技巧樹熊 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2023-11-07
太子山城竟然要開分店,仲要係屋企附近。 如果經過airside ,又諗唔到食乜,就試下山城啦,特別第一次食嘅話,非常推薦山城小麵個山城二人餐。 每人一個麵一個小食一個甜品一個飲品,都係$148,可以食到佢最出名嘅山城牛肉麵仲有紅燒肥腸麵,呢個係私心推介絕對值得食。 紅燒肥腸麵就係幾辣,唔係個個都可以,愛辣嘅一定接受,而麵可以選擇不同類型,肥腸麵個人覺得配粗少少。 山城牛肉麵一定要配小麵,不過呢到煮得腍左少少。 當日食咗呢個冰粉都幾啱口味。 總括,未必去到太子,就來呢頭試下味啦。 評分: 味道 5 環境 5 服務 5 衛生 5 抵食 5
2023-10-27
我其實聽過鄧記呢間嘢好耐,大家睇開熟悉嘅都知我都幾鍾意食辣嘢,聞名不如見面,好耐先至約齊幾個愛辣嘅人嚟呢度開飯。 呢度嘅師傳鄧華東祖籍四川,系出名門,出嘅當然係傳統嘅四川菜,亦都係呢度出名嘅原因,上海知名的鄧記食園及南興園,就係佢嘅出品,《鄧記》之前推上米芝蓮,都係因為佢好有代表性,因此應該一定唔會錯。 前菜的蒜泥白肉同薑汁秋葵已經好特別,蒜泥白肉帶點甜味,薑汁秋葵嘅配搭,實在叫人覺得親切。 仲有佢有杯Cocktail好推薦,消暑解辣一流,話梅粉原來同辣係好match。 你今年食左大閘蟹未?今年第一隻大閘蟹就喺呢度,老壇子酸菜大閘蟹都真心好得意,大閘蟹食得多未食過煮而有味嘅,仲要係老壇子酸菜,個感覺又幾夾,當你吃得太多千篇一律嘅時候,呢個嘅新鮮感,的確好有特色。 我食到酸菜桂魚,真心覺得正,特別佢嘅熱力,佢唔係有太二嗰種令你上癮嘅味道,但那桂魚嘅滑,配菜用料,加上那個勁好飲嘅湯底,不能不成為港島五大嘅酸菜魚之一。 其實如果今晚要選一個特別鍾意嘅菜式,我會選毛血旺,佢雖然唔係用一個熱鍋上,但係佢嘅湯同用料同個湯底渾然天成,有牛柏葉餐肉芽菜,全部都俾湯底滋潤過我就特別好食。 雙椒炒田雞,田雞嘅肥美好似食緊深圳嘅牛娃鍋一般。 宮保雞丁都係帶點甜味,可能呢個係正宗川菜嘅特色,又係另一個好好嘅送飯菜式。 香烤牛肋骨,呢個係屬於夜上海嘅菜式,估唔到喺呢度可以重遇,當然製作方法有少少分別,但呢度嘅辣粉好似出色得多,點一點,牛肋肉立刻昇華,重要係牛肋骨嘅texture控制得好好,腍得來又有口感。 樟茶鴨嘅香,令我想起深圳吃過記一間出色川菜,不過呢度嘅香氣特別令人覺得深刻,鴨嘅外皮都做得好有嚼勁,呢個味道應該取代深圳個間川菜。 冰粉同紅糖滋粑都應該係川菜必食,雖然我不特別熱愛甜品,但滋粑嘅煙靭係特別可愛,大推。 食完還依依不捨,下次不如再搞一局? 評分: 味道 5 環境 5 服務 5 衛生 5 抵食 5
2023-10-24
係中環街市食過Chef’s cut 好多次,最好係唔駛等位而食物又多選擇,前排得知airside開左分店都想試下。 啟德嘅朋友好多都已經試過,過左一個月,唔執輸點都要去試一試,估唔到都幾有驚喜。 不過記得,呢間餐廳可能位置好,處於Mikiki同airside嘅一條天橋,可能好多人經過都識呢間餐廳,經常都見到排隊好受歡迎,要食一定最好訂位。 基本上個個都會叫雜錦海鮮拼盤,用黎打卡最好,加埋仙氣可能更搶鏡,不過以陣容鼎盛嘅海鮮,加上多種不同配搭嘅醬汁,都係有誠意嘅作品,當中個最愛龍蝦同帶子,帶子用上酸酸地嘅檸檬汁,吃得特別開胃。 好多杯cocktail都好精美,我特別喜歡自己點的Long island,勁濃度的酒精,應該換得半晚安睡。 先來個冬蔭功雞翼小食,唔辣而有濃郁的冬蔭功香。 前菜吃蕃茄水牛芝士沙律,全部食材都算新鮮,撈埋一齊最好。 西班牙風味烤八爪魚辣肉腸,烤得好有水準,八爪魚沾上辣肉腸嘅味道,風味特別不同,呢個都係必點嘅前菜。 南美式酸辣醃海鮮其實都係沙律咁,入面仲有好多油甘魚、八爪魚及海蝦,沾上醬汁後,更加吸引,入面仲食到呢到嘅bakery,因為有好多麵包在旁沾上個酸辣汁。 前菜我個人最喜愛焗龍蝦芝士通心粉,龍蝦唔會烤得太乾,平時mac and cheese都會好飽,但呢個好清爽。 另一個打卡位係乾式熟成黑安格斯肉眼扒、薯條、雜菇、香草牛油,個肉眼做得剛剛好,medium rare嘅感覺,仲有炸得好好嘅脆薯條,一定要必點的main course ,同埋你見到佢個熟成櫃就知道佢哋嘅熟成能力一定有返咁上下。 牛背肋骨配蕃茄木瓜莎莎,個牛肋骨嘅質感有少少似牛面豬,雖然呢個未必有熟成處理,但那煙燻感覺都好令人滿意。 全晚MVP係烤乳豬配紅甜椒、堅果醬、水欖、車厘茄、薯仔,烤乳豬個皮,絕對同外間幾間西班牙fine dining嘅水準無差別。 海蝦蕃茄橄欖意大利麵,基本功取勝,蕃茄汁用上新鮮蕃茄做嘅味道特別好,而意大利麵的texture 更是剛剛好。 最後叫多個意粉先夠飽,北海道帶子海膽醬墨汁意大利麵,剩係啲帶子嘅晶凝通透同墨汁意粉嘅組合就搶晒鏡,又係枱枱必點菜式。 甜品方面最突出係拖肥布丁蛋糕、乾棗、雲呢拿雪糕,少見而味道好出眾,其他如焦糖香蕉、榛子雪糕,檸檬柚子撻配白朱古力黃豆曲奇配綠茶雪糕、牛乳薄脆、綠茶麻糬等也不錯,如果你人多勢眾,四個甜品都可以叫來試下。 又係一個airside新餐廳好去處,特別適合多人,因為全部食物都好大份又唔算貴。 評分: 味道 5 環境 5 服務 5 衛生 5 抵食 5
2023-10-23
前幾日先至同朋友講,想搞個廣州美食之旅,今日之後又多個理由了。 剛剛係凱悅軒認識了一個廣州嘅師傅,佢係來自廣州柏悦酒店悦景軒黃師傅,佢啱啱嚟咗香港凱悅酒店做客席廚師,短短幾個星期佢就帶咗幾個廣州嘅首本名菜嚟香港。 雖然師傅只係留大約兩個星期,不過唔使擔心,呢個黑珍珠客席廚師推介menu會去到11月底。 幾個菜式,椒香汁花螺、鹽燒新疆羊排、湛江雞啫遼參都不能錯過,全部都係廣州柏悦酒店悦景軒嘅有名菜式。 最大推嘅一定係鹽燒新疆羊排,喺香港一定無聊食過咁好食嘅羊排,鹵水入味一小時後再燒,當然再睇羊排大小再調整時間,之後再燒個皮,個羊排非常之嫩,好似食緊羊腩煲咁嘅感覺,但層皮外層卻輕輕燒得好好,加少少辣辣地嘅孜然粉,成個感覺更佳。 食完呢個之後,簡單一句就係燒咗嘅羊腩煲嘅羊腩,的確好想再上廣州搵師傅睇吓佢有冇其他勁野,不過如果你愛吃羊,都值得專程嚟試吓呢個菜式。 湛江雞啫遼參個汁簡直係靈魂,用上好新鮮嘅雞同非常大條嘅遼參,送飯係一絕。 蜜汁煙燻筍殼魚呢個又係大癲級,食落去我以為食緊燒鱔,個甜度適中,而筍殼魚比起鱔無咁厚但肉質更特別,呢個乙同羊排一樣非常之驚喜。 講番前菜椒香汁花螺,都係一絕,平時喺潮州嘢食凍螺,都好少食到咁鮮甜,而且有咁大嘅椒香味,相信師傅選調味料同材料都一定好有心機。 清清地加多個方魚炒芥蘭,都幾好食。 時令當然要食蟹,蟹粉拌淮山麵,雖然唔係好似深圳嗰啲蟹粉佈滿成個麵咁澎湃,但整體味道都很高貴,唔係師傅嘅出品,但係呢個結尾都唔錯。 有興趣就記得快啲,去到11月尾仲有時間,如果唔係就要去廣州見㗎啦。 評分: 味道 5 環境 5 服務 5 衛生 5 抵食 5
2023-10-21
有人話黎到airside 一定要打卡係呢杯雪糕。 基本上,我睇過最少十幾個朋友都同呢杯雪糕打過卡,個個都話佢個綠茶味好濃郁。 抹茶軟雪糕可以配唔同嘅野,生朱古力、軟雪糕蕨餅、朱古力蛋糕、白玉紅豆、仲有朱古力脆脆,全部都好似好吸引,不過我哋選擇最京都風的白玉紅豆。 過得黎airside又愛甜品,點可以唔打卡,不過提提大如家食完飯九點多來到,隨時有機會賣哂,好彩個晚啱啱趕到食到。 聽講佢嘅金箔生朱古力芭菲非常好食,係Nana 香港店exclusive 先有,每日得十杯,可惜來過幾次都無乜緣份食到。 評分: 味道 4 環境 4 服務 4 衛生 4 抵食 4
|