ANESB 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-10-01
自己係一個常常飲珍珠奶茶的人,所以對珍珠和奶茶有一定要求,但這杯無冰的凍奶茶,我只會給予可以不試的水平。 首先講外賣飲品店,好大間好光亮,但放工時間竟然一個客都冇...... 餐牌的選擇不太多,而且好細隻字咁~ 個杯只套個外套就算......有點求其囉﹗ 如外表不重要,內在呢? 入口的第一啖:凍、甜、奶味重,茶香唔覺 第二啖吸一口珍珠:細粒的珍珠,可惜唔彈牙,但又未致於黏口 隔了一陣再飲一啖:甜,奶,仍然凍冰冰 總結:味道比較一般,珍珠更是失去了想吃的衝動。 但有一個好處,就係到我飲晒成杯都仍然有奶茶冰沙,而且些冰打得好碎唔會咬到有冰粒。 俾我的感覺就好似奶茶冰沙加珍珠......夏天飲不錯﹗ 題外話/補充資料: 這杯飲品是來自一個試飲網站,但我老實寫這篇評語卻沒被出現在網站,所以只可POST在OPENRICE,大家真實了解一下推介美食: 沒有
評分: 味道 2 環境 2 服務 3 衛生 3 抵食 5
2014-09-15
食物的水準問題不太大,一般正常水準! 旺角好幾十間食肆做到~ 是晚找宵夜食,想去黑沙灣的一哥冇開,司機話來呢到喎~ 以前來過一次,都有好多人去食,所以等下都ok,但今晚凌晨一點 成間店得3檯人,有2檯已經食緊 坐低就同你講粥,賣晒...... 都算啦﹗點野食... 但超嚇人的價錢牌和超差劣的服務態度,等待超長時間的炒麵,足以令人不再回頭! $48一碗4粒的墨丸米 (係手打貨色,但係唔特別) $68 一碟炒麵 (等了半小時) 等待的途中,佢地已經俾其他檯再鬧緊......人地叫了個麵,等了半個鐘,食完再等3個字先再來一個炒麵 佢地店員的回答可為一絕﹗「我而家唔同你講啦﹗你發緊火,講來都冇用」 追單時店員的賴理態度,你覺得想咁就去啦! 題外話/補充資料: 我係第一次要給這樣的劣評,大家有興趣再去啦﹗
評分: 味道 3 環境 2 服務 1 衛生 3 抵食 1
2014-06-23
今天與朋友約吃飯,很想吃喇沙,但在旺角找不到好吃的,所以轉吃泰菜 在OPENRICE找了很久,看到這間好像不錯就嘗試一下 但剛剛坐滿客要等一段時間,就嘗試給電話老闆娘,請有位時聯絡我們 約20分鐘後就收到電話,果然好服務 本想吃生蝦,可惜要預約... 只好點其他菜 題外話/補充資料: 呢間餐廳整體水平不錯,我們坐到十點仍有客人上門,而且不會趕客般,也很留心我們的需要。可惜佢有個最差的地方就係只收現金......我們3個人要六百幾元埋單,都算幾貴下,但可以分為再去嘗試的餐廳﹗ 推介美食: 冬陰公湯,生菜包,木瓜沙律,小食拼盤,香芧冰和芒果沙冰
評分: 味道 4 環境 4 服務 4 衛生 4 抵食 3
2012-07-31
拿飛時話要等2個鐘﹗幾驚AR~ 好彩等了唔使半個鐘就入得﹗ 其實又冇想像中咁好味喎~~ 個雪山叉包話就話必點,可能唔夠熱所以一般,有時客家好棧的菠蘿叉燒包好味D~ 勝在個餡唔太咸,味道合本人口味﹗ 蝦餃簡單來講,皮簿餡靚,俾個LIKE﹗ 最令我喜愛的係拉腸粉,皮簿又滑,味道好好,好清新唔使用鼓油來吊味先食得落口﹗ 本來馬拉糕不是我杯茶,但係呢個真係GD!!! 鬆軟、不過甜,我趁熱吃了半個,正﹗ 桂花糕真的係一般一般,味道係唔過甜,而且糕身剛剛好冇太多魚膠粉變成爽口 BUT...唔夠桂花糕的桂花味哪到死 好吃的桂花糕的味到可以留在口腔較久,但呢到就......有待改進 不過食咁多野都係一百元有找,算係好合理水準以上KA LA!!!!! P.S. 補充一句,對美食我好奄尖﹗ 推介美食: 馬拉糕,蝦餃
評分: 味道 4 環境 3 服務 3 衛生 3 抵食 3
2008-10-16
係澳門未咁旺的時候(本人中學時期),來過呢到食﹗ 哪時真係﹗ 嘩嘩嘩~ 好好味啊﹗ 個檸檬炒蜆真係好好味~ 食唔停﹗ 哪次仲食了好多野蟹飯、鴨飯、乳豬、同湯﹗ 些欖可能唔係咁岩些人的口味,但正宗的味道確係咁﹗ 可能哪次我地有好多人,些麵包係熱,所有野都係即製﹗ 老闆仲係好鍾意同客傾計 佢哪些由10年前都已經要收水錢,佢推介的果汁真係超好味﹗ 最好味係哪個蘋果甜品,真係正正正﹗ 而家去食飯,真好冇以前好食﹗ 以前係老闆娘招呼,而家係大陸阿姐........... 咩好食都唔知﹗ 樓下的話呢到的所有食物好咸 我真係覺得唔係咁咸~ 不過其他葡菜我食過,真係一般 除了黑沙灣哪間未試過外,呢到算係最好味﹗ 推介美食: 檸檬炒蜆
評分: 味道 4 環境 3 服務 3 衛生 3 抵食 3
|