魚がし日本一 (九龍城)

新蒲崗同啟德想食日本野，之前真係無乜選擇，多得呢間Uogashi Nihonichi 係airside落戶，才有得食omakase。搭地鐵上去商場基本上100%會見到，想食好多次，於是前幾日有事經過就試埋。

當然第一次食就唔食omakase住，單點同食下普通餐，試完水準先感受下值唔值得食。兩個人，一個點了一個八件的火炙壽司拼盤，一個食個北海丼飯先。





北海丼應該係大部人都會食嘅選擇，要乜有乜，三文魚、帶子、魚籽、蟹肉同海膽，仲有勁大隻嘅牡丹蝦，撈埋一起食，滿足感當然有，而且難質素都係高質，特別係加完青檸嘅帶子，特別甜美。

尾聲仲有個鯛魚茶漬湯飯，比較少見的選擇，當然還有湯同甜品，二百幾一位絕對有優勢，係呢個商場來講唔算太貴。

火炙有四種，帶子、深海池魚 、左口魚邊同吞拿魚，各有千秋，最好當然係左口魚邊，燒過後魚油大爆發，深海池魚都有驚喜，帶子同呑拿魚都加左啲調味，都好有心思。

簡單感受到個水準係幾高的，而家食完先發現原來有三百幾嘅omakase set ，下次可以再食。

OZAKAYA (灣仔)

一年無過黎食brunch，水準依然咁好。

$495一位，前菜任食，主食選一個，包你一定滿足，但又唔係自助餐食好多唔係可以回本嘅野又味道麻麻。今次又係下午食完，夜晚都唔駛食野。加多$100就有非酒精飲品任飲，不過我會選擇$190任埋sake，紅白汽酒任飲。

先講野食，前菜任食，海鹽枝豆，軟殼蟹卷，素菜壽司卷，辣蔥三文魚卷任你食，係有得任吃，不過不能吃太多，因為其他前菜好食都多而且又唔會咁飽。

好食嘅好多，雜錦刺身，番茄、鹽燒雞翼、和牛他他，配菜有馬山椒同火箭菜，粟米加上青檸味噌醬，點左黑糖醬嘅唐揚炸雞都係我私心要一點再點嘅推薦。

如果食得飽，點番d綠花椰菜苗同芝麻菜和風沙律可以幫助消化，食完準備挑戰呢個主菜。

主菜有阿波美地雞、北海道白金豚、海鹽燒油甘魚鮫、角切刺身丼、舞茸菇高菜土鍋飯，溫泉玉子、西京銀鱈魚、南澳洲M6和牛後腰肉，同和牛西冷，八個選擇中，唯獨牛同魚要加錢，不過都值得因牛嘅質素好高，個人覺得舞茸菇高菜土鍋飯粟米都好推薦，加左粟米•松露油後都非常香，西京銀鱈魚都做得剛剛好的perfect 油香同juicy。

甜品部分，無限量每位都有得食季節水果，另外兩個係京都抹茶流芯蛋糕，柚子焦糖法式燉蛋，兩個都做得細緻，特別係法式燉蛋，同平時係餐廳a la carte點的份同味道都一樣。

如果想搵個地方坐朋友食下傾下一個下午，絕對值得試吓，唔算貴又叫做幾好食，怪不得呢個brunch都維持到有不少人支持。

유명진의 육미정담 肉味情談 (九龍城)

呢間肉味情談，想食好耐，食左Airside咁多間餐廳，唯一一間韓國菜，而且感覺唔錯，食左差唔多大半嘅餐廳，所以都順便想講下呢個韓燒。

有朋友去咗就話普通，不過我食左個兩人餐嚐味釜山套餐，$850應有盡有，又有前菜送，唔使用腦諗食乜就可以食到唔同種類，而且仲有人幫你燒埋，何樂而不為。

一級五花肉同黑毛豬濟州梅花肉都係傳統韓國最原始的豬肉感覺，味道濃烈而且獨特，尤其鍾意五花肉，呢度嘅員工將佢一件一件細心分開嚟煎，加上枱面上大量嘅蔬菜，仲有傳統嘅泡菜同蒜蓉包住食就最好。

牛胸肉又係大大條，啖啖肉都非常暴力，令所有愛肉之人都滿滿的蛋白質同肉感。

安格斯牛外裙肉，呢個部位幾特別，最適合喜愛嚼勁嘅朋友。

和牛牛五花當然最強最有口感最過癮，有油花有油香，不過去到呢到已經飽。


蘋果梨汁雞肉配搭得宜，而家同豬肉一樣，同平時食嘅感覺總有得不同，單點絕對值得試吓雞。



大醬湯同冷麵，當然食麵涼下下火，黑米冷麵真係第一次聽，感覺就如平常的水冷麵，幾彈牙，唔錯。

你話係唔係好平？唔算，不過如果你出尖沙咀韓國街食呢啲咁嘅份量，價錢應該差唔多，但係呢度好坐又舒服，而且服務好，我覺得街坊想食韓燒過嚟試吓都係一個唔錯嘅選擇。

嵐月 (九龍城)

朋友食過一次私房菜後，佢大讚話好好食，望一望價單，不夠膽相信，啟德竟然有呢個價嘅Fine dining。

上次佢哋嘅餐單千幾蚊嗰頭，未食過我唔夠膽食一個咁靚咁貴嘅menu，於是朋友就話不如一齊去試吓簡單食飯叫a La Carte。

間餐廳真係非常之靚，唔知點解好似身處喺潛艇一樣，由外觀到餐廳入邊，加上了多種綠草如茵嘅裝飾，綠悠悠嘅感覺都令人覺得好舒服。

其實除咗私房菜之外，佢嘅a la cart都唔係話好貴，係一般靚中菜嘅價位。

餐單上必吃的北寄貝沙薑漬，完全冇諗過可以用呢兩個配搭，沙薑都可以帶到海鮮嘅鮮，好得意。

嵐月黑毛豬叉燒市面見得太多，只要你舊豬靚，燒得靚就可以做到呢個效果，而呢個黑毛豬絕對冇令我哋失望。

聽講係signature，桔柚黑鱈魚有勁靚嘅外表，加埋一堆泡沫嘅法式外觀，食落見桔柚嘅甜同酸Balance得不錯，又係一個必點嘅菜式。

四個人我哋可以叫多啲菜式，我哋叫咗一個煎雞，松茸乾煎嘉美雞賣相特別，雖然乾先，但係嗰醬汁好美味，就好似食緊雞煲一樣。

皇帝蟹胞米泡飯係意想不到嘅好，加上了脆米，瓜類同整理好嘅蟹肉，夏天冇乜胃口食嘅話就最好，每啖都吃到多重口感嘅滿足。

無食甜品都好滿足，食完呢餐，都覺得可以試吓私房菜，喺啟德嘅街坊，你又會唔會有興趣呢？

AIRSIDE Cafe (九龍城)

Airside最搶眼嘅其中一間餐廳，一定 airside cafe莫屬，呢到嘅環境好自然令你想起K11嘅一間意大利餐廳，開揚無比嘅環境，其感覺就如尖沙咀同中環Fine dining餐廳一樣。

聽過幾個街坊話幾好食，於是就去左約幾個朋友食下，前菜主菜一人揀一個，咁樣先至食多啲真啲。

四款前菜都係好精彩，完全意想不到，個驚喜都算幾大。

淺漬帶子加上了柚子後，鮮甜美味無比，好得人鐘意，應該無人不喜歡。

魷魚加上了青檸汁同Pugua, Seaweed, Plum等配菜，絕對係一個稱職的前菜，清新自然，好適合夏天食。

和牛他他，以日式方法去做，有勁濃烈嘅麵豉味，配上Flax Seed Cracker去送個他他，味道幾好。

布拉塔芝士個配上紅菜頭，勁吸引，愛芝士個個差唔多全碟食哂。

四個人又係選左四款主食，一定要選嘅係Beef Cheek 汁燴牛面頰肉，用上黑啤做調味，煮得好淋，唔駛點咬都溶化了。

千歲豬嘅味道又係唔算肥同油份高，豬味道都幾濃。

三黃雞係我聽講好好食嘅主菜，雞肉雖不是勁嫩的感覺，但加上配菜，更加好食。

Lump Crab Strozzapretti呢個蟹肉手卷義麵質感好特別，Al dente係理所當然，不過真係少見呢個意粉，未必人人喜歡。

side有薯條同迷你羅馬生菜，薯條係必點之作，加上那個偏甜的醬汁，勁好食。

最後甜品同cocktail mocktail都要讚，好少女心，南瓜雪糕、柑橘酸忌廉、士多啤梨乳酪雪糕、香蕉凍慕斯，幾個都係味道一流又好打卡，幾個女士食就一流。

如果想好好坐下食下西餐，呢間絕對係一個好選擇，至少，唔會令你失望，特別前菜四個都有超水準表現。