OpenRice 主頁      English OpenRice      TableMap      開飯遊踨
   中文 | English
漁客
我是住在紅磡的漁客。我是一名FX Manager,在上環工作。我最鍾意自助餐壽司/刺身串燒
食評會員 0次成為首位寫食評會員
食評數目 食評數目 6
編輯推介數目 編輯推介數目 0
食評被推次數 會員推介次數 5
人氣指數 人氣指數 159
討論區留言 留言數目 0
上載相片 上載相片 13
上載影片 上載影片 0
我的推介食評 我推介的食評 7
我的餐廳 我的餐廳 4
關注 關注 10
粉絲 粉絲 9
漁客  等級2
關注 關注  留言 留言給此食家 
排序方法:  日期 笑臉 笑臉 喊臉 喊臉  編輯推介  餐廳總分 
顯示選項: 所有香港 澳門  
 
 
 
 
 
  文章形式 文章形式   |   地圖形式 地圖形式
共 6 篇香港及鄰近地區的食評,正顯示第 1 至 5 篇的食評
2014-06-22
Share on TwitterShare on Facebook
類別 : 粵菜 (廣東)酒樓火鍋點心

因為只得三個人,沒有訂位,六點去碰吓運氣,只有近門口燒鵝風干櫃前一張細枱。
招牌燒鵝例牌先上,我同老媽每人食兩大塊鵝髀肉,其他部份阿女清哂 (因佢遲到), 非常甘香滑溜,反映風乾過程做得非常專業, 一絲不苟。
籠仔豉汁蒸大鱔, 大大碟(籠)有超過10両白鱔,材料費街市自己買都要過百,這裏才收一百四十八,取價算很克己。 阿女 唔俾老媽同我食得太鹹,貼心地將豉汁洗淨先比我地食, 但仍然覺得好鮮味, 證明係用新鮮材料唔係急凍貨。
冰梅骨, 係源自潮州菜梅羔骨, 但係加入左廣東燒味元素 ,味道更上一層樓。
這碟已被我地食左兩塊

這碟已被我地食左兩塊

 
典型潮粵crossover

典型潮粵crossover

 
這已被我地食左很多塊

這已被我地食左很多塊

 
唔貴

唔貴

 
, 係改良自潮州大芥菜煲,湯底咸鮮味濃,用一個小火爐上, 效果非常不錯。
另外也要了味菜鵝腸同鮮蝦荷葉飯,前者用新鮮鵝腸,味道不俗。後者用料很夠,但蝦肉有少少蘇打粉味,不過老媽也連盡二碗。

值得一提是這裏的每碟菜份量都很大方,我最怕一些"小家"歺廳,令人食得很寒酸。

大厨團隊應有潮州菜同粵菜既大師傅,希望佢地更進一步, 多做一d跨菜系既fusion 菜式。

題外話/補充資料:
想起用潮州菜跟其他菜系 crossover 的始祖,不能不提當年在尖沙咀陳東師傅創立既--陳東潮川菜,不過他英年早逝後人無以為繼,菜館已早被遺忘,一幌陳師傅也去了超過十年!
推介美食: 冰梅骨,咸排骨白菜煲,籠仔豉汁蒸大鱔
堂食等位時間: 0 分鐘
用餐日期: 2014-06-21        
是次消費: 每人約$250 (晚餐)

評分: 味道 5   環境 4   服務 3   衛生 4   抵食 5

推介此食評

2
 
 
你覺得這篇食評:
鼓勵
期待
有趣
感動
羨慕
靚相


查看結果

2014-06-01
Share on TwitterShare on Facebook
類別 : 港式順德菜大牌檔

先前在大成街熟食中心試過全記發仔, 仲寫左一篇……好料 鬥庸厨,昨天老媽生日,一般酒樓無乜驚喜,成二十人自己煮更煩, 所以揀左這裏, 網上對天祥順德美食評價唔錯, 所以早三日放工就開車去訂位, 更預訂左幾個菜, 為表誠意更落訂金500大元。 當日見到個老闆張先生,是一個70左右既老人家, 為怕唔記得所以每個預訂菜都用筆寫低。
訂既都係必食菜式:
均安蒸豬肉二碟
八寶鴨一隻
蔥油雞一隻
煎釀鯪魚兩條
魚茸羮兩鍋
原本計劃 ,早d去街市睇下有乜好嘢海鲜, 再加上預訂既菜式就相當豐富啦。
訂左7點, 我四點半就係大成街買海鮮, 結果買左鮑魚20隻, 美國生蠔四筒, 花青龍蝦兩隻共三斤半, 雜魚仔兩盆, 見到一種叫龍鬚菜既青菜, 買左個一斤半煮魚湯浸菜,魚方面買了條半海黃立倉。
甜品方面,我想搞d新生意思所以帶左d朱古力粉( 上次大女兒從英國帶回來), 想叫佢加入大良炸鮮奶入面, 比d驚喜大家, 但係原來要早一日雪鮮奶, 所以唯有當朱古力粉係糖霜伴炸鮮奶來食。
昨日7點半先齊人, 有兩個臨時有事不能來, 原本訂兩圍後來改為一張大枱,更加高興:
先上已所有預訂菜式:
均安蒸豬肉先上, 其實買相好似酒樓嘅燒腩仔, 但係佢係蒸 而且用五花肉, 這個菜的源流係順德均安蒸全豬, 我估計張老闆應該在順德鄉下學過, 蒸豬肉時要放一杯酒在鍋內, 所以肉香酒香融為一體, 大家一致叫好。 跟住上兩條煎釀鯪魚, 可能一次過做定好多條備用, 食起來有點喊,但弟弟卻表示釀在魚身內既鱼肉好結實,好有口感。
再上係八寶鴨, 原來係一個湯菜, 鴨身內既餡料非常豐富, 慢煮既時間非常夠, 鴨肉香軟湯水鲜甜,弟弟連鴨頸都食埋,餡料中栗子特別香甜, 可謂招牌菜。這功夫菜現在已無人肯做,據知【蓮香樓】還有供應,要預訂先有得食。
跟住上竟然間係 甜品?? 其實係炸鮮奶, 只不過用左朱古力粉當糖霜點來食。 我無得食, 因為比小朋友同女士們槍哂, 事後我阿妹話, 佢個仔非常中意。
甜品之前其實上過兩大鍋魚茸羹, 每人超過兩碗, 但係最後都差不多清哂, 顯示師傅顺德菜功底深厚。 後來更發現蔥油雞無上, 原來張老闆先前訂菜時寫漏左。
下半集係海鮮:
先上炸生蠔, 由於大細不—, 所以大隻熟得剛好, 细隻既就有點過火, 非炸之罪。再上兩碟海黃立倉, 重四斤半, 受佢地養殖兄弟所累, 每兩只叫價3蚊,—共只收我215, 重送多兩個魚頭俾我 。 用欖角椒絲蒸, 順德佬用左 港式蒸魚方法, 只加左原隻欖角同椒絲,但效果唔錯。我吃了半個魚頭,魚汁味黏且濃在嘴內不停迴盪,大家最後都只吃剩中間大骨。
椒鹽鮑魚, 有過熟既感覺, 入口有點韌不過可接受。
魚湯浸菜, 唔夠薑, 湯水變成有點魚腥味, 龍鬚菜本身又有點過老, 唔係過火那種老, 最後剩一半。
最後想既係上湯龍蝦伊麵底,全晚煮得最差既菜式,第—刀功有問題, 塊塊大細不一, 估計佢又無上粉就下鍋 , 肉汁收得唔好 ,所以煮出來水流流, 龍蝦肉甜味流失, 伊麵又吸收唔曬d肉汁。
總結順德佬應該係缺少煮海鮮既training, 埋單加工費連預訂菜式只一千五百大元。

 
湯甜肉軟

湯甜肉軟

 
魚味濃

魚味濃

 
可接受

可接受

 
唔夠薑有腥味

唔夠薑有腥味

 
煮出來水流流

煮出來水流流

 
 連海鮮料錢每人不到一百五十元。
超值!We will be back.
題外話/補充資料:
服務非常貼心, 幫我雪左一個大西瓜, 切埋比我地食
推介美食: 均安蒸豬肉,八寶鴨,炸鮮奶,欖角椒絲蒸海黃立倉,魚茸羹
堂食等位時間: 0 分鐘
用餐日期: 2014-05-31         慶祝紀念: 生日
是次消費: 每人約$150 (晚餐)

評分: 味道 4   環境 3   服務 4   衛生 4   抵食 5

推介此食評

1
 
 
你覺得這篇食評:
鼓勵
期待
有趣
感動
羨慕
靚相


查看結果

2014-04-23
Share on TwitterShare on Facebook
類別 : 港式大牌檔

這間餐館特別的地方是它的有利位置。位處九龍區數一數二最大菜市場大成街街市的頂層,這街市有多大呢?淨魚檔已有四、五十家,很多由水上人直接經營,貨源多樣化,本地海鮮種類絕非主力買飛機貨既西貢可比,當然也有飛機海鮮,但以中下價貨為主,其中一家更擁有自已蠔塲,另一家由三個老人家經營,貨源由遠洋船來,條條魚超巨型,其实最好味是近海的雜魚,這裏也有五、六檔專買catch of the day。
這裏車位充足,我隔個星期六就開車送老媽來買菜,所以對每檔海鮮的貨源和種類都瞭如指掌,由於競爭大,所以價錢都差不多平通港九,更斤両十足,在這裏買海鮮可省卻大量講價時間,見靚嘢立刻買,是多爽的一件事
全記(發仔)我之前未光顧過,我想如果材料新鮮,煮工差都可以入口吧。趁那天是復活假期最後一天,一行9人在這裏訂了一枱六點半,為怕太遲無海鮮賣,所以我五點就一個人開始買料,結果海鮮陣容頂盛:
三斤海黃立倉 (魚身比養殖的較流線,而且養魚價太賤,無人會養到三斤才賣)
海大虾二十隻
鮑魚二十隻
大蟶子二十支
冰鮮海鰻二斤(由於賣相奇醜,叫價每斤才二十元)
雜魚仔二盤
最幸運是買到一隻二斤游水墨魚,包剌身切片才一百六十六,全部材料加起來才八百多元。講出來也無人信,不過千真萬確。
刺身先上,這裏也有萬子醬油,出奇的是街市魚檔的刀功也非常有水準。
豉油皇大虾---中規中矩,但忘了我要求開背挑腸,吃來有點砂。
再上是雜魚白菜豆腐湯,味精不重手,每人二大碗,超正。
焦鹽鮑魚,其實只用脆漿炸,很可口。
海鰻用豉汁蒸,近腩部位比淡水河鰻好味,但近尾細骨較硬。
用不能刺身食的墨魚須加西蘭花和西芹炒了二碟菜,不錯。
黄立倉用欖角鼓汁蒸,從中間大骨都熟透出煙情況看來,有點過火但仍非常有魚味,最後幾位女仕連頭和骨間的丁點肉都不放過。
蟶子用蒜蓉和粉絲蒸---過火了最少二分鐘,浪費大好食材
連一碟薑汁炒芥蘭和生炒骨才收七百三十元。
這裏蒸功非常粗疏,炒功還可以,收費平無辨法。

這晚大家都要開車,所以喝酒不算多,但也連盡四支白酒。高興!
另有一對医生夫婦因事無來,應該頗後悔啦。
 
超正

超正

 
過火--肉都縮哂

過火--肉都縮哂

 
題外話/補充資料:
同我跟單的年青人,後來因厨房無依指示開虾背挑腸向我say sorry。
推介美食: 三斤黃立倉
堂食等位時間: 0 分鐘
用餐日期: 2014-04-21        
是次消費: 每人約$175 (晚餐)

評分: 味道 3   環境 3   服務 3   衛生 4   抵食 5

推介此食評

1
 
 
你覺得這篇食評:
鼓勵
期待
有趣
感動
羨慕
靚相


查看結果

2014-04-08
Share on TwitterShare on Facebook
類別 : 多國菜露天茶座咖喱壽司/刺身無肉餐單

昨天晚上,跟一個客在這裏晚飯,七時到達菜上得超快,因為室內只有兩枱客。另有一些少散客在室外飲酒。這裏環境安靜,但食物很糟,叫了以下菜式:

二碗冬蔭公--味很濃和有半隻大頭虾不過味精超多
柚子沙律---大部份柚子未拆成絲
杧果豬頸肉---味一般但感覺不新鮮,炒工馬虎,似是一起下鍋
青咖哩牛--無肉只有牛根
炒雜菜---因為客少,所以有甚麽用剩的都可以給您,結果是菇多菜少

連一個白飯和兩個椰青盛惠HKD649。

歺牌上更有一些日本菜和京菜,待應中更有一個聾啞人士,各符其实一家雜牌軍歺廳。由各種舉動看來,厨房用人用料都有問題,菜薄致客少/客少又使菜更薄,Vicious Circle 。無得救!

 
堂食等位時間: 0 分鐘
用餐日期: 2014-04-07        
是次消費: 每人約$325

評分: 味道 2   環境 5   服務 4   衛生 3   抵食 2

推介此食評

0
 
 
你覺得這篇食評:
鼓勵
期待
有趣
感動
羨慕
靚相


查看結果

2013-07-31
Share on TwitterShare on Facebook
類別 : 粵菜 (廣東)中菜館海鮮適合大夥人

7月28日,我們一行16人探訪完沙縲灣莫老師農莊,坐船去東涌舊碼頭華都。莫先生跟店主非常熟,她介紹了一條三斤的黑立,肯定是catch of the  day,由於黑立本身肉貭不及黄腳立,所以很考功夫,但出來的效果不俗,只有魚身中間近大骨部份鞋一點,其他部份都很滑很快食清光,我要了個魚頭,魚味特別香濃。另外每人一只超級大的扇貝、斤半白灼蝦、一隻古法雞、海龍皇湯、三客鮮魷和在農塲帶來的茄子(清蒸)。扇貝、白灼蝦和鮮魷沒有甚麼驚喜但 其中古法雞就非常入味,我只分到兩塊雞尾,下次人多可以叫兩只。
價錢卻非常超值,埋單只需HKD2,600.00,比起那些西貢海鮮餐館,倍覺到這種舊式小店的殷實 smile 我一定會再來。
三斤黑立--剛剛好

三斤黑立--剛剛好

 
題外話/補充資料:
席間見到老板也出來幫手執枱
推介美食: 古法雞和蒸魚
堂食等位時間: 0 分鐘
用餐日期: 2013-07-28        
是次消費: 每人約$162.5 (晚餐)

評分: 味道 4   環境 4   服務 3   衛生 4   抵食 5

推介此食評

1
 
 
你覺得這篇食評:
鼓勵
期待
有趣
感動
羨慕
靚相


查看結果