瀛喜日本料理 (荃灣)

之前見到呢間新開又做團購，買左張黎試下。去到見到佢新店開張，7:30p.m前買單或者9:30p.m.第二位$88，如果係咁，圍返一個人都係$140左右。仲唔駛買coupon就黎就去。先去到叫左刺身先，三文魚切得好厚，但無魚味，希靈魚好腥，吞拿魚無咩鮮味，甜蝦可以係話呢到最好食架啦。另叫左燒三文魚餃，魚肉滑，但欠味道。牛油粟米，無咩牛油味，而且是罐頭粟米一粒粒。蟹粥，味道幾好，蟹不是重點，是粥的味調得好。整餐飯無咩特別好食，而刺身除左第一轉比較有質素一點，其餘的，都比較差一點。

海安咖啡室 (上環)

之前睇openrice ,見到好多人都讚呢間餐廳夠特別，夠懷舊，一直好想試架，難得今日8點幾要出去工作，約埋個朋友去試下先。先叫左2杯紅豆冰，朋友叫左杯椰汁紅豆冰($28)，而我叫左杯咖啡紅豆冰($28)，紅豆是自己煲的，口感十足，唔算太硬，味道不錯，而咖啡方面就不用擔心，相信都是他們的皇牌吧!而紅豆冰上的雪球只是冰來的，不要誤想為雪糕哦。友人叫左個煲仔公仔麵($38)，材料都幾多，有餐肉，腸仔，荷包蛋，叉燒，牛肉等。由於早上叉燒未有貨，要用鴨胸代替。未黎之前已經做好工課，過黎係要食個䓤蛋包既，但由於太早同算係繁忙時間，呢個包係唔會供應的，要2:30p.m才供應，好失望哦。我嘗試問姐姐可否叫個公司治(因為這個在繁忙時段都是不會供應的)，最後姐姐幫我問下廚房可否為我加做。最後都有得食(　^ω^)多謝姐姐。公司治($28)，餡料有腸仔(唔係廚師腸呀)，餐肉，牛油，蛋同烘底包，雖然材料簡單，但味道出奇好味，而當中既人情味，係幾多錢都買唔返黎架特別提點，如果時間足夠，最好2:30後先來進餐，咁先可以食晒咁多樣野架

小樽駅日式放題料理 (牛頭角)

得寶商場越開越多食肆，見到依家係九龍灣開左間放題，心諗近近地試下啦，一試就中伏了。唔知係咪我地太早到，店舖一人都無，入到鋪頭見到d職員好細個，個人認為係d 暑期工或者係岩岩出黎工作既男女孩子，鋪面既，覺得無傷大雅，但係連切刺生既師傅仔，全部都係好細個，係六七個都咁細個，心諗大鑊了。先點刺身先，黎到個外觀都幾好架，甜蝦不過不失，無咩問題。果個有殼既蝦(唔記得咩名了)，肉質散壞，無口感，無鮮味;三文魚，切得太薄了，無口感，唔知係味太薄，所以食唔到三文魚既鮮味;希靈魚，又係好薄，而又好腥。而熱食方面，係ok 既，羊胺，串燒，炒牛肉，牛油帶子，三文魚頭都係好食既，奈何友人食完之後好口渴，唔知會唔會味精過重了。所以總括黎講，我唔會再去食

磨菇麵包店 (西貢)

上次去西貢唔打唔撞入左去望下，好鐘意食麵包既我見見到件件都好吸引，全部都係一d比較英式同法式既包!!好得意架，呢到有個姐姐係到切火腿，好大隻果d呢~$8-100g，而且佢都係咁話佢呢到好出名架咁。咁就買左個有nuts麵包加多片火腿，索架2x(不過我見佢切火腿果陣都無量過幾多g就直接索價，感覺不實在)，而佢呢到買包記住佢地可以幫你加熱同夾個火腿入去!加熱左既包架火腿好好味，個包軟而煙x，係幾好味!!不錯。

蘭亭咖啡閣 (旺角)

由於是日真係幾肚餓，行過就入左去食。叫左個常餐(選2個餸，一個粉麵)叫左個蕃茄牛同滑牛肉加個意粉($32)，跟個餐包同一杯熱飲。飲品叫左杯熱好立克，好立克粉完全係一舊舊咁浮係面，真係唔知係咪放得太耐。個蕃牛都幾幾好味，而個意粉真係好唔得，煮到勁冧。而個餐本來就有個餐包，等到差唔多食晒，問佢先拎個凍既餐包過黎，唔老實呀!!