華園餃子館 (長沙灣)

果頭附近來來去去都係果幾間餐廳, 見到佢無咩人我又有bb車,
咪入去搵食啦, 都未行入門口. 點知聲大夾惡女人係到話呢到要出入貨,
bb車放係門口啦無人偷妳架 ok無問題我都打算放係門口,
叫咗2個餃子 (素菜餃子$19/ 芹香豬肉餃子$19), 又無咩人等咗好鬼耐.
2大碟每碟10隻餃子, 望落去好厚皮吓, 食落真係好厚皮.
但係成隻食肉汁好多幾好味, 再來一隻咬開一半原來原來頂多油爆出來囉 ~
芹香真係好味, 不過都係皮厚 ~ 無湯浸住餃子食到尾又凍又硬.
成間鋪鋪面得一個女人, 仲要係到睇住馬經, 態度都唔好架啦,
服務又差, 人客走咗都唔收拾張枱, 要有客入到來先去收拾,
人客叫食物問多句都煩咁款, 環境清潔真係一般, 去一次都夠哂 ~

Rome Italian Café (元朗)

舊友聚會當然要搵間似樣少少餐廳, 元朗除咗得幾間大集團都無咩邊間可以坐的舒服 不過最近開咗間法國餐廳, 感覺都幾好 ~ 7點去到已經坐咗3部1, 不過最衰唔係梳化位, 唔係更加好, 坐落後翻了無數次menu 都唔知食咩好, set dinner都幾貴下架 $128 - $238 不等, 但見到門口個牌有個晚餐 $78元, 但係入到去又無比呢個menu我地睇, 最後我地散叫咗幾個菜. order完之後送上一籃蒜蓉包, 我個人覺得幾好味 等咗5分鐘後

煙三文魚海撤沙律 - 汁好味, 菜好甜, 第一次食都覺好好味

鮮蜆肉意大利粉 - 個汁好鮮甜, 蜆肉都有10多大粒, 不過意粉有點硬

意大利雲吞 - 酸酸地, 雲吞餡食唔出係咩

咖哩大蝦海鮮pizza - 餅底轉了咖哩醬有點咸, 食唔出咖哩味, 蝦過咗火, 皮邊係脆脆地幾好味

3個人都食唔哂, 仲要打包幾件pizza

咁食法好似平過叫set : 不過因為係高級餐廳, 講野唔可以咁大聲 3個女人就唔好去, 唔係比人眼望望

大力齋廚 (元朗)

交通廣場地下舊鋪上海料理, 而家轉咗大力齋廚, 門口有張紙寫住8-9月份有9折 見佢有梳化位入去試吓啦, 都幾多人食喎, 不過冷氣好似唔係幾夠咁, 眼見佢開著幾把風扇. 茶位 : $5個架, 飲滾水同茶都要收架 ~ 週六日就要加一服務.

個餐牌實在太多嘢食, 3個大人睇咗好耐點咗幾個小菜.

① 齋鹵味 $18　(OK, 出面街買一樣)

② 金牌砂薑鹽焗雞 $66 (本身我唔係食齋, 仲以為真係平時食果D雞, 見到碟嘢我都即時問呢碟係咩, 先知係鹽焗雞, 真係大香理) 佢有沙薑汁連雞一齊食, 又真係幾似, 賣相唔掂味道OK, 仲大量菜心塾底.

③ 上湯浸時菜(選 : 菜芯) $37 (夠哂份量呀, 成晚食菜, 上湯浸到D菜好甜, 幾好味) 知道鹽焗雞有菜塾底就唔叫啦 *選 : 西蘭花加$5

④ 糖醋魚 $55 將件無骨魚炸咗上面甜酸汁, 都OK酸酸甜甜咁 (見到個樣先知自己叫錯咗, 我想食係有條炸魚有D酸汁係上面, 果隻原來叫伍柳黃花魚, 下次一定要試吓)

⑤ 粟米魚肚羹 $33 (碗) 原來都幾大碗3個人都可以有2碗仔飲, 味道OK

⑥ 紅豆糖水 (送) 不過唔知係唔係尾聲, 只有水無咩豆. 麻麻地

原本想叫羅白糕, 好彩賣哂. 因為實在太胞啦. 下次要試下先 ~
9折唔洗加一埋單好似係 : $205

鴻樓餐廳 (屯門)

係屯門碼頭想搵間餐廳食吓飯, 來來去去都係得幾間, 原來隔來屋苑兆禧商場前一手係OK位置, 而家開咗間餐廳, 見佢有梳化位入去試吓啦. 價錢都合理. 不過唔知佢係食咩菜, 又有中菜又有台灣菜, 又有上海野食 ~

5個人(3大2細) order 咗 ~
1. 獅子頭客飯 $3x (唔抵食, 得4粒肉仔用西蘭花圍邊)
2. 鴻樓雞煲 $4x (是日推介 ~ 味濃野味~ 但無咩雞有好多蒜頭)
3. 鹵水拼盤 (有旦, 有豬肉粒, 有雞賢, 雞翼) 個汁好濃幾好味
4. 香蕉蘇 (內有紅豆餡) 無咩蕉味
5. 原味薄餅 (麻麻)
6. 炸雲吞 (8粒 ~ 餡有少少肉) 個汁好似沙律
7. 小龍包 (4粒 ~ 皮好硬 ~ 麻麻)
8. 燙菜 (菜心 ~ 上面有d肉碎)
9. 雞扒烏冬 (超耐 ~ 吹咗幾次先來到 ~ 都食完一半餸)
全部 : $ 268

角落餐廳 (屯門)

成個屯門碼頭都無一間食鐵板, 次次都要去市中心, 無理頭有一日行經啟豐商場由頭行到尾, 發現到有間餐廳食鐵板, 第2日中午去試吓啦 ~ 點知平平無奇既餐廳既然有驚喜. 中午都有鐵板食 30幾元都ok啦 ~ 有湯有飲品送, 又唔洗加一喎, 我柯打咗個鴛鴦扒, 不過照燒汁, 要另外煮要加多2元 (黑椒, 蒜蓉唔洗加錢), 埋單 : $37 + $2 = $39, 跟餐要咗意粉原來係天使面, 唔彩下次都會再去 ~ 不過個汁帶d咸....下次要叫佢唔好咁重手 !