放工經過見到開左間新野. 呢區黎講都算係好特別, 因為好少韓國shop, 佢既泡菜分大($45),中($35),小($20) 3個size, 我買左個中(16安士), 佢有6~8樣比你選擇, 我就選左最大路既泡菜+青瓜, 店主話已經開左一個月, 可能個位太側, 所以正正係屋企樓下都見唔到 =.=” . 個青瓜既醬雖然係紅色, 但原來唔係太辣, 我覺得偏甜tim. 而個泡菜真係好辣. 2樣都覺得爽脆, 味道唔錯. 而且分量都足. 都有80分既! 新裝修, 好似有堂食. 但見唔到有椅, 唔知係唔係比人企係度食呢? 而且分量都足

8號風, 唔洗番工, 更係約朋友食餐好啦~ 見到呢度遲d 有團購, 而打電話去問, 有個溫度折扣既dinner自助餐, 如果當晚6:00pm 有25'c, 就有75折. 如果30'c 就有7折, 計番每人都唔洗$300. 而且當晚的主題是墨西哥餐, 咁大個女都未試過. 就同個朋友2人去食啦~ 我地勁早到. 6點就已經去到, 話就話4/F, 但其實電梯係按5字, 入到去環境唔錯, 氣氛都好好. 雖然食物位置唔係太大, 但由於坐位唔多, 而且空間感又幾大, 所以好岩傾下計.

我同朋友都係蠔怪, 第一樣就去夾蠔(如圖), 呢個就係佢地既海鮮吧, D 海鮮都幾新鮮. 蝦, 螺幾唔錯, 有淡淡鮮甜味, 生蠔無咩海水味, 有淡淡既餘韻, 有金屬味, SIZE 算係S~M, 肉質爽. 其實我見佢只有2~3個菜係墨西哥, 都有咖哩, 薄餐(可能我唔識瓜), 其他都係D 正常既自助餐野.
海鮮串燒 / 羊架 / 牛肉: 正常野, 而且份量唔會太少. 一片牛可以2人SHARE. 但我覺得有D "UN"
咖哩, 薄餐: 好香好食, 又唔太辣, 牛肉好軟
海鮮: 新鮮, 而且有選擇
芝士: 有4種不同的芝士給選擇配餅乾/包.
日式食品: 有刺身同壽司, 唔錯, 位置少少. 但都有4種選擇, 又有冷麵, 味道好, 特別三文魚是腩位, 所以爽口, 而且厚切唔錯.
甜品: 每樣都造得少少的, 所以可以試多幾個款. 有個栗米芝士蛋糕, 幾特別, 之前未食過. 另有個風糖香蕉甜品(唔知咩名) , 真係好好味.
水果: 有西瓜, 哈蜜瓜, 士多啤梨, 蜜瓜, 菠蘿, 有選擇唔錯.

以$280/位 既晚餐, 算是物超所值, SO GOOD!

尋晚放完狗, 同朋友一行4人去食海鮮, 見到全記話自己係米之連推介既食府, 之前食黎食去都係通記, 就試下其他啦~ 貪佢近海又靜d.
4人order 左個4人餐, 5道菜(海鮮)另加一個時菜, 免加一再送糖水=$695, 睇起上黎好似好抵食啦~ 咁就order 左:
白灼海蝦: size 唔大, 而且係養既平價基圍蝦, 而非餐牌中說的海蝦. 食5隻有2隻d 肉係"梅"的. 真係好似覺得我地呢d 客人未食過咩叫"海蝦" 咁.
豉椒炒蜆：個汁太濃, 而且蜆勁細粒, 好似我手指公隻指甲咁細.
椒鹽瀨尿蝦: 蝦肉係"梅"的, 而佢既"椒鹽"好似公仔麵既味粉 / 五咪粉, 一d 椒鹽feel 都無, 4個人得1隻大size 既"梅蝦"+2隻細蝦.
上湯龍蝦伊麵: 正常野. 衰在d 龍蝦肉好瘦.
椒鹽游水墨魚: 香脆, 而且墨魚唔un, 又香口. 所以唔錯.
蒜蓉菜芯: 估唔到海鮮咁唔店, 而呢個蒜蓉菜芯係最好食既~ 哈哈!
糖水: 果皮紅豆沙, 果皮味好香, 紅豆煲到起曬沙, 又唔太甜. GOOD

總結: 平均每個菜都要$120/碟, size 又唔夠, 肉又"梅" , 唔通真係唔好有期望, 才不會有失望? 服務就唔錯, 食左1小時既晚餐, 換左3次骨碟, 上菜時間都ok. 如果以海鮮為賣點, 真係好失望! 而最後既蒜蓉菜芯, 紅豆沙係最正既. 如果呢d配角才是最好, 那店主都要考慮不要再用海鮮做主打啦~ 如果希望位位客人都可以出去大魚缸選舉d 游水既貴價新鮮海產, 咁出d set 出黎又咁既質素, 咁既價錢. 真係唔會有下次(起碼我唔會有下次).

星期日同老公食個午餐, 見佢既食評好似幾好就試我地既第一次啦, 我地每人叫左一碗拉麵, 麵既size 就似茶餐, 唔太多. 前菜係"2粒"味付螺肉, 食左都唔覺飽, 都叫左可以啦~ 其實而家先係戲肉, 之前係盛八度食過"燒牛舌", 至今令我同老公都愛上呢個菜, 見佢呢d 加好似$18 有一寸, 就叫一寸試下, 等唔緊要, 最緊要係等左15 分鍾後, 食落去只係微溫(我完全係覺得佢係叮,唔係燒), 最得人驚係...佢既牛舌, 上面既"利胎"完全係番曬度, 佢地係無切走d "利胎", 中間既感覺及果種污穢的感覺.... 最後, 我老公試左一口, 我唔想浪費就只食中間.... 但真係無下次~~~

味道：咁既價錢, 叫做可以, 但連"一般" 既水平都無

環境：可能都早, 所以唔迫, 人又少, 幾舒服

服務：全部職員都係度傾計, 一於你叫佢先來

衛生：令我地有心理陰影

抵食：低既, 話曬都係日本野丫嗎.

係VTC 番完學, 比"女王的教室之會計篇" 蹂躪過後, 真係頂唔順心中的壓力,一定要找好食的東西來平衡一下心理! 本來想去食平平地既米線, 但克街那間米線真係不及佐敦店的好食(佐敦店我由中五幫親到而家, 試過其他分店都不及那家好).行行下見到坐於對面既呢間火鍋, 天氣涼涼地, 最愛烚下烚下,2個美女叫左9碟, 一於發洩一下心中那度悶氣.

肥牛 : 好食, 但唔係勁好食.
日本黑豚肉 : 非常好食, 有4成係肉, 6成係肥, 但你咬落去係完全唔覺得肥同油既. 仲有D 好似食緊牛既感覺!
雜菜拼盤 : 乜菜都有少少, 不得不試下佢既鮮冬姑, 有半個乒乓球咁大, 而且非常厚身, 食落又有鮮姑既小小甜味! 正!
白螺片 : 烚一陣就已經OK, 無味,但好爽口!
水餃,雲吞,菜肉餃 : 好食, 我都係個愛餃之人, 佢地既餃類都食得出係新鮮既, 味道都PART 得住新蒲崗既"英記", GOOD!
栗米 : 正常野 , 甜, 無乜特別!
牛肉粒 : 唔怕死就叫啦, 又UN 又肥, 好多根都咬唔開, 咬得開既又好肥, 粒粒都有放落口, 但真正放得我個落肚既只有一,兩粒(一碟有十粒度)
炸魚皮 : PART 得住以前既稻香, 不過而家既稻香已經食唔番咁好食咁薄既炸魚皮, 如果大家都LIKE 薄既炸魚皮, 可以TRY 下新蒲崗既"成記", 又薄又脆,正!

佢呢度有個好得意既現象, 就係我ORDER 一碟肥牛, 就上左兩碟, 我ORDER 冬瓜 & 冬姑, 就上左個雜菜拼盤(不過呢個DISPLAY得好靚同好好食), 無叫鴕鳥肉又上左. 由於我地得兩個人, 所以我地都指明份量不要太多.

10點前就"話"$88 任飲任食, 10點後就$78, 我地放學到成10點, 入去TRY 下先.
汽水呀! 咩蜜呀! 果D 都係FREE 既, 湯底要另外加錢, 最平既就$58 , 但有茶介小茶等等, 我地兩人全部要加錢既野的食品都無ORDER,湯底就選最平既$58. 結帳就$288 . 每人$144以咁既食物質素, 係值得既. 因為都去過好多貴價火鍋店, 想要食到這樣的質素, 咁既價錢真係無乜可能!

上次行完山就同屋企人一齊去食呢間啦, 因為家人都在這區住了很久,都一致應為呢間粉麵貴得好食, 因為有魚卷呀這類特別選擇. 食物既質素唔洗懷疑, 真係好食既, 但因為呢次既經歷我一輩子都唔會再光顧呢間鋪(其實可能係本人心理因素問題)
一坐低係店外既桌時, 有位中年女人行過黎, 問我地食乜, 我老公佢地食開既就點左自己心頭好啦, 我第2次去就唔記得有咩選擇, 問下佢我老公點既魚卷幾多錢, 佢既回應係 " 好食既野唔洗理佢多錢啦, 好食就得ga la" (態度係有少少無太友善, 可能忙瓜) =.=" , 全家都靜呢望住我, 我真係說不出聲, 唔知你有呢個感覺, 但我就覺得我想知道有咩選擇同幾多錢姐, 咁都唔得? 好食既就唔理幾多錢, 咁唔去食鮑魚?之後我就走左, 我既家人食完先走, 從此我同我既家人未再光顧這家老店!
我覺得做人無要求, 同條咸魚係無分別既, 食物好食, 但服務咁差, 都會係生意下滑的其中一個原因! 一碗麵都講緊19 元, 唔平ga!

呢間係我同老公既消夜好去處, 因為我老公係呢區大, 佢話佢讀書時已經光顧呢間, 我老公皮膚雖然差, 但佢有時想食消夜, 都忍唔住會係度叫番個淨牛丸食, 全因為佢係手打牛丸, 入面有d 根, 有d好似黑胡椒. 都幾好食ga .
萬中無一既一次係食食下入面有d 好似焦既黑面沙粒, 果粒都有成1/4 粒牛丸咁大ga. 只有呢一次姐, 之後食過咁多次, 都keep 到水準, 所以話佢貴都係值得既.

人家話富不過3代, 係香港地好易就出現呢個情況.原因係前人做好左個品牌 / 食店, 而後人都"估"無人知道佢地用左比以前質素差左幾級既食材, 又"估"客人係蒙喳喳唔識分既, 咪出現生意下滑情況囉!
因為家住新蒲崗, 以前一到假日呀, 都會黎呢間都幾平民化而又好食,低食既日本餐廳食下野, 午餐晚餐, 基本上一星期都必會來一次, 直至佢地既質素轉差而一直都而家都無再光顧了.
質素轉差 有以下幾點 :
1. 食物既size 細左, 以前同老公未結婚前, 係度叫左about 148 既2 人餐, 真係好食到好滿足先走ga, 但之後佢地踏入裝修前既2 人餐, 食完都仲可以去食糖水.好似抄烏冬, 轉左個碟, 就連入面既份量都少左 1/5.
2. 就以三文魚壽司為例, 短左及薄左, 其實一食就已經知道, d 飯散及少少硬身.以前食既時候, 我可以包到好似"花之戀" 咁先食.
3. 一d 少人點既菜, 好似唔係好識整咁(本人覺得), 因為之前叫左一次炸雪羔, 入面咩都有, 有斷開既百力支, 又有好似m & m, 又好似有d 朱古力碎, 一般我食過既炸雪羔都會用麵包屑包面, 佢地好似用炸漿包在外層. 感覺怪怪的.

有d 野就真係完全無變差既係 :
1. 服務員既態度, 因為一直都係好似同個個客都好frd 咁, 所以禮貌一直都無.
2. 空調滴水, 因為無位都叫客人坐住先, 好心啦, 5 次去, 3次都滴水就真係整整佢啦.
3. 非常支持以前有個人咁講, 係佢地講野, 口水四飛既情況不時出現, 唔洗叫你地載口罩咁嚴重, 不過都要照顧一下食客感受!
4. 蟹子沙拉, 依舊好好味又清甜.

說真的, 當你抱著睇完咁好正既食評既心態去食, 多會少少失望, 但你本著一間普通既日本餐廳去食, 都還可以既.

尋晚玩得好"早"先番屋企,諗住近近地就行去富豪東方酒店食午餐啦! 見咁大間酒店(話曬以前都係機場酒店),估都唔會太差瓜! 因為我是個好為食既人, 我好鍾意食, 而且我係識分好食同唔好食既, 不過一d 都唔咀叼!
睇相仲以為有海影睇, 點知落地玻璃窗外滿是竹圍及綠色網子,影觀已經no way!
最重要既食物更加唔得, 一坐底已經有人同我地"開位", 但等了幾分鍾都未有一杯清水, 咁我就出去睇下有咩飲啦, 因為都行左成十分鍾先到ga ma, 見到羅宋湯,係無選擇既情況下都拎左兩杯入去飲, 味道好淡,我老公仲話" 咁咪岩你呢d 淡口而又成日叫要健康既人囉", 我話" 我估佢無落盬就真! 最少都要比人有兩個選擇, 中湯及西湯丫, 得一個無味湯真係少左d"
之後去夾左d 不同既沙拉, 有小龍蝦沙拉,雜菜沙拉,薯仔沙拉及蘋果沙拉, 呢間酒店d 青色既食物都有一陣青草味,我老公話覺得自己有d 似牛, 所以佢最接受既係可以在茶餐廳都食到既蘋果沙拉.我就覺得其實d 汁都真係幾好, 但d 菜真係有陣草味.
壽司同刺身就唔好睇同唔好食, 個睇好似超市入面$10 for 3 果d. 根本上都係無咩味, 但個日本冷麵係幾好食喎, 好香既芝麻味ga! 仲有d 冷盤, 白雲鳳爪唔甜唔酸又唔辣仲有骨, 有d泰式及韓式冷盤都係d 味好淡. 有d 酸瓜簡直令我留下陰影. 蓮偶片又爽個味有少少辣,少少酸, 好味.
d 肉類只有2 款, 一款係咖哩牛粒, 無咩特別, 都唔太差, 另一係果d 好大舊肉, 你要就cut一片比你果d , 好un. 我用刀係cut 唔開既. 香草海鮮意粉好多白草都幾好味, 但就完全搵唔到海鮮既影子.
我老公最鍾意就係點心, 食左叉燒包,牛肉球及蝦仁燒賣, 佢話係最好食既.佢令佢試完全部野都想食第2次, 正常酒店既自助餐係無可能食得曬ga ma, 我地除左飯之外已經全部都試過曬, 其實選擇都唔多既.
最後既甜品, 大部份既都係moose(唔識串), 但個d cake 真係幾好食, 選擇雖然少, 但係都幾好食, 而且唔係太甜, 個朱古力cake 好有黑朱古力既少少苦澀味,好正! 如果唔係食moose 既食到厭, 其實當係一個甜品自助餐都幾好, 仲有個焦糖燉旦,好好食好滑, d 桂花羔d 味清清地而又唔太甜. 食完個口仲有少少桂花味!
由於係星期日, 我都見到好多一家大細去, d 小朋友都食得好開心! 我老公話以咁既價錢食就唔會抱咁大期望喎! 其實都唔係太平ga 喳, 每位加左一仲要有信用卡先可以有78折,每位都要$124,之前有信用卡優惠去旺角既帝京酒店都係差不多既價錢, 但真係食到係覺得"值得",而家呢度, 以咁既價錢同咁既食物, 都會覺得下次比多$40~50去帝京食.呵呵
總結 : 大部份野都係味道淡左d d, 西式及亞洲菜式都較為淡味一共大約有10款, 唔太好食都唔太差, 甜品唔太甜, 非常好! 冷盤得2款好食. 當一個甜品自助餐都ok 既!

諗住以水餃做招牌, 就一定好正啦! 食完覺得水餃就一般, 前菜反而更好, 佢個芝麻青爪既前菜, 我同我朋友係度等緊d 主菜上場之前, 食完一碟覺得幾好食就再叫多一碟食啦, 食完主菜上場就.....有d 失望. 仲要我地去食果d 都成9點幾, 個場都得兩張桌.地方又坐得幾迫.都要等好幾個字先有水餃上到桌.

前菜: 都有70分以上
水餃: 就大約有50分