Matthew豬豬 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2015-08-01
] 好難得有機會兩母子去昂平坐轉360 上到去真係冇咩特別嘢食 是是但但就去咗呢間 枱唔大勝在唔太多人,都坐得舒服 因為我未食 Lunch 所以叫咗一個烏冬兩個餸,2個人食 以為呢間食物都係細細份,但原來嚟到都大大份,有點意外 ] 牛肉烏冬 首先~份量都大碗 牛肉~都食到應有嘅味道 烏冬~彈牙 豬骨湯底~味精湯底feel 配菜“昆布”~有少少未淋好硬身 ] 雞排配薯角 雞排~雞皮脆,肉有少少乾 另外仲叫咗個“鐵板炒雜菇” 有椰菜但炒得好硬,好似未太熟咁 其他雜菇都有撈黑椒炒,所以都嘢味的 評分: 味道 3 環境 3 服務 3 衛生 3 抵食 3
2015-05-07
今年二月份係一個好月份,又放新年假,又出花紅;成間公司同事一於出去食好D,雖然老闆有約嚟唔到,但佢都好識做打電話嚟張單入佢數! 千挑萬選,全部同事終於選定呢一間 “金牌火鍋”,入到去個門面靚得嚟舒服唔浮誇,仲要安排咗我哋坐房。叫咗好多好多轉食物,食到好開心同好滿足;攪到我掛住食都唔記得影靚靚食物相 鮑魚呀~~~~如果老闆早D打嚟話入佢數的話,我一定會堅持叫多碟 爽口彈牙,濃郁嘅鮑魚味冇雪味,本人覺得絕對正貨。 超多牛雜絕對唔係流料,平時出去食碗淨牛雜都覺得唔夠喉,今次真係回晒本。 牛雜味道仲濃郁過其他食牛雜專門店,牛肺好滑好入味( 因為之前喺其他舖頭食個口感好似食石頭咁硬 );牛肚超淋冇渣唔怕痴牙;牛腸少少肥唔漏口夠晒香 本身牛肉味好重,入口即溶齒峽溜香! 好耐冇見成粒乒乓球咁大粒嘅魚旦,又夠彈牙又有魚味 嚟到枱聞到少少油香味,全條響玲浸晒落個牛雜鍋到三秒鐘,食落口唔太淋仲有爽口翠翠嘅感覺 推介美食: 牛雜火鍋湯底 評分: 味道 5 環境 4 服務 4 衛生 4 抵食 4
2015-04-22
其實一直都有少少抗拒食韓燒, 因為間舖頭如果抽煙做得唔好就食完之後好怕成身成頭都係油煙味!但始終都要應吓朋友要求… … 7080 係我咁多次韓燒食完之後最有清新感覺嘅一韓燒舖,枱與枱之間坐得好舒服;仲要所有侍應都好有禮貌會耐不耐就過嚟幫我哋燒埋,仲要有韓仔韓妹好有韓國 feel 食物都真係好多款,仲要有好多都幾特別 以下我覺得真係要必食,仲要當晚番食咗三轉 一路燒一路跳舞, 見到就興奮到個個嘩嘩大叫食慾大增 堅夠香辣,冇豬臭內臟味冇咩肥膏食落口脆脆幾口感絕對一流 用錫紙兜燒,燒幾耐都唔乾身仲有好香嘅魚味同埋 D 春爽口食落去有卜卜聲 都係用錫紙兜燒,燒幾耐都唔乾身仲有帶子肉夠厚身不是薄薄一片,好鮮甜多汁 大大片冇平時嘅 so 味 評分: 味道 4 環境 5 服務 5 衛生 4 抵食 4
|