山頭火 (已結業)

同事仔Raymond極力推薦要食呢間山頭火，佢話之前喺銅鑼灣拉麵橫丁食過呢間拉麵店，佢仲話食過呢間就唔會喺香港食其他拉麵喎，咁就不妨一試啦!!12:20到達，大概等咗兩三個字左右就有位，可能因為佢新開，好多其他款都未供應，只有幾款拉麵同飯...所以啲人食完就走，流量好快...一入到去，被安排坐bar枱位，不過無論張枱同櫈都好寬敞，坐得好舒服。對住廚房，見到三個日本師傅煮麵，好有日本feel!!咁呢我就叫咗一碗辣麵豉拉麵，肥比就食麵豉拉麵，我哋再加咗一份叉燒同牛油粟米....初時見到人哋碗麵好似好細碗咁，都怕唔夠飽...點知我哋order咗之後，Raymond先響原來可以加十皮要大碗份量...碗麵一到，個湯啲香濃味真係聞到又睇到，之後再加埋啲牛油同粟米撈好之後第一啖湯~~~嘩好好味，好香，好濃，唔會過咸....再試埋麵....頭半碗都尚算彈牙，之後就可能浸喺湯耐咗，所以要食快啲....叉燒軟軟滑滑好味...。其實我都唔細食嘅人，不過細碗拉麵都滿足到我，所以如果要加大真係要三思!!