Yui Tsukimura 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-07-12
之前朋友搬左附近新大型屋苑後,有時放工經過呢個店舖都好多人食,所以帶我地試下。呢間店舖以大排檔型式經營,所以需響露天地方食,需我地幾個就點了以下菜式: 原隻胡椒雞煲: 全隻雞唔斬放落個煲到,用料十足,個味都好好食,食個陣需要用剪刀剪黎食,好香好正~~ 本地肥牛:好香牛肉味,唔錯 鮮蝦雲吞:都幾大粒,用料足,都唔錯 炸響鈴:同街買無咩分別 咸魚煎肉餅:好好食,夠晒咸香味,煎到好香脆 整體黎講,正係個雞煲都物有所值,如閣下唔介意大排檔格局,值得一試 推介美食: 咸魚煎肉餅,胡椒雞煲
評分: 味道 4 環境 2 服務 3 衛生 2 抵食 4
2014-06-22
最近朋友腸胃不太好,同事曾介紹呢間新式齋館小菜好好食,所以特意訂檯試一試 店舖面積比較細,枱與枱之間距離好貼近,所以比較逼及狹窄,不過唔緊要,為左食好野在所不計,我地最終點了以下菜式: 蟲草花燉原隻椰皇:味道好鮮甜,吸收晒椰皇本身香甜味,內饀除蟲草花外,仲有雜菇,用料足,值得推介 推介美食: 原隻南瓜黑松露焗飯,蟲草花燉原隻椰皇,酥炸生蠔
評分: 味道 4 環境 3 服務 2 衛生 3 抵食 4
2014-06-22
芭堤雅泰國菜響元朗開左唔係好耐, 餐廳位置就響祖凡尼旁邊,所以由元朗西鐵站行過去會方便d。之前經過曾想walk in試下,好可惜滿座需訂位,所以今次決定提早訂位試下呢間餐廳。 入到餐廳,雖然地方比較細,但座位之間不會太逼,樓底亦好高,環境舒適,而我地六個人就點了以下菜式: 泰式酸辣鳳爪:好好味,酸辣味道好夾 烤薄餅:味道OK 泰式炒雜菜:味道OK
評分: 味道 4 環境 4 服務 4 衛生 4 抵食 3
2014-06-22
自從上星期我前經理帶我同師姐黎呢間分店慶祝生日後,我就念念不忘,本身總店亦於荃灣區,不過試過一次後就無再去,因為地方真係好逼及食物質素麻麻,但開左此分店後,經理話呢度泰菜好正,所以今次中學好友聚餐特意揀番呢間分店食飯,所以亦將兩日聚餐評價資料一次分享予各位識食之人 此分店設於美食城三樓,前身係小肥豬火煱,所以餐廳地方夠大夠寬敞,環境唔錯,最近兩次點了以下菜式: 生蝦($92 ):生蝦好新鮮及爽口,個汁都好正 馬來盞炒雜菜 ($61):個味夠香濃,好好食 蒜蓉包 ( $36):好香牛油蒜蓉味,法包夠香脆,醮上咖哩汁仲正 香葉肉碎炒飯($62) : 個飯炒到好乾身好香,少少辣,好好食 推介美食: 青檸汁燒豬頸肉,香葉肉碎炒飯
評分: 味道 4 環境 4 服務 4 衛生 4 抵食 4
2014-05-16
每次經過呢間餐廳,都會被餐廳紫色裝潢吸引住,咁啱朋友試過話食物質素ok,所以今次特意黎幫襯。 入到餐廳,餐廳裝潢很有格調,主色以紫色為主,不過餐廳播放既音樂既然以日韓輕快歌曲為主,幸好今次與一班朋友聚會,所以歌曲對我們黎講是次要 先講蒜蓉包 ,個包份量大約掌心既size,不過可能由於hand made關係,侍應話需三個人享用一個包,雖然個包充滿蒜蓉香味,值得一讚,不過對於安排感到奇怪 是日餐湯方面,今晚餐湯是南瓜湯,味道非常香濃,內有香料及烘焙過的麵包碎,並品嚐到少少檸檬清香,非常好飲 前菜方面,有碳燒菠蘿雞肉沙律配雪梨酒蜜糖汁及蒔蘿醃三文魚配雜沙律選擇。前者雞肉比較“鞋”,味道麻麻;後者醃三文魚味道適中。 主菜方面,黑菌大蝦配蕃茄及蘆筍+意粉以白汁配黑菌煮個汁,大蝦亦非常新鮮及爽口,味道唔錯 主菜燒烤汁燴豬肋骨及薯茸雜菜方面,個燒烤汁好香濃,豬肋骨唔韌,好好食 主菜石頭燒美國黑毛豬T骨配薯皮雜菜方面令我感到有點失望,因正常黑毛豬肉質會比較爽口,但呢塊既質感有點似厚切豬柳,雖然醬汁好香,但食落麻麻 甜品方面是咖啡奶凍,好香咖啡味,好creamy,味道ok
評分: 味道 3 環境 5 服務 3 衛生 4 抵食 3
|