日出茶太 (大圍)

$14杯 珍珠奶茶
有大珠同細珠比你簡.

大大杯, 好味. 珠好彈牙. 平靚正.

唯一問題係要等二十杯, 幾時都咁多人.........唔能夠即時解口渴

德記海鮮酒家 (沙田)

e 間野, 我食左十幾年了.
今時今日既味道同當年的確退步了, 但仍然不錯.

價位除左早排新年貴左d, 基本上都幾抵食.

必叫: 粟米魚肚羹!!! 足料到你唔信

粥品
個粥低好好食, 基本上叫咩粥都ok.

小菜都幾有wok 氣
但唔太大碟.

"老"水野都ok. 但都係細碟左dd

泰‧蘭花 (九龍灣)

成日UA, 都見佢賣行曬廣告, 就睇下得唔得

2 個人 叫lunch set

海南雞飯, 但$62 ?? 就睇下你值唔值
泰式牛肉干炒牛河 $48.

野飲仲要加$3~8...........e 間野都唔平喎,
我加左青檸soda +$8

d staff 幾有禮貌, 好聲好氣

唔算太奈, d 野就到了.

先黎泰式牛肉干炒牛河, 我個friend話淡某某, 住home make......牛肉又硬.......

過多5mins, 海南雞飯到, 黃色油飯.........1 d 味都冇... 真係=白飯.
d 雞都還可以, 點汁都ok 既..........但$62 咁既水準, 可以同佢講永別

青檸soda , 一片青檸都冇.......個味住super lemon + soda. +$8 唔值lor

係mega box 真係冇咩好食

瑞士餐廳 (尖沙咀)

黎e到食, 有幾樣野要注意.

要用一個歐陸式既心情黎食, 人地真係每part 都慢慢上, 比你傾下計, 過一d歐陸式生活.
唔好唸住1個hour會食得完

先黎d果汁同汽水

同出市面既歐洲貴格價差唔多

頭盘
焗窩牛, 個汁好好食. 窩牛似螺肉但林D, 薯容同個汁好match 加埋pepper, 好正

主菜
磨菇汁雞肉拼薯餅.
汁好正, 雞肉好滑, 薯餅似係由一大堆幼薯條炸成

甜品
ice-cream. 建議唔好亂其他味, 唔係人人接受到, 我個熱情果品ice-cream.......

around $200 一個lunch, 試一次自己就知值唔值

金枕頭泰國餐廳 (粉嶺)

上星期六, 去左火炭探婆婆, 成7 個人話唔煮啦, 出去食.

舅父話今時今日火炭又冇咩好食, 沙田又到到都多人到爆, 去粉嶺喎.

我好少入新界, 仲以為粉嶺係咩鬼地方, 一定好隔"zip" 大約用左20mins 左右, 係high way 一轉入去就到, 又幾方便喎,係對面公屋泊車 唔記得$8定$10/hr

入正題!

頭盤:
酸辣鳳爪: ok! 唔錯
炸蝦餅: 我女友好鍾意食, 炸野我麻麻
蜜糖燒雞翼: 非常好食!! 燒到好靚

湯:
婆婆唔食得辣,冇叫冬蔭功
三文魚頭荳腐, 出奇地好飲!

主菜:
咖哩炒蟹: 唸都唔駛唸, 下次必叫! 正到飛起,咖哩唔辣, 好香好好食, 隻蟹幾大隻, D咖哩汁正到叫2客蒜茸飽撈曬黎食.

泰式明爐生魚: 好正! 其實我唔太鍾意食魚, 但佢又整到幾好食, 又有肉碎湯比你refill好好!

三味蝦球: 幾特別, 酸酸甜甜, 幾開胃

椒絲腐乳紫椰菜: 好好食! 唔辣, 比足腐乳汁

招牌焗飯: 有隻蛋係面, 蛋下有海鮮, D飯有"業"過, "業"得好好食!!

甜品:
芒果糯米飯, 幾好味, 好鬆軟, 一d 都唔濟
椰汁糯米糕: e個初時睇落普普通通. 但一食落就同出面個d好大分別, 好鬆軟好好味

食到好飽........真係估唔到粉嶺竟然有好野食.