小GRA 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2021-06-26
之前有同事試過呢間話好食, 今日特登嚟試下係咪真係咁好食, 試咗飯,意粉,小食,甜品同特飲, 真係樣樣都試下, 呢到都算大地方, 環境都舒服既, 只係LUNCH冇得訂位要WALKIN啫! 聽講夜晚都好多人去食 黑松露忌廉雜菌意粉 - 賣相都可以, 個醬汁好好味, 整體上不錯 明太子忌廉大蝦燉飯 - 呢款飯都幾好食, 但如果一個人食就有啲膩, 因為好飽肚, 而蝦亦都有五六隻咁多 炸魷魚鬚配芥末籽蛋黃醬 - 炸粉唔算厚, 魷魚夠爽口 薄荷朱古力咖啡碎冰 - 賣相好吸引, 打卡一流, 薄荷味好濃 意大利芝士熔岩 - 上碟時用個透明膠包住, 要自己動手將塊膠片拉起, 第三四相就係最後完成品, 好濃提拉米素味, 值得一試 總結 - 可以一試既餐廳, 價錢係中上價, 呢一餐三個人食, 埋單每人都要$215, LUNCH嚟講真係好貴
評分: 味道 4 環境 3 服務 3 衛生 3 抵食 3
2021-06-26
其實呢座大廈已經試過好幾間餐廳, 今日輪到呢間啦, 間餐廳都好開揚, 座位唔算太多, 大概坐到30人左右, 價錢方面都係中上價, 環境都舒適唔會有太大壓迫感, 今日試食咗一個飯同一個沙律, 再加件蛋糕 慢煮三文魚牛油果醬丼 - 飯既份量都好多, 夠二人份量, 牛油果好新鮮而且份量唔少, 三文魚亦都好味 信州白葡萄汽泡咖啡 - 賣相好吸引, 味道一般, 有啲咖啡既苦同酸味, 但又有梳打既汽泡 伯爵茶日式蛋卷 - 賣相幾靚, 伯爵茶味道都好濃, 紫色既點點係薰衣草嚟, 聞落好香, 但食有啲苦 總結 - 呢間值得去試, 因為用料好新鮮, 雖然價錢係貴, 但份量同食物質素係高既
評分: 味道 4 環境 3 服務 3 衛生 3 抵食 3
2021-06-26
真係好耐都冇嚟呢到食啦, LUNCH見唔太多人等位, 試下等位, 估唔到等咗陣就有得入座, 午餐餐牌都轉咗好多新款, 價錢方面都係中上價, 但味道同賣相呢到可以話係有保證既 錆魚定食 - 魚燒得剛剛好, 肉質嫩口 凍濘茶 - 茶底唔算太濃, 檸檬夠新鮮 總結 ; 呢到食物水準咁耐以來都能夠保持水準, 真係值得讚賞, 難怪咁多客人去食, 如果LUNCH時間多人去食既話, 最好就係預早訂定位, 因為WALKIN多數好難有位, 同埋即日打去訂位試過係訂唔到既, 最好預早三日前打去
評分: 味道 4 環境 3 服務 3 衛生 3 抵食 3
2021-06-26
知道觀塘區開咗間分店, 今日特登過去裕民坊呢間試下, 自助點餐機落單, 等侍時間都要15-20分鐘, 因為即叫即整好新鮮, 我叫咗五款雞翼試食, 要咗個$128套餐再另加多款雞翼, 套餐包飲品, 但我冇影到相, 我試柳橙冰綠茶同水密桃粒粒茶, 我覺得一般 伯爵茶味雞翼 - 味道甜甜地好濃伯爵茶味道 黑松露蒜香雞翼- 醬汁另外用個膠盒仔放, 食時再沾嚟食 原味脆香雞翼 - 普通炸雞翼, 無乜特別 港式避風塘雞翼 - 好濃避風塘炒蟹既味道, 有啲辣辣地, 幾惹味 文青風玫瑰雞翼 - 好濃玫瑰花香味, 味道都係甜甜既 總結 : 其實都係普通炸雞翼, 只係面層加咗唔同既調味料啫, 試下無妨
評分: 味道 3 環境 3 服務 3 衛生 3 抵食 3
2021-06-26
呢間舖最近轉咗名,以前叫辻利茶舖, 而餐牌既食物就有少少改變, 價錢好似平咗少少, 茶漬飯同烏冬既餐牌都有啲同以前唔同咗, 而蛋卷就同以前有啲唔同,多咗士多啤梨味,咖啡味, 而冇咗原味, 又多咗鬆軟奶油麵包, 但望個實物同忌廉賓冇乜分別, 所以冇買嚟試 焙茶蛋卷 - 外層既蛋糕感覺粗糙咗, 入口冇以前咁好食, 冇軟熟滑既感覺, 雖然中間既焙茶餡係好濃好味, 但整體上比以前差咗 總結 : 其實下次好想試個抹茶蛋卷雪糕新地, 賣相好吸引, 價錢都係$58, 除咗一杯抹茶雪糕新地外仲有件蛋卷, 做下午茶就啱啱好
評分: 味道 3 環境 3 服務 3 衛生 3 抵食 3
|