美味甜點 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2016-05-08
今日驚媽媽節無位所以提前晚餐1730去到吾使等位,坐低就忙於睇餐牌寫低點菜編號落單,今日1.5小時要交枱,頭一輪點左刺身,諗住下一輪點串燒,點知魚生吾够凍勁失望!魚生上枱擺設好靚又大件,食左之後失望吾想點串燒,立即斬纜埋單,去第二到食下半場,吾想再嘥錢。 ~花之戀 好多青瓜絲在上面睇落好大件咁 ~帶子 3粒6切無鮮味 ~三文魚腩長壽司 哩個OK 但吾够凍 ~極上特級和牛 根本不是和牛,無牛味整餐最嬲係哩個,仲要48蚊2件。 ~鐵板牛柳粒粒燒 肉質用梳打粉嗱過。 ~劍魚腩 哩個千祈吾好點無魚味 ~其他食物都過得去。 p.s. 有樣嘢真係好想投訴,希望有一位員工吾好係客人食緊嘢時在聽面扎頭髮可能想show佢把長直髮&liu鼻跟住攞魚生俾客人,吾理客人叫狂篤電話,如果未準備好自己儀容吾該吾好返工。
評分: 味道 1 環境 5 服務 1 衛生 1 抵食 1
2014-05-31
可一不可再嘅一次川菜餐,全部食材都係冰鮮嘅,煮得好食無所謂,但煮得吾好食! 好很失望! 聽朋友話好食,訂左幾次都話無位,終於訂到位,一行5人,一睇餐牌盛惠每位$300,包加一,白飯應該任裝,不包飲品,只收現金。心諗食Buffet咩?? 固定收費,固定份量,固定收入! 份量又孤寒,老闆返本政策,忽略質素!! 講返食物:5人份量 3涼菜 + 5熱菜 送1油麥菜 題外話/補充資料: 如果要我俾$300蚊食D咁嘅嘢, 極之吾抵,揾笨!! 最後剩好多餸無人掂,5月份食左5間川菜最差的1間,同區去三希樓、巴蜀風味館、雲陽都好過佢!!話返轉頭,佢嘅前菜係整得好食,醬料整得幾好,這個是唯一可取之處!咁我無理由俾$1500蚊食丁死咁多前菜囉!! 招呼我們個啊叔都應該知我們不滿,因我們太多微言。最㷫就係沸騰水煮魚,食到我們嬲到㷫烚烚!正宗川菜係用鮮魚囉!! 推介美食: 蒜泥白肉,重慶口水雞,重慶辣子雞
評分: 味道 1 環境 2 服務 5 衛生 3 抵食 1
2013-03-30
同事生日,早2日前去訂左個一個個波砌成的,好似泡芙的餅蛋糕,叫咩名吾記得左,以為好好食點知好失望,裡面有黃色的奶油,外皮好厚Cream好少而且淋左,朱古力餅底,名牌都是曲奇,由店舖到我公司只係30分鐘內進食,訂時店員話波波裡面有蛋糕,點知食時係無好失望,下次要問清楚睇清楚,$220一個實在不值!! 男同事 話外型似搶包山咁,個個笑了,只係得他覺得幾特別,所以評OK。 值得一讚的係店舖裡面干淨企理。
評分: 味道 2 環境 4 服務 3 衛生 4 抵食 1
2011-08-08
本來想食川菜點知排長龍,朋友話俾錢買難受吾想等,於是選擇了這間蘭苑饎館,原來是一間葯膳餐館,第一次幫親,睇MENU時都吾太知道價錢點計法。其實得一兩個價錢,$65至$78 一碟海鮮及雞要再加$5,大概是這樣,下面我影了少許相片可以參考下,點了三個餸,每個餸有跟一碗老火湯有葯材味幾好,三款菜烚埋一碟有腩汁和蠔油,粉麵飯任食。我們一人要了一碗飯跟住再叫了一碗麵,麵是雲吞麵幾彈牙OK。全部菜式味道偏淡少油,食開濃味的就要適應下啦! 薯仔咖哩雞 這味最好食 黑椒我牛仔骨 黑椒味吾够,而且是蒸的,可以接受。 吾知乜仁薑豬頸肉 這味我就覺得吾好食,我朋友都認同,味道不能接受個人認為。 桑寄生蛋茶 椰汁西米露 西米好彈牙奶好香幾好。 蓮子芝麻糊蓮子鬆化又甜,因我們坐在收銀處,老闆娘聽到講好甜好大反應,她即刻問:咩好甜呀? 解釋蓮子好食吾係糖水太甜。 服務幾好,係到食飯的人都好靜,店面企理! 推介美食: 糖水、全部都幾好
評分: 味道 4 環境 4 服務 4 衛生 4 抵食 4
2011-08-08
這間食過好幾次,今日諗住帶個未來食過的朋友來,中午11:45-13:00真係超多人。等位等到真係吾耐煩,如果你有在快餐店等過位這情況一模一樣,多人多到連老闆伙計都發脾氣,老闆成日叫人將就將就,就得多真係想客人再店內打架咩,外賣應接不霞,客人又企起身自己攞食物,真係亂到不碪,吵過街市,執檯執得慢,地方本身已經係大排檔Feel,是次感覺得很污糟,食食下有個阿伯企係到等位時不停係咁採礦,真係好核突,都吾知係吾係特登係咁,想快d攞到位。 如果要去最好11:00前去到,吾係等到你傻! 有個阿叔自已一個攞一個位叫人開6位茶,等我們全部食完走啦,佢再CALL人埋位,咁樣先霸到位。 講返食物點心真係OK,最好食剛蒸好的點心,款款都好食。 小菜套餐: 特別喜歡生炒骨$33連飯,骨外軟內脆好好食。洋蔥蕃茄紅生魚$36連飯 哩個都好好味! 而家套餐無例湯送好似覺得吾低! 如果只評食物這間是 ,咁樣等位法,十年如一日都吾善 老闆真係要諗諗佢! 推介美食: 生炒骨、黑椒豬肚
評分: 味道 4 環境 1 服務 3 衛生 3 抵食 4
|