機師tao 等級1 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2013-12-27
放左工想食糖水見差唔多半夜十二點甘啱距地新開係度派傳單咪試下,仲話可以坐到兩點,去到已經有位,不過要執,係等候期間店員好努力同我地介紹距地既糖水,我第一次見賣糖水會甘hardsell,不過剛剛開,我明既,所以唔反感,而剛剛距介紹完就入得啦,我地六個人一人叫左一個黎食我就食熱既蛋白杏仁雪烚膏,蛋白杏仁唔錯,不過唔夠滑,雪烚膏味道有點奇怪!不過值得一讚既係老闆好細心遞個熱既糖水個時會叫我小心熱,剛剛開仲可以做member會有九折,下次會想再黎試下,因為新既甜品款色好多,又上唒雜紙甘!
評分: 味道 3 環境 5 服務 5 衛生 4 抵食 3
2013-12-27
因為朋友想食平價既野,而我又想食韓國野,於是就上網search,見d間食物既賣相唔錯就打算試下,點知中左伏! 首先由等位講起,個老闆娘剩係識出黎叫几多位,(即係入面有几多個位就叫多個)而唔係問輪候既人要几多位!所以被三位扒左頭,甘我地未到齊所以都算啦!入到去坐低叫野食,個老闆娘又唔寫低距,又唔覆單,結果漏左個泡菜餅無入單,野食方面,我地叫左個部隊鍋,炒年糕,紫菜芝士卷,飯,泡菜餅應該得個飯係最好食,點解呢!? 部隊鍋材料有腸,年糕,脆肉瓜,豆腐,午餐肉,洋蔥,全部都係平價野,但就收你$250我覺得好唔扺囉,$250可以打到個邊爐仲有大把料!! 炒年糕係入唔到味,出面又甜又辣,但入面係完全無味 紫菜芝士卷好似壽司甘既,但就無味囉 泡菜餅咸到震,不過以煎黎講算唔油! 個飯唔記得叫咩名,但就最好食,最好加距俾你個枝甜醬撈埋一齊食! 水呢唔叫唔會拎過黎,拎左過黎唔會幫你倒埋,未叫埋單已經隊張單俾你, d個餐廳唯一既好處係上野好快! 題外話/補充資料: 仲有個冷氣開到勁大,野食好快凍!
評分: 味道 2 環境 2 服務 1 衛生 4 抵食 2
|