韓食一番地食客 (九龍灣)

同朋友們係mega box睇完toy story3 (真係好睇)
就出返黎揾野食啦!
話哂amoy呢邊都叫平d!

行行下諗諗下見到呢間前身係euro gogo,宜家變左韓國野食ga 餐廳.
見到亞姐佢地貼緊張7折紙出黎.
d小食成部$25
好就入去試下你!

我地4個人叫左3個飯同2個小食.

1>石頭窩飯加雞肉(+$5) 佢石頭窩飯本身係咩肉都無.得蛋同d菜..太清淡啦-_- 點都要加d肉,橫掂有7折! 個飯一上亞姐會同我地加埋醬同我地撈埋..所以要影相個外觀就差小小啦.
但食落係好味嫁bo! 熱辣辣!而且有飯焦,食落好香口!呢個可以推介.

2>海鮮湯飯 材料好簡單,豆腐,2隻蝦,2隻蜆到同埋d菜.食落清清地而且都唔算係味精雞粉湯.我幾鍾意!撈埋個白飯有d似係屋企自己整ga雜菜煲咁!

3>炸醬麵 d麵有小小似米線咁.感覺上不能夠撈上d炸醬,令味道有點扣分, 而炸醬都未見出色,味道一般.肉碎較少.難令人難忘..

小食
a> 傳統炒年糕 醬是好味的.帶點辣又開胃,比起單單上枱ga前菜-泡菜, 就係令人難以想像點解普普通通又唔好味ga泡菜可以變1變,就變出好味ga炒年糕. 年糕口感唔會太軟唔會太硬.ok無問題

b>芝士紫菜卷 睇落個名好吸引!芝士,令朋友們都十分期待.點知1放落口.就即刻知出事啦
芝士係超市可以買到的片裝芝士.放落紫菜卷一點都不配!!!! 芝士味太搶!!!!搶走本身紫菜卷材料味道! 而食落去只有凍芝士撈冷飯感覺.... 真係情願食落傳統紫菜卷較保險

總括,是俾ok的一間餐廳.最大原因是7折! 如果唔係見普通飯都差唔多要$50以上..
咁就不太值啦..

金滿堂甜品 (九龍灣)

是日好辛苦!
先係由9點30上lecture上到6點30...得1個鐘lunch break..
點知亞sir仲要補課...再上2個鐘.....
姐係由9點30朝早上到8點30................
真係人都癲!!!!!
所以1放學就同朋友黎食返個飽飽dinner!!!
如果唔係對唔住自己

我地食完dinner先黎食甜品ga!
祰時都差唔多9點30左右.
都已經多人啦.爆場.

我地揾到位坐就叫左新野試啦!!
失戀小王子 個名咁慘..... 我唔要xd
所以我要左開心好多ga初戀小仙子!

初戀小仙子都好大杯!! 全部都係粉紅色!
因為strawberry做主要材料!
仲有個雪糕球!! 好開心呀真係可以1次過食到唔同ga野!
而且佢仲有d心形1粒粒ga jelly!
令到整個甜品口感增加!

呢個真係抵食,不過strawberry就有小小酸.

朋友叫左香蕉船!
好鍾意佢2枝朱古力棒棒!
但我竟然見到有其他客人唔食呢2枝棒棒
好浪費呀! 真係想食埋佢

我會再黎嫁!!期待新野!

MCL Cafe & Deli (九龍灣)

係kln bay呢邊返學,真係食lunch都可以食哂所有餐廳!
有1日經過, 見到mcl呢到入面都有間餐廳!
我好欣賞佢ga idea !
睇戲之前,之後都可以俾人黎食野!
而且食物款式,環境都可接受,唔錯!
我同朋友放lunch就一於黎呢到試下!

我叫左燒汁雞扒意粉. 連埋飲野$30 係kln bay呢區都係咁上下.
同場仲見到有唔少office worker 黎食lunch tim!

見到賣相就已經覺得唔會好味..
d野好似好求其放咁..亂亂地...

1食d雞扒..好鹹!!!
即刻要撈埋d意粉食..
但意粉唔夠熱..暖暖的..扣分....

整份唔合格.
而且環境睇落呢到似係大家樂d fd咁..
無論服務,食物....
都係咁差.

食棧越泰中美食 (大埔)

同朋友去踩單車
本來出發ga時間天陰陰我地都驚會落雨..
點知下午就出太陽啦

我地1向踩單車ga補給站都係大埔超級城呢頭!
今次行行下見到呢間食vietnam ga,
本來都仲諗緊食唔食..
但lunchtime時間到, 眼見月黎月多人..
心知不妙
再唔揾位食就有排等.
咁就好啦是但入去食啦!

檬粉類好多,
踩完單車熱熱地唔想係湯粉就叫撈檬!
我要左牛肉撈檬仲跟埋杯野飲$28 ! ok啦!

牛肉撈檬都幾大碗一定夠哂食!
撈檬食ga時間要加d酸酸甜甜ga白汁咁..
我覺得個d好似係白雲鳳爪個隻汁個隻味咁.
好鍾意食!
呢到個隻汁都唔錯!
不過好似再得太多食得太多有d口渴

牛肉有小小油同蒜撈過都幾野味! 而且應該用粉拿過佢所以係好滑口....

總括我又覺得呢到lunch都唔錯!
我見同場仲有d人會叫set lunch咁share食!
不過個日我地4個人好似share唔到... 1係3人set; 1係6人set-..-

綠林三記甜品 (深水埗)

呢1日相約朋友出黎sham shui po玩街食野!
呢區消費較低,食野買野d錢都好好洗
我地先行完玩具街,見識過好多批發價ga文具玩具
真係好抵!

行完我地就要開始第2個目的,食野啦.
先黎呢間糖水鋪! 其實自己通常黎親就只係識食松記諗住都最好味最平嫁啦.
但係open rice揾下其他間試下就揾到啦!

個日我地大約下午3點幾4點去到.
所以唔算多人好多空位.
我地1人叫1樣食!

有: 芝麻糊約$8,芒果黑珍珠$16,芒果明珠$16仲有哈密瓜黑糯米約$14!

見到芝麻糊都諗住唔會太好味..因為食過幾次係街d芝麻糊無芝麻味.仲要水汪汪咁.仲差過我自己買返屋企即沖個d
點知1食呢到d芝麻糊!真係好味!! 重芝麻味而且個種厚身杰杰的質地真係好味!
仲要好似係$8/$9 1碗真係抵!

芒果黑珍珠同芒果明珠差唔多,芒果汁同樣出色! 夠哂甜而且唔係artificial 的甜,
你會食到芒果自己本身的甜味香味! 而我就鍾意明珠多d因為食落口感較好!

最後哈密瓜黑糯米! d黑糯米好好味而且好多椰汁味! 哈密瓜就唔係咁甜但椰汁搭救!
約$14都真係無得彈佢

呢個糖水鋪真係又平又正!! 我下次梗係會再黎啦!
松記要加把勁唔好俾後者追上