2515 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2015-01-08
近期天氣咁凍食乜最好,當然係打邊爐啦,如果加埋我至愛嘅海鮮就Perfect喇.一諗起食海鮮首選增輝貪佢多新奇選擇,打電話問吓有冇得打邊爐再訂埋位.真係估佢唔到係用炭爐打邊爐 太耐冇見喇重要用舊式尖頂嘅炭爐真有風味,因今次主打海鮮所以用清湯底,當然要食象拔蚌啦十分爽甜,有大大隻九節蝦肉質彈牙,另叫了小見嘅游水墨魚同我見到未見過游水 水晶蟹,蟹肉結實甜美,原本想再叫好似條魚咁大嘅瀨尿蝦,但叫咗大多嘢為有等下次啦.
評分: 味道 4 環境 4 服務 3 衛生 4 抵食 4
2012-11-20
行經荃灣有啲肚餓,頭痛食乜好,見到有間法國小廚就入去試吓! 叫咗個晚餐,間餐廳啲冷氣勁大,等緊時侍應見我左望右望,問我就未 覺凍就幫我轉位,但轉咗都係咁凍我都唔好意思出聲,之後佢留意到我 重覺凍又同我安排坐另一張枱,重俾咗杯熱水我.嘩!好細心呀. 熱辣辣嘅麵包加南瓜湯,又滑又甜,暖哂 頭盤燒帶子,帶子新鮮燒得啱啱好一啲都唔乾 再嚟燒帶子沙律 主菜焗羊架7成熟,分量不少,羊架邊加咗香草焗,焗出嚟外脆內嫩 甜品芝士蛋糕,細細件芝士味適中不錯 當日所見幾多食客點選鹹豬手,下次可試一試 地方需細,但食物質數ok,重有個小小海鮮Bar(但唔覺有客叫) 服務唔駛講啦,一流
評分: 味道 4 環境 3 服務 4 衛生 4 抵食 3
2012-08-29 同屋企人北上覓食,我哋多數嚟東寶,佢不只打邊爐重有多款刺身, 生蠔,好衛生唔怕肚仔痛. 頭盤叫咗法國生蠔好鮮甜加上海水味基本唔需要加任何醬料, 帶子海膽配蟹子,好精緻. 青瓜配芥未墨魚粒,好清新 梨子沙律,清甜沙律醬不太濃 亞拉斯加長腳蟹,肉質實,唔會有押味 象拔蚌配藍天使蝦, 鮑魚刺身,夠爽甜 三文魚刺身好肥美 火鍋底我哋選咗2款花膠魚翅煲雞同冬瓜盅 必食嘅牛佢哋都有好多款,質數都好高 響鈴同魚皮係自家即炸勁香脆 另再叫花竹蝦,雲吞,鮮鵝腸,珊瑚蚌等等 價錢俾香港平,但質數一定高過香港好多,服務員全都好有禮貌,勤力 評分: 味道 5 環境 5 服務 5 衛生 5 抵食 4
2012-08-14
特然好想食海鮮,友人介紹可去增輝一試話多選擇. 一去到即時俾海鮮缸吸引,居然見到游水嘅牡丹蝦仲要係大大隻 急凍嘅牡丹蝦大家都食過啦,游水嘅唔好話食吖,見都未見過啦. 心諗係未好貴呢?答案係超抵幾十蚊隻咋同急凍價錢差不多,唔食就傻喇. 上枱時重係咁跳,蝦身口感超爽甜,唔食蝦頭嘅我都覺蝦頭好甜,新鮮到冇人有. 生奄螄蚶好鮮又爽,個殼白雪雪好乾淨,伙計話係自家奄成個月先食得, 唔同其他食店由供應商交貨品質冇保証. 燒鵝皮脆肉嫩,唔會過肥,好入味連D骨都好正,俾起中環某名店 X記好食 好多價錢重要平成半喎! 甜品炸榴槤外脆內軟夠香甜夠滑,但緊記襯熱食正好多. 另叫咗兩個普通小菜,冇乜特別唔駛講喇. 估唔到深水埗區都有咁多驚喜,下次想食海鮮我首選增輝囉, 價錢唔貴,同埋佢地D海鮮Size係超大.
評分: 味道 5 環境 4 服務 4 衛生 4 抵食 4
|