lovecath 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2024-01-13
尖沙咀「花」巧精緻下午茶 每次經過呢間餐廳都想嚟試吓個下午茶 覺得間餐廳好似好靚咁 今次終於約咗朋友仔嚟 可惜無安排到靚嘅打卡位置 講返個下午茶先 個下午茶俾我想像中好食 而且價錢好合理 $398 for 2 persons 甜點 🔸花果玫瑰常溫蛋糕 🔸濃朱古力花果凍撻 🔸伯爵茶花果蛋糕 🔸和菓子 🔸茶香果凍 鹹點 🔹西班牙火腿玉子漢堡 🔹煙三文魚薯蓉撻 🔹帕馬風乾火腿蝴蝶酥 每一件都好精緻 每一件都有多層次嘅口感 值得你去細意品嘗一下 鍾意佢嘅甜點唔會太甜,啱啱好 下午茶包兩杯飲品 服務方面如果職員可以多啲笑容會更親切🥰 職員表示縱使訂位都無得指定打卡影相位 是先到先得的 整體都覺得唔錯,食得開心🥳 只喺影唔到靚相有啲啲失望😔 SP Senses 尖沙咀麼地道66號尖沙咀中心地 下G64-66號舖 評分: 味道 5 環境 5 服務 3 衛生 5 抵食 5
2024-01-11
閨蜜談心好地方 跟閨蜜聚會想搵間坐得舒服又靜靜地嘅餐廳 最緊要喺位同位之間唔好太近 大家傾計都唔會騷擾到隔籬枱 之前食過下午茶覺得唔錯 今次我哋嚟食晚餐,坐咗門口位置 炸雞皮餃子。檸檬醬 $88 外皮金黃酥脆,第一口就覺得好好味! 內餡軟嫩多汁,雞皮油香十足 八爪魚片。紫菜煎馬鈴薯丸子 $158 第一次食,馬鈴薯丸子口感好煙靭 相當之飽肚 海老濃湯義大利麵 $168 呢個意粉超好味,好濃郁嘅鮮蝦味 每條意粉都包裹著濃濃的鮮蝦味 好喜歡🥰 烤蘋果。蜂蜜蛋糕。甜番薯雪糕 $88 甜品賣相色彩鮮艷,好期待個甜番薯雪糕 但原來唔喺好甜,味道剛好🥰 MUTA Restaurant by ATUM 尖沙咀彌敦道132號美麗華廣場1期地庫B131號舖 推介美食: 海老濃湯意大利麵 評分: 味道 5 環境 5 服務 5 衛生 5 抵食 5
2024-01-06
吃過不會後悔的北方館 前排同朋友食過呢間北方館念念不忘 不過平時同媽咪兩個人食唔到幾多嘢 今次同埋閨蜜契女嚟食,四個人可以食多幾款 我哋喺澳門掛住玩,成九點幾先去食 契女餓到不得了 一大碗番茄雞蛋木須鹵 $118 碗麵仲大過佢個頭,佢竟然差唔多一個人食晒 除咗好肚餓之外,真係好好味 佢個麵質好有彈性,好有口感 唔會浸耐咗有啲湖咗咁 啲職員仲好細心,見到有小朋友 話會幫我哋將啲面拉幼啲,同埋剪短啲 方便小朋友食,勁窩心 每次你都會食鮮肉小籠包 $78 每一隻都充滿湯汁,好飽滿 小籠包皮薄餡靚 一入口滿滿嘅肉汁好Juicy,肉汁好鮮甜 今次人多,我的食埋鮮肉蝦仁韭菜餃 $105 估唔到餃子比小籠包仲出色 餃子皮軟糯帶麵粉香,餡料鮑滿 熱騰騰時入口甜鮮可口 餃子皮好有彈性,一放入口,入邊嘅餡料爆汁好正 餡料的豐盈鮮美,會忍唔住,食完一件又一件今次人多,我的食埋鮮肉蝦仁韭菜餃 $105 估唔到餃子比小籠包仲出色 餃子皮好有彈性,一放入口,入邊嘅餡料爆汁好正 會忍唔住,食完一件又一件 媽咪至愛嘅麻醬油麥菜 $80 貴係貴咗少少,不過媽咪鍾意食 有小朋友喺度梗係會叫甜品啦! 我哋見個賣相幾得意就叫咗拔絲香蕉/紅薯 $78 估唔到出場咁震撼,未試過啲煙多到成張枱都係 契女見到勁開心 職員仲好好,咁幫我哋整煙整咗三次 先影到呢張咁靚嘅封面相😂 我哋叫咗各半份拔絲香蕉/紅薯 兩款都食到 炸到外脆裏嫩,色澤淺黃,質地柔軟,甜糯可口 而家到我老竇未食過,成日話等我過去一齊食😂 北方館 (路氹城) 路氹城金光大道望德聖母灣大馬路澳門威尼斯人1樓1015號舖 推介美食: 拔絲香蕉, 鮮肉小籠包 評分: 味道 5 環境 5 服務 5 衛生 5 抵食 5
2024-01-05
澳門最有聖誕氣氛Cafe|超吸睛打卡蛋糕 今年聖誕前席同閨蜜去咗澳門玩幾日 我哋冬至個晚去咗「KAFKA 卡夫卡」幾乎包場 好開心可以瘋狂打卡🥰 我哋喺威尼斯人坐的士去「卡夫卡」 車費$37一程 啱啱嚟到時滿座,隔咗一陣就包場了🥰 淨係睇Menu都好鬼吸引 我哋一共揀咗五款蛋糕 每一款都好精緻、好可愛、好得意 契女梗係揀咗至愛嘅啤啤啦 Night Xmas $62 榛果甘納許、榛果脆脆、椰子海棉 賣相咁可愛,契女好心急,想一啖食咗佢🤣 閨蜜揀咗可愛聖誕老人 Santa Claus $65 姜奶,夏威夷果仁慕斯 夏威夷果仁帕林內、杏仁蛋糕 口感好得意,層層唔同口感,推薦一試 我就揀咗聖誕木頭,諗住佢係朱古力先叫 我仲專登問咗職員係唔係黑朱古力 佢話喺我先叫(因為我唔食白朱古力) 結果切開係芝士+白朱古力😢好失望唔食得 Norwegian Wood $55 柚子及梨果醬、法芙鄉Dulcey朱古力、馬斯卡彭芝士、朱古力海綿、斯派庫魯斯 因為媽咪喺酒店等我 契女話要買返去同契婆婆一齊食 所以我哋另外買多三個蛋糕返去 其中一個就係聖誕老人encore 另一個就係呢個白色雪山,聽說係Signature Dish 馬特洪峰Matterhorn $48 榛果、燉蛋 最後我終於揀到黑朱古力啦! 就係呢頂粉紅色嘅冷帽仔,超級可愛啊!😍 契婆婆話呢個最好食,我都係咁話!🥳 The Childhood $52 咖琲榛果、巧克力慕斯、薩赫蛋糕 飲品方面,揀咗個好得意嘅可可先生 $62 Strawverry, mint, cocoa 啱晒小朋友口味 我就揀咗水果茶Fruits Tea $58 自家制的水果茶配以新鮮時令水果 味道一樣好出色好清新 餐廳好有心思佈置,成間餐廳都好有聖誕氣氛 職員仲話年年嘅佈置都唔同 仲送咗個擺設公仔比契女同埋我添 下次嚟澳門一定會再嚟🥳 📍卡夫卡 KAFKA SWEETS 澳門馬場布拉格街152號地舖 評分: 味道 5 環境 5 服務 5 衛生 5 抵食 5
2023-12-30
灣仔私隱度高餐廳 每一晚嘅晚餐都想靜靜地 返工已經好累,晚上只想靜靜享受晚餐 特別搵咗呢間TANGRAM 喺酒店嘅2樓,唔算多人,枱與枱之間有段距離 可以靜靜傾吓心事 邊傾邊食TEMPURA PEPPER $98 天婦羅炸漿好薄脆,炸漿火候控制得啱啱好 炸出香脆而唔油膩嘅天婦羅 口感同味道都好豐富 SALMON BLINIS $128 油脂豐富三文魚,肉質鮮美,入口鮮甜 搭配爽脆迷你鬆餅,有種滿滿的幸福感 SHORT RIBS $288 味道方面不過不失 略微太乾身,有啲咬口 CHICKEN RICE $248 雞胸同樣太乾身,可能本人不太喜歡雞胸肉 不過飯炒得好香好滋味 CHOC LAVA CAKE $128 甜品相對地出色 雖然心太軟賣相烈開了 但味道不是死甜的那種朱古力 恰到好處的甜,正好為今餐完美點綴 ORANGE LAYER CAKE $118 這份千層蛋糕也是相當有驚喜 一層又一層的口感豐富多層次 清新的橙香令剛才的飽腹感一掃而空 果然,甜品是另一個胃 明明剛才還好飽好飽🥰 今餐的肉類雖然有點乾 但之前食過佢地嘅龍蝦意粉令我一試難忘 超級超級好味,今次本來也想食 但去到尾聲太飽了 留待下次再來品嘗 TANGRAM 灣仔謝斐道239號香港明怡美憬閣精選酒店2樓 評分: 味道 5 環境 5 服務 5 衛生 5 抵食 5
|