大班Friends (藍田)

藍田晚餐其中一個的好地方,我會選 ♥ 大班Friends ♥
當PIZZA HUT/壽司/米線通通不想吃,或是厭了想吃點米飯的時候, 大班Friends 就可以吃到中式的家食便飯.地方寬敞, 時常滿座的. 職員人很好和細心, 即使是碟頭飯,也會為你下單時做點功夫,把汁送和飯分開. 小妹很欣賞**

是日晚餐我點了魷魚蒸肉餅飯,配上西湯(羅宋湯) $34

飯的份量很多, 下次可叫少飯,以免浪費

羅宋湯內的配料很足, 味道酸酸甜甜,不會過酸, 味道剛好.
配料有蘿蔔,菜,薯仔等, 開胃醒神

魷魚蒸肉餅一整碟份量也是很多. 魷魚新鮮,肉餅厚度較簿身, 如厚身點相信口感會更好.
肉餅則吃不出新鮮肉味道, 不過不失, 口感略欠.

爸爸點的是鮮茄班腩飯 $34

新鮮蓄茄,爸爸吃的好開胃!整碟飯也吃掉! 班腩量多,粉漿不厚, 口感有彈性,亦有魚肉感.味道很不錯!!

爸爸選了跟中湯,另加一大碗中湯$10. 這裡的中湯標榜不加味精, 我只覺得很好喝! 一大一小湯最後也喝光!!
是晚的中湯是西洋菜湯, 清甜,喝後也不覺需要再飲水! 不錯的湯水*

丸亀製麵 (尖沙咀)

Mr. Li 又黎搵我午餐啦~~

唔知食咩好就去左ISQUARE啦~~
打算去山頭火食拉麵~好! 上6/F , 點知佢隔離有間丸龜製麵, 食烏冬既我地就改左呢間黎試試啦^~^

自助形式,流程如下:::::
先係點餐位度同師傅講要咩麵(加多個咩配料e.g:蛋都可以講埋)
->向右移:等師傅煮麵出俾你(非常快,2-3幾分鐘)
->向右移:有一堆天婦羅,炸物俾你揀~$6-$12到
->向右移:有一堆手卷飯團俾你揀
->俾錢位 (有意見書,筆俾你拎, 小妹就拎左啦,食完可以俾d意見佢地)
->向右移:上有拎紙巾筷子匙更, 下有蔥,薑,五味粉任加 (1) 小妹見到d人一樽樽五味粉拎埋位,個人做法係係呢個位打開蓋,自己加左幾多先! 唔使後面d人可能無得用! 大概5枝放係度; 2) 向右行前小小都有一set 蔥,薑,五味粉,所以唔使逼係收銀到)
->轉彎向右移: 要水可自己倒水飲
=>之後就搵位啦!

d位都幾多既, 唔放心既,可以叩朋友搵定位先. 小妹同Mr.Li 拎好哂野就坐低啦(好多位)

食物方面:
小妹叫左 S3?(豬肉蛋烏冬)(中) Mr. Li 就叫左牛肉牛旁烏冬(大,另加流心玉子) , 另加一客魷魚蘇同炸雞4粒,
中size(200g) $35 ,大size(300g) $40,

共食左$105, 好抵!!!xD 因為超飽!
我見其他OL 好多就咁叫玉子烏冬,另多加天婦羅食~~

食物方面:
先講下小妹的豬肉蛋烏冬~
美中不足係~豬肉片好碎的, 不過份量多,而且 醬汁味濃, (送飯一流個種), 真係好好食, 而口感較為硬身不是偏腍. 我對個汁好欣賞xd
烏冬嚼起來有口感,不太軟不太硬, 滿意的,而且份量真多. 食完好飽! 中size 200 g
小食方面: 炸魷魚蘇~ 敗筆係唔夠熱!! 炸野唔夠熱真係爭d, 可能我拎個陣得返少少啦~因為我見cfu 都keep 住炸緊,食唔到剛出既組~~ 粉漿有點厚, 魷魚蘇幾鮮味xp

Mr. Li
牛肉牛旁烏冬(大,另加流心玉子)
流心蛋真係做得好好! 係咁滴d蛋黃, 好正!
牛旁Mr.Li 唔食既~
牛肉醬鮮甜過豬肉片個個, 豬肉片係濃味多.
小食方面: 炸雞一客4粒, 不過不失啦~~好夠熱, 雞肉實淨有汁,大家都可以試

最後,交埋個意見書就走啦

1. 職員親切,有問題樂意解答

2. 天婦羅選擇多!下次會再試飯團!!

3. 沒有GARLIC, 炸物方面沒有軟X蟹,也沒有鰻魚,飯類得一個選擇:咖哩牛肉飯.

4. 對這店感到好滿意!所以我會再來架!!

5. 食滿$88, 送左個座檯月曆比我tim xP

海洋超級漁港 (深海龍躉專門店) (佐敦)

這篇是小妹第2篇食評,加油加油! 今次已經唔係同Mr. Li 食啦

昨晚來到佐敦的海洋超級漁港試菜
A 出口直行就是了,上三樓~~同幢的有日泰郎等等食店~

時間大概是晚上十時多....宵夜!! 要吃點東西補充體力,heehee.

餐廳裝潢:
地方格局和酒樓一樣, 地方少但絕不狹窄,
光鮮,乾淨, 人手足夠!
一個長方形廳, 有三間廂房可打馬吊, 有個半圓小舞台可坐兩席,旁邊是大玻璃,面向街景.

我們四人的宵夜:

前菜的花生都好吃,轉眼就吃光了

共點了四個小菜.

1)黃金豆腐拼九肚魚 ( $38?/$48?)
椒鹽豆腐九肚魚,金脆可口,非常好吃, 大家來可以試試!!
即叫即整吧! 又熱又脆, 豆腐小小的一粒粒,非常非常好吃 (我和家人都覺得,送酒一流!)
九肚魚很新解,肉嫩的.good!

可以跟大家說份量很多!!

2)南乳脆皮雞 ($48半隻)

南乳醬是另上的, 我只吃了兩小件,因為很快被家人掃清了.=_=""
我吃的就肉質不會太實,就是有剛好的感覺.
由於我到最後才吃,所以皮的部分有點脆又開始有點淋了. 味道還好.

3)芝士蝦球麵 (幾十蚊)

可以說的是份量真的絕不欺場. 麵多醬多蝦球也超多.(10隻也有吧, 是一整個大球的!)
芝士汁香, 但我覺得較稀.(本人是芝士控!) 味道是有的,是水份多了點.
性價比來說很高.

4) garlic 粉絲蒸大蟶子 (大概$3x 一隻?)

職員很好很貼心,主動問我們要不要分碟.
好新鮮爽口的, 大蟶子size真的很大! 長度超過一隻碟的.
醬汁調得不錯,味好香! 只是粉絲略縑少~~

(下篇講下我去左附近食糖水!^v^)

等我補充幾句先

1. 地方雖然小, 但我感覺不錯-光鮮乾淨, 多幾圍一齊食已經好似包左半個廳, 我覺得幾好.

2. 9點後去是便宜點的! 汽水 $9.8 /can 就不值得叫了,其他小菜就十分十分平!! 正價小菜也不過是$4x 起~

3. 份量真的好足, 所以我說性價比高~

4.職員都很親切,態度好.

5. 正名唔太記得啦

6. 有得打邊爐的~眼看別人的食物都很新鮮:} 宵夜75%滿座^^

7. 相片晚一點UP!^^

泰閣 (尖沙咀)

這是小妹第一篇食評, 就由我公司附近新開的餐廳說起!

話說Mr. Li今天休假, 他特意跑來跟我共進午餐, 本來想到Yummy Yummy吃, 可是Mr. Li 有點遲,
小妹一時想起昨天在免費報章看到有專欄介紹中港城的"泰閣", 便到中港城吃我倆今天的午餐

P.s: 有機會再說[Yummy Yummy 篇], 不能錯過!

先說說怎樣去"泰閣"~~
本來小妹只知道是在中港城, 但去到就知道十分容易找到,非常順利!
一進中港城大門, 先上一層, 中間有條很長的電梯!, 沒錯,直接上去就對!!
上到去推開玻璃門,看看右手邊,進去就對了

餐廳裝潢:
門口有個像[就是典型那種合十雙手的女人像]
店裡的感覺很舒服, 我和Mr. Li 被領到雙人位, 看好吃什麼舉起手點菜, 待應都很快回應, 人手足夠, 而且十分有善!
店的裝飾都很有格調:]

我倆的午餐:

這裡的午餐大概$6x, 午餐選擇大概10款左右?!(記錯請更正), 有海車雞飯, 豬手飯, 喇沙, 炒飯/粉 等等.
我點了一客鮮菠蘿雞肉炒飯+ 柚子梳打[$68+$5], Mr. Li 點了豬軟骨札肉喇沙(粉)+熱奶茶 [$65] , 再加1, 共$151.8
p.s: +$5 可轉特飲, 如椰汁冰/龍眼汁, 8款左右吧?!
+$12 有西米糕/ 糯米糍

好! 看圖! 味道OK. Mr. Li 很讚這個,湯底好香, 幾乎所有湯都被喝下xP 小妹嗅到好濃的椰奶!!試了一塊豬軟骨, "淋","香",好吃! 材料有雞肉,青豆[=.=], 鮮蝦, 兩塊青瓜伴了一些肉鬆, 果仁好香我給十個讚,賣相好, 還要裝得很滿! 十分飽肚!!最後分了一半給Mr. LI 吃~~

窩心事件:
1. 鮮菠蘿炒飯上有腰果的, 放下食物的是為我們落單的待應, 他問我倆這個飯像不像米奇老鼠XD 笑了...我覺得他們願意跟客人有互動,很好啊!
2. 柚子梳打 附上了湯匙和幼飲管, 一名侍應剛剛才放下, 另一職員已發覺有異, 拿了一條粗飲管給我:] 很細心.

*****
1. 信和咭有折!! 沒記錯是免加一!
我是有申請的,不過沒帶去....[灰"]' 提提大家: 申請信和卡是免費的! 可以查查'信和之友', 還可以在生日享用一餐免費自肋餐!

2. 我看到晚餐有SET, $2XX~$3XX~$4XX~ 都很值!

3. 職員很Nice, 加一服務費是值得付的.

4. 小妹會再來的,下次試試其他再寫!e.g: 海南雞飯/椰汁冰xD

(閃)