為食廚房 (元朗)

之前朋友搬左附近新大型屋苑後，有時放工經過呢個店舖都好多人食，所以帶我地試下。呢間店舖以大排檔型式經營，所以需響露天地方食，需我地幾個就點了以下菜式:

原隻胡椒雞煲: 全隻雞唔斬放落個煲到，用料十足，個味都好好食，食個陣需要用剪刀剪黎食，好香好正~~



本地肥牛:好香牛肉味，唔錯



鮮蝦雲吞:都幾大粒，用料足，都唔錯



炸響鈴:同街買無咩分別



咸魚煎肉餅:好好食，夠晒咸香味，煎到好香脆



整體黎講，正係個雞煲都物有所值，如閣下唔介意大排檔格局，值得一試

緣來素食 (元朗)

最近朋友腸胃不太好，同事曾介紹呢間新式齋館小菜好好食，所以特意訂檯試一試

店舖面積比較細，枱與枱之間距離好貼近，所以比較逼及狹窄，不過唔緊要，為左食好野在所不計，我地最終點了以下菜式：
蟲草花燉原隻椰皇：味道好鮮甜，吸收晒椰皇本身香甜味，內饀除蟲草花外，仲有雜菇，用料足，值得推介北京片皮鴨（6個掛包）：用菇片做鴨肉，加青瓜條及醬汁用掛包夾住嚟食，味道唔錯 酥炸生蠔：個脆漿好香脆，內餡用雜菇製成，好好味，正！！ 原隻南瓜黑松露焗飯：原個南瓜做盅，好多南瓜茸，內有少少齋魚肉，所以味道好香濃 雜齋拼盤：今個月餐館推介，只需點滿小菜$100，加$1便可以換雜齋併盤，非常超值呢間餐館菜式新穎，打破一貫齋館既形象，味道尚算菜式，但唯一缺點某些職員服務態度欠佳，因為可能人多關係，上菜速度本身唔算太快，所以坐左一個鐘，每樣小菜只食了大約一半，侍應就問我地仲要唔要？？令我地好愕然！！當食到七成左右，有位侍應不停響我地附近話出面有客嫌等得耐，初時我地聽落不以為然，後尾佢同其他侍應講，話睇落我地實食唔落，快d執野啦，我地聽落好尷尬，最衰就係手指指，真係幾唔開心，前後最終只坐接近兩小時，雖然明白你地想做多一枱客人既心情，但都要尊重現有客人，再唔係可以效仿其他餐廳做法，預先跟客人講聲限食一個半至兩小時，不過無客等可以坐耐d,起碼等客人有個預算，希望餐廳作出改進啦！

芭堤雅泰國餐館 (元朗)

芭堤雅泰國菜響元朗開左唔係好耐， 餐廳位置就響祖凡尼旁邊，所以由元朗西鐵站行過去會方便d。之前經過曾想walk in試下，好可惜滿座需訂位，所以今次決定提早訂位試下呢間餐廳。

入到餐廳，雖然地方比較細，但座位之間不會太逼，樓底亦好高，環境舒適，而我地六個人就點了以下菜式：

泰式酸辣鳳爪：好好味，酸辣味道好夾 泰式鮮蝦金柚沙律：好好食，內落了椰糖及花生，值得一讚 紅咖哩鴨：味道OK 泰式咖哩炒肉蟹：味道幾好，不過隻蟹無咩肉 正宗泰式冬陰功湯 :味道好正宗，用料足，夠香濃，一定要試蒜蓉包 : 味道OK
烤薄餅：味道OK 清邁生菜包：味道香濃，應該加左魚露及魚崧，如果齋食就好咸，用生菜包住食就啱啱好，正 泰式家鄉雞：味道好惹味，唔會太辣
泰式炒雜菜：味道OK雖然價錢方面比一般泰國餐廳貴少少，但用料足，味道亦算正宗，大部份既菜式都好好味，侍應服務亦好殷勤有禮，下次一定會再去幫襯^^~~~

金坊泰國美食 (荃灣)

自從上星期我前經理帶我同師姐黎呢間分店慶祝生日後，我就念念不忘，本身總店亦於荃灣區，不過試過一次後就無再去，因為地方真係好逼及食物質素麻麻，但開左此分店後，經理話呢度泰菜好正，所以今次中學好友聚餐特意揀番呢間分店食飯，所以亦將兩日聚餐評價資料一次分享予各位識食之人

此分店設於美食城三樓，前身係小肥豬火煱，所以餐廳地方夠大夠寬敞，環境唔錯，最近兩次點了以下菜式：

生蝦（$92 ）：生蝦好新鮮及爽口，個汁都好正青檸汁燒豬頸肉（$88）：兩次聚餐都有點呢個豬頸肉，因為廚師先將豬頸肉燒香，然後淋上青檸酸辣汁，味道好香，一定要試 海南雞飯 （$54 ）：飯有雞油香味，雞肉亦好嫩滑，正
馬來盞炒雜菜 （$61）：個味夠香濃，好好食伯靚咖哩（豬）（$76）：味道同普通咖哩無太大分別，只是偏甜，味道一般炸皮蛋球（$64）：味道普通
蒜蓉包 （ $36）：好香牛油蒜蓉味，法包夠香脆，醮上咖哩汁仲正冬陰公海鮮湯（$68）：味道偏淡，可能落多左花奶，所以味道唔夠香燒魷魚（$84）：味道OK
香葉肉碎炒飯($62) : 個飯炒到好乾身好香，少少辣，好好食咖哩炒軟殼蟹：絕對適合我呢種懶人，因為可以唔駛搣殼就咁食，個咖哩汁可以醮薄餅或蒜蓉包食整體黎講價錢都算ok,因為說算叫左好多野食及飲品，平均每次大概每位$200左右，不過建議各位一定提早要訂檯，因為太多人排隊等位食喇

Quinn Restaurant & Lounge (元朗)

每次經過呢間餐廳，都會被餐廳紫色裝潢吸引住，咁啱朋友試過話食物質素ok,所以今次特意黎幫襯。

入到餐廳，餐廳裝潢很有格調，主色以紫色為主，不過餐廳播放既音樂既然以日韓輕快歌曲為主，幸好今次與一班朋友聚會，所以歌曲對我們黎講是次要



先講蒜蓉包 ，個包份量大約掌心既size,不過可能由於hand made關係，侍應話需三個人享用一個包，雖然個包充滿蒜蓉香味，值得一讚，不過對於安排感到奇怪



是日餐湯方面，今晚餐湯是南瓜湯，味道非常香濃，內有香料及烘焙過的麵包碎，並品嚐到少少檸檬清香，非常好飲



前菜方面，有碳燒菠蘿雞肉沙律配雪梨酒蜜糖汁及蒔蘿醃三文魚配雜沙律選擇。前者雞肉比較“鞋”，味道麻麻；後者醃三文魚味道適中。



主菜方面，黑菌大蝦配蕃茄及蘆筍+意粉以白汁配黑菌煮個汁，大蝦亦非常新鮮及爽口，味道唔錯



主菜燒烤汁燴豬肋骨及薯茸雜菜方面，個燒烤汁好香濃，豬肋骨唔韌，好好食



主菜石頭燒美國黑毛豬T骨配薯皮雜菜方面令我感到有點失望，因正常黑毛豬肉質會比較爽口，但呢塊既質感有點似厚切豬柳，雖然醬汁好香，但食落麻麻



甜品方面是咖啡奶凍，好香咖啡味，好creamy,味道ok