The Hunt Coffee & Roastery (觀塘)

雖然呢間餐廳價錢確實係幾貴, 就算LUNCH埋單加埋一都要$150-200, 但真係有令人想再去既衝力, 今次帶多兩個同事去試食, 一早訂左位, 所以可以即入, 平時經過都見到有人企門口等位
Hunt Signature Tiramisu - 呢款甜品真係幾好味, 我見有人特登嚟食呢款甜品, 咁就當做LUNCHCream Brulee - 焦糖脆布甸滑, 同觀廣間C仔有得比

Spanish Pork Belly - 幾特別既一款菜式, 好似食五花腩咁
Turin Spicy Chicken Wings - 味道都係偏咸, 雖然亦有辣味
Red Shrimp & Scallop Orzi Pasta - 呢款意大利飯不錯, 帶子亦都好新鮮

Caffe Latta - 味道一般可能唔夠熱
Hunter Fries - 普通既炸薯條
US Prime Rib Eye - 又係手機落單既問冇得揀幾成熟, 今次係3-4成熟左右Flat White - 拉花幾特別, 好似係天鵝嚟, 味道一般

總結 : 唔會有十全十美既, 總有進步既空間, 食物好唔代表飲品會好, 是乎你既飲食要求, 呢到價錢係貴既, 是乎你覺得值唔值 

Turfland Operated by sensory ZERO (觀塘)

冇諗過馬會會開咗一間咁高質既餐廳, 雖然呢到既主題係可以俾人一路睇波睇馬即場落注, 感覺好似鼓吹賭風咁, 正常啲阿叔阿伯都寧願去茶記
今日特登走過嚟試食, 呢到好似有得訂位既, 但如果有賽事就冇得訂要WALKIN, LUNCH都多人嚟食, 大多係上班族, 加上呢到又係手機落單
香煎帶子蘆薈筍配羅勒醬忌廉汁日本米意大利飯 - 賣相好吸引, 味道亦不錯, 帶子好新鮮
蟹肉青蘋果雜菜沙律配花生芝士醬加炸豬扒 - 豬扒都幾好食, 沙律菜都好新鮮
鮮奶咖啡 - 味道都唔差, 但唔夠熱
凍朱古力咖啡 - 有點兒失色
巴馬火腿火箭菜薄餅 - 巴馬火腿份量都唔少, 薄餅餅底都好好食, 厚薄適中
肉腸配蕃茄汁扁意粉 - 有啲辣, 但賣相就一般四式芝士薄餅 - 呢款薄餅都係一般, 雖然好濃芝士, 但感覺好似缺少咗啲野


煙三文魚沙律 - 呢款沙律菜有啲苦甘味, 我鍾意食凱撒沙律多啲
紐西蘭肉眼牛扒 - 手機落單最衰係冇得叫幾成熟, 一切開, 嘩.....3-4成, 真係咬都咬唔開

總結: 呢到質素唔差, 午餐價錢都算合理, 雖然係有啲中高價, 但咁既價錢咁既食物, 都叫做合理

杏甜品 (尖沙咀)

每次經過都好多人排隊, 今晚食完飯就去咗呢間試食, 大概八點幾左右都全場滿座, 好彩仲有個四位, 座位其實都有啲逼, 同埋仲有限時添, 又要係急住食, 真係好唔爽
泰國金標龍眼爽冰加芋圓 - 呢款龍眼冰感覺真係好清新, 味道都還可以, 但就比唔上聰嫂啦, 人地有晒果肉喺裡面, 呢款就只係龍眼冰
芒椰木蓮凍 - 份量都好多, 味道不錯, 底層係一粒粒既涼粉呢款唔記叫咩名, 但友人食過話唔差既

椰皇雙皮奶 - 好香好重椰汁味, 雙皮奶亦都滑

Dodam Chicken (觀塘)

雖然一早訂咗位, 但去到竟然冇乜人, 以前呢間好多人排隊食, 訂位都話FULL要WALKIN, 不過今時唔同往日, 今次再食返覺得差咗好多, 唔怪得之少咗人流, 午餐SET包飲品同小食, 係自助形式, 飲品都係罐裝或者紙包, 小食係炒粉絲同泡菜, 但賣相唔太吸引蜂蜜脆雞- 有蜜糖味, 但炸雞好一般

蕃茄卡邦尼炒年糕 - 年糕 一定要熱食, 凍咗就會乾口感亦會有好大分別, 呢款炒年糕味道不錯韓式拌飯 - 冇乜特色既拌飯

古岡左拉芝士薄餅 - 呢款PIZZA幾好食, 餅底夠薄而脆, 芝士味濃而多
豉油炸雞 - 得陣豉油味, 雞肉完全唔入味, 有炸雞賣既K仔M仔都好食過佢

總結 : 有啲菜式真係麻麻地, 雖然有啲某啲菜式係唔差既, 但冇意欲想再嚟食

The Flame Bar & Restaurant (觀塘)

以前呢個舖位都係西餐廳, 最近呢幾個月新接手同埋再開埋隔離舖位, 所以我兩間都試食下, 呢到午巿門有啲優惠, 買三送一咁, 又有啲折扣優惠咁, 
餐湯忌廉湯 

意式烤雞肉麵包配薯條 - 薯條好鬆脆, 麵包面脆口
意大利闊條意粉配卡邦尼醬 - 醬汁好濃, 味道不錯
北海道帶子配菠菜意大利飯 - 意大利飯比較濕, 帶子外脆內軟
炭烤羊架配燒汁 - 羊架烤得啱啱好, 味道不錯, 但$178既價錢唔值囉, 可唔可以落返少少心思喺配菜擺設方面呢? 可能貴在件羊架?
西班牙香草蕃茄燴牛肚配飯 - 呢款最唔值$128, 可能啲牛肚係貴價野, 但咁既賣相同普通茶餐廳有咩分別? 人地仲要平一半喎, 咁既價錢唔值囉!



總結: 感覺都係一般, 冇乜驚喜, 價錢都係中上價位, 如果上菜餐碟再花少少心思再設計下, 可能賣相會更加吸引, 坦白講咁既價錢同某啲食物質素唔成正比囉! 如果咁既價錢, 觀塘區樓上工廈大把選擇, 雖然價錢差不多, 但人地勝在肯花心思喺食物擺設方面, 有機會都想試下個晚巿作比較