呢日約左個朋友食晏, 想飲茶但係星期日酒樓又勁多人, 突然諗起之前經過呢度見到星期六日公眾假期下午兩點後飲茶大中小點一律計小點價錢, 免茶芥加一, 所以就黎呢度一試~

果度果然冇咩人, 仲啱我心意, 我就係唔想咁嘈雜!~ 呢度都幾舒服~ 我地兩個人叫左4個大點: 流沙包, 蝦餃, 雞札, 魚湯鮮竹卷~ 流沙包幾好, 真係好流又唔會太甜, 蝦餃都幾好, 同出面不相伯仲, 而雞札同鮮竹卷先係今餐嘅主角! 佢地都比酒樓嘅份量大, 餡料又多, 個魚湯仲好鮮添呀! 所以真係值得一試~

我地食到好~飽~ 仲坐左好耐~今日食嘅點心都係即叫即蒸所以好熱辣辣架!~ 埋單都係$52仲平過食快餐啦!~

P.S. 佢個流沙包除左蒸之外原來仲有炸架!~ 大家可以試試~

今日下午3點約左朋友食飯, 佢地話想食泰國野所以尋晚就search下銅鑼灣有邊間有好評喇~見到呢間都幾好回響, 價錢又相宜, 所以就揀左呢間了~

佢冇下午茶餐, 但係午餐由11點半做到6點, 都有幾十款選擇架~~ 我見之前嘅食評都有介紹個椰青焗飯($48)所以就叫左~ 之後我地仲叫左個炒金邊粉($38)同個香葉炒豬頸肉配飯($38), 個餐包一杯野飲, 可以揀椰汁紅豆冰, 椰汁西米冰, 龍眼冰仲有一款唔記得椰汁咩野冰~ 我地都揀左椰汁紅豆冰~

三樣野都幾好味, 炒金邊粉同其他地方差唔多啦, 其他果兩樣就幾特別~ 個炒豬頸肉有茄子, 辣椒同香葉, 所以辣辣地又好惹味~ 個焗飯幾濕潤同埋有d椰肉好正~~野飲都ok啦~呢餐都幾滿足!佢呢度唔需要加一, 我地又好耐冇見所以傾左好耐, 坐到五點幾, 侍應姐姐都幾nice架, 我下次黎一定會試第二d野~

我試食過好多唔同舖頭嘅芝士蛋糕, 有好多都偷工減料但係賣到貴一貴, 不過呢度嘅可算係落足料! 真係值得大家一試~

今次我就試左藍苺芝士蛋糕, 佢d芝士味好濃郁, 個餅底都造得好好, 好味過聖雅多同italian tomato好多~ 起碼佢真材實料冇稀到! 宜且價格合理, 所以我會繼續試下呢間店嘅蛋糕!~

順帶一題, 呢度嘅麫包都好一流架!! !大家不妨都去試下啦~

今日我last day所以就同一大班同事去飲茶喇~*

之前知道呢度全日都免茶芥加一, 所以就趁今次去試試喇~

食物質素都好好, 可以話係有水準, 我地叫左都幾多野架:

1. 帶子莧菜鳳眼餃, 蝦餃: 個鳳眼餃造型好特別, 係開住口好似隻眼咁嘅, 味幾好, 菜唔會有渣; 蝦餃我冇食, 但係見到個餡都好多~

2. 什錦鹵水拼盤: 有別於一般嘅潮州食肆, 佢係用一個大湯碗上嘅, 我個人唔太鍾意太咸, 呢度嘅鹵水汁就合晒我口味喇~

3. 蒜香灼通菜, 生菜: 炸蒜粒雖然只係點綴, 但係好香, 菜又唔會太油, 幾好

4. 潮州叉燒飽x2: 我冇機會試lu, 但同事都話佢皮薄餡多, 仲有佢個樣似上海式嘅菜肉飽, 係冇爆開口嘅, 外型同廣東式嘅有d唔同*

5. 潮州手打魚蛋河(窩): 推介呀!!! 河粉好薄好滑, 有芽菜, 魚蛋同魚片都幾彈牙, 好清好好味!~

6. 蠔仔粥(窩): 好多蠔仔呀係另一推介! 好好味~

7. 雞紮, 鳳爪, 排骨陳村粉: 普通野, 但都幾好食~

8. 豉油皇炒腸粉: 同上

9. 胡椒豬肚: 我冇食但同事反應良好*

總括而言, 呢度係絕對有下次架! 因為我今次冇機會試蠔餅同芋泥! 下次可以同屋企人再黎*
11個人閒日午飯只係食左四百七十幾咋~~ 真係超值!~

有一日突然心血來潮好想食沙牛蛋包, 所以就去搵阿媽攞, 先知原來本身得沙牛包, 係冇蛋架~ 所以大家要食就要加錢喇~

我好少食沙爹牛肉, 今次真係好少有咁突然之間好想食先試, 點知原來咁嘅配搭都幾好架!~

個包係扒爐度'慶'過, 加埋隻新鮮炒起嘅蛋, 熱辣辣, 好鬼正~ 仲有嘅就係個包嘅精髓: 沙爹牛肉! d牛肉好多, 仲夾住好多好多沙爹汁!~ 一啖咬落去果時d汁會多到漏晒出黎!* 如果配埋杯冰凍嘅奶茶就very good 喇*

順便一題, 呢度嘅奶茶咖啡都唔錯架~ 係用Lipton紅茶葉沖架! 仲有佢d咖啡都幾香架我都特登用黎整tiramisu架!

阿瓜星期一終於都番左黎喇~ 所以我地就約左星期二我放工之後出銅鑼灣食晚飯喇!~ 之前從openrice見到呢度好評如潮, 於是就黎左呢度睇下有咩驚喜*

大約七點去到, 唔係咁多人, 個環境幾舒服, 服務員比左4人嘅位我地, 都幾好唔似得平日去開果d有時會好逼~

個侍應生首先同我地介紹下兩張點菜紙, 一張有幾款特別推介嘅, 另一張就係其他所有嘅食物, 仲有個自助沙律吧~ 除此之外仲有野送! 我地好彩喇今日係最後一日送北海道鱈場蟹腳呀!!!

自助沙律吧唔係只得沙律架, 除左一d蔬菜同沙律之外, 仲有5-6款一兜兜嘅日式前菜小食, 幾款壽司, 日式咖喱, 飯, 炒烏冬同埋兩款湯~ 值得一提嘅係佢嘅日式薯蓉沙律同鮮什果沙律都幾正架*

要點菜嘅方面, 刺身非常之新鮮! 三文魚好肥美, 色澤好靚, 希靈魚唔係度度都有得食, 甜蝦好鮮甜, 好多蝦膏, 嚮螺都好正!

炸野就建議大家一早叫, 因為愈遲叫果d就愈放得耐所以唔好食, 我地一去到就叫左什錦天婦羅幾正! 蝦好正!~

其他菜式有好多都好特別, 未能一一列出, 出面一般嘅日式放題冇可能食得到, 真係一分錢一分貨架~ 佢有d係西日撈埋嘅菜式, 例如意式三文魚~ 最特別嘅係佢連新鮮蘆薈都有!!!~

個送嘅鱈場蟹腳得兩段時間有得送架咋, 到時就會有個部長走出黎宣佈架喇~ 另外佢都有sell下佢地嘅特飲, 以優惠價發售~ 不過我地冇試*

差d冇講呢度有得自己燒肉架! 個爐的的式式幾得意~ 仲有如果你叫鍋仲會有個gas爐係度比你慢慢食添*

總括而言, 呢度嘅食物比起其他同類食肆係高水準之作, 款式都好特別, 貴幾十蚊我就梗係黎呢度啦~ 下次一定會再黎*

星期六同阿米細佬黎食晚飯, 叫左個二人餐同一個甜品, 個餐有一煲老火湯, 一個小食, 兩個餸同兩個白飯~

湯嘅份量好大, 成個藥煲上, 兩個人飲完都飽到唔洗食飯喇~ 我地三個人頂硬上都差d飲剩~ 今日嘅湯係牛蒡煲老雞, 飲落好清甜, 一d都唔油, 拍得上屋企果d*

小食方面細佬點左醉雞翼~ 一直都好鍾意呢度嘅呢味小食, 雞翼浸得好入味, 雪得好夠凍, 食落去d皮好彈牙, 連我不嬲唔你雞皮都肯食* 另外d汁都幾香濃, 最緊要係一滴浮油都冇! 如果可以用d汁撈冷麪就正喇!~

小菜方面, 原本我想叫生炒骨嘅不過阿米不太好甜甜酸酸嘅野所以冇叫, 加上剛剛隔離上菜, 一陣好香嘅鐵板味傳左過黎, 所以我地就決定叫果樣餸喇~ 我地最後叫左鐵板茄子豬梅頭 (實際個名忘記了…) 同甜麪醤肉鬆蒸南瓜~ 先講鐵板, 真係好香, 除左茄子同豬梅頭之外仲有d甜紅椒同金不換, 估唔到加入左泰式香料嘅中菜都幾特別呀!~ 另外南瓜果道菜好適合拌飯食, 因為好濃味, 仲有好多大大隻嘅蝦乾, 但唯一不足之處係太多麪醤~ 不過整體上兩道菜都幾好幾特別*

至於甜品…原本想叫椰絲焗湯圓試下睇下係咩野但佢話冇所以最後叫左香芋水晶糕~ 不過同之前食開嘅好唔同, 呢次好唔新鮮~ 雪到好硬...

總括而言, 呢度嘅水準幾高, 種類幾多元化同特別, 成日都會有驚起, 仲有推介個蠔仔肉碎泡飯同紅油抄手, 真係幾正架!~

尋日雖然落住大雨, 但係因為係星期五嘅緣故, 大家都堅持出去食飯, 於是一行七人就黎左呢度飲午茶喇*

我地叫左唔少野~ 咩野類型都有叫~ 而且每樣嘅水準都幾高, 所以一定有下一次!

講下食物啦~ 飯前小食有潮州嘅咸酸菜, 好耐冇食喇! 真係好懷念~ 同埋真係好開胃~ 打開左我個胃口*

蒸點方面叫左鳳爪, 流沙包, 鮮蝦菜苗餃, 珍珠雞, 燒賣~ 我只係食左頭兩樣, 值得一讚嘅係流沙包, 雖然比不上新星呢個流沙包一哥, 但係呢度個餡有d咸蛋黃粒豐富左佢嘅口感, 幾好味*

香口野方面就叫左春卷, 腐皮蝦卷, 叉燒酥, 椒鹽雞軟骨, 蜜汁雞中翼~ 叉燒酥個樣幾靚, 好金黃, 雖然冇食但係同事話幾正~ 因為本人嗜甜嘅關係, 我極力向大家推介呢度嘅蜜汁雞中翼, 除左佢個皮好香脆之外, d蜜汁完全滿足哂我嘅要求! 真係好多蜜汁! 因為得五隻嘅關係, 有兩位同事就冇得試喇* 椒鹽雞軟骨個粉漿做得好好, 香脆得黎又唔會太咸, 食左笫一粒之後就會停唔到口架喇!

我地仲叫左XO醬炒腸粉同埋一個孖寶~ 個腸粉幾惹味又唔係太油, 一d都唔膩~ 而個孖寶係自選嘅~ 我地揀左煎蠔餅同鹵水拼盤, 蠔餅都係炸炸地, 但係幾乎拍得住我婆婆嘅住家式蠔餅! 中間係煙煙韌韌嘅, 蠔都好鮮~ 鹵水拼盤有墨魚, 紅腸, 鵝肉, 豆腐, 都幾好味唔會太咸~

甜品方面, 叫左咖啡千層糕同兩個楊枝甘露, 咖啡千層糕好花心思, 每層都做得好薄好平均! 聞落有好濃嘅咖啡香, 值得一試! (P.S. 小點黎架~)

最後當然唔少得出名嘅功夫茶啦!~ 呢餐真係好每足~ 下次要試下糖醋麪先得~ 下次family meeting 都要同屋企人黎試下*

今日同肥舅父一家人去左飲下午茶, 雖然偏向叫d飯,麪,包果d飽肚野但每樣都好好味! 始終北方人都係食包餃麪多, 北京樓嘅水準都幾好*

飯麪方面, 我地叫左什錦炒飯 (x1, 細佬落呵打*), 炸醬麪 (x1) 同嫩雞燴麪 (x3)~

最值得推介嘅係嫩雞燴麪, 佢嘅湯底好清, 冇味精, 好正* 麪線都好夠焾身, 仲有好多雞肉粒同菜粒, 感覺好rich!~

炸醬麪係周大少點嘅~ 係撈麪黎嘅d麪同嫩雞燴麪果種有d唔同, 比較粗同扁, 暖暖地, 仲有青瓜絲~ 都幾特別架不過就咸左d!~ 炒飯就冇咩特別啦不過都唔錯架*

點心方面, 我地叫左奶湯鮮竹卷, 菜肉雲吞, 北平餃子,叉燒包, 狗不理包同蝦多士~

奶湯鮮竹卷嘅湯係奶白色嘅~ 鮮竹卷嘅餡有蝦, 一d蔬菜同唔太多肉, 比起一般平嘅成舊豬肉好好多~

菜肉雲吞嘅皮薄餡多, 肉汁好鮮甜, 但本人就覺得一葉家嘅宋家雲吞更值得推介喇*

至於北平餃子我個人就覺得冇咩特別, 同一般嘅北方餃子不相伯仲~

呢度嘅蝦多士同平時食開一件件果d幾大分別架, 佢有一塊薄薄嘅方包墊底, 上面就有足足成吋厚嘅蝦膠!!! 出奇地佢塊麪包食落去又唔會太油膩, 完全冇食油渣嘅感覺, 所以值得一讚*

呢餐真係非常之飽滿~ 下次有機會嘅話等我請阿爸阿媽黎呢度試下先*

尋日同阿瓜去左中環, 行到累累地, 就黎左呢度食碗糖水抖下;
叫左碗凍嘅海帶綠豆沙同糖不甩, 碗綠豆沙真係幾夠冰凍, 值得一讚, 但個人認為甜左少少不過可以接受;
相比之下糖不甩就冇咁好, 糯米團未上晒色, 不過不失啦, 係百物騰貴嘅環境之下有七個半一碗糖水, 仲想食咩丫~