Veron8997 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2024-04-27
室內環境偏昏暗 好有情調 寧靜舒適 今晚品嚐了兩款生蠔 南非的Saldamha Bay 肉質肥美 口感爽脆軟嫩 法國的Castle Black 蠔肉肥美 海水味豐富 蠔味充足 裙邊爽脆 米蘭式燴牛膝 配自家製薯蓉 Milano style 意思指 細火慢燉再加入澱粉 最後或會加上檸檬味或鯷魚醬作調味 牛膝肉質軟嫩 肥腴美味的骨髓更不可錯過 是這道菜的精華 和薯蓉嘅細滑好夾 而且可以中和番油膩感 墨汁海鮮細麵條 以天然墨汁做爲醬料 鮮甜可口 海鮮包括青口 帶子 魷魚 蜆 十分足料 意粉彈牙掛汁 評分: 味道 4 環境 4 服務 5 衛生 4 抵食 4
2024-04-03
好喜歡餐廳氣氛 播著k pop音樂 熱鬧非常 好岩一大班人聚餐傾計 必食推介 韓大叔醬油拼盤 一次過品嚐到幾款海鮮 鮑魚 醬油蟹 大蝦 還有溏心蛋 入味非常 鮑魚好軟身 醬油蟹香濃而不咸 啖啖精華 蝦肉質結實又富彈性 蝦頭還有滿滿橙黃色的蝦膏 鮮味至極 同時品嚐到鮮味和醬油的香氣 泡菜海鮮豆腐湯 這道湯味道酸甜香辣 有青口 鮮蝦 豆腐又香又滑 非常足料 原味炸雞 份量好多 即叫即炸 新鮮熱辣 外皮香脆 雞肉嫩滑 海鮮煎餅 配料有魷魚 蝦仁 有椰菜絲 洋蔥 加泡菜 點少少魚露同食更惹味 傳統泡菜阿朱媽炒年糕 煙煙韌韌 好有口感 小辣帶一絲甜味 整體來說 食物選擇多 環境 服務俱佳 下次一定會再帶朋友來 評分: 味道 4 環境 4 服務 5 衛生 4 抵食 5
2024-04-03
很喜歡餐廳的氛圍 真的如其名一樣 給人一種很放鬆很Chill的感覺 空間感也很夠 先來開胃前菜 日本青蘋果配蟹肉沙律 蘋果酸甜多汁 一層蟹肉一層蘋果既配搭好新鮮 秘製炭燒古巴豬肉 好食到停唔到口 連平時唔鍾意食豬肉嘅我都喜歡 豬肉超淋又入味 美國頂級斧頭扒 賣相非常吸引 鮮嫩多汁 呈粉紅色的內裏 肉質與脂肪比例適中 燒八爪魚 肉質爽口彈牙 有嚼勁 好適合佐酒同食 黃金蟹黃意粉 每啖都品嚐到濃郁的蟹黃精華 意粉火喉控制得剛剛好 甜品 芒果拿破崙 芒果香甜 酥皮又薄又脆 提拉米蘇 口感細膩順滑 評分: 味道 4 環境 4 服務 4 衛生 4 抵食 4
2024-04-03
百花齊放套餐 火鍋湯底任選 150分鐘放題 全日供應 推廣價每人只需$328 同時享用火鍋 小菜 點心 甜品 性價比爆燈! 今天湯底選擇了鴛鴦鍋 養生十全藥膳雞湯鍋 金腿蟲草花花膠雞鍋 可以先品嚐花膠雞湯 感覺很滋補 雞件保持肉嫩多汁 尊享海鮮鮮肉拼盤 份量是一次性的 按人數分配 海鮮有鮑魚 鮮蝦 帶子 花甲等等 開心小菜 驚喜之作 每一樣份量都好足 而且賣相精緻 味道高質素 推介 冰糖醬香鴨 老上海燻魚 皮蛋肉鬆豆腐 竹園油炆筍 拍蝦苗小黃瓜 四喜烤麩 手工點心 亦十分出色 選擇非常多 水準比茶樓有過之而無不及 食得出是用心製作 整體來說 環境光猛 寛敞舒適 食物不論種類 味道 擺盤都令人滿意 評分: 味道 5 環境 5 服務 4 衛生 4 抵食 5
2024-03-27
今日去探在海港城上班嘅朋友 大家都鐘情日本餐 而且好耐冇見 想搵個舒適點嘅地方用餐傾計 行行下見到鮨央泰諗住試下 估唔到咁有驚喜 下次會再來食下晚餐 最近有個期間限定 和牛廚師發辦 Lunch Set $680 沖繩水雲醋物 水雲只需加醋調味 即可成為冰涼清爽的開胃前菜 酸酸的令人食指大動 松葉蟹肉茶碗蒸配日本年糕 滿滿的蟹肉 鮮甜無比 蒸蛋很滑很香濃 刺身兩款 長崎縣赤身醬油漬吞拿魚 係經過熟成十日嘅處理 熟成可以提高魚的甜味 繼而帶出一份鮮味 仲會令魚肉的筋軟化 吃起來更軟滑 青森縣左口魚 肉質特別清爽彈牙 做刺身是很棒的選擇 日本蕃茄 比普通蕃茄的糖度高1.5倍 可以清一清味蕾 準備食主菜 吉列黑毛和牛配白飯、漬物 採用A5宮崎黑毛和牛 吉列和牛外皮很薄 炸得香脆唔油膩 真正外脆內軟 保持到肉汁 油脂比例豐富 評分: 味道 5 環境 4 服務 5 衛生 5 抵食 4
|