得龍大飯店 (新蒲崗)

昨晚慕名而去，真的沒有失望。
六點九去到，本想坐卡位，可惜一早已滿坐，所以被安排了一小小圓桌。
兩個人，不能叫太多食物，叫了
例湯：花生雞腳湯，沒有落味精，夠料，好味。
金錢雞：兩個人只叫了一件，$15，可能飯未來，空口食覺得較咸同肥膩，如果送飯應該唔錯。不過一人半件已足夠，除非很喜歡吃肥肉，如果唔係都係健康點，食半件便可。
太爺雞：$99半隻。煙燻味好夠，真係食到骨都覺有燻味，半點也沒有媽夫。有碟大蔥油可點，其實真的不需要，其實碟油無什麼味，得個肥字，而且隻雞真係燻得好香，用其他調味蓋過雞味反而浪費。
蝦子柚皮：第一次食，之前只吃過蒜蓉蒸，沒想過用蝦子做原來都唔錯。
炸蛋白、燒鱔：炸蛋白一般，燒鱔就有點失望。本以為鱔會切到圖形一片片燒，但佢做法似日本鰻魚，加叉燒醬，味道不太差，但感覺有點不倫不類。
送紅豆沙做甜品，但較甜。
食物方面完全滿意，至於環境都可以，之前有評論話有“米奇”在天花跑步，我就覺得有點誇張，始終中式酒樓較嘈，人跑步都未必聽到，點會咁好耳，連“米奇”都聽到呀！
服務都可以，服務員都是叔叔同嬸嬸，總之叫飯有飯、叫茶有茶，而且我分了三次落單，都無落漏或者錯，都算唔錯了。
最可惜是只有兩個人，唔可以多叫食物同分擔收費，其實食物足夠三人食，但只有兩個人，所以每人要俾百五蚊，但覺值得，不過如果拖行馬去幫襯會仲抵。

五十嵐日本料理 (鑽石山)

$78番茄三文魚任食火鍋，免茶、免加一。仲有壽司、天富羅同日式小食送，抵。

食完壽司各樣已經飽了一半，所以火鍋並沒有吃太多。

豬、牛肉一般o.k.但丸，無論係豬丸、牛丸、墨魚丸、魚旦都唔得，好似食麵粉咁。叫小棠菜，但洗得唔乾淨，好多沙。

個湯有番茄，有三文魚已經好夠味，唔明白點解仲要加味精。

曾幫襯將軍澳同黃大仙分店，富山村這分店服務算最好，叫的食物都到齊，而且快。

要讚一讚有個女店員，因為朋友發覺小棠菜好多沙，所以沒有吃，個店員聽到我們說話，主動要求我填表，話希望日後可改善喎。

君滬鍋貼大王 (新蒲崗)

今日食鰦 鎮江排骨菜飯$24，加熱豆漿$3。好似比之前貴鰦 兩蚊，應該加鰦 價。

當豬肉響街市都賣到四、五十蚊斤時，廿七蚊食一餐都咪話唔抵。

食物水準都唔差，一鱓 都無張貨就價。

係羅，成本貴咪加小小價囉，真係做唔住就唔好做。最怕鱓 又話成本貴，又唔加價，但錢又要照賺，攪到鱓 食物不知所謂。

服務都唔差，咁平就無特別要求，不過繁忙時間明顯人手唔夠，張䒷 抹完好似無抹咁。

不過都係個句，咁平就不能要求過高，所以一定會再幫襯。

文記冰室小廚 (牛頭角)

新開張，諗住新屎坑三日香，試完就發覺中咗大伏。
首先環境方面，位於德寶花園轉角西斜位，但係室內空調嚴重唔夠，又熱又焗，嘢食未黎已經想走👎🏻👎🏻👎🏻
座位擠迫，肥少少都入唔到去，更加唔好諗乜嘢1.5米社交距離。入去之前見到門口有人唔戴口罩食煙吹水，原來嗰個就係廚師👎🏻👎🏻👎🏻👎🏻
最重要係味道真係非常難食，叫咗個欖菜肉鬆炒飯，又咸又油，啲飯又乾又硬👎🏻👎🏻👎🏻👎🏻👎🏻
走嘅時候發覺餐牌放咗響公用通道，冇公德心，永不幫襯👎🏻👎🏻👎🏻👎🏻👎🏻

嚐滿坊 (新蒲崗)

價錢平，小菜套飯廿六元，加十五元有炖湯一盅。
但味道麻麻，湯唔夠味，碟梅菜肉餅，梅菜、豬肉都無味，反而食到怪味。仲有碟飯好硬。