i3kristy 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-10-28
但朋友話好多人排隊, 所以打消念頭... 今次見到, 又冇人WOR, 所以就心思思去試喇... 叫左最正常既豆花妹米線$19, 唔加其他送... 因為喉嚨痛唔食得辣, 所以嗌唔辣... 不過店員哥哥話要辣先好食, 不如俾BB辣啦~ 咁我心諗又係既, 撈米線一定要有少少辣先惹味... ORDER完企左係隔離等, 等左5分鐘... 仲叫左罐青檸$6, 真係幾好飲wor! 唔係好酸.. 似係咸檸水咁...我覺得好正~可惜香港未見有得賣... 米線到左賣相都唔錯, 有好多蔥花&花生, 好鍾意!!! D豆腐一片片望落去好滑, 米線係個底... 一定要撈埋哂連埋D醬, 總之所有野撈到勁樣衰咁食... 真係好好味...BB辣對於一個喉嚨痛既人來講真係岩岩好~ 蔥花好香, 花生好脆, 米線煮得好, 彈牙煙UN呀!! 粗幼岩岩好, 所以每樣野口感都唔同, 夾埋一齊真係好正~ 豆腐可能份量太少, 撈埋一齊之後佢已經消失左... 同埋得返極微量的豆腐味, 所以唔係好夠香... 但OVERALL, $19有呢個水準, 我覺得好值!!! 真係好味~
評分: 味道 3 環境 1 服務 3 衛生 2 抵食 3
2014-10-28
$39蚊兩杯中杯size, 因為有買一送一優惠~ 所以覺得抵飲... 最近天氣涼喇~~兩杯都係溫熱既, 都好重奶味, 因為係latte... french vanilla比起tiramisu會好甜, 而tiramisu果杯有濃d咖啡味... 所以又覺得french vanilla係好甜既奶, 如果唔係好鍾意飲甜野... 咁tiramisu會岩你多d喇~ 我就兩杯都鍾意飲...不過個優惠已經完左lu~ 如果冇優惠既話, 我又覺得$39一杯唔係話好好飲既咖啡, 唔係咁抵lor!
評分: 味道 3 環境 1 服務 1 衛生 1 抵食 2
2014-10-23
呢間餐館真係好近屋企, 近到我間房個窗係可以每晚望到佢... 仲要次次望都好多人, 本地人啦~遊客啦~ 都好肯等位... 心諗...唔通真係好好食?! 於是搵日又去食下, BOOK左位夜晚8點4位... 好準時去到, 安排左位置, 冷氣都幾凍, 一定要帶SCARF或者外套... 坐得到幾迫...唔係好舒服...不過食物水準先係首要條件... 未坐低就先ORDER左半隻片皮鴨... 冷盤要左豬耳, 菜要左木耳津白, 仲有炆豬手豬腳, 牛肉餡餅兩件(4個人SHARE), 甜品有拔絲蘋果... 隻片皮鴨好瘦, 鴨皮好脆, 肉味濃, 有咬口, 估唔到半隻份量咁多... 真係好好食!!! 配料及醬料份量好充足, 可以包到10幾份架~ 薄餅唔夠薄身..不過溫度微暖, 帶軟軟手感, 同埋都有12塊, 4個人食岩岩好~ 豬耳冷盤, 辣得過份, 同埋豬耳份量太少,D伴菜好多, 不過個味道真係好正!!! 木耳津白聽落去好似比較清淡, 但係太多油喇...所以要傾斜個碟漏返D油落底.. 炆豬手豬腳好正...夠乾淨, 唔會見到D毛係皮上面, 都清潔都幾好... 同埋炆得夠淋夠入味...可惜份量唔係好夠, 可能太好味喇唔夠食... 牛肉餡餅唔熱, 所以扣左少少分, 唔夠之前食清真菜果D肉味咁濃...所以唔推!!! 其實呢間餐館D野食我想俾哈哈笑既, 因為水準係above average架... 但係點解我end up會俾OK呢...係因為個甜品: 拔絲蘋果, 摧左3次, 等左30分鐘... 係食完所有主菜, 侍應收埋哂D碗碟, 之後等左足足30分鐘先來...OMG... 第二次摧既時候本來話想取消架~ 不過佢話師傅岩岩整緊...岩岩?!?!?!搞錯.. 咁算啦...等囉...但係等左30分鐘之後既拔絲蘋果, 係唔好食架...唔係拔絲wor~ 純粹係d糖包住舊暖既蘋果...thats it...我地4個都食唔到出面既拔絲... 食左裡面舊暖既蘋果就算喇....好失望...埋單400幾蚊, 都幾抵食既~~~ 我好推介呢間餐廳d小菜, 真係好有東北風味...但唔推介甜品&餡餅...真係麻麻地...
評分: 味道 4 環境 1 服務 1 衛生 1 抵食 3
2014-10-17
唯一係EURO GOGO叫做少D人, 不過都要等...等左15分鐘先有位... D service都好慢, 因為侍應比平日反而仲少左...都好奇怪.. order左一杯lemonade同埋杏仁香草意粉... 一開頭覺得杏仁同意粉唔會夾到...不過又覺得好健康... 所以就order左試下...等左差唔多15分鐘, 杯野飲先到... 飲左1/3之後,意粉都未來, 催左兩次, 杯野飲差不多飲哂.. 個意粉終於來左...賣相都幾靚, 同埋有驚喜wor, 唔難食... 味道係非常健康ge, 個意粉有olive oil未, 香草味反而冇乜... d杏仁份量都幾多, 差唔多有廿粒, roast過既所以幾脆幾香口... 杯lemonade夠凍, 重檸檬味, 好飲過d荔枝茶&桃茶啦~~~ 因為lemonade唔會太甜...係多冰左少少,, 飲到有d頭痛... 總括來講, 我估唔到杏仁同意粉會夾到, 個意粉都爽口, 唔係淋架~ 如果你地都想食得健康d, 我都推介呢個意粉...好似30幾蚊, 都幾抵~
評分: 味道 3 環境 1 服務 1 衛生 2 抵食 2
2014-10-17
咁見有得平, 又諗唔到附近有咩好食, 所以咪去下... 反正都有3-4個月冇幫襯了...因為貪佢冇乜人,冷氣又夠... 因為間野太少人, 所以侍應都唔會成日黑面... 入去之前先問左侍應有冇8折, 佢話有, 話埋單幫我地減返有8折.. 心諗, 原來個8折係可以即時用, 咁緊係開心啦...就去搵位坐了... 嗌完野食之後, 甜蝦, 三文魚腩刺身, 仲有個雙飯set... 有鰻魚飯&牛肉飯, 配兩杯乳酸梳打, 仲有兩件火灸三文魚sushi... 甜蝦, 係細隻果d, 都係連鎖店水準, 唔會話好新鮮, 又唔會好夠凍.. 但係唔腥la, 唔難食...三文魚腩係夠肥, 不過切薄片就失去爽口感覺... 其實刺身唔夠凍, 就算幾新鮮都係覺得差咁d野... 好彩佢唔貴... 火灸三文魚壽司就好多洋蔥係面頭, 同埋好多沙律醬... 所以食落口冇左三文魚味, 只有無限既洋蔥&沙律醬味道... d壽司飯仲係熱熱地...好奇怪...佢又唔係好難食, 不過就係唔好食.. 果兩個飯, 我會覺得牛肉飯好味過鰻魚飯, 因為舊鰻魚實實地, 唔滑, 個汁都索唔到, 同埋d蛋絲好鞋, 鮮黃色ga wor..好誇張... 反而牛肉飯有驚喜, 仲好味過吉野家牛肉飯, 當然份量少好多啦... 不過佢個牛肉汁幾香, d飯都係一粒粒唔會痴埋一舊舊, 價錢又抵... 可惜比錢既時候, 個侍應話唔用得8折coupon, 又冇即時8折... 我心諗, 咁係邊個send個sms俾我?! 同埋入舖頭未坐低另外個侍應話得ga ma.. 其實佢地究竟邊個岩邊個錯? 搞到我好混亂, 佢地自己都好似唔清楚件事咁... 最後, 我失望既係, 又冇即時8折, 更加冇8折coupon, 好似俾人呃左入去食野咁... 希望餐廳會train下d員工, 令佢地會清楚究竟幾時會有優惠幾時冇啦... 唔好再同食客們引起咁多誤會...佢地d服務真係又亂又差....
評分: 味道 2 環境 2 服務 1 衛生 2 抵食 2
|