影片
更多
2013-04-08
461 瀏覽
我爸爸係大陸返左嚟過復活節，嚟緊好多篇食評都係三人行的，一家三口一齊食飯最開心~適逢整個復活長假都落雨，戶外活動都取消哂變成行商場玩意，真係啱哂我一家，我爸爸係嗰D樣樣都買一餐既人，太陽鏡、衫、鞋、相機都啱佢!! 行完屯門市廣場只係4:30左右，即興過三聖既興記睇吓無訂枱睇下有冇得食，無就我爸話買海鮮自己煮，不過我內心好反對，我怕會六國大封相!!原來係屯門站坐輕鐵到三聖只係十多分鐘，好方便的~去左三聖最多好評的興記睇吓有無得執死雞，又有喎，剛到達只係五時左右，客人不多，取了票後即到關財記買海鮮，買了龍蝦、墨魚(想買大尾魷不過賣哂，退而求其次)及龍躉肉，共$800~去番興記，由於我哋得三人，只可以坐戶外，當日都落過幾大雨，其實坐外圍我都幾抗拒，濕濕漉漉咁，對於有少少潔癖既我有D唔自在~坐底後就叫左上湯焗龍蝦、椒鹽墨魚及紅燒班腩，以及例牌燒鵝一碟($100)熱辣燒鵝: 仲見到冒煙的，食物新鮮就會好食，燒鵝皮很脆，好耐無食過新鮮即燒既鵝了~ 肉則頗靭，但都收貨LA~上湯焗龍蝦: 呢個龍蝦不得了，超過1.5斤，內裡肉超多及爽口，係酒樓食唔到咁正既龍蝦，即買即煮就係有咁既好處，我個人食左5大舊龍
適逢整個復活長假都落雨，戶外活動都取消哂變成行商場玩意，真係啱哂我一家，我爸爸係嗰D樣樣都買一餐既人，太陽鏡、衫、鞋、相機都啱佢!! 行完屯門市廣場只係4:30左右，即興過三聖既興記睇吓無訂枱睇下有冇得食，無就我爸話買海鮮自己煮，不過我內心好反對，我怕會六國大封相!!
原來係屯門站坐輕鐵到三聖只係十多分鐘，好方便的~去左三聖最多好評的興記睇吓有無得執死雞，又有喎，剛到達只係五時左右，客人不多，取了票後即到關財記買海鮮，買了龍蝦、墨魚(想買大尾魷不過賣哂，退而求其次)及龍躉肉，共$800~
去番興記，由於我哋得三人，只可以坐戶外，當日都落過幾大雨，其實坐外圍我都幾抗拒，濕濕漉漉咁，對於有少少潔癖既我有D唔自在~坐底後就叫左上湯焗龍蝦、椒鹽墨魚及紅燒班腩，以及例牌燒鵝一碟($100)
熱辣燒鵝: 仲見到冒煙的，食物新鮮就會好食，燒鵝皮很脆，好耐無食過新鮮即燒既鵝了~ 肉則頗靭，但都收貨LA~
上湯焗龍蝦: 呢個龍蝦不得了，超過1.5斤，內裡肉超多及爽口，係酒樓食唔到咁正既龍蝦，即買即煮就係有咁既好處，我個人食左5大舊龍蝦肉，大滿足!!
椒鹽墨魚: 爸爸話墨魚好硬，不過啱我胃口，我最鐘意食D有嚼頭的東西，不過美中不足係無比到喼汁，我仲要用左枱頭嗰碟辣椒豉汁嚟點，以為呢間野無喼汁，食左一半我老豆仲問我做乜用辣椒豉汁添，先問伙記拎番喼汁，墨魚點喼汁更為美味!!
紅燒班腩: 我爸爸摯愛，不過我唔太鐘意食，食左一件熱辣辣既班腩，味道OK~其實我老豆係餸菜未出之前又走番去海鮮街另一檔買了三隻超大扇貝($150)~
再多加一餸添~
蒜茸粉絲蒸扇貝: 有成隻茶杯碟咁大，不過我嗰隻D肉比較細，不及我媽媽嗰隻靚，但肉則爽口嫩滑，蒸的時間恰到好處，加上蒜茸同粉絲同吃，好好味!!加工費加燒鵝為$470，4款海鮮為$950，今餐三個人食左接近$1500，都幾貴呀~
而且係興記呢種大排檔食已經平左D，如果去靚D既海鮮酒家應該更加貴~
P.S. 都有機會再來食海鮮，不過要天氣涼同無落雨，對於有潔癖的朋友，要預備多D濕紙巾呀，哈哈!!
張貼
