生原創(蛋包飯) (天后)

本來話食泰國野, 朋友A係書局睇書見到蛋包飯就無啦啦想食~ 於是就轉左場黎呢度食~ 好多款蛋包飯~ 試下D得意既. 於是叫左菠菜帶子蛋包飯(白汁)同冬蔭公蛋包飯. 朋友A話要轉流心蛋先好味, 所以兩個蛋包飯都加$轉左. 除此之外仲叫左一個雜菌菜, 牛舌同雞腎. 本來話賣SAI芝士雞翼, 等左10幾分鐘後又話有最後一客, 於是要埋.黎到, 綠色的蛋包飯同正常黃色的蛋包飯, 切開後侍應就灑上紫菜粉. 若果唔係加左流心蛋(+$18), 將會只係一塊薄薄既蛋皮包住D飯. 而家加左就好豐富同好JUICY~ 先講菠菜帶子蛋包飯, 菠菜味就唔係好食到講真, 帶子硬左D, 係D蛋汁同白汁creamy 野味. 而冬蔭公, 係辣但可以再辣D, 味可以再似D冬蔭公.還記得媽媽從泰國帶番來的冬蔭公湯~ 相比之下當然係遜色了, 但D蛋真係幾滑~ 價錢方面, 菠菜帶子蛋包飯 $158同冬蔭公$128對於本人黎講絕對係唔值, 食過一次試左, 夠了.芝士雞翼$58, 炸色唔靚, 油, 同埋D雞味好奇怪, 係咪壞左? 我唔知.................所以整體感覺不良好.
今餐好味既我覺得係牛舌, IN UN, 係油左少少. 個雜菌菜都OK 啦.下次若果再黎只會試墨汁蛋包飯. 完

 

Brunch Club & Supper (銅鑼灣)

五一放假去食BRUNCH~ 因為無得訂位, 10:30到, 幸好有位. 叫了人人選的benedict with bacon $75, 仲有一杯細flat white $28.
黎到, 好吸引. 白色的蛋白上面有黃色的汁. 嚐一嚐D汁, 有D酸味. 再篤一篤隻蛋, D蛋汁流出來. 好正. 蛋本身係無味既, 加左D汁同BACON, 咸度適中. 下面既包皮(muffin?)太硬切唔到, 所以要就咁成舊咬, 個樣似麥當勞豬柳蛋漢堡塊皮, 但咬落尚算鬆脆, 唔油. 口感好豐富, D蛋汁同個包同BACON撈埋一齊食, D汁同蛋汁令到成舊野食落好舒服, 好滑同creamy, 有軟既野有硬既野有液體有固體. 無左D黃色汁口感將會失色好多.
除此之外, 個薯餅炸得幾好, 幾滋味, 唔太油, 但香同脆, 一啖呢個一啖隻蛋, 幾好.
FLAT WHITE方面, 唔錯, 有奶既咖啡對我而言先好味~
豐富~ 到6:30PM先開始覺肚餓, 果然係brunch~望到都流口水
 
 

 

望到都流口水
 
 

 

甜蜜蜜新生咖啡店 (尖沙咀)

呢間CAFE唔似其他個D, 咩時候都嘈嘈地, 又滿人.

呢間CAFE無咩人, 係HEA同懷念鄧麗君既地方.

悠閑星期日, 同爸媽去呢間度食. 其實個位不多好找, 我都係行過先知有呢間野, 話比媽媽聽.

入到去好多佢既POSTER, 但有個SCREEN係咁播佢D MV.

是日無雪中情, 所以無揀CAKE SET.

食左雜菌湯意粉, 同點左古坑咖啡, 古坑就係鄧麗君的鄉下, 試下先~咖啡一般, 炭燒味, 我自己不太喜歡苦的咖啡, 所以這不是我的茶.意粉- 比普通意粉幼, 彈牙同爽.

湯係白色, 唔濃個湯但味道濃, 所以都幾好味成個湯意粉.

找到一間有特色而有比較少人的CAFE~ 好!

金源小館 (灣仔)

訂了位, 店舖少, 得五六張桌. 還好訂了位, 去到就有位.

四個人, 眼見一餸都80 90 蚊, 於是叫了288套餐, 可揀3餸, 仲有一湯, 一菜同甜品.先黎半隻山東燒雞, 濃汁, 蒜茸超多. 同D雞一齊食超正, 不過就咁食隻雞就唔夠味, D味未入到去. 要撈埋食先好味. D肉就唔算嫩, 但口感還可以. D汁撈飯食一流. 食到停唔到口.再黎就係油浸荀殼, 好味呢個, 媽媽話呢個好難整. 佢脆, 入味而且肉嫩, 油得黎唔會食到成口油, 係上上佳作, 好開胃食到!例湯, 就係例湯就既味.到蒜茸蒸大蝦, 同樣好多蒜茸, 但始終蝦唔夠鮮味同爽, 得蒜茸味.而蒜茸菜心. 不過不失

最後的甜品豆腐花, 好滑, 清淡, 唔甜得黎又唔會無味, 適合任何人士盡情食的甜品~

所以必食推介係山東燒雞同油浸荀殼, 伴飯!

全記小店 (西貢)

玩完獨木舟, 係西貢搵食. 太肚餓啦, 行行下就黎到呢度, 有下午茶. 入去!

揀左冬陰公海鮮湯河同檀島咖啡.

檀島咖啡餅店就成日食蛋撻, 未見過有間茶餐廳可以飲檀島咖啡. 味係炭燒咖啡, 反而加奶無咁好味. 唔加令到成個香濃的咖啡炭燒味一路流於口裡.

冬陰公海鮮湯河- 海鮮料多, 蝦都有3 隻, 仲有魷魚青口~ 冬陰公D味可惜一入口唔夠濃同辣, 可以再勁D, 但殘餘留係口裡個份辣度都OK.

D河粉夠粗, 闊度同厚度都係, 唔似平時個D好薄好幼, 所以口感幾豐富.

做完運動~ E下肚真係人生一大樂事!