻麻地，啲嘢成日食晒都唔refill...無論排壽司排海鮮都要排好耐...排到你嘅時候就得番啲quality好差嘅食材佢D魚生完全唔新鮮，我就覺得同爭鮮差唔多囉~ 啲海鮮係無味嘅，但係肉質都係爽嘅~燒牛肉就有啲鞋鞋地啦~ 燒味就梗係仲衰過美心-.- 有蒸魚食但係over cook...唯一可以寄望嘅就只有甜品，好彩個疏乎厘真係好好味！又好香港嘅雲呢拿味同埋熱辣辣嘅~ 好幼滑嘅口感！仲有個芒果拿破崙蛋糕都幾好味好脆，但係芒果就太酸...朱古力慕士嗰啲就不過不失，朱古力味唔太濃囉！仲有啲cheesecake, 好普通la~ 同Starbucks差不多...好滯, 係又唔夠cheese味